ပြည်တွင်းသတင်း

မတ်လ ၃၁ ရက် စစ်ကော်မရှင်က အစိုးရဖွဲ့နိုင်ဖို့အတွက် သမ္မတလောင်းစာရင်း တင်သွင်းတဲ့နေ့မှာပဲ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (Steering Council for the Emergence of a Federal Democratic Union – SCEF) ကို တရားဝင်ဖွဲ့စည်းလိုက်ကြောင်းနဲ့ အသွင်ကူးပြောင်းရေးကာလ အစီအမံတွေကို လက်တွေ့အကောင်အထည်ဖော်နိုင်ဖို့ တော်လှန်ရေးအရှိန်မြှင့်တင်သွားမယ်လို့ မတ်လ ၃၀ ရက်နေ့မှာ ထုတ်ပြန်ကြေညာလိုက်ပါတယ်။ ဒီကောင်စီကို ကချင်လွတ်လပ်ရေးအဖွဲ့ (KIO)၊ ကရင်အမျိုးသားအစည်းအရုံး (KNU)၊ ချင်းအမျိုးသားတပ်ဦး (CNF) နဲ့ ကရင်နီအမျိုးသားတိုးတက်ရေးပါတီ (KNPP) စတဲ့ တိုင်းရင်းသားလက်နက်ကိုင်တော်လှန်ရေးအဖွဲ့အစည်း (EROs) ၄ ဖွဲ့ရဲ့ ကိုယ်စားပြုမဏ္ဍိုင်၊ ပြည်သူ့လွှတ်တော်ကိုယ်စားပြုကော်မတီ (CRPH) ပါဝင်တဲ့ ပြည်သူ့ကိုယ်စားပြုမဏ္ဍိုင်နဲ့ အမျိုးသားညီညွတ်ရေးအစိုးရ (NUG) အပါအဝင် အမျိုးသမီးကိုယ်စားပြုမဏ္ဍိုင်တို့နဲ့ အခြေခံပြီး တရားဝင်ဖွဲ့စည်းခဲ့တာဖြစ်တယ်လို့သိရပါတယ်။ “ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ” (Steering Council for…

မတ်လ ၃၀ ရက်။ သမ္မတရွေးချယ်တင်မြှောက်ရေးအဖွဲတွင် ပါဝင်သော ရွေးကောက်ခံပြည်သူ့လွှတ်တော်ကိုယ်စားလှယ်များအစုအဖွဲ့နဲ့အမျိုးသားလွှတ်တော်ကိုယ်စားလှယ်များအစုအဖွဲ့အစည်းအဝေး များကို ဒီနေ့ မတ်၃၀ ရက်က ပြည်သူ့လွှတ်တော်နဲ့အမျိုးသားလွှတ်တော်တွေမှာ ကျင်းပရာ ပြည်သူ့လွှတ်တော်က ဒုတိယသမ္မတလောင်းတစ်ဦး အဖြစ် အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်နှင့် အမျိုးသားလွှတ်တော်က ကရင်ပြည်နယ်လွှတ်တော်မှ ပြည်ထောင်စုကြံ့ခိုင်ရေးနှင့်ဖွံဖြိုးပါတီအမတ် ဒေါ်နန်းနီနီအေးတို့ကို အမည်စာရင်းတင်သွင်းအဆိုပြုခဲ့ကြကြောင်းသိရပါတယ်။ ဒေါ်နန်းနီနီအေးဟာ ၂၀၁၅ ၊၂၀၂၀ ရွေးကောက်ပွဲတွေမှာ ကရင်ပြည်နယ်မှအနိုင်ရခဲ့တဲ့ လွှတ်တော်ကိုယ်စားလှယ်ဟောင်း ၁ ဦးဖြစ်ခဲ့ကာ လက်ရှိမှာတော့ သူမဟာ မြန်မာနိုင်ငံရဲ့ပထမဆုံးအမျိုးသမီးဒုသမ္မတဖြစ်လာတော့မှာဖြစ်ပါတယ်။

မတ်လ ၂၇ ရက်။ မတ်လ ၂၅ ရက်က မကွေးတိုင်း၊ငဖဲမြို့နယ် မန်းချောင်း(ကြောင်သိုးဆည်)သို့စစ်ကြောင်းထိုးလာတဲ့ စစ်ကော်မရှင်တပ်နဲ့တိုက်ပွဲဖြစ်ပွါးပြီး စစ်ကော်မရှင်တပ်ဖွဲ့ဝင် ၂၀ ဦးသေဆုံးကြောင်း ချင်းကာကွယ်ရေးတပ်(CDF-Asho)က မတ်လ ၂၆ ရက်မှာသတင်းထုတ်ပြန်ပါတယ်။ ငဖဲမြို့အနောက်ဘက် တောရကျောင်းတွင် တပ်စွဲထားသော အင်အား ၅၀ ကျော်ပါသော စစ်ကော်မရှင် စစ်ကြောင်းသည် ငဖဲမြို့နယ်၊ မန်းချောင်း (ကြောင်နွားသိုး) ဆည်သို့ စစ်ကြောင်းထိုးလာပြီး ယာယီတပ်စွဲစဉ်၊ မတ်လ ၂၅ ရက် သန်းခေါင်ယံ ၁၂ နာရီခန့်မှာ မန်းချောင်းဆည် (ကြောင်နွားသိုး) ရေပိုလွှဲ အရှေ့ဘက် မီတာ ၉၀၀ ကျော်အတွင်း ယာယီတပ်စွဲထားသော စစ်ကော်မရှင်တပ်ကို ချင်းကာကွယ်ရေးတပ် – အရှို နှင့် လူ့ဘောင်သစ် တပ်မတော် (NSA) တို့ ပူးပေါင်း၍ ထိုးစစ်ဆင်…

မတ်လ ၁၈ ရက်။ တတိယအကြိမ် အမျိုးသားလွှတ်တော် အစည်းအဝေးကို အာဏာသိမ်း စစ်ကော်မရှင်က ဒီကနေ့ မတ်လ ၁၈ ရက်နေ့မှာ နေပြည်တော်ရှိ အမျိုးသားလွှတ်တော်မှာ စကျင်းပပြီး အမျိုးသားလွှတ်တော် ဥက္ကဌ နေရာအတွက် ဗိုလ်ချုပ်ကြီးဟောင်း ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ(USDP) အမတ် ဦးအောင်လင်းဒွေးကို ရွေးချယ်ခန့်အပ်ခဲ့ပါတယ်။ အမျိုးသားလွှတ်တော် ဥက္ကဌနေရာအတွက် လက်ရှိ အမျိုးသားကာကွယ်ရေးနဲ့ လုံခြုံရေးကောင်စီရုံးရဲ့ အမှုဆောင်ချုပ်လည်းဖြစ်တဲ့ ဦးအောင်လင်းဒွေးကို ခန့်အပ်ခဲ့ပြီး ဒုဥက္ကဌ အဖြစ် ကချင်ပြည်နယ်အမတ် ဦးဂျာဖမ်းနော်တောင်ကို ခန့်အပ်ခဲ့ပါတယ်။ လက်ရှိ အမျိုးသားလွှတ်တော် ဥက္ကဌနဲ့ ဒုဥက္ကဌ နေရာတွေမှာ တာဝန်ထမ်းဆောင်တော့မယ့် သူတွေဟာ အာဏာသိမ်းစစ်ကော်မရှင်ကျင်းပတဲ့ ရွေးကောက်ပွဲမှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီကနေ ဝင်ရောက် ယှဉ်ပြိုင်ပြီး အနိုင်ရခဲ့သူတွေလည်းဖြစ်တယ်လို့ သိရပါတယ်။ ပြည်ထောင်စုလွှတ်တော်မှာ သမ္မတရွေးချယ်တာကို ပြုလုပ်ပြီး အဲဒီလုပ်ငန်းစဉ်ကို…

မတ်လ ၁၆ ရက်။ နိုင်ငံတကာကလွှတ်တော်တွေနဲ့ ပူးပေါင်းဆောင်ရွက်မှု မြှင့်တင်ပြီး တော်လှန်ရေးအစိုးရရဲ့ ဖြစ်တည်မှုမြှင့်တင်ပေးကြဖို့ ဒီကနေ့ မတ်လ ၁၆ ရက်နေ့မှာ ကျင်းပတဲ့ ပြည်ထောင်စု လွှတ်တော် ကိုယ်စားပြု ကော်မတီ – CRPH ရဲ့ နဝမအကြိမ် ပြည်ထောင်စုလွှတ်တော် အစည်းဝေးမှာ အမျိုးသားညီညွှတ်ရေးအစိုးရ (NUG) ယာယီသမ္မတ ဒူဝါလရှီးလက ပြောကြားခဲ့ပါတယ်။ အာဏာသိမ်းစစ်အုပ်စုက လွှတ်တော်ခေါ်တဲ့ဒီကနေ့ မတ်လ ၁၆ ရက်မှာဘဲ ၂၀၂၀ ရွေးကောက်ပွဲမှာ ရွေးကောက်တင်မြှောက်ခံရတဲ့ လွှတ်တော်ကိုယ်စားလှယ်တွေနဲ့ ဖွဲ့စည်းထားတဲ့ ပြည်ထောင်စု လွှတ်တော် ကိုယ်စားပြု ကော်မတီ – CRPH ကလည်း နဝမအကြိမ်မြောက် ပြည်ထောင်စု လွှတ်တော် အစည်းအဝေးခေါ်ယူကျင်းပခဲ့ကြပါတယ်။ NUG ယာယီသမ္မတ ဒူဝါလရှီးလက “ ကျွန်တော့်အနေနဲ့ ပြောကြားလိုတာကတော့…

မတ်လ ၁၆ ရက်။ စစ်ကိုင်းတိုင်း၊ ကလေးမြို့၊ မော်လိုက်အကျဉ်းထောင်မှာ ထောင်ဒဏ် (၁၀) နှစ် ချမှတ်ခံထားရတဲ့ နိုင်ငံရေးအကျဉ်းသား ကိုဝင်းမြင့်စိုးဟာ ထောင်တွင်း ကျန်းမာရေးစောင့်ရှောက်မှု လုံလောက်စွာ မရရှိခဲ့ဘဲ ပြင်းထန်သော ရောဂါဝေဒနာဖြင့် မတ်လ ၁၃ ရက်နေ့က ကွယ်လွန်ခဲ့ပြီး အလောင်းကိုလည်း မိသားစုထံ လွှဲပြောင်းပေးခြင်းမရှိဘဲ အာဏာပိုင်များအစီအစဉ်ဖြင့်သာ မီးသဂြိုလ်ခဲ့ကြတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) ရဲ့ မတ်လ ၁၅ ရက်နေ့ ထုတ်ပြန်ချက်အရ သိရပါတယ်။ နိုင်ငံရေးအကျဉ်းသား ကိုဝင်းမြင့်စိုး (၅၄ နှစ်)ဟာ ၂၀၂၁ ခုနှစ်၊ စစ်တပ်မှ အာဏာသိမ်းပြီးနောက် “စစ်အာဏာရှင်ဆန့်ကျင် လှုပ်ရှားမှုများကြောင့် ၂၀၂၁ ခုနှစ်၊ ဩဂုတ်လ ၁၅ ရက်နေ့တွင် ဖမ်းဆီးခြင်းခံခဲ့ရပြီး ပုဒ်မ ၅၀၅-ကနှင့် ၃၀၂(က)…

မတ်လ ၁၆ ရက်။ အာဏာသိမ်း စစ်ကော်မရှင်က ဒီကနေ့ မတ်လ ၁၆ ရက်နေ့ မနက်ပိုင်းမှာ နေပြည်တော်ရှိ လွှတ်တော်အဆောက်အအုံတွင် ပြည်သူ့လွှတ်တော်အစည်းအဝေးကိုစတင်ခေါ်ယူကျင်းပခဲ့ပြီးပြည်သူ့လွှတ်တော် ဥက္ကဌအဖြစ် ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ (USDP)ဥက္ကဌ ဦးခင်ရီ နဲ့ပြည်သူ့လွှတ်တော်ဒုတိယဥက္ကဌအဖြစ် လက်ရှိစစ်ကော်မရှင် ပြန်ကြားရေး ဝန်ကြီး ဦးမောင်မောင်အုန်းကို ရွေးချယ်ခဲ့တယ်လို့ သိရပါတယ်။ ၂၀၂၀ ရွေးကောက်ပွဲမှာ မဲမသမာမှုရှိတယ်ဆိုတဲ့ စွပ်စွဲချက်နဲ့ အနိုင်ရပါတီ NLD ပါတီက ၂၀၂၁ ခုနှစ် ၊ ဖေဖော်ဝါရီမှာ လွှတ်တော်စဖို့ ပြင်နေချိန် စစ်တပ်က အာဏာသိမ်းခဲ့ပြီး ၅ နှစ်အကြာ ၂၀၂၅ နှစ်ကုန်မှာ အာဏာသိမ်းစစ်တပ်က ရွေးကောက်ပွဲလုပ်ပြီး ရွေးကောက်ပွဲမှာ လွှတ်တော်နေရာအများစုကို ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ (USDP)ကအနိင်ရခဲ့ကာ ၂၀၂၆ ခုနှစ် ဒီကနေ့ မတ်လ ၁၆ ရက်နေ့မှာ…

မတ်လ ၁၁ ရက်။ နိုင်ငံတော်အတွက်ဖြစ်သင့်ဖြစ်ထိုက်တဲ့လိုက်လျောမှုတွေကို ဆောင်ရွက်ပေးသွားမှာဖြစ်သလို တိုင်းရင်းသားလက်နက်ကိုင်အဖွဲ့တွေအနေနဲ့ ဒေသနဲ့နိုင်ငံတော်အကျိုးကိုသာ ဦးတည်ပြီး ဖြစ်နိုင်တာတွေကိုသာ တောင်းဆိုသွားကြဖို့လိုအပ်တယ်လို့ အာဏာသိမ်းစစ်ကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က မတ်လ၁၀ရက်က ပြုလုပ်တဲ့ ၂၀၂၁ခုနှစ်မှ ၂၀၂၅ခုနှစ်အတွင်း နိုင်ငံတော်အစိုးရဲ့ နိုင်ငံတော်ဖွံ့ဖြိုးတိုးတက်စေရေး ဆောင်ရွက်ခဲ့မှုနဲ့ပတ်သက်ပြီး ပြန်လည်သုံးသပ်ဆွေးနွေးပွဲမှာ ပြောကြားခဲ့ပါတယ်။ ငြိမ်းချမ်းမှုမရှိရင် နိုင်ငံဖွံ့ဖြိုးတိုးတက်မှုကို ဖော်ဆောင်ဖို့ များစွာအခက်အခဲရှိနေဦးမှာဖြစ်တဲ့အတွက် ငြိမ်းချမ်းရေးကို မဖြစ်မနေ ဖော်ဆောင်ကြရမှာဖြစ်တယ်လို့လည်း ဗိုလ်ချုပ်မှူးကြီးမင်းအောင်လှိုင်က ဆိုပါတယ်။ လက်ရှိအစိုးရလက်ထက်မှာ NCAလက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်းတွေနဲ့ ၈၉ကြိမ်၊ NCAလက်မှတ် မရေးထိုးရသေးတဲ့ တိုင်းရင်းသားလက်နက်ကိုင်အဖွဲ့အစည်းတွေနဲ့ ၂၅ကြိမ်၊ နိုင်ငံရေးပါတီတွေနဲ့ ၂၂ကြိမ်၊ ငြိမ်းချမ်းရေးအကျိုးဆောင်တွေနဲ့ ၁၃ကြိမ် စုစုပေါင်း ၁၄၉ကြိမ် တွေ့ဆုံညှိနှိုင်းခဲ့တယ်လို့ ပြောပါတယ်။ အဲဒီလိုဆွေးနွေးတဲ့နေရာမှာ တိုင်းရင်းသားလက်နက်ကိုင်အဖွဲ့တွေရဲ့ တောင်းဆိုချက်တွေ၊ ဖွဲ့စည်းပုံအခြေခံဥပဒေ(၂၀၀၈ခုနှစ်) ပြင်ဆင်ရေးကိစ္စရပ်တွေ၊ ဒေသနဲ့တိုင်းပြည်အတွက် အမှန်တကယ်လိုအပ်ပြီး ဖြစ်သင့်ဖြစ်ထိုက်တဲ့အချက်တွေကို အကျေအလည်ဆွေးနွေးနိုင်ခဲ့သလို…

မတ်လ ၄ ရက်။ စစ်ကိုင်းတိုင်း၊ ကလေးမြို့ပေါ်မှာစက်သုံးဆီ အလုအယက် ဝယ်ယူနေကြကာ စက်သုံးဆီဈေးနှုန်းတွေ ဈေးတက်နေတယ်လို့ ကလေးမြို့နေ ဒေသခံတွေ ဆီကနေ သိရပါတယ်။ ကလေးမြို့နေ ဒေသခံတစ်ဦးက “ဆိုင်​တွေမတူညီကြဘူး အရပ်ထဲက အရင်က​လှောင် ထားတဲ့သူ​တွေက​တော့ ​​စျေးကစား ​နေကြတယ်လို့ သိရတယ် လက်ရှိဆီဈေးတွေက တက်ရုံတင်မကဘူး အဆမတန်သို​လှောင်မူ့က အန္တရာယ်စိုးရိမ်အမှတ်ရောက်နေတယ်” လို့ပြောပါတယ်။ ကလေးမြို့ အရင် (BOC) မြမြတ်တ္တာမွန်ဆိုင် မှာ ဒေသခံ အမြောက်အများ လောင်စာဆီ ဓာတ်ဆီရရှိဖို့ တန်းစီကာ အလုယက်ဝယ်ယူနေကြပြီး စက်သုံးဆီ တဂါလံကို ၂၉၀၀၀ အထိ ဈေးပေါက်နေတယ်လို့လည်း ဒေသခံတွေဆီကနေ သိရပါတယ်။ ” တချို့ဆီဆိုင်တွေဆိုရင် ၂၉၀၀၀ မကဘူး ၊ ၅ ထောင် ၊ ၁ သောင်း…

မတ်လ ၂ ရက်။ အာဏာသိမ်း စစ်ကော်မရှင်က မတ်လ ၂ ရက် တောင်သူလယ်သမားနေ့ အထိမ်းအမှတ်နဲ့ လွတ်ငြိမ်းချမ်းသာခွင့်နဲ့လွှတ်ပေးလိုက်တဲ့အထဲ စစ်ကိုင်းတိုင်း၊ ကလေးမြို့ မော်လိုက်အကျဉ်းထောင်ကနေ နိုင်ငံရေးအကျဉ်းသား / အကျဉ်းသူ အများစုပါဝင်တဲ့ ၁၁၅ ဦးကို လွတ်ပေးလိုက်တယ်လို့ နိုင်ငံရေးအကျဉ်းသားများအရေးနဲ့ နီးစပ်တဲ့ ဒေသခံတွေဆီကနေသိရပါတယ်။ နိုင်ငံရေးအကျဉ်းသားများအရေးနဲ့ နီးစပ်သူဒေသခံတစ်ဦးက “ နိုင်ငံရေးအကျဉ်းသူ ၂၅ ဦး ၊ အကျဉ်းသား က ၈၁ ယောက်လို့ စာရင်းအတိအကျသိရတယ် ၊ ကျန်တာကတော့ တခြားပြစ်မှုတွေနဲ့ ပြန်လွတ်တဲ့သူတွေ” လို့ပြောပါတယ်။ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားကွန်ရက် ( PPNM) ရဲ့ ကနဦးရရှိထားတဲ့ နိုင်ငံရေးအကျဉ်းသား လွတ်လာတဲ့ ဦးရေမှာ ကလေးမြို့မော်လိုက်အကျဉ်းထောင်ကနေ အမျိုးသား ၈၁ ဦးနဲ့ အမျိုးသမီး…