ပြည်တွင်းသတင်း

ဒီဇင်ဘာလ ၂ ရက်။ အမျိုးသားညီညွှတ်ရေးအစိုးရ (NUG) အဖွဲ့မှာ မပါဝင်တော့ပေမယ့် မြန်မာပြည်သူတွေ အားလုံးရဲ့ အသံကို ကမ္ဘာက ကြားသိစေရန် နိုင်ငံတကာ ထိတွေ့ဆက်ဆံမှုတွေကို ချဲ့ထွင်သွားမှာဖြစ်တယ်လို့ ဒေါက်တာဆာဆာက သူ့ရဲ့လူမှုကွန်ယက် ဖေ့ဘုတ်မှာ ဒီဇင်ဘာလ ၁ ရက်နေ့က အသိပေး ထုတ်ပြန်ထားပါတယ်။ ၂၀၂၅ ခုနှစ် ၊ သြဂုတ်လအတွင်း အမျိုးသားညီညွှတ်ရေးအစိုးရ (NUG) ရဲ့ ပြုပြင်ပြောင်းလဲမှု လုပ်ငန်းစဉ်တွေရဲ့ အစိတ်အပိုင်းတစ်ရပ်အနေဖြင့် နိုင်ငံတကာပူးပေါင်းဆောင်ရွက်ရေးဝန်ကြီးဌာနကို ဖျက်သိမ်းတော့မှာဖြစ်တဲ့အကြောင်း ယာယီသမ္မတ၊ ပြည်ထောင်စုဝန်ကြီးချုပ်နှင့် ပြည်ထောင်စုလွှတ်တော်ကိုယ်စားပြုကော်မတီ ( CRPH) ဥက္ကဌတို့က သူ့ကို အသိပေးအကြောင်းကြားခဲ့တယ်လို့ အမျိုးသားညီညွှတ်ရေးအစိုးရ (NUG)ကနေ နုတ်ထွက်တာနဲ့ ပက်သက်လို့ ဒေါက်တာဆာဆာက ရှင်းပြထားပါတယ်။ အမျိုးသားညီညွှတ်ရေးအစိုးရ (NUG)မှာ အပြည်ပြည်ဆိုင်ရာပူးပေါင်း ဆောင်ရွက်ရေးဝန်ကြီးဌာန၏ ပြည်ထောင်စုဝန်ကြီး တာဝန်ယူထားတဲ့…

ဒီဇင်ဘာလ ၂ ရက်။ စစ်ကိုင်းတိုင်း၊ ကလေးမြို့၊ မော်လိုက်အကျဉ်းထောင်က မနေ့ဒီဇင်ဘာလ ၁ ရက်နေ့မှာ လွတ်ရက်နီးနေတဲ့ နိုင်ငံရေးအကျဉ်းသားတွေနဲ့ ထောင်နှစ်ရှည်ထောင်ဒဏ်ချခံထားရသူတချို့ကို ထပ်မံပြန်လွှတ်ပေးခဲ့ တယ်လို့ နိုင်ငံရေးအကျဉ်းသားအရေး ကိစ္စတွေနဲ့ နီးစပ်တဲ့ ဒေသခံတွေဆီကနေ သိရပါတယ်။ မနေ့က ကလေးမြို့ မော်လိုက်အကျဉ်းထောင်ကနေ ပြန်လွတ်ပေးလိုက်တဲ့အထဲ အမျိုးသမီးနိုင်ငံရေးအကျဉ်းသူ ၂ ဦးနဲ့ အမျိုးသား ၉ ဦး စုစုပေါင်း ၁၁ ဦးကို ပြန်လွတ်ပေးခဲ့တာလို့ နိုင်ငံရေးအကျဉ်းသားအရေး ကိစ္စတွေနဲ့ နီးစပ်တဲ့ ဒေသခံတစ်ဦးက ပြောပါတယ်။ ဒေသခံတစ်ဦးက “မနေ့က ကလေးထောင်ကနေ နိုင်ငံရေးအကျဉ်းသား ၅၂ (က)၊ ၅၀၅ (က) အဲလိုမျိုးအမှုတွေ တချို့ကတော့ လွတ်ဖို့ ၁ နှစ်နီးပါးကျန်တဲ့သူတွေ အများစုကတော့ လွတ်ခါနီးပြီပေါ့ လပိုင်းလိုတဲ့ဟာတွေ အမျိုးသမီး…

နိုဝင်ဘာလ ၂၇ ရက်။ စစ်ကိုင်းတိုင်း ၊ ကလေးမြို့ ၊ မော်လိုက်အကျဉ်းထောင်ကနေ ဒီကနေ့ နိုဝင်ဘာလ ၂၇ ရက်မနက်မှာ ရာဇသတ်ကြီးပုဒ်မ ၅၀၅ (က) ဖြင့် ထောင်ကျနေတဲ့ နိုင်ငံရေးအကျဉ်းသူ ၅ ဦးသာ ပြန်လွတ်လာတယ်လို့ နိုင်ငံရေးအကျဉ်းသားအရေးကိစ္စနဲ့ နီးစပ်တဲ့ ဒေသခံတွေက ပြောပါတယ်။ ကလေးမြို့ဒေသခံတစ်ဦးက “ အတိအကျ သိရတာက အမျိုးသားမပါဘူး နိုင်ငံရေးအကျဉ်းသူ မိန်းကလေး ၅ ယောက်လောက်ဘဲ လွတ်လာတယ်လို့ ပြောတယ် ၅၀၅ ပုဒ်မနဲ့ ၅ ယောက်ဘဲ လွတ်တာပေါ့ မော်လိုက်ကလေးထောင်မှာ နိုင်ကျဉ်းက ၅၀၀ ကျော်မှာပေါ့ အမျိုးသားက ၄၀၀ကျော် အမျိုးသမီးက ၁ ရာကျော်လောက်ရှိတာပေါ့ အခုနောက်ပိုင်းမှာ ၅၀၅ ပုဒ်မနဲ့ သီးသန့် အမိန့်ချဖမ်းတာ…

နိုဝင်ဘာလ ၂၆ ရက်။ မြန််မာနိုင်ငံမှာ ၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်း ရာဇသတ်ကြီးပုဒ် ၅၀၅(က)ဖြင့်ထောင်ကျနေသူ၊ထွက်ပြေးတိမ်းရှောင်နေရသူနဲ့ အမူရင်ဆိုင်နေရသူ စုစုပေါင်းလူ ၈ ထောင်ကျော်ကို လွတ်ငြိမ်းခွင့်ပေး၊အမှုပိတ်သိမ်းကြောင်း အာဏာသိမ်းစစ်ကော်မရှင်က နိုဝင်ဘာလ ၂၆ ရက်မှာ ကြေညာလိုက်ပါတယ်။ ၅၀၅(က)ဖြင့် ပြစ်မှုကျခံနေသူ ၇၂၄ ဦးအား လွတ်ငြိမ်းချမ်းသာခွင့်ပြုကြောင်း၊၅၀၅(က)ဖြင့် ပြစ်ဒဏ်ကျခံနေသူ၂၃၆၁ ဦးအား ကျခံရန် ကျန်ရှိသော ပြစ်ဒဏ်များကို လျော့ပေါ့၍ လွတ်ငြိမ်းသက်သာခွင့်ပြုကြောင်း၊၅၀၅(က)ဖြင့် ထွက်ပြေးတိမ်းရှောင်သဖြင့်၅၁၂ ဖြင့် တရားစွဲဆိုခံရသူ ၅၅၈၀ ဦး အားကြားနာစစ်ဆေးဆဲအမှုများ ပိတ်သိမ်းလိုက်ကြောင်းအာဏာသိမ်းစစ်ကော်မရှင်က ကြေညာလိုက်ပါတယ်။ နို၀င်ဘာလ ၂၅ ရက်မှာ အမေရိကန်အစိုးရရဲ့ မြန်မာနိုင်ငံသားတွေအပေါ် ပေးအပ်ထားတဲ့ ယာယီခိုလှုံခွင့်အကာအကွယ်ပေးမှု(TPS )ကို ရပ်ဆိုင်းပြီးနောက်ရက်မှာပဲ စစ်ကော်မရှင်က လွတ်ငြိမ်းခွင့်ထုတ်ပြန်လာတာဖြစ်ပါတယ်။

နိုဝင်ဘာလ ၁၃ ရက်။ စစ်ကိုင်းတိုင်း၊ကလေးမြို့နယ်အတွင်း ပထမအကြိမ် လူထုတိုက်ပွဲ ညီလာခံကို အောက်တိုဘာလအတွင်းက ပြုလုပ်ခဲ့ပြီး ညီလာခံတက်ရောက်လာကြသူများက စစ်ကော်မရှင် ပြုလုပ်မည့် အတုအယောင် ရွေးကောက်ပွဲကို အကြွင်းမဲ့ ဆန့်ကျင်တိုက်ဖျက်သွားရန် သဘောထား ညီညွတ်စွာ ချမှတ်ခဲ့ကြောင်း ကလေးမြို့လူထုတိုက်ပွဲ ဦးဆောင်ကော်မတီက နိုဝင်ဘာလ ၁၁ ရက်မှာ ထုတ်ပြန်ထားပါတယ်။ ကလေးမြို့နယ်၏ ပထမအကြိမ် လူထုတိုက်ပွဲ ညီလာခံသို့ ကလေးမြို့ လွတ်မြောက်နယ်မြေများတွင် ကလေးဒေသအတွင်းရှိ ရပ်ရွာ အသီးသီးမှ ဒေသခံ ကိုယ်စား လှယ် စုစုပေါင်း ၁၂၀ ဦး တက်ရောက်ခဲ့ကြေကြာင်း၊ပထမအကြိမ် လူထုတိုက်ပွဲ ညီလာခံတွင် စစ်ကော်မရှင်၏ အတုအယောင် ရွေးကောက်ပွဲကို ပြည်သူတစ်ရပ်လုံးနှင့် အတူ အကြွင်းမဲ့ ဆန့်ကျင် တိုက်ဖျက်သွားရန် အပါအဝင် ကလေးမြို့ အခြေပြု တော်လှန်ရေးအဖွဲ့အစည်းများအနေနှင့်…

နိုဝင်ဘာလ ၁၂ ရက်။ စစ်ကိုင်းတိုင်း၊ ကလေးမြို့ မော်လိုက်အကျဉ်းထောင်မှာ ထောင်ပိုင် ဦးအောင်မိုးဝင်းနှင့် အကျဉ်းဦးစီးအရာရှိဝန်ထမ်းတွေက နိုင်ငံရေးအကျဉ်းသားအပါအဝင် အကျဉ်းသားတွေကို အသုံးချပြီး ငွေကြေးရှာဖွေနေမှုတွေ လာဘ်စားနေမှုများ နှင့် ကိုယ်ကျိုးစီးပွားရှာဖွေနေတဲ့ လုပ်ရက်တွေအတွက် တာဝန်ခံမှု အမြန်ရှိစေဖို့ ကြိုးပမ်းဆောင်ရွက်နေတယ်လို့ နိုဝင်ဘာလ ၁၀ ရက်နေ့မှာ မြန်မာ နိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)အဖွဲ့ က ထုတ်ပြန်ပါတယ်။ မော်လိုက်ကလေးအကျဉ်းထောင်ရှိ ထောင်အာဏာပိုင်များ၏ လူ့အခွင့်အရေးချိုးဖောက်မှုများ၊ အကျဉ်းသားများအပေါ် ဖိနှိပ်မှုများနှင့် လာဘ်စားမှုများအား စောင့်ကြည့်မှတ်တမ်းကောက်ယူလျှက်ရှိရာ ထောင်ပိုင်ဦးအောင်မိုးဝင်းသည် နိုင်ငံရေးအကျဉ်းသားများကို ဖိနှိပ်မှုများနှင့်ပတ်သက်၍ တာဝန်အရှိဆုံးသူဖြစ်သည့်အပြင် လာဘ်စားမှုများတွင်လည်း အဓိက ဦးဆောင်လျှက်ရှိနေသည်ကို စိစစ်တွေ့ရှိရတယ်လို့ PPNM က ဆိုပါတယ်။ အဓိကငွေရှာနေသည့် လမ်းကြောင်းအနေနဲ့ ပရိဘောဂပစ္စည်းထုတ်လုပ်ရေးကို အကျဉ်းသားများအား ဖိအားပေးခိုင်းစေ၍ အိမ်တွင်းသုံးနှင့် ဧည့်ခန်းသုံး ပစ္စည်းများကို ‌ရောင်းချပြီး တစ်လလျှင်…

နိုဝင်ဘာလ ၁၂ ရက်။ ချင်းပြည်နယ် ၊ ပလက်ဝမြို့နယ်ကနေ စစ်ဘေးရှောင်ကြတဲ့ ချင်းစစ်ဘေးရှောင်တွေ အနေများတဲ့ အိန္ဒိယနိုင်ငံ၊ မီဇိုရမ်ပြည်နယ်၊ ကာကီနဲ့ တွီဒန်းရွာမှာ နိုဝင်ဘာလဆန်းကနေ ဝမ်းပျက်ဝမ်းလျှောကူးစက်ရောဂါဖြစ်ပွါးနေတာကြောင့် ၄ ဦးသေဆုံးခဲ့ကာ ဒီကနေ့နိုဝင်ဘာလ ၁၂ ရက် မနက်မနက်ပိုင်းမှာလည်း ၂ ဦး ထပ်မံသေဆုံးခဲ့လို့ သေဆုံးသူ ၆ ဦးအထိရှိလာပြီ လို့ ဒေသခံတွေဆီကနေ သိရပါတယ်။ ဒေသခံတစ်ဦးက “ ဒီကနေ့မနက်ပိုင်းမှာလည်း ကာကီမှာ ၂ ယောက်ထင်တယ် စစ်ဘေးရှောင်လား ဒေသခံလားဆိုတာတော့ သေချာမသိရသေးဘူး ဝမ်းပျက်ဝမ်းလျှောကြောင့် သေတယ်။ ကာကီနဲ့ တွီဒန်းက နယ်စပ်ဒေသက ကျေးရွာဖြစ်တော့ အဓိက ဆေးဝါး မရှိလို့ သေဆုံးကြတာဖြစ်တယ် မူးဝေ၊ အော့အန် ၊ ဝမ်းပျက်၊ ဝမ်းလျှောဖြစ်ကြတယ် နိုဝင်ဘာလဆန်းကနေ…

နို၀င်ဘာလ ၁၁ ရက်။ စစ်ကိုင်းတိုင်း၊ ကလေးမြို့ ၊တာဟန်းရပ်ကွက်က နေအိမ်တစ်အိမ်ကို ပြီးခဲ့တဲ့ နိုဝင်ဘာလ ၈ ရက်နေ့က လက်နက်ဖြင့် ခြိမ်းခြောက်ကာ အနုကြမ်းစီးပြီး ကျပ်သိန်း ၃၀၀၀ ထုတ်ပေးဖို့ ဓားပြတိုက်ခဲ့တဲ့ စစ်ကော်မရှင်ခန့် အောင်သစ္စာရပ်ကွက်အုပ်ချုပ်ရေးမှူးအပါအဝင် ပျူစောထီး အဖွဲ့(ပြည်သူ့စစ်)တွေကို ဒီကနေ့ နိုဝင်ဘာလ ၁၁ ရက်နေ့မှာ စစ်ကော်မရှင်တပ်ဖွဲ့က အလုပ်ကြမ်းနဲ့ ထောင်ဒဏ် ၁၅ နှစ်ချမှတ်လိုက်တယ်လို့ ဒေသခံတွေက ပြောပါတယ်။ ပြီးခဲ့တဲ့ နိုဝင်ဘာလ ၈ ရက်နေ့ညပိုင်းက ကလေးမြို့ ၊ တာဟန်းရပ်ကွက်က နေအိမ်တစ်အိမ်ကို အောင်သစ္စာရပ်ကွက်က စစ်ကော်မရှင်ခန့် အုပ်ချုပ်ရေးမှူးဦးဆောင်ပြီး ပျူစောထီးတွေက တာဟန်းရပ်ကွက်ထဲက နေအိမ်တစ်အိမ်ကို ဓားပြတိုက်နေစဉ် အဲဒီညမှာဘဲ သူတို့ကို စစ်ကော်မရှင်တပ်ဖွဲ့က ဖမ်းဆီးမိခဲ့တာဖြစ်ပါတယ်။ ဒေသခံတစ်ဦးက “ ပြည်သူနေအိမ်တစ်အိမ်ကို…

နိုဝင်ဘာလ ၁၀ ရက်။ ရန်ကုန်တိုင်း၊ ရွှေပြည်သာမြို့နယ်မှာနေထိုင်တဲ့ ချင်းပြည်နယ်၊ ပလက်ဝမြို့နယ်၊ ဥဿလင်းဝကျေးရွာဇာတိဖြစ်သူ ခူမီး(ချင်း)လူငယ်တစ်ဦးဖြစ်တဲ့ အသက် (၁၈) နှစ်အရွယ် အထက်တန်းကျောင်းသား မောင်ညီညီမောင် ဟာ နိုဝင်ဘာလ (၇) ရက်နေ့က ပျောက်ဆုံးခဲ့ပြီး ဒီကနေ့ချိန်ထိ အဆက်အသွယ်မရလို့ မိသားစုဝင်တွေက စိတ်ပူနေကြကာ၊တွေ့ရှိရင် ဆက်သွယ်ပေးဖို့ အကူအညီတောင်းခံထားတယ်လို့ မိသားစုနဲ့ နီးစပ်သူတွေဆီကနေ သိရပါတယ်။ မိသားစုနဲ့ နီးစပ်သူတစ်ဦးက“ သူ့အမေက ရွှေပြည်သာမြို့နယ်၊ သာဓုကန်စက်မှုဇုံမှာ အလုပ်လုပ်တယ် အခုပျောက်သွားတဲ့ သူ့သားကလည်း အထက်တန်းကျောင်းသား ၁၁ တန်း တက်နေတာ ဒီသီတင်းကျွတ် ကျောင်းပိတ်တဲ့ချိန်ကစလို့ ကျောင်းနားပြီး အလုပ်လုပ်ချင်တယ်ဆိုလို့ သူ့အမေအလုပ်လုပ်တဲ့ သာဓုကန်စက်မှုဇုံမှာ အလုပ်လျှောက်ဖို့ သွားခဲ့တယ် သူ့အမေက အပြင်ကနေ စောင့်ဖို့ပြောပြီး သူက အလုပ်ဆက်လုပ်တယ် အဲဒီနေ့လည်ပိုင်းလောက်ကနေစပြီး ပျောက်သွားတာ…

နိုဝင်ဘာလ ၂ ရက်။ မကွေးတိုင်း၊ ငဖဲမြို့နယ်က စစ်ကော်မရှင်တပ်ရဲ့ နတ်ရေကန်ဗျူဟာကုန်း စခန်းကို စစ်ကူလာတဲ့ စစ်ကော်မရှင်တပ်ဖွဲ့ကို မဟာမိတ်ပူးပေါင်းတပ်ဖွဲ့နဲ့ တိုက်ပွဲကာလ ၂ လ အတွင်း ချင်းကာကွယ်ရေးတပ် – အရှို(CDF – Asho) တပ်ဖွဲ့ဝင် ၂ ဦး အသက်ပေးလှူခဲ့ရပြီး ခြေလက်အင်္ဂါဆုံးရှုံးသူနှစ်ဦးအပါအဝင် အခြားထိခိုက်ဒဏ်ရာရ တပ်ဖွဲ့ဝင် ၇ ဦး ရှိခဲ့တယ်လို့ CDF – Asho က နိုဝင်ဘာလ ၂ ရက်နေ့မှာ ထုတ်ပြန်ပါတယ်။ စက်တင်ဘာလဆန်းကစလို့ နတ်ရေကန်ဗျူဟာကုန်းကို စစ်ကူလာရောက်တဲ့ စစ်ကော်မရှင်မရှင် စစ်ကြောင်းတွေကို အခြားတော်လှန်ရေး မဟာမိတ်တပ်ဖွဲ့တွေနဲ့ ပူးပေါင်းလျှက် ကြားဖြတ်တိုက်ခိုက်ခြင်းဖြင့် ခုခံ ထိုးစစ်ဆင် တိုက်ခိုက်လျှက်ရှိနေတဲ့ကြောင်းကိုလည်း ဆိုပါတယ်။ စစ်ကော်မရှင်တပ်ဖွဲ့ကလည်း နတ်ရေကန်ဗျူဟာကုန်း မကျရှုံးရေးအတွက် လေကြောင်းပစ်ကူ၊…