ပြည်တွင်းသတင်း

ဧပြီလ ၃၀ ရက်။ ကဆုန်လပြည့်နေ့ အထိမ်းအမှတ်အားဖြင့်လည်းကောင်း၊ ပြည်သူလူထု နှလုံးစိတ်ဝမ်းအေးချမ်းစေရေး နဲ့ လူသားချင်းစာနာထောက်ထားမှု အားဖြင့် ဒီကနေ့ ဧပြီလ ၃၀ ရက်နေ့မှာ နိုင်ငံတဝန်းက အကျဉ်းသား / သူ ၁၅၀၈ ဦး ပြန်လွတ်ငြိမ်းပေးတဲ့အထဲ ကလေးမြို့ မော်လိုက်အကျဉ်းထောင်ကနေ အကျဉ်းသား ၃ ယောက်လွတ်လာတယ်လို့ နီးစပ်တဲ့ သတင်းရင်းမြစ်တွေထံကနေ သိရပါတယ်။ နိုင်ငံရေးအကျဉ်းသားအရေးနဲ့ နီးစပ်တဲ့ သတင်းရင်းမြစ်တစ်ဦးက “ ကလေးမြို့မော်လိုက်အကျဉ်းထောင်ကနေ ၃ ယောက်လွတ်လာတယ် ၊ လွတ်လာတဲ့ထဲ နိုင်ငံရေးအကျဉ်းသူ / အကျဉ်းသားတော့ မပါဘူး” လို့ ပြောပါတယ်။ လူသားချင်းစာနာထောက်ထားမှုကို အလေးထားတဲ့အနေဖြင့်လည်းကောင်း၊ နိုင်ငံတော်တည်ဆောက်ရေးမှာ ပါဝင်နိုင်စေရန် တို့အတွက် အကျဉ်းထောင်၊ အချုပ်ထောင် ၊ စခန်းအသီးသီးမှာ ပြစ်ဒဏ်ကျခံလျက်ရှိတဲ့ အကျဉ်းသား/…

ဧပြီလ ၂၈ ရက်။ ချင်းပြည်နယ်အပါအဝင် တိုင်းနှင့်ပြည်နယ်တချို့မှာ မိုးရွာသွန်းခြင်းနဲ့အတူ လေပြင်းတိုက်ခိုက်တာတွေ ဖြစ်ပေါ်နိုင်တာကြောင့် ကြိုတင်သတိပြုကြဖို့ မိုးလေဝသနှင့် ဇလဗေဒညွှန်ကြားမှုးဦးစီးဌာနက ဒီကနေ့ ဧပြီလ ၂၈ ရက်နေ့မှာ ထုတ်ပြန်ထားပါတယ်။ ချင်းပြည်နယ်အပါအဝင် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်တွင် နေရာစိပ်စိပ်၊ နေပြည်တော်၊ မကွေးတိုင်းဒေသကြီးနှင့် ရခိုင် ပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာမယ်လို့ ဆိုပါတယ်။ မိုးတိမ်တောင်များရွေ့လျားရာ နေရာတစ်လျှောက်တွင် မိုးရွာသွန်း ခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်တယ်လို့ ထုတ်ပြန်ထားပါတယ်။ နောက် ၂ ရက်အတွက်ခန့်မှန်းချက်အရလည်း နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်း တိုင်းဒေသကြီး၊…

ဧပြီလ ၂၃ ရက်။ မကွေးတိုင်း၊ ငဖဲမြို့နယ်မှာ အခြေစိုက်ထားတဲ့ အမှတ် (၁၄) ကာကွယ်ရေးပစ္စည်းစက်ရုံ ( ကပစ -၁၄) ကို ရှော့တိုက်ဒုံးဖြင့် တိုက်ခိုက်မှုအတွင်း စစ်ကော်မရှင်တပ်ဖွဲ့ဘက်က ဗိုလ်အဆင့်ရှိသူတွေအပါအဝင် စုစုပေါင်း ၃ ဦးသေဆုံးပြီး ၁၃ ဦး ထိခိုက်ဒဏ်ရာရ ခဲ့တယ်လို့ ချင်းကာကွယ်ရေးတပ် – အရှို(CDF-Asho)က ဧပြီလ ၂၂ ရက်နေ့က ထုတ်ပြန်ပါတယ်။ ချင်းကာကွယ်ရေးတပ် – အရှို တပ်ဖွဲ့က ငဖဲမြို့နယ်၊ ရှောက်တောင်ကျေးရွာအနီးက စစ်ကော်မရှင်တပ်ရဲ့ အမှတ် ၁၄ ကာကွယ်ရေးပစ္စည်းစက်ရုံ ( ကပစ – ၁၄) ကို ရှော့တိုက်ဒုန်းဖြင့် ဧပြီလ ၂၀ ရက်နေ့ နေ့လည်လောက်မှာ လူ့ဘောင်သစ်တပ်မတော် ( NSA) နဲ့…

ဧပြီလ ၂၂ ရက်။ ချင်းပြည်နယ်၊ ပလက်ဝမြို့နယ်၊ရခိုင်ပြည်နယ်တို့နဲ့ နယ်နိမိတ်ချင်း ထိစပ်နေတဲ့ ဘင်္ဂလားဒေ့ရှ်နိုင်ငံမှာ ဝက်သက်ရောဂါ ကူးစက်ပြန့်ပွားနေလို့ ပလက်ဝမြို့နယ်အပါအဝင် ရခိုင်ပြည်နယ်ထဲက မြို့နယ်တချို့မှာ အထူးသတိထားကြဖို့ အာရက္ခပြည်သူ့ကျန်းမာရေးဌာန( AHD) က ဧပြီလ ၂၀ ရက်နေ့မှာ သတိပေး ထုတ်ပြန်ထားပါတယ်။ ဘင်္ဂလားဒေ့ရှ်နိုင်ငံဘက်တွင် ဝက်သက်ရောဂါ ကူးစက်ပျံနှံ့မှု ဖြစ်ပွားနေတာ တစ်ပတ်ကျော်ကြာ ဖြစ်ပွားနေတာဖြစ်ပြီး ကူးစက်ခံရသူတွေထဲကနေ သေဆုံးလူနာတွေအထိ ရှိလာနေပြီး ကူးစက်ပျံ့နှံ့မှုတွေ ဆက်လက်ဖြစ်ပွားနေတာလို့ AHD ကဆိုပါတယ်။ ဝက်သက်ရောဂါဟာ လေထဲကတဆင့် ( ချောင်းဆိုးခြင်း၊ နှာချေခြင်း) အလွယ်တကူ ကူးစက်နိုင်သလို အသက်အရွယ်မရွေး ကူးစက်နိုင်ပြီး ကာကွယ်ဆေးမထိုးရသေးတဲ့ ကလေးတွေအတွက် အထူးအန္တရာယ်ရှိပြီး ရောဂါပြင်းထန်လျှင် အသက်ဆုံးရှုံးတာတွေထိ ဖြစ်နိုင်တယ်လို့ AHD က သတိပေးထားပါတယ်။ ရောဂါကူးစက်ခံရရင် အဖျားကြီးတာ၊…

ဧပြီလ ၁၈ ရက်။ ၂၀၂၁ ခုနှစ် စစ်အာဏာသိမ်းပြီးနောက် ၅ နှစ်ကျော်အကြာ ဖမ်းဆီးခံထားရာကနေ မနေ့က လွတ်မြောက်လာတဲ့ သမ္မတ ဦးဝင်းမြင့်ကို မြန်မာနိုင်ငံရဲ့ နိုင်ငံတော် သမ္မတအဖြစ် ဆက်လက် အသိအမှတ်ပြုထားဆဲဖြစ်တယ်လို့ အမျိုးသားညီညွှတ်ရေးအတိုင်ပင်ခံကောင်စီ(NUCC)က ဧပြီလ ၁၇ ရက်နေ့မှာ ထုတ်ပြန်ပါတယ်။ နိုင်ငံတော်သမ္မတ ဦးဝင်းမြင့်ဟာ ပြည်သူလူထုက ဒီမိုကရေနည်းလမ်းကျ အပ်နှင်းထားတဲ့ နိုင်ငံတော် သမ္မတ တာဝန်ထမ်းဆောင်နေစဉ် အာဏာသိမ်း စစ်အုပ်စုက ၎င်းတို့ရေးဆွဲထားတဲ့ ၂၀၀၈ ဖွဲ့စည်းပုံ အခြေခံဥပဒေကို ချိုးဖောက်ကာ နိုင်ငံတော်ပုန်ကန်မှု ကျူးလွန်ပြီး မတရားဖမ်းဆီးချုပ်နှောင်မှု ခံခဲ့ရခြင်းဖြစ်တယ်လို့ NUCC က မနေ့ဧပြီလ ၁၇ ရက်နေ့မှာ ပြန်လွတ်လာတဲ့ ဦးဝင်းမြင့်အား ကြိုဆိုနှုတ်ခွန်းဆက်သဝဏ်လွှာ မှာ ဖော်ပြထားပါတယ်။ မြန်မာနှစ်ဆန်းတစ်ရက်နေ့မှာ နိုင်ငံတော်သမ္မတ ဦးဝင်းမြင့်အနေဖြင့်…

ဧပြီလ ၂၀ ရက်။ အာဏာသိမ်းစစ်အုပ်စုရဲ့လေကြောင်းတိုက်ခိုက်မှုတွေဟာ ချင်းပြည်နယ်အပါအဝင် တိုင်းဒေသကြီးနှင့် ပြည်နယ်အလိုက် အင်တာနက်ဖြတ်တောက်မှု ဒဏ်ခံနေရတဲ့ နေရာအများစုမှာ ဖြစ်နေတာကို တွေ့ရတယ်လို့ ဇန်နဝါရီလ ကနေ မတ်လအတွင်း စစ်အုပ်စုရဲ့ လေကြောင်းတိုက်ခိုက်မှုတွေကို လ့လာဆန်းစစ်ထားတဲ့ အစီရင်ခံစာကို မြန်မာအင်တာနက်ပရောဂျက် ( MIP) က ဧပြီလ ၂၀ ရက်နေ့မှာ ထုတ်ပြန်ပါတယ်။ ၂၀၂၆ ခုနှစ် ၊ ဇန်နဝါရီလ ကနေ မတ်လအတွင်း လေကြောင်းတိုက်ခိုက်မှု ၄၂၃ ကြိမ် တိုက်ခိုက်ခဲ့ပြီး အကြိမ် ၄၀၆ ကြိမ် ( ၉၆ ရာခိုင်နှုန်းနီးပါး) ဟာ အင်တာနက်ဖြတ်တောက်မှု ဒဏ်ခံနေရတဲ့ ဒေသတွေမှာ ဖြစ်ပွားခဲ့ခြင်းဖြစ်တယ်လို့ ဆိုပါတယ်။ လေကြောင်းတိုက်ခိုက်မှု ဖြစ်စဉ်အားလုံးရဲ့ ၇၀ ရာခိုင်နှုန်းခန့်ဟာ စစ်အုပ်စုနဲ့ စစ်ရေးပဋိပက္ခပြင်းထန်နေတဲ့…

ဧပြီလ ၁၇ ရက်။ စစ်ကိုင်းတိုင်း၊ ကလေးမြို့နယ် ၊ မော်လိုက်ကလေးအကျဉ်းထောင်ကနေဧပြီလ ၁၇ ရက်(မြန်မာနှစ်ဆန်း ၁ ရက်နေ့)အထိမ်းအမှတ်အနေဖြင့် အကျဉ်းသူ / အကျဉ်းသား ၃၃ ယောက် ပြန်လွှတ်ပေးလိုက်တဲ့အထဲ နိုင်ငံရေးအကျဉ်းသား ၂၃ ဦးပါဝင်တယ်လို့ နီးစပ်တဲ့ သတင်းရင်းမြစ်တွေဆီကနေ သိရပါတယ်။ နိုင်ငံရေးအကျဉ်းသားအရေးနဲ့ နီးစပ်တဲ့သတင်းရင်းမြစ်တစ်ဦးက “ ကလေးအကျဉ်ထောင်ကနေ အကျဉ်းသူ ၊ အကျဉ်းသား ၃၃ ယောက် လွှတ်လိုက်တဲ့ထဲ နိုင်ငံရေးအကျဉ်းသား ၂၁ ယောက်၊ နိုင်ငံရေးအကျဉ်းသူက ၂ ယောက် ပြန်လွှတ်လာတယ်” လို့ပြောပါတယ်။ အာဏာသိမ်းစစ်အစိုးရက မြန်မာနှစ်ဆန်းတစ်ရက်နေ့ အထိမ်းအမှတ်အနေဖြင့် အကျဉ်းထောင်အသီးသီးမှာ ပြစ်ဒဏ်ကျခံနေရတဲ့ အကျဉ်းသား၊ အကျဉ်းသူ ၄၃၅၃ ဦးကို ရာဇဝတ်ကျင့်ထုံးဥပဒေ ပုဒ်မ ၄၀၁ ၊ ပုဒ်မခွဲ…

ဧပြီလ ၁၇ ရက်။ ၂၀၂၆ ခုနှစ်၊ ဧပြီလ ၁၇ ရက် မြန်မာနှစ်ဆန်း (၁)ရက်နေ့မှာ အာဏာသိမ်းသမ္မတ ဦးမင်းအောင်လှိုင်မှ သမ္မတဦးဝင်းမြင့်အား လက်ရှိကျခံနေရသော ပြစ်ဒဏ်များအားလုံးအား လွတ်ငြိမ်းချမ်းသာခွင့်ပြုခဲ့ပြီး မိသားစုထံ ပြန်လည်စေလွှတ်ခဲ့ကြောင်း သိရှိရပါတယ်။ ဦးဝင်းမြင့် အနေဖြင့် စစ်တပ်အာဏာသိမ်းတဲ့ ၂၀၂၁ ခုနှစ်မှစပြီး အဂတိအမှု(၄)မှုအပြင် ပုဒ်မ ၁၃၀-က တို့ဖြင့် စုစုပေါင်း ထောင်ဒဏ် (၉)နှစ်နှင့် (၆)လ ကျခံခဲ့ရသူဖြစ်ပြီး ယခုအခါ ကျန်ရှိနေသော ပြစ်ဒဏ်များကို လျှော့ပေါ့ပေး၍ လွတ်ငြိမ်းချမ်းသာခွင့် ပေးခဲ့ခြင်းဖြစ်ကြောင်း သိရှိရပါတယ်။ ယ​နေ့ မြန်မာနှစ်ဆန်းတစ်ရက်​နေ့(ဧပြီ ၁၇) ရက်တွင် ပြစ်ဒဏ်လွတ်ငြိမ်းချမ်းသာခွင့်ဖြင့် အကျဥ်းသား/သူ (၄,၃၃၅)ဦးကို ပြစ်ဒဏ်များမှလွတ်ငြိမ်းခွင့်ပြုခဲ့ကာ၊၎င်းတို့ကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “နောက်တစ်ကြိမ် ပြစ်မှုထပ်မံကျူးလွန်ပါက…

ဧပြီလ ၁၆ ရက်။ ကမ္ဘာ့နိုင်ငံရေးအခြေအနေတွေက နိုင်ငံရဲ့ပြည်တွင်းရေးအခြေအနေကိုရိုက်ခတ်နေတယ်လို့ အမျိုးသားညီညွှတ်ရေးအစိုးရ(NUG) (၅) နှစ်ပြည့်မှာ NUG ရဲ့ ယာယီသမ္မတ ဒူဝါလရှီးလက ပြောပါတယ်။ အမျိုးသားညီညွှတ်ရေးအစိုးရ ယာယီသမ္မတ ဒူဝါလရှီးလ က “ ကျွန်တော်တို့ နိုင်ငံရဲ့ ပထဝီနိုင်ငံရေး အကျပ်အတည်းနဲ့ သမိုင်းဆိုင်ရာ နာကျည်းချက်တွေကို ခက်ခက်ခဲခဲ ကျော်ဖြတ်ဖို့ ကြိုးစားနေခဲ့ရပါတယ် လက်ရှိအချိန်မှာလည်း ကမ္ဘာ့နိုင်ငံရေး အခြေအနေတွေရဲ့ သက်ရောက်မှုတွေကြောင့် ကျွန်တော်တို့ နိုင်ငံရဲ့ ပြည်တွင်းရေးအခြေအနေကိုလည်း ရိုက်ခတ်နေတာတွေ အမြောက်အများ ရှိနေပါတယ်” လို့ပြောပါတယ်။ တော်လှန်ရေးကို အရင်လို လူတစုတစည်း တိုက်နေတာမျိုးမဟုတ်ဘဲ ညီညွှတ်တဲ့ မဟာဗျူဟာ တစ်ခုအောက်ကနေ အရှိန်မြှင့်ဖို့ ရည်ရွယ်ပြီး ဖဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ SCEF ကို မတ်လ ၃၀ ရက်နေ့မှာ ဖွဲ့စည်းခဲ့တာလို့လည်း…

ဧပြီလ ၁၁ ရက်။ ငြိမ်းချမ်းရေးလုပ်ငန်းစဥ်အတွက် သမ္မတ ဦးမင်းအောင်လှိုင် ဥက္ကဋ္ဌအဖြစ်တာဝန်ယူမည့် အမျိုးသားစည်းလုံးညီညွတ်ရေးနှင့် ငြိမ်း ချမ်းရေးဖော်ဆောင်မှုဗဟိုကော်မတီကိုဖွဲ့စည်းခဲ့ကြောင်း နိုင်ငံတော်သမ္မတရုံးမှ အမိန့်အမှတ် ၃၆ / ၂၀၂၆ ဖြင့် ဧပြီ ၁၀ ရက်က ထုတ်ပြန်ပါတယ်။ ကော်မတီကို အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုလုပ်ငန်းစဉ်များကိုထိရောက်အောင်မြင်စွာအကောင်အထည်ဖော်နိုင်ရေးအတွက် လို အပ်သောမူဝါဒများချမှတ်ပေးရန်နှင့် ဦးဆောင်လမ်း ညွှန်မှုပေးနိုင်ရန်ဖွဲ့စည်းခဲ့ခြင်းဖြစ်တယ်လို့ထုတ်ပြန်ပါတယ်။ နိုင်ငံတော်အား ဒီမိုကရေစီနှင့် ဖက်ဒရယ်စနစ်တို့အ ခြေခံသော ပြည်ထောင်စုဖြစ်ပေါ်လာရေးအတွက် တစ် နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာ ချုပ်(NCA)ကိုအခြေခံ၍ မူဝါဒများချမှတ်ပေးခြင်း၊ ဗ ဟိုကော်မတီ၏ လုပ်ငန်းတာဝန်များကို အကောင်အ ထည်ဖော်ရာတွင်လိုအပ်သည့် လုပ်ထုံးလုပ်နည်းများနှင့် ညွှန်ကြားချက်များထုတ်ပြန်ခြင်း၊ အမျိုးသားစည်း လုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုကော်မတီသည် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုလုပ်ငန်းစဉ်များအောင်မြင်စွာအကောင်အထည်ဖော်နိုင်ရေး လိုအပ်သည့်အကြံ ပေးအဖွဲ့နှင့် အထောက်အကူပြုအဖွဲ့များကို လုပ်ထုံး လုပ်နည်းနှင့်အညီဖွဲ့စည်းခန့်အပ်တာဝန်ပေးခြင်းတို့ကိုလည်းပြုလုပ်သွားမှာဖြစ်တယ်လို့ ထုတ်ပြန်ပါတယ်။ နိုင်ငံတော်သမ္မတ…