နိုင်ငံတကာသတင်း

မလေးရှားနိုင်ငံ လူဝင်မှုကြီးကြပ်ရေးဌာန၏ Bukit Jalil ထိန်းသိမ်းရေးစခန်းမှ မိမိဆန္ဒအလျောက် မြန်မာနိုင်ငံသို့ ပြန်လည်ဝင်ရောက်ရန် လျှောက်ထားတဲ့ မြန်မာနိုင်ငံသား ၄၀ ဦးကို ဩဂုတ် ၂၆ ရက်မှာ မြန်မာနိုင်ငံကို ပြန်လည်ပို့ဆောင်သွားမည်ဖြစ်ကြောင်း မြန်မာသံရုံး(ကွာလာလမ်ပူမြို့)မှ ဒီနေ့ ဩဂုတ် ၂၄ ရက်မှာ အသိပေးကြေ ညာထားပါတယ်။ အဆိုပါ မြန်မာနိုင်ငံသားများအား မြန်မာ့လေကြောင်း အမှတ်စဉ် 8M 504 ဖြင့် ပြန်လည်ပို့ဆောင်သွားမည်ဖြစ်ပြီး သက်ဆိုင်သူများ၏ မိသားစုဝင်များ သိရှိနိုင်ရန် စာရင်းကိုလည်း ဖော်ပြထားပါတယ်။ ထို့ပြင် မလေးရှားနိုင်ငံရှိ ထိန်းသိမ်းရေးစခန်းများတွင် ရှိနေသည့် မြန်မာနိုင်ငံသားများနှင့်ပတ်သက်၍ တာဝန်ရှိသူများမဟုတ်သည့်သူများက သက်ဆိုင်ရာ မိသားစုဝင်များထံ ငွေကြေးလိမ်လည်တောင်းခံမှုများရှိနေကြောင်း ကာယကံရှင်များထံမှ ပြန်လည်သိရှိရသည်ဟု မြန်မာသံရုံးက အသိပေးထားပါတယ်။ ယင်းကြောင့် ထိန်းသိမ်းရေးစခန်းများရှိ မြန်မာနိုင်ငံသားများ၏ မိသားစုဝင်များနှင့် နီးစပ်ရာအသိုက်အဝန်းများအနေဖြင့်…

သြဂုတ်လ ၂၀ ရက်။ အိန္ဒိယတစ်နိုင်ငံလုံးမှာ အရက်သေစာဥပဒေ အတင်းကြပ်ဆုံး ပြည်နယ်တစ်ခု (Dry State) အဖြစ် လူသိများတဲ့ မီဇိုရမ်ပြည်နယ်မှာ ဒေသထွက်သီးနှံအခြေခံ ဘီယာနဲ့ ဝိုင်ထုတ်လုပ်ခွင့် လိုင်စင်တွေကို စတင် စိစစ်ချထားပေးနေပြီ ဖြစ်ပါတယ်။ မီဇိုရမ်ပြည်နယ် ဝန်ကြီးချုပ် Lalduhoma ကိုယ်တိုင် မကြာသေးမီက ပြင်ဆင်ပြဋ္ဌာန်းခဲ့တဲ့ Mizoram Liquor (Prohibition) Amendment Act, 2025 အရ ဒေသထွက်သီးနှံဘီယာ (Local Fruit Beer) ထုတ်လုပ်ရေးနဲ့ ဝိုင်စက်ရုံ (Wineries) တည်ထောင်ခွင့် လျှောက်ထားမှုတွေကို စိစစ်တဲ့ ရွေးချယ်ရေးကော်မတီ အစည်းအဝေးကို ဗုဒ္ဓဟူးနေ့မှာ သဘာပတိအဖြစ် ဦးဆောင်ကျင်းပခဲ့ပါတယ်။ ရရှိထားတဲ့ လျှောက်လွှာပေါင်း ၉၉ ခုအနက် ကော်မတီက စိစစ်မှုများ၊ အင်တာဗျူးများနှင့် ကွင်းဆင်းစစ်ဆေးမှုများ…

သြဂုတ်လ ၂၀ ရက်။ အိန္ဒိယနိုင်ငံ၊ မီဇိုရမ်ပြည်နယ်မြို့တော်အိုင်ဇောလ်မှာရှိတဲ့ အစိုးရပိုင် ဇိုရမ်ဆေးကောလိပ်နဲ့ ဆေးရုံ (ZMC&H) က ဆရာဝန်တွေဟာ ဆေးရုံသမိုင်းမှာ ပထမဆုံးအကြိမ်အဖြစ် နှလုံးဖွင့်ခွဲစိတ်မှု (Open-heart surgery) ကို အောင်မြင်စွာ ပြုလုပ်နိုင်ခဲ့တယ်လို့ တာဝန်ရှိသူတွေက သြဂုတ်လ ၂၀ ရက်မှာ ပြောဆိုလိုက်ပါတယ်။ နှလုံးသွေးကြောမကြီး သုံးခုစလုံး ပိတ်ဆို့နေတဲ့ (Triple Vessel Disease) ဝေဒနာကို ခံစားနေရတဲ့ အသက် ၆၉ နှစ်အရွယ် လူနာတစ်ဦးကို ဆေးရုံက နှလုံးနဲ့ ရင်ခေါင်းဆိုင်ရာ ခွဲစိတ်အထူးကုဆရာဝန် Dr Mary Hmingthantluangi နဲ့ Guwahati မြို့က ပုဂ္ဂလိကဆေးရုံတစ်ခုက Dr Intekhab Alam တို့ ဦးဆောင်တဲ့အဖွဲ့က ဗုဒ္ဓဟူးနေ့မှာ ခွဲစိတ်ကုသပေးခဲ့တာ ဖြစ်ပါတယ်။…

ဩဂုတ်လ ၁၈ ရက်။ Mizoram ပြည်နယ်ရဲ့ နှစ်ပေါင်းများစွာ ထင်ရှားခဲ့တဲ့ ‘Ro Min Rel Sak Ang Che’ သီချင်းကို တရားဝင် ပြည်နယ်ကိုယ်စားပြု သီချင်းအဖြစ် သတ်မှတ်ဖို့ လာမယ့် ဩဂုတ်လ ၂၅ ရက်နေ့ လွှတ်တော် အစည်းအဝေးမှာ အတည်ပြု ဆုံးဖြတ်တော့မှာ ဖြစ်ပါတယ်။ ဒီသီချင်းကို တရားဝင် ပြည်နယ်သီချင်းအဖြစ် သတ်မှတ်ဖို့ Mizoram ပြည်နယ် အစိုးရအဖွဲ့က ဩဂုတ်လ ၁၀ ရက်နေ့မှာ အတည်ပြုခဲ့ပြီး ဖြစ်ပါတယ်။ လာမယ့် လွှတ်တော် အစည်းအဝေးမှာတော့ တရားဝင် အသိအမှတ်ပြုရေး ဆုံးဖြတ်ချက် မူကြမ်းကို တင်သွင်းအတည်ပြုသွားမှာပါ။ ‘Ro Min Rel Sak Ang Che’ ဆိုတာ “ကျွန်ုပ်တို့ကို…

ဩဂုတ်လ ၄ ရက်။ ကနေဒါနိုင်ငံ၊ ဗြိတိသျှ ကိုလံဘီယာ (British Columbia) ပြည်နယ်မှာ ပြုလုပ်တဲ့ ပန်းချီပြပွဲတစ်ခုမှာ မြင်းချေးကို အသုံးပြုပြီး ရေးဆွဲထားတဲ့ အမေရိကန် သမ္မတ ဒေါ်နယ်ထရမ့်ရဲ့ ပုံတူပန်းချီကားတစ်ချပ်ဟာ အမေရိကန်ဒေါ်လာ ၁,၈၀၀ နဲ့ လျှင်မြန်စွာ ရောင်းချသွားခဲ့ရတယ်လို့ ကနေဒါအခြေစိုက် CTV News သတင်းဌာနက ဖော်ပြထားပါတယ်။ ဒီပန်းချီကားကို ကနေဒါနိုင်ငံသူ ပန်းချီဆရာမ Wendy Chartrand က ရေးဆွဲခဲ့တာဖြစ်ပြီး Sooke Fine Arts Show ပန်းချီပြပွဲမှာ ပြသခဲ့ရာမှာ ပရိသတ်တွေအကြား ရေပန်းအစားဆုံးနဲ့ ငြင်းခုံဖွယ်ရာ ပန်းချီကားတစ်ချပ် ဖြစ်လာခဲ့တာပါ။ ယခုလို မြင်းချေးကို အသုံးပြုရေးဆွဲတာဟာ လက်ရှိ ဖြစ်ပေါ်နေတဲ့ နိုင်ငံရေး စိတ်ပျက်စရာ အခြေအနေတွေအပေါ် သူမရဲ့…

ဇူလိုင်လ ၂၄ ရက်။ မလေးရှားအစိုးရက ကုလသမ္မဂ္ဂ ဒုက္ခသည်များဆိုင်ရာ မဟာမင်းကြီးရုံး ( UNHCR) ရဲ့ ဒုက္ခသည်သစ် မှတ်ပုံတင်ခြင်း လုပ်ငန်းစဉ်တွေ အားလုံး ယာယီရပ်ဆိုင်းဖို့ သတင်းထုတ်ပြန်တာတွေရှိပေမယ့် အစိုးရဘက်က UNHCR ရုံးကို ညွှန်ကြားစာပေးပို့တာတွေ ရှိမရှိကိုတော့ မသိရသေးဘူးလို့ မလေးရှားမြန်မာ လူမှုရေးအသင်းက တာဝန်ရှိသူတစ်ဦးက ပြောပါတယ်။ မလေးရှားမြန်မာ လူမှုရေးအသင်းက တာဝန်ရှိသူတစ်ဦးက “မလေးရှားအစိုးရဘက်ကနေတော့ UNHCR ကို နောက်ထပ်မှတ်ပုံတင်အသစ်တွေ UN ကဒ်ထုတ်ပေးတာတွေ ရပ်တန့်ဖို့ သူတို့ထုတ်ပြန်ချက်နဲ့ သတင်းမှာ ထုတ်ပြန်လာတာဖြစ်တယ်။ UN ရုံးကို သူတို့စာပို့တာ မပို့တာကိုတော့ လောလောဆယ်မသိရသေးဘူး UN ဘက်ကို တတ်နိုင်သလောက် မေးကြည့်တော့ အစိုးရဘက်က တရားဝင်ညွှန်ကြားတာမရှိသေးဘူးလို့ သိရတယ်။ ဆိုတော့ UN ရဲ့ ထုတ်ပြန်ချက်ကို…

ဇူလိုင်လ ၂၂ ရက်။ အိန္ဒိယနိုင်ငံ ၊ နယူးဒေလီမြို့အတွင်း လက်ရှိဖြစ်နေတဲ့ ဆန္ဒပြပွဲ၊ လူထုစုဝေးပွဲတွေကို နယူးဒေလီမြို့တွင် နေထိုင်တဲ့ ချင်းဒုက္ခသည်တွေအနေဖြင့် ပါဝင်ပတ်သက် ဆက်နွယ်ခြင်းမပြုလုပ်ကြဖို့ ချင်းဒုက္ခသည် ကော်မတီ – နယူးဒေလီ ( CRC) ကဒီကနေ့ ဇူလိုင်လ ၂၂ ရက်နေ့မှာ သတိပေးထုတ်ပြန်လိုက်ပါတယ်။ “ ကျနော်တို့သည် ခိုလုံခွင့်လျှောက်ထားသူများနှင့် ဒုက္ခသည်များဖြစ်တာကြောင့် အိန္ဒိယနိုင်ငံရဲ့ ဥပဒေတွေနဲ့ စည်းမျဉ်းစည်းကမ်းတွေကို လေးစားလိုက်နာကာ မိမိ လုံခြုံရေး၊ ဥပဒေရေးရာအခြေအနေနဲ့ အသိုင်းအဝိုင်းရဲ့ အကျိုးပွားထိခိုက်စေနိုင်တဲ့ အခြေအနေတွေကို ရှောင်ကြဉ်ဖို့ အထူးအရေးကြီးတယ်” လို့ ချင်းဒုက္ခသည် ကော်မတီ ( နယူးဒေလီ) က သတိပေးထုတ်ပြန်ထားပါတယ်။ ဆန္ဒပြပွဲတွေ လူစုလူဝေးများနဲ့ မငြိမ်မသက်မှုဖြစ်ပွားရာနေရာတွေကို သွားရောက်တာတွေ ရှောင်ကြဉ်ကြဖို့နဲ့ သက်ဆိုင်ရာ အာဏာပိုင်တွေရဲ့…

ဇူလိုင်လ ၂၁ ရက်။ အိန္ဒိယနိုင်ငံ၊ မီဇိုရမ်ပြည်နယ်အတွင်း ဘိန်းဖြူ ရရှိနိုင်မှု လျော့ကျသွားပြီး ဈေးနှုန်းတွေ မြင့်တက်လာပေမဲ့ ဆေးခြောက် သုံးစွဲမှု ပိုမို ကျယ်ပြန့်လာသလို ချောင်းဆိုးပျောက်ဆေး အလွဲသုံးစွဲမှုပါ ဆက်လက် မြင့်တက်နေတယ်လို့ အိုင်ဇောလ်မြို့မှာ အင်္ဂါနေ့က ကျင်းပခဲ့တဲ့ မီဇိုရမ်ပြည်နယ် မူးယစ်ဆေးဝါး တိုက်ဖျက်ရေး အဓိက ကော်မတီက အစည်းအဝေးမှာ ထုတ်ဖော် ပြောဆိုပါတယ်။ ရဲတပ်ဖွဲ့၏ တင်ပြချက်အရ ၂၀၂၅ ခုနှစ်အတွင်း မူးယစ်ဆေးဝါးနှင့် ဆက်စပ်မှု ၃၁၉ မှု မှတ်ပုံတင်ခဲ့ပြီး လူပေါင်း ၄၈၃ ဦးကို ဖမ်းဆီးခဲ့တယ်လို့ သိရပါတယ်။ လက်ရှိ ၂၀၂၆ ခုနှစ် ဇွန်လအထိ ရဲတပ်ဖွဲ့က အမှုပေါင်း ၂၁၉ မှု မှတ်ပုံတင်ခဲ့ပြီး လူပေါင်း ၃၁၂ ဦးကို…

ဇူလိုင် ၁၇ ရက်။ အိန္ဒိယဗဟိုအစိုးရက အဆိုပြုထားတဲ့ ၂၀၂၆ ခုနှစ် နိုင်ငံခြားထောက်ပံ့ငွေ (စည်းကမ်းထိန်းသိမ်းရေး) ပြင်ဆင်ချက်ဥပဒေကြမ်း (FCRA Amendment Bill, 2026) ဟာ ပြည်ပရံပုံငွေအပေါ် မှီခိုအားထားနေရတဲ့ ဘုရားကျောင်းတွေ၊ ခရစ်ယာန်အဖွဲ့အစည်းတွေနဲ့ အရပ်ဘက်လူမှုအဖွဲ့အစည်း (NGOs) တွေအပေါ် ဆိုးကျိုးသက်ရောက်မှုတွေ ရှိလာနိုင်တယ်လို့ Mizoram Pradesh Congress Committee (MPCC) က စွပ်စွဲထောက်ပြလိုက်ပြီး၊ အဆိုပါ ဥပဒေကြမ်းကို ကန့်ကွက်တဲ့အနေနဲ့ လာမယ့် ဇူလိုင်လ ၂၁ ရက်နေ့မှာ ပြည်နယ်လုံးကျွတ် ‘Black Day’ (လူမည်းနေ့) အထိမ်းအမှတ် ဆန္ဒပြပွဲ ပြုလုပ်သွားမယ်လို့ ကြေညာလိုက်ပါတယ်။ ကြာသပတေးနေ့က Aizawl မြို့ မှာ ပြုလုပ်ခဲ့တဲ့ သတင်းစာရှင်းလင်းပွဲတစ်ခုအတွင်း MPCC ပါတီရဲ့ ဘဏ္ဍာရေးမှူး…

ဇူလိုင်လ ၁၅ ရက်။ အိန္ဒိယ-မြန်မာနယ်စပ်၊ မီဇိုရမ်ပြည်နယ်၊Lawngtlai ခရိုင် အတွင်းရှိ Zochachhuah ကျေးရွာ မှာ ရက်ဆက်သည်းထန်စွာ ရွာသွန်းခဲ့တဲ့ မုတ်သုံမိုးကြောင့် ပြင်းထန်တဲ့ ရေကြီးမြေပြိုမှုတွေ ဖြစ်ပွားပြီး ဆောက်လုပ်ဆဲ ဘုရားကျောင်းနဲ့ လူနေဆောင် အပါအဝင် ဒေသခံနေအိမ်တွေ ပြင်းထန်စွာ ထိခိုက်ပျက်စီးခဲ့ရတယ်လို့ Changhma Times သတင်းစာမှာ ဖော်ပြထားပါတယ်။ အဆိုပါ နယ်စပ်ကျေးရွာမှာ ပြင်းထန်တဲ့ ရေကြီးမှုကြောင့် နေအိမ် ၇ လုံး ရေမြုပ်ကာ အိမ်ထောင်စုသုံး ပစ္စည်းတွေနဲ့ အဖိုးတန်ပစ္စည်းတွေ ရေထဲမျောပါ ဆုံးရှုံးခဲ့ရသလို၊ ကြီးမားတဲ့ မြေပြိုမှုကြောင့် ဘုရားကျောင်းဝင်းအတွင်း ဆောက်လုပ်ရေးပစ္စည်းတွေဖြစ်တဲ့ ဘိလပ်မြေ၊ သွပ်ပြား၊ ကြွေပြား၊ သစ်နဲ့ ကိရိယာတန်ဆာပလာတွေအားလုံး မြေစာပုံကြီးအောက် ပိမိသွားခဲ့ပြီး အများအပြား ဆုံးရှုံးခဲ့ရတာ ဖြစ်ပါတယ်။ အခုလို…