နိုင်ငံတကာသတင်း

ဇွန်လ ၁၀ ရက်။ အိန္ဒိယ-မြန်မာနယ်စပ် မီဇိုရမ်ပြည်နယ်ကို အခြေပြုပြီး မြန်မာနိုင်ငံတွင်းက တော်လှန်ရေးအင်အားစု တွေကို ဒရုန်းသင်တန်းပေးတယ်ဆိုတဲ့ အမှုတွဲနဲ့ ဖမ်းဆီးခံထားရတဲ့ နိုင်ငံခြားသား ၇ ဦးရဲ့ စုံစမ်းစစ်ဆေးမှု ကွင်းဆက် ပိုမိုခိုင်မာလာစေဖို့အတွက် ၎င်းတို့ရဲ့ အသံနမူနာ (Voice Samples) များ စုဆောင်းခွင့်နဲ့ စစ်ဆေးရေးကာလ တိုးမြှင့်ခွင့်တို့ကို အိန္ဒိယအမျိုးသားစုံစမ်းစစ်ဆေးရေးအေဂျင်စီ (NIA) က တစ်ပြိုင်နက်တည်း တောင်းခံလိုက်တယ်လို့ သိရပါတယ်။ အမေရိကန်နိုင်ငံသားတစ်ဦးနဲ့ ယူကရိန်းနိုင်ငံသား ၆ ဦးတို့ ပါဝင်တဲ့ အဆိုပါ ဖမ်းဆီးခံထားရသူတွေထံကနေ အသံနမူနာတွေ စုဆောင်းခွင့်ပေးဖို့ NIA က ဒေလီမြို့ ပတီးယားလားဟောက်စ် (Patiala House) တရားရုံးရှိ အထူးတရားသူကြီး ပရာရှန့်ရှာမာထံ ဘာရာတီယာ နာဂရစ် ဆူရက်ရှာ ဆန်ဟီတာ (BNSS)…

ဇွန်လ ၁၀ ရက်။ အိန္ဒိယနိုင်ငံ၊မီဇိုရမ်ပြည်နယ်မှာ ခိုလှုံနေတဲ့ မြန်မာစစ်ဘေးရှောင်များအပါအဝင် ဒုက္ခသည်များကို ဗဟိုအစိုးရက ယခုဇွန်လမကုန်မီ ဆန်အခမဲ့ဖြန့်ဝေပေးသွားမှာဖြစ်တယ်လို့ မီဇိုရမ်အခြေစိုက် သတင်းဌာနတွေရဲ့ ဖော်ပြချက်အရ သိရပါတယ်။ အဆိုပါဆန်များကို အိန္ဒိယဗဟိုအစိုးရက ထောက်ပံ့ပေးမှာဖြစ်ပြီး စုစုပေါင်း မက်ထရစ်တန်ချိန် ၁,၂၉၁ တန်ကျော်ရှိကြောင်း ဖော်ပြထားပြီး ဆန်တွေကိုလည်း ခရိုင်အသီးသီးရှိ ဂိုဒေါင်များသို့ ပို့ဆောင်ထားပြီးဖြစ်ကာ ဇွန်လ ၃၀ ရက်မတိုင်မီ ဒုက္ခသည်များထံ ဖြန့်ဝေပေးနိုင်ရန် စီစဉ်ထားတယ်လို့ ဆိုပါတယ်။ မီဇိုရမ်ပြည်နယ်မှာ လက်ရှိ မြန်မာနိုင်ငံမှ စစ်ဘေးရှောင် ၂၉,၇၀၂ ဦး ခိုလှုံနေပြီး အများဆုံးမှာ ချမ်ဖိုင် (Champhai) ခရိုင်တွင် ၁၂,၀၈၃ ဦးရှိတယ်လို့ စာရင်းမှတ်တမ်းတွေအရ သိရပြီး လောင်တလိုင် (Lawngtlai) ခရိုင်မှာလည်း မြန်မာစစ်ဘေးရှောင် ၆,၃၂၈ ဦး နေထိုင်လျက်ရှိတယ်လို့…

ဇွန်လ ၁၀ ရက်။ အိန္ဒိယနိုင်ငံ ပြည်နယ်အချင်းချင်းနှင့် နယ်စပ်ဖြတ်ကျော် မူးယစ်ဆေးဝါး မှောင်ခိုကူးမှုကွန်ရက်နဲ့ ဆက်နွှယ်နေတဲ့ ငွေကြေးခဝါချမှု ဖြစ်စဉ်ကို စုံစမ်းစစ်ဆေးခဲ့ရာမှာ ပြီးခဲ့တဲ့ ၂၀၂၅ ခုနှစ် ဩဂုတ်လကတည်းကနေ လက်ရှိအချိန်အထိ (၁) နှစ်နီးပါး ကာလအတွင်း ရာဇဝတ်မှုကနေ ရရှိထားတဲ့ အိန္ဒိယရူပီးငွေ ကုဋေ ၁၄၂ ကျော် (အမေရိကန်ဒေါ်လာ ၁၇ သန်းခန့်) တန်ဖိုးရှိတဲ့ တရားမဝင်ငွေကြေးနဲ့ ပိုင်ဆိုင်မှုတွေကို စုံစမ်းဖော်ထုတ်နိုင်ခဲ့ပြီလို့ အိန္ဒိယအမှုစုံစမ်းစစ်ဆေးရေးညွှန်ကြားမှုဦးစီးဌာန (ED) ရဲ့ အရာရှိတွေက ပြောပါတယ်။ အဆိုပါ မူးယစ်မှောင်ခိုကွန်ရက်ကို ဖြိုခွင်းနိုင်ဖို့အတွက် ED ၏ Aizawl) ရုံးခွဲက အဖွဲ့စုံဟာ ဇွန်လ ၉ ရက် အစောပိုင်းအချိန်ကစတင်ကာ မီဇိုရမ်-မြန်မာနယ်စပ်ဒေသ၊ ထရီပူရ-ဘင်္ဂလားဒေ့ရှ်နယ်စပ်နဲ့ အနောက်ဘင်္ဂလား (West Bengal)…

ဇွန်လ ၈ ရက်။ မလေးရှားနိုင်ငံအတွင်း ထိန်းသိမ်းရေးစခန်းများနှင့် ပြင်ပတွင် ခိုလှုံဝင်ရောက်နေထိုင်နေကြသော မြန်မာနိုင်ငံသားများအပါအဝင် ဒုက္ခသည်များနှင့် ခိုလှုံခွင့်တောင်းခံထားသူပေါင်း ၂၀၀,၀၀၀ ကျော်ကို စိစစ်ပြီး၊ အရည်အချင်းပြည့်မီသူများကို နိုင်ငံအတွင်း လုပ်သားပြတ်လပ်နေသည့် ကဏ္ဍများတွင် ယာယီအလုပ်အကိုင်များ ဖန်တီးပေးသွားရန် မလေးရှားအစိုးရက စီစဉ်နေတယ်လို့ စင်ကာပူအခြေစိုက် Channel NewsAsia (CNA) သတင်းဌာနရဲ့ ဖော်ပြချက်အရ သိရပါတယ်။ မလေးရှားအစိုးရဟာ ယခုနှစ်အစပိုင်းကတည်းက ဒုက္ခသည်များ၏ ဇီဝအချက်အလက် (Biometric Data) နှင့် ကိုယ်ရေးအချက်အလက်များကို စုဆောင်း၍ Database စနစ်တစ်ခု ပြုစုခဲ့ပြီး၊ “ဒုက္ခသည် မှတ်ပုံတင်ခြင်းဆိုင်ရာ စာရွက်စာတမ်း” (DPP) အစီအစဉ်၏ စမ်းသပ်ကာလအဖြစ် ဇွန်လ ၁ ရက်နေ့မှစတင်ကာ ဒုက္ခသည်များကို တရားဝင် စတင်မှတ်ပုံတင်ပေးနေပြီ ဖြစ်ပါတယ်။ လာမည့် ဇွန်လလယ်ပိုင်းတွင်လည်း…

ဇွန်လ ၆ ရက်။ အမေရိကန်နိုင်ငံသမ္မတ ဒေါ်နယ်ထရမ့် အစိုးရအဖွဲ့ကနေ ချမှတ်ထားတဲ့ မြန်မာနိုင်ငံအပါအဝင် နိုင်ငံပေါင်း ၃၉ နိုင်ငံက ရွှေ့ပြောင်းနေထိုင်သူတွေကို ပစ်မှတ်ထားပြီး ဗီဇာနဲ့ လူဝင်မှုကြီးကြပ်ရေးဆိုင်ရာ ခံစားခွင့်တွေကို ဆိုင်းငံ့ပိတ်ပင်ထားတဲ့ မူဝါဒတွေဟာ “တရားမဝင်ဘူး” လို့ အမေရိကန်နိုင်ငံဖက်ဒရယ်တရားရုံးက ဇွန်လ ၅ ရက် သောကြာနေ့မှာ ပြတ်ပြတ်သားသား အမိန့်ချမှတ်ပြီး အပြီးတိုင် ပယ်ဖျက်ပေးလိုက်ပါတယ်။ အမေရိကန်နိုင်ငံ Rhode Island ပြည်နယ်၊ Providence မြို့ရှိ ဖက်ဒရယ်ခရိုင်တရားရုံးရဲ့ တရားသူကြီးချုပ် ဂျွန် မက်ကောနယ် (John McConnell) က အမေရိကန်နိုင်ငံသားဖြစ်ခွင့်နှင့် လူဝင်မှုကြီးကြပ်ရေးဌာန (USCIS) ရဲ့ လုပ်ရပ်တွေဟာ အခြေခံဥပဒေကို ကျော်လွန်နေပြီး သောင်းနဲ့ချီတဲ့ ရွှေ့ပြောင်းအခြေချသူတွေရဲ့ ဘဝကို ဥပဒေကြောင်းအရ လမ်းစပျောက်အောင် လုပ်ဆောင်ခဲ့တယ်လို့ စာမျက်နှာ ၁၃၅ မျက်နှာပါရှိတဲ့ စီရင်ချက်နဲ့အတူ ပြင်းပြင်းထန်ထန် ဝေဖန်ပယ်ဖျက်လိုက်တာ…

ဇွန်လ ၅ ရက်။ မြန်မာနိုင်ငံက စစ်ဘေးရှောင် အစဉ်ဆက်မပြတ်ဝင်ရောက်နေခြင်းဟာ မီဇိုရမ်ပြည်နယ်အတွက် ကြီးမားတဲ့ ဝန်ထုပ်ဝန်ပိုးတခုဖြစ်လာနေတယ်လို့ မီဇိုရမ်ပြည်နယ်ဝန်ကြီးချုပ် လားလ်ဒူအောမ်မာ ဇွန်လ ၄ ရက်နေ့ မီဒီယာတွေနဲ့ တွေ့ဆုံမေးမြန်းမှုမှာ ပြောကြားခဲ့တယ်လို့ အိန္ဒိယသတင်းများအရ သိရပါတယ်။ အိန္ဒိယနိုင်ငံ ၊ မေဂါလာယာပြည်နယ် ၊ shilling မြို့မှာ ကျင်းပတဲ့ အရှေ့မြောက်ဒေသကောင်စီ ( NEC) အစည်းအဝေးအတွင်း ဆွေးနွေးမှုတွေကို မီဒီယာတွေ မေးမြန်းခဲ့ရာမှာ ဝန်ကြီးချုပ်က ပြောကြားခဲ့တာလို့ သိရပါတယ်။ ပထဝီနိုင်ငံရေးအခြေအနေတွေကြောင့် လက်ရှိမှာ မီဇိုရမ်ပြည်နယ်ကို အိုးအိမ်စွန့်ခွာ ထွက်ပြေးတိမ်းရှောင်လာရသူတွေ အများအပြားရောက်ရှိနေသလို လုံခြုံဘေးကင်းရေး ရှာဖွေဖို့အတွက် ရောက်ရှိနေနေတဲ့ ထပ်မံဝင်ရောက်လာမယ့်သူတွေလည်း ပိုများလာနိုင်ခြေရှိနေပြီး ဒါတွေဟာ မီဇိုရမ်ပြည်နယ်အတွက် ကြီးမားတဲ့ ဝန်ထုပ်ဝန်ပိုးတစ်ခု ဖြစ်လာနေတယ်လို့ မီဇိုရမ်ပြည်နယ်ဝန်ကြီးချုပ် လားလ်ဒူအောမ်မာ ကမီဒီယာတွေမှာ…

ဇွန်လ ၅ ရက်။ မြန်မာနိုင်ငံမှာ မကြာသေးမီက အမျိုးသားညီညွတ်ရေးအစိုးရ(NUG)နဲ့တိုင်းရင်းသားလက်နက်ကိုင်အဖွဲ့တချို့ပူးပေါင်းပြီး ဖွဲ့စည်းခဲ့တဲ့ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) ကို အမေရိကန်အစိုးရအနေနဲ့ တရားဝင်အသိအမှတ်ပြု ထိတွေ့ဆက်ဆံပေးဖို့နဲ့ ဖက်ဒရယ်ရီဆာ့ဗ်ဘဏ်မှာ ထိန်းသိမ်းထားတဲ့ မြန်မာနိုင်ငံပိုင် ရန်ပုံငွေ အမေရိကန်ဒေါ်လာ ၁ ဘီလီယံကို အဆိုပါ‌ကောင်စီထံ လွှဲပြောင်းပေးဖို့ ဗဟိုပြုတောင်းဆိုထားတဲ့ အထူးထုတ်ပြန်ချက်တစ်ရပ်ကို Burma Research Institute (BRI) အဖွဲ့က ဇွန်လ ၄ ရက်နေ့မှာ ထုတ်ပြန်လိုက်ပါတယ်။ အမေရိကန်ဆီနိတ်အသုံးစရိတ်ဆိုင်ရာ ကြားနာပွဲမှာ မြန်မာ့အရေးနဲ့ပတ်သက်ပြီး ဆီနိတ်တာ မစ်ချ်မက်ကောနယ်က နိုင်ငံခြားရေးဝန်ကြီး မာကိုရူဘီယိုကို ဖိအားပေးမေးမြန်းခဲ့ပြီးနောက်၊ အမေရိကန်အစိုးရရဲ့ ဒီမိုကရေစီလိုလားတဲ့ အာဘော်ကို လက်တွေ့ပြတ်သားတဲ့ လုပ်ဆောင်ချက်တွေနဲ့ သက်သေပြဖို့ BRI အဖွဲ့က ယခုလို တောင်းဆိုလိုက်တာ ဖြစ်ပါတယ်။ ပြီးခဲ့တဲ့ ဇွန်လ…

ဇွန်လ ၂ ရက်။ အိန္ဒိယနှင့် မြန်မာ နှစ်နိုင်ငံစလုံးအနေဖြင့် မိမိတို့ရဲ့ အချုပ်အခြာအာဏာပိုင် နယ်မြေတွေမှာ တစ်ဖက်နိုင်ငံ၏ လုံခြုံရေးကို ထိခိုက်စေမည့် ကိစ္စရပ်များတွင် အလွဲသုံးစားလုပ်ခွင့် လုံးဝပြုမည်မဟုတ်ကြောင်း ၂ နိုင်ငံခေါင်းဆောင်များက အလေးအနက် ပြောကြားခဲ့ကြပြီး၊ အာဏာသိမ်းစစ်ခေါင်းဆောင်သမ္မတ ဦးမင်းအောင်လှိုင်ကလည်း မြန်မာ့မြေကို အိန္ဒိယ၏ လုံခြုံရေးအကျိုးစီးပွားကို ဆန့်ကျင်သည့်နေရာတွင် အသုံးပြုခွင့်ပေးမည်မဟုတ်ကြောင်း ကတိပြုပြောကြားခဲ့ပါတယ်။ အဆိုပါ ကတိကဝတ်ပြုမှုကို မေလ ၃၀ ရက်နေ့မှ ဇွန်လ ၃ ရက်နေ့အထိ သွားရောက်နေတဲ့ သမ္မတဦးမင်းအောင်လှိုင်ရဲ့ အိန္ဒိယနိုင်ငံတရားဝင်ခရီးစဉ်အတွင်း အိန္ဒိယဝန်ကြီးချုပ် နာရင်ဒရာ မိုဒီနှင့် တွေ့ဆုံဆွေးနွေးအပြီး ထုတ်ပြန်ခဲ့သည့် နှစ်နိုင်ငံ ပူးတွဲကြေညာချက်တွင် ထည့်သွင်းဖော်ပြထားခြင်း ဖြစ်ပါတယ်။ ဆွေးနွေးပွဲအတွင်း အိန္ဒိယဝန်ကြီးချုပ် မိုဒီက မြန်မာနိုင်ငံ၏ အချုပ်အခြာအာဏာနှင့် နယ်မြေတည်တံ့ခိုင်မြဲရေးအပေါ် အိန္ဒိယနိုင်ငံ၏ ထောက်ခံမှုကို…

မေလ ၃၁ ရက်။ မေလ ၃၀ ရက်ညက ကျင်းပတဲ့ Mizoram MISMA ပွဲမှာ အိန္ဒိယနိုင်ငံ၊Mizoram ပြည်နယ်ဝန်ကြီးချုပ် Pu Lalduhoma က “ကမ္ဘာ့နိုင်ငံရေးအခင်းအကျင်းကြောင့် နိုင်ငံအသီးမှာ အကွဲကွဲအပြားပြား နာမည်အမျိုးမျိုးနဲ့ပြန့်ကြဲနေကြတဲ့ ချင်း/မီဇို/ကူကီး စတဲ့ လူမျိုးစုကြီးကို UFC ဖလိုင်းဝိတ်တန်းချန်ပီယံ Joshua Van က စုစည်းပေးနိုင်ခဲ့ပါပြီ” လို့ပြောကြားခဲ့ပါတယ်။ UFC ဖလိုင်းဝိတ်တန်းချန်ပီယံ ချင်းလူငယ်ဖိုက်တာ Joshua Van ဟာ မေလ ၂၉ ရက်နေ့မှာ နယူးဒေလီမြို့မှတဆင့် မီဇိုရမ်ပြည်နယ်၊ အိုင်ဇောလ်မြို့ကို ရောက်ရှိခဲ့တာဖြစ်ပြီး မေလ ၃၀ ရက်နေ့ အိုက်ဇောလ်မြို့မှာ ပြုလုပ်တဲ့ MISMA Fight Night” ပွဲစဉ်ကို အထူးဧည့်သည်အဖြစ် တက်ရောက်ခဲ့ပါတယ်။ အိန္ဒိယနိုင်ငံ၊မီဇိုရမ်ပြည်ကို အလည်အပတ်ရောက်ရှိလာတဲ့…

မေလ ၁၄ ရက်။ အိန္ဒိယနိုင်ငံ၊ မီဇိုရမ်ပြည်နယ်ရဲ့ အဆင့်မြင့်ဆုံး အမျိုးသမီးအဖွဲ့အစည်းဖြစ်တဲ့ Mizo Hmeichhe Insuihkhawm Pawl (MHIP) ဟာ ပြည်နယ်ပြင်ပမှာ အလုပ်အကိုင်ရမယ်ဆိုတဲ့ အကြောင်းပြချက်နဲ့ မီဇိုအမျိုးသမီးတွေကို လူကုန်ကူးပြီး လိင်ပိုင်းဆိုင်ရာ ခေါင်းပုံဖြတ်နေမှုတွေကို အင်္ဂါနေ့မှာ ပြင်းပြင်းထန်ထန် ကန့်ကွက်ရှုတ်ချလိုက်ပါတယ်။ ဒီအမှုနဲ့ ပတ်သက်ပြီး ကိုလာဆစ် (Kolasib) ခရိုင်မှာ နေထိုင်တဲ့ Lalnunsiami (အသက် ၃၀) နဲ့ သူမရဲ့ ခင်ပွန်းအဖြစ် ဟန်ဆောင်ကာ စပါး (Spa) ဆိုင်ဖွင့်ထားသူ Uttar Pradesh ပြည်နယ်သား Mohammad (အသက် ၃၁) တို့ကို မီဇိုရမ်ရဲတပ်ဖွဲ့က Uttarakhand ရဲတပ်ဖွဲ့နဲ့ ပူးပေါင်းပြီး မေလ ၅ ရက်နေ့မှာ ဖမ်းဆီးခဲ့တာ ဖြစ်ပါတယ်။…