ပြည်တွင်းသတင်း

အောက်တိုဘာလ ၂၀ ရက်။ စစ်ကိုင်းတိုင်း ၊ ကလေးမြို့ မော်လိုက်ကလေး အကျဉ်းထောင်မှာ အစာအာဟာရပြတ်လပ်မှုဖြင့် ကျန်းမာရေးဆိုးရွာစွာ ၂ လကျော်ကြာခံစားခဲ့ရပြီး အိန္ဒိယနိုင်ငံသား Buskal (ခ) Busket ဆိုသူဟာ အောက်တိုဘာလ ၅ ရက်နေ့ မနက် ၅ နာရီမှာ သေဆုံးခဲ့ကာ၊ကလေးထောင်မှာ အာဟာရပြတ်လပ်သူတွေ အများအပြားရှိတယ်လို့ အကျဉ်းဦးစီးနဲ့ နီးစပ်သူတွေထံကနေ သိရပါတယ်။ ကလေးအကျဉ်းထောင်မှာ လူဝင်မှုကြီးကြပ်ရေး (လ.ဝ.က) ဥပဒေဖြင့် ဖမ်းဆီးချုပ်နှောင်ထားခံရတဲ့ အိန္ဒိယနိုင်ငံသား ဂေါ်ရခါးလူမျိုး Buskal (ခ) Busket ဆိုသူဟာ အစာအာဟာရပြတ်လပ်မှုဖြင့် ကျန်းမာရေး ဆိုးရွာစွာ နှစ်လ ကျော်ကြာခံစားနေရသော်လည်း အကျဉ်းထောင်အာဏာပိုင်ဘက်မှ ကျန်မာ‌ရေးစောင့် ရှောက်မှုလုံလောက်စွာ ဆောင်ရွက်ပေးမှုမရှိခြင်းကြောင့် သေဆုံးခဲ့ရတာလို့ အကျဉ်းဦးစီး နဲ့ နီးစပ်သူတွေဆီက နေသိရပါတယ်။ အကျဉ်းဦးစီးနဲ့…

အောက်တိုဘာလ ၁၄ ရက်။ တိုက်ပွဲတွေ အပြင်းအထန်ဖြစ်ပွားခဲ့တဲ့ ကလေးမြို့နယ် ၊ စက္ကန့်ကျေးရွာအတွင်း ဒေသခံတွေ နေရပ်ပြန်လာနိုင်ရေးအတွက် ကျေးရွာအတွင်း မြေမြှုပ်မိုင်း ရှင်းလင်းရေးလုပ်ငန်းတွေကို ကျေးရွာကိုထိန်းချုပ်ထားတဲ့ စစ်ကောင်စီတပ်ကဒီကနေ့ အောက်တိုဘာလ ၁၄ ရက်နေ့ကစလို့ စတင် ဆောင်ရွက်နေပြီဖြစ်တယ်လို့ တာဝန်ရှိသူတွေဘက်က ပြောပါတယ်။ ကျေးရွာဒေသခံတစ်ဦးက “ရွာအတွင်း ပြန်လည်အခြေချ မနေထိုင်နိုင်တာ ကြာပြီ ဘာကြောင့်လည်းဆိုရင် စစ်တပ်နဲ့ တာ်လှန်ရေးတပ်ဖွဲ့တွေ ထောင်ထားခဲ့တဲ့ မိုင်းတွေကြောင့် စိုးရိမ်ပြီး မဝင်လာရဲကြတာတွေကြောင့် ဒီကနေ့ ကစလို့ မိုင်းရှင်းလင်းရေးတွေ စတင်လုပ်ဆောင်နေပြီဖြစ်တယ်” လို့ပြောပါတယ်။ ကျေးရွာအတွင်း ဒေသခံတွေ နေရပ်ပြန်မလာနိုင်တာ နှစ်တွေကြာပြီဖြစ်ပြီး ရပ်ကွက်လမ်း နေအိမ်တွေလည်း ချုံတွေ ပေါင်းတွေများစွာဖြင့် ဖုံးလွမ်းတာတွေဖြစ်ပြီး ကျေးရွာအတွင်း လမ်းတွေကိုလည်း JCB ကားအကြီးတွေနဲ့ ပြန်ရှင်းလင်းတာတွေကိုလည်း လုပ်ခဲ့ကြတယ်လို့ သိရပါတယ်။…

အောက်တိုဘာလ ၁၃ ရက်။ စစ်ကိုင်းတိုင်း၊ ကလေးမြို့ပေါ်ရှိ ပုဂ္ဂလိက ဆေးရုံတွေဖြစ်တဲ့ Royal City ဆေးရုံနဲ့ ချမ်းမြေ့ဆေးရုံ တို့ကို လိုင်စင်သက်တမ်းမတိုးလို့ဆိုတဲ့ အကြောင်းပြချက်နဲ့ ဆေးရုံကို နှစ်ရက်အတွင်း အပြီးပိတ်သိမ်းခိုင်းကြောင်း ဒေသခံတွေဆီကနေ သိရပါတယ်။ လက်ရှိပိတ်သိမ်းခံရမယ့် ဆေးရုံတွေဘက်ကတော့ မြို့နယ် ၊ တိုင်းအထိ သက်တမ်းတိုးဖို့ စာတင်ထားပေမယ့် အထက်ကို မရောက်ဘဲ အောက်ခြေမှာတင်ပျောက်နေတာလို့သိရပြီး အောက်တိုဘာလ ၁၂ ရက်နေ့ကစလို့ အပြီးပိတ်ကြောင်းကို ဆေးရုံတွေဘက်က စာတင်လိုက်ရတာဖြစ်တယ်လို့ ကလေးမြို့ဒေသခံတွေဆီကနေ သိရပါတယ်။ ကလေးမြို့နေဒေသခံတစ်ဦးက “ဆေးရုံဘက်က မြို့နယ်ရယ် တိုင်းအထိတင်တယ် ဒီကြားထဲ ဘယ်လိုဖြစ်လို့ မကျလဲမသိဘူးပေါ့နော် သူတို့အကြောင်းပြတာတော့ လိုင်စင်သက်တမ်းမတိုးလို့ဆိုပြီးမှ အကြောင်းပြတယ်တဲ့ ၂ ရက်အတွင်း အပြီး ပစ္စည်းတွေရွှေ့ခိုင်းတာ ပိတ်သိမ်းခိုင်းတာလို့ ကြားတယ် ချမ်းမြေ့နဲ့ Royal…

အောက်တိုဘာလ ၁၂ ရက်။ မြန်မာနိုင်ငံအတွင်း လူ့အခွင့်အရေးကာကွယ်မြှင့်တင်ရေးနဲ့ တရားမျှတမှုရရှိရေးတို့အတွက် ကြိုးပမ်းလုပ်ဆောင်လျက်ရှိတဲ့ တရားလွှတ်တော်ရှေ့နေ ချင်းအမျိုးသမီး ဒေါ်ဇာလီအေးကို ဒိန်းမတ်နိုင်ငံ၊ ကိုပင်ဟေဂင်မြို့တွင် အောက်တိုဘာလ ၄ ရက်နေ့ကနေ ၉ ရက်အထိ ကျင်းပခဲ့တဲ့ အပြည်ပြည်ဆိုင်ရာရှေ့နေများအသင်း (International Bar Association – IBA) ရဲ့နှစ်ပတ်လည်ညီလာခံမှာ လူ့အခွင့်အရေးဆိုင်ရာ ထူးချွန်ဆု ( IBA Human Rights Award 2026 )ဆု ကို လူကိုယ်တိုင်ပေးအပ်ခဲ့တယ်လို့ သိရပါတယ်။ ဒီဂုဏ်ပြုဆုဟာ တစ်ဦးတည်းရဲ့ ကြိုးပမ်းအားထုတ်မှုအတွက်သာမက လူ့အခွင့်အရေး၊ တရားမျှတမှုနှင့် လူ့ဂုဏ်သိက္ခာတိုအတွက် ယုံကြည်ချက်ခိုင်မာစွာဖြင့် အတူတကွ ရပ်တည်ကြိုးပမ်းခဲ့ကြသူများအားလုံး၏ စေတနာ၊ ယုံကြည်မှုနှင့် စွန့်လွှတ်အနစ်နာခံမှုတိုကိုပါ အသိအမှတ်ပြုသည့် ဂုဏ်ပြုမှုတစ်ရပ်အဖြစ် ခံယူမိတယ်လို့လည်း ဒေါ်ဇာလီအေးက ၎င်းရဲ့ ဖေ့ဘုတ်မှာ…