ချင်းပြည်သတင်း

နို၀င်ဘာလ ၃၀ ရက်။ အာရက္ခတပ်တော် (AA) ထိန်းချုပ်ထားတဲ့ ချင်းလူမျိုးအများစုနေထိုင်တဲ့ ချင်းပြည်နယ်၊ပလက်ဝမြို့နယ်မှာ ရခိုင်ဘာသာကို အခြေခံတဲ့ အာရက္ခပညာရေးစနစ်ကို ၂၀၂၅ – ၂၀၂၆ ပညာသင်နှစ်အတွက် အကောင်အထည်ဖော်ဖို့ပြင်ဆင်နေတဲ့အပေါ် ဒေသခံချင်းလူမျိုးတွေက မကြိုက်ကြဘူးလို့ ပလက်ဝဒေသခံတွေဆီကနေ သိရပါတယ်။ ပလက်ဝဒေသခံတစ်ဦးပြောတာက “၂၀၂၅ – ၂၀၂၆ ပညာသင်နှစ်အတွက် ပြင်ဆင်နေတယ်လို့ သိရတယ်။ အခုက AA ထိန်းချုပ်ပြီး အုပ်ချုပ်နယ်မြေမှာ ဒီနှစ်ကစတင်ပြီး အကောင်အထည်ဖော်ချင်တဲ့ သဘောရှိပါတယ်။ ဒေသခံပြည်သူတွေကတော့ မကြိုက်တာက အမှန်ဘဲ ဒီအချိန်မတတ်နိုင်လို့သာပေါ့ သူတို့စာပေ၊ သူတို့စကား၊ သူတို့မှုပေါ်လစီမကြိုက်ကြတာပါ လူမျိုးမတူ၊ တစ်ခြားလူမျိုးအုပ်ချုပ်ရေး အောက်ရောက်သွားတော့ မကြိုက်ပေမယ့် မတတ်နိုင်ဘူးပေါ့” လို့ပြောပါတယ်။ ချင်းလူမျိုးအများစုရှိတဲ့ချင်းပြည်နယ်၊ ပလက်ဝမြို့နယ်မှာ အာရက္ခပညာရေးစနစ်ပြဋ္ဌာန်းမှုအပေါ် ပလက်၀ကချင်းလူမျိုးများကသဘောမတွေ့ကြတာဖြစ်ပါတယ်။ ပလက်ဝမြို့နယ်မှာ အာရက္ခတပ်တော်(AA)က ရခိုင်ဘာသာစကားနဲ့ အာရက္ခပညာရေးစနစ်နဲ့…

နိုဝင်ဘာလ ၃၀ ရက်။ လိမ္မော်သီးအဓိကစိုက်ပျိုးတဲ့ ချင်းပြည်နယ် ပလက်ဝမြို့နယ်က လိမ္မောသီးတွေ ဒီနှစ်မှာတော့ အိန္ဒိယနိုင်ငံဘက်ကို တင်သွင်းရောင်းချနိုင်လို့ တောင်သူတွေဈေးကောင်းရကြတယ်လို့ သိရပါတယ်။ ပလက်ဝဒေသခံတစ်ဦးပြောတာက “အရင်နှစ်တွေက ဈေးကွက်မရှိဘူးပေါ့ ဒီနှစ်မှ အိန္ဒိယဘက်ကိုပို့တာဖြစ်တယ် လိမ္မော်သီး ၆ လုံးကို ရှုပီးငွေ ၁၀၀ ရကြတယ်။ ပလက်ဝဒေသက လိမ္မော်သီးအဓိကစိုက်ပျိုးတဲ့ ဒေသဖြစ်တယ်။ အရင်ခေတ်ကောင်းတုန်းကတော့ ရခိုင်ပြည်ကျောက်တော်ဘက်ကို သွင်းကြတာဖြစ်တယ်” လို့ပြောပါတယ်။ ပလက်ဝဒေသကထွက်တဲ့ လိမ္မော်သီးတွေကို အရင်က ရခိုင်ပြည်နယ်ဘက်ကို အဓိကတင်ပို့ရောင်းချခဲ့ပေမယ့် ရခိုင်ပြည်မှာတိုက်ပွဲတွေဖြစ်ပွားခဲ့ပြီးနောက်ပိုင်း ရောင်းချနိုင်ခဲ့ခြင်းမရှိကြဘဲ ဒီနှစ်မှာ တော့ ပလက်ဝဒေသအတွင်းနဲ့ အိန္ဒိယဘက်ကို တင်ပို့ရောင်းချလာနိုင်တာလို့လည်း သိရပါတယ်။ ပလက်ဝမြို့နယ် ကုလက်ချောင်း၊ ရုံလက်ချောင်း၊ ရှင်းလက်ချောင်းနဲ့ ဥသာလင်းချောင်းစတဲ့ ဒေသတွေမှာ လိမ္မော်သီးတွေကို တောင်သူတွေက အဓိကစိုက်ပျိုးကြတာလို့လည်း သိရပါတယ်။ မီးဇာရွာနားမှာ လိမ္မော်သီး…

နိုဝင်ဘာလ ၂၉ ရက်။ စစ်ကောင်စီတပ်ဖွဲ့ဟာ စစ်ကိုင်းတိုင်းကလေးမြို့ နဲ့အနီးဝန်းကျင်တွေကို လက်နက်ကြီးနဲ့ပစ်ခတ်တာတွေ မကြာခဏလုပ်နေသလို ယမန်နေ့ နိုဝင်ဘာလ ၂၈ ရက်နေ့ကလည်း ကလေးမြို့အရှေ့ဘက်၊ ကင်မွန်းချုံကျေးရွာကို စစ်ကောင်စီက လက်နက်ကြီးနဲ့ ပစ်ခတ်ခဲ့တာကြောင့် ဒေသခံအမျိုးသမီးတစ်ဦးသေဆုံးပြီး၊ အမျိုးသမီး တစ်ဦးထိခိုက်ဒဏ်ရာရခဲ့တယ်လို့သိရပါတယ်။ ကလေးမြို့ဒေသခံတစ်ဦးက “ဘာမှလည်း တိုက်ပွဲဖြစ်တာမျိုးမဟုတ်ဘဲနဲ့ ဒီတိုင်းဘဲ လက်နက်ကြီးနဲ့ ၂ ကြိမ်လားမသိဘူး ပစ်ခတ်သံကြားတယ် အကြောင်းမဲ့ပစ်တာလို့ထင်တယ် တော်ယုံတန်ယုံအဲဒီဘက်ကို ပစ်တာအရင်ကမကြားဖူးဘူး ခုနောက်ပိုင်းစစ်ကောင်စီက ပြည်သူတွေရဲ့ရွာတွေ အိမ်တွေကို သူတို့လေ့ကျင့်ရေးကွင်းဆင်းတဲ့ နေရာလိုဖြစ်နေတာပေါ့ လျှောက်လျှောက်ပစ်နေတာ ဒေသခံတွေအနေနဲ့လည်း သတိထားသင့်တယ် မြို့ရဲ့ဘေးပတ်ခြာလည်က ရွာတွေအနေနဲ့ အချိန်မရွေး လေယာဉ်နဲ့လည်း ဗုံးကြဲနိုင်တယ် လက်နက်ကြီးလည်း ကျလာနိုင်တယ်ပေါ့ သူတို့ကဒီလိုလုပ်နေတာ သိနေပြီဆိုတော့ ကိုယ့်ဘက်ကသတိထားမှဘဲရမှာ”လို့ပြောပါတယ်။ စစ်ကောင်စီပစ်ခတ်လိုက်တဲ့ လက်နက်ကြီးဟာ ကင်မွန်းချုံကျေးရွာထဲကို မနေ့ညနေ ၆ နာရီကျော်လောက်မှာ…

နိုဝင်ဘာလ ၂၈ ရက်။ ဒီနေ့နိုဝင်ဘာလ ၂၈ ရက်နေ့ မနက် ၉:၃၀ ‌ခန့်မှာ ချင်းပြည်နယ် တီးတိန်မြို့နယ်၊ခိုင်ကမ်းမြို့ ရဲစခန်းနားက ခိုင်ကမ်း အထက ကျောင်း အနီးမှာစစ်တပ်၊ရဲတပ်ဖွဲ့မှ ထောင် ထားသော မိုင်း ၁ လုံး ရှော့ဖြစ် ပေါက်ကွဲခဲ့ပြီး ထိခိုက် ဒဏ်ရာ ရရှိသူ မရှိဘူး လို့ ဒေသခံများရဲ့ပြောပြချက် အရ သိရှိရ ပါတယ်။ “ကျောင်းနဲ့ ဘီအိုစီ ဓာတ်ဆီဆိုင် အနောက်နား တစ်နေရာ မှာ ပေါက်ကွဲ ခဲ့တာပါ။ စစ်တပ်ဘက်က ထောင်ထားတဲ့ မိုင်းကို သူတို့က စစ်ဆေးရင်း ရှော့ဖြစ် ပေါက်ကွဲတာ လို့ သိရတယ်။ ထိခိုက် ဒဏ်ရာ ရရှိတာမျိုး မရှိပါဘူး” လို့ ခိုင်ကမ်းမြို့ကပ်ရပ်၊ကလေးမြို့ဒေသခံ…

နိုဝင်ဘာလ ၂၈ ရက်။ Myanmar National League II(MNL-2) 2024 အမှတ်ပေးဘောလုံးပြိုင်ပွဲ (Week-14) ရဲ့ ရာသီပိတ် ပွဲစဉ် တစ်ပွဲ အဖြစ် ဒီကနေ့နိုဝင်ဘာ ၂၈ ရက်ညနေက သုဝဏ္ဏကွင်းမှာ အမှတ်ပေးဇယားမှာ အဆင့် ၃ က University အသင်း နှင့် အဆင့် ၂ က ရာမညယူနိုက်တက်အသင်းတို့ ကစားခဲ့ကြပြီး University အသင်းက ၁-၀ ဂိုးဖြင့် အနိုင်ရခဲ့ကာ University အသင်းဟာ ယနေ့ပွဲတွင် နိုင်ပွဲ ရရှိခဲ့သည့်အတွက် ရမှတ် ၃၀ မှတ် ရရှိခဲ့ပြီး ရာမညယူနိုက်တက်အသင်းနှင့် ရမှတ်တူ ဂိုးကွာခြားချက် အသာဖြင့် ဒုတိယရခဲ့ပါတယ်။ Myanmar National League II(MNL-2) 2024…

နိုဝင်ဘာလ ၂၈ ရက်။ ချင်းပြည်နယ်၊ဖလမ်းမြို့နယ် ကျဲရ်မွန်ကျေးရွာကိုတိုက်ပွဲမရှိပဲယမန်နေ့ နိုဝင်ဘာလ ၂၇ ရက်ည ၁၀ နာရီဝန်းကျင်မှာ စစ်ကောင်စီတပ်က လေကြောင်းနဲ့ ၂ ကြိမ် ဗုံးကြဲတိုက်ခိုက်သွားတယ်လို့ ဖလမ်းဒေသခံတွေဆီကနေသိရပါတယ်။ “တိုက်ပွဲရှိလို့လည်း မဟုတ်ဘူး သက်သက်မဲ့ဗုံးကြဲတာဖြစ်တယ် ထိခိုက်ဒဏ်ရာရတာမျိုးတော့ မရှိဘူးလို့သိရတယ်။ စစ်ကောင်စီက အခုတစ်လောအကြောင်းမဲ့ ဗုံးကြဲနေတော့ ပြည်သူလူထုတွေလည်းစိုရိမ်နေကြတယ်”လို့ဖလမ်းဒေသခံ ၁ ဦးကပြောပါတယ်။ တိုက်ပွဲဖြစ်ခြင်းမရှိတဲ့ ချင်းပြည်နယ်၊ ဖလမ်းမြို့နယ်က လုမ်သဲကျေးရွာကိုလည်း ပြီးခဲ့တဲ့ နိုဝင်ဘာလ ၂၆ ရက်နေ့က စစ်ကောင်စီကလေကြောင်းကနေ တိုက်ခိုက်ခဲ့လို့ ကျန်းမာရေးဝန်ထမ်း ၂ ဦးအပါအဝင် ပြည်သူ (၇) ဦးသေဆုံးပြီး (၄) ဦးဒဏ်ရာရခဲ့တယ်လို့ သိရပါတယ်။ တိုက်ပွဲဖြစ်နေတဲ့ ဖလမ်းမြို့နဲ့ အနီးဝန်းကျင်မှာရှိတဲ့ ဖလမ်းမြို့နယ်ထဲက ဗားကျေးရွာကိုလည်း ပြီးခဲ့တဲ့ နိုဝင်ဘာလ ၂၅ ရက်နေ့က…

နိုဝင်ဘာလ ၂၈ ရက်။ မီဇိုရမ်ပြည်နယ်အစိုးရရဲ့ နိုဝင်ဘာလ ၂၅ ရက်ထုတ်ပြန်ချက်အရ အိန္ဒိယဗဟိုအစိုးရက မီဇိုရမ်ပြည်နယ်မှာ ခိုလှုံနေကြတဲ့ စစ်ဘေးရှောင် ၄ သောင်းကျော်အတွက်ပေးအပ်တဲ့ ရူပီးသိန်း ၅၀၀ တန်ဖိုးရှိသော ဆန်မက်ထရစ်တန်ချိန် ၁၃၇၉ ဟာ စစ်ဘေးရှောင်များနေထိုင်ရာ မီဇိုရမ်ပြည်နယ်က ခရိုင် ၁၁ ခုမှာ ရောက်ရှိသွားပြီဖြစ် ကြောင်း၊ တချို့ခရိုင် တွေမှာ ဆန် အကူအညီ များ ဖြန့် ေ၀ ပေးအပ်နေပြီဖြစ်ကြောင်းသိရပါတယ်။ အဆိုပါဆန်များကို မီဇိုရမ်ပြည်နယ် ပြည်ထဲရေးဝန်ကြီးဌာနမှ စီစဉ်သတ်မှတ်ချက်အတိုင်း ကနဦးသတ်မှတ်ချက်အရ စစ်ဘေးရှောင်တစ်ဦးလျှင် ဆန် ၃၁.၅ ကေဂျီ နှုန်းဖြင့် ဖြန့်ဝေမည်ဖြစ် ကြောင်းသိရပါတယ်။ အိန္ဒိယဗဟိုအစိုးရနှင့် မီဇိုရမ်ပြည်နယ်အစိုးရတို့က မီဇိုရမ်ပြည်နယ်က ချင်း(မြန်မာ)စစ်ဘေးရှောင်များ အတွက် ဆန်ထောက်ပံ့ရေးအစီအစဉ်ကို လောင်တလိုင်မြို့၊ ချန်မာရီရပ်ကွက်ရှိ ကာနန်စစ်ဘေးရှောင်စခန်းမှာ…

နိုဝင်ဘာလ ၂၈ ရက်။ စစ်ကောင်စီတပ်လေကြောင်းတိုက်ခိုက်ခံရတဲ့ ဖလမ်းမြို့နယ် လုမ်သဲကျေးရွာကို Chinland Council ကနေ ဖွဲ့စည်းထားတဲ့ချင်းပြည်(Chinland)အစိုးရအနေနဲ့ လူသားချင်းစာနာထောက်ထားမှု အကူအညီပေးအပ်သွားမယ်လို့ ယမန်နေ့ နိုဝင်ဘာလ ၂၇ ရက်နေ့မှာ ထုတ်ပြန်ထားပါတယ်။ တိုက်ပွဲဖြစ်ခြင်းမရှိတဲ့ ချင်းပြည်နယ်၊ ဖလမ်းမြို့နယ်က လုမ်သဲကျေးရွာကို နိုဝင်ဘာလ ၂၆ ရက်နေ့ နံနက် ၁၁ နာရီခွဲခန့်က စစ်ကောင်စီတပ်က လေကြောင်းကနေဗုံးကြဲတိုက်ခိုက်မှုကြောင့် ကျန်းမာရေးဝန်ထမ်း ၂ ဦးအပါအဝင် အပြစ်မဲ့ပြည်သူ (၇) ဦးသေဆုံးပြီး (၄) ဦး ဒဏ်ရာရခဲ့တဲ့အပေါ် လွန်စွာဝမ်းနည်းတဲ့အကြောင်းနဲ့ စစ်ကောင်စီအနေနဲ့ အပြစ်မဲ့ပြည်တွေနဲ့ ဆေးရုံကိုပစ်မှတ်ထားတိုက်ခိုက်ပြီး စစ်ရာဇဝတ်ကျူးလွန်မှုကို အပြင်းအထန်ရှုတ်ချတယ်လို့လည်း ထုတ်ပြန်ထားပါတယ်။ တိုက်ပွဲဖြစ်နေတဲ့ ဖလမ်းမြို့နဲ့ အနီးဝန်းကျင်မှာရှိတဲ့ ဖလမ်းမြို့နယ်ထဲက ဗားကျေးရွာကိုလည်း ပြီးခဲ့တဲ့ နိုဝင်ဘာလ ၂၅ ရက်နေ့က စစ်ကောင်စီက…

နိုဝင်ဘာလ ၂၇ ရက်။ တိုက်ပွဲဖြစ်ခြင်းမရှိတဲ့ ချင်းပြည်နယ်၊ ဖလမ်းမြို့နယ်က လုမ်သဲကျေးရွာကို ယမန်နေ့နိုဝင်ဘာလ ၂၆ ရက်နေ့က စစ်ကောင်စီတပ်လေကြောင်းတိုက်ခိုက်မှုကြောင့် အမျိုးသမီး ၁ ဦးနဲ့အမျိုးသား ၅ ဦးအရပ်သားပြည်သူ ၆ ဦးအထိသေဆုံးပြီး အဆောက်အအုံတချို့ထိခိုက်ပျက်စီးတယ်လို့ ဒေသခံတွေဆီကနေ သိရပါတယ်။ တိုက်ပွဲဖြစ်ပွားခြင်းမရှိတဲ့ လုမ်သဲကျေးရွာကို စစ်ကောင်စီက ဂျက်ဖိုက်တာနဲ့ မနေ့နိုဝင်ဘာလ ၂၆ ရက် မနက်ပိုင်း ၁၀ နာရီခွဲဝန်းကျင်လောက်မှာ ဗုံးကြဲတိုက်ခိုက်ခဲ့တာဖြစ်ပြီး လူ ၆ ဦးသေဆုံးကာ ခရစ်ယာန်ဘုရားကျောင်း၊ ကျေးလက်ကျန်းမာရေးဆေးပေးခန်းတွေအပါအဝင် လူနေအိမ် ၆ လုံးထိခိုက်ပျက်စီးခဲ့ပါတယ်။ ဒေသခံတစ်ဦးက “ ဒေသခံပြည်သူ ၆ ဦးသေတယ်၊ ဒဏ်ရာရတဲ့သူလည်းရှိတယ်တဲ့ အဆောက်အအုံတွေကတော့ တော်တော်လေးပျက်စီးသွားတယ်ထင်တယ် နှစ်ခြင်းခရစ်ယာန်ဘုရားကျောင်း ဆေးပေးခန်းတွေ အရပ်သားအဆောက်အအုံတချို့ထိခိုက်ပျက်စီးတယ်လို့ သိရတယ်” လို့ပြောပါတယ်။ တိုက်ပွဲဖြစ်နေတဲ့ ဖလမ်းမြို့နဲ့…

နိုဝင်ဘာလ ၂၇ ရက်။ ကုလားတန်မြစ်ထဲမှာ ရေနစ်ပျောက်ဆုံးနေတဲ့ ချင်းပြည်နယ်၊ ပလက်ဝမြို့နယ် ဘောင်းဝီးကျေးရွာနေ မီဇိုရမ်ကို စစ်ရှောင်ဖို့သွားတဲ့ ခရစ်ယာန်ဓမ္မဆရာရဲ့ ရုပ်အလောင်းကို မနေ့နိုဝင်ဘာလ ၂၆ ရက်နေ့ညနေပိုင်းမှာ ကာကီးကျေးရွာအနီးတစ်နေရာမှာ ပြန်တွေ့ပြီဖြစ်ပြီး ဒီကနေ့သဂြိုလ်မယ်လို့ ပလက်ဝဒေသခံတွေဆီက သိရပါတယ်။ ဒေသခံတစ်ဦးက “အလောင်းကိုတော့ ၂ ရက်အကြာမှာ မနေ့ကပြန်တွေ့ပြီလို့သိရတယ် သူရေနစ်ပျောက်ဆုံးခဲ့တဲ့နေရာနဲ့ မလှမ်းမကမ်းမှာ ပြန်လည်တွေ့ရှိတယ်လို့လည်း သိရတယ်” လို့ပြောပါတယ်။ ပလက်ဝမြို့နယ်ဘောင်းဝီးကျေးရွာနေ ဓမ္မဆရာဦးထွန်းအောင်ဟာ ပြီးခဲ့တဲ့ နိုဝင်ဘာလ ၂၄ ရက်နေ့က အိန္ဒိယနိုင်ငံ၊ မီဇိုရမ်ပြည်နယ်ဘက်ကို စစ်ဘေးရှောင်ဖို့ သွားစဉ် ကုလားတန်မြစ်ထဲမှာ စက်လှေပေါ်က ပြုတ်ကျတဲ့ သမီးဖြစ်သူကို ကယ်ဆယ်ရင်း ရေနစ်ပြီး သေဆုံးရတာလည်းဖြစ်ပါတယ်။ ပလက်ဝမြို့နယ်ကိုထိန်းချုပ်ထားတဲ့ အာရက္ခတပ်တော် (AA)က ဘောင်းဝီးကျေးရွာဝန်းကျင်မှာ ဖမ်းဆီးမှုတွေ၊ စစ်ဆေးမှုတွေ ခဏခဏလုပ်တာတွေကြောင့် ဘောင်းဝီးရွာက…