ဖေဖော်ဝါရီလ ၁၆ ရက်။ ချင်းပြည်နယ်၊ တီးတိန်မြို့နယ်၊ ဇန်ဇောလ်ကျေးရွာကို စစ်ကော်မရှင်တပ်ဖွဲ့က မနေ့ည ဖေဖော်ဝါရီလ ၁၅ ရက်နေ့ ည ၈ နာရီလောက်မှာ အကြောင်းမဲ့ လေကြောင်းကနေ ဗုံးကြဲတိုက်ခိုက်ခဲ့လို့ ဒေသခံအရပ်သား ၂ ဦး ထိခိုက်ဒဏ်ရာရခဲ့ပြီး နေအိမ်တချို့လည်း ထိခိုက်ပျက်စီးခဲ့တယ်လို့ တီးတိန်မြို့နယ်အခြေစိုက် ချင်းလက်နက်ကိုင်တော်လှန်ရေးအဖွဲ့ဖြစ်တဲ့ PDF – Zoland ထုတ်ပြန်ချက်အရ သိရပါတယ်။ တိုက်ပွဲတစ်စုံတရာ ဖြစ်ပွားခဲ့ခြင်းမရှိတဲ့ တီးတိန်မြို့နယ် ၊ ဇန်ဇောလ်ကျေးရွာကို တံတားဦးလေတပ်ကနေ တက်လာတဲ့ စစ်ကော်မရှင်တပ်ဖွဲ့ရဲ့ ဂျက်ဖိုက်တာတစ်စီးက မနေ့ည ၈ နာရီခန့်မှာ ၂ ကြိမ် ဗုံးကြဲတိုက်ခိုက်ခဲ့တာဖြစ်ပြီး ပြင်းထန်လှတဲ့ ဗုံးအရှိန်ကြောင့် လမ်းမပေါ်က ကားပါ လွင့်ထွက်သွားခဲ့ရတယ်လို့ ဆိုပါတယ်။ ထိခိုက်ဒဏ်ရာရသွားတဲ့ ဒေသခံ၂ ဦးကိုလည်း လက်ရှိမှာ…

DonBosco မြန်မာနိုင်ငံ၊ အာဏာသိမ်းစစ်ကော်မရှင်ရဲ့နိုင်ငံခြားရေးဝန်ကြီးဌာနက ရန်ကုန်မြို့အခြေစိုက် တီမောလက်စ်တေ (အရှေ့တီမော)နိုင်ငံ သံရုံးယာယီတာဝန်ခံ မစ္စတာ အယ်ဗီလို ဒီ ရီဆားရီယို ဒီ ဆော်ဆာ (Mr. Avelino de Rosario de Sousa) ကို “လက်မခံနိုင်သောပုဂ္ဂိုလ်” (Persona Non Grata) အဖြစ် သတ်မှတ်ကာ မြန်မာနိုင်ငံကနေ (၇) ရက်အတွင်း ထွက်ခွာသွားဖို့ ၂၀၂၆ ခုနှစ်၊ ဖေဖော်ဝါရီလ ၁၃ ရက်နေ့မှာ ဆင့်ခေါ်ညွှန်ကြားလိုက်ပါတယ်။ တီမောလက်စ်တေ (အရှေ့တီမော) အစိုးရဟာ မြန်မာနိုင်ငံရဲ့ သတိပေးချက်ကို လေးစားလိုက်နာခြင်းမရှိဘဲ ၎င်းတို့ရဲ့ ရပ်တည်ချက်ကို ပြောင်းလဲခြင်း မရှိတဲ့အပြင် မြန်မာနိုင်ငံရဲ့ ပြည်တွင်းရေးကို ဆက်လက်စွက်ဖက်နေတယ်လို့ ယူဆရတဲ့အတွက် အခုလို ဒုတိယအကြိမ်မှာတော့ သံတမန်ကို နှင်ထုတ်တဲ့အဆင့်အထိ ပြင်းထန်စွာ…

ဖေဖော်ဝါရီလ ၁၄ ရက်။ ချင်းပြည်နယ်၊ ဖလမ်းမြို့နယ် ၊ ထင်းရှုးစခန်းက ခံစစ်ကုန်းကို ချင်းဒေသကာကွယ်ရေးပူးပေါင်းတပ်ဖွဲ့တွေ ဒီကနေ့ ဖေဖော်ဝါရီလ ၁၄ ရက်နေ့မနက်ပိုင်း ၁ နာရီလောက်မှာ ပြန်သိမ်းပိုက်ခဲ့ပြီး လက်နက်ငယ် ၁၁ ခန့််ပြန်ရခဲ့သလို စစ်ကော်မရှင်တပ်ဖွဲ့တွေ တိုက်ပွဲအတွင်း မသယ်နိုင်လို့ ဖွက်ထားတဲ့ လက်နက်ကြီးတွေကိုလည်း မဏိပူရ်မြစ်တဘက်ခြမ်းတွင် ပြန်တွေ့ခဲ့တယ်လို့ ဖလမ်းမြို့နယ်အခြေစိုက် ချင်းလက်နက်ကိုင်တော်လှန်ရေးအဖွဲ့ဖြစ်တဲ့ ချင်းအမျိုးသားအဖွဲ့ချုပ်(CNO / CNDF)ရဲ့​ေပြာရေးဆိုခွင့်ရှိသူ ဆလိုင်းတင်မီကပြောပါတယ်။ ဖလမ်းမြို့နယ် ထင်းရှုးစခန်းက ချင်းလက်နက်ကိုင် ကာကွယ်ရေးပူးပေါင်းတပ်ဖွဲ့တွေရဲ့ ခံစစ်ကုန်းကို သိုင်းငင်းကနေ တက်လာတဲ့ စစ်ကော်မရှင်တပ်ဖွဲ့က မနေ့ ဖေဖော်ဝါရီလ ၁၃ ရက်နေ့က သိမ်းပိုက်ခဲ့တာဖြစ်ပြီး ချင်းလက်နက်ကိုင် ကာကွယ်ရေးပူးပေါင်းတပ်ဖွဲ့တွေဘက်က ဒီကနေ့ ဖေဖော်ဝါရီလ ၁၄ ရက်နေ့ မနက်ပိုင်း ၁ နာရီလောက်မှာ ထိုးစစ်ပြန်ဆင်ကာ…

ဖေဖော်ဝါရီလ ၁၃ ရက်။ ချင်းပြည်နယ် မြို့တော် ဟားခါးမြို့အတွင်း မနေ့ ဖေဖော်ဝါရီလ ၁၂ ရက်နေ့ညနေ (၇) နာရီခန့်မှာ ပစ်ခတ်တိုက်ခိုက်မှုဖြစ်ပွားခဲ့ပြီး အဲဒီတိုက်ခိုက်မှုအတွင်း စစ်ကော်မရှင်လက်အောက်ခံရဲတပ်ဖွဲ့ဘက်က ရဲအရာအပါအဝင် ရဲတပ်သား ၃ ဦး ပွဲချင်းပြီးသေဆုံးပြီး ၅ ဦး ပြင်းထန် ဒဏ်ရာရခဲ့တယ်လို့ ဟားခါးမြို့နယ်မှာ စစ်ရေးလှုပ်ရှားနေတဲ့ ချင်းလက်နက်ကိုင်တော်လှန်ရေးအဖွဲ့ဖြစ်တဲ့ CDF – Hakha ကို ထောက်ပံ့နေတဲ့ CDF-Hakha Support Team of North America က ထုတ်ပြန်ပါတယ်။ ဟားခါးမြို့အတွင်း တာဝန်ကျရဲမင်းကြီးရဲ့ လူမဆန်စွာ ကြမ်းကြုတ် ရိုင်းစိုင်းသလို ပြည်သူတွေထံကနေ မတရားငွေညစ်တာတွေ လုပ်လေ့ ရှိတာကြောင့် ဟားခါးမြို့နယ်အခြေစိုက် CDF – Hakha တပ်ဖွဲ့က Operation…

ရေး – DonBosco “အမျိုးသမီးတွေအနေနဲ့အခွင့်အရေးကို စောင့်ဆိုင်းနေရုံနဲ့မရပါဘူး။ကျွန်မတို့ကိုယ်တိုင် မြေပြင်မှာအလုပ်လုပ်ပြပြီး ကျွန်မတို့ရဲ့အရည်အချင်းနဲ့ပဲ နေရာယူရပါလိမ့်မယ်” မီဇိုရမ်ပြည်နယ်အစိုးရအဖွဲ့ရဲ့ ပထမဦးဆုံးအမျိုးသမီးဝန်ကြီး “Women Icon Award 2026” ဆုရှင် Pi Lalrinpuii အမျိုးသားတွေပဲ အစဉ်အဆက် လွှမ်းမိုးကြီးစိုးခဲ့တဲ့ အိန္ဒိယနိုင်ငံ၊မီဇိုရမ်ပြည်နယ်ရဲ့ နိုင်ငံရေးနယ်ပယ်မှာ Pi Lalrinpuii ဟာ သမိုင်းသစ်တစ်ခုကို ရေးထိုးနိုင်ခဲ့သူ ဖြစ်ပါတယ်။ သူဟာ မီဇိုရမ်ပြည်နယ်အစိုးရအဖွဲ့ရဲ့ ပထမဦးဆုံး အမျိုးသမီး Cabinet ဝန်ကြီးအဖြစ် ခန့်အပ်ခံရုံတင်မကဘဲ၊ အခုအခါမှာတော့ အိန္ဒိယနိုင်ငံရဲ့ အမျိုးသမီးတွေအတွက် ဂုဏ်အရှိဆုံး နိုင်ငံအဆင့်ဆုတစ်ခုဖြစ်တဲ့ “Women Icon Award 2026” ကိုပါ ထိုက်ထိုက်တန်တန် ဆွတ်ခူးနိုင်ခဲ့တာ ဖြစ်ပါတယ်။ ဒီအောင်မြင်မှုဟာ Pi Lalrinpuii တစ်ဦးတည်းအတွက်သာမကဘဲ ဒေသတွင်းက အမျိုးသမီးတွေအတွက်ပါ နိုင်ငံရေးတံခါးကို…

ရေး – DonBosco ချင်းပြည်နယ်အတွင်းမှာ စစ်ကော်မရှင်ဟာ နိုင်ငံရေးအရ တရားဝင်မှုရရှိဖို့အတွက် ရွေးကောက်ပွဲကို ပုံစံအမျိုးမျိုးနဲ့ အသုံးချဖို့ ကြိုးစားနေပေမဲ့၊ မြေပြင်မှာတော့ မြေလှန်စနစ် (Scorched Earth Policy) နဲ့ လေကြောင်းဗုံးမိုးတွေကို အရှိန်မြှင့်ပြီး အရပ်သားတွေကိုပါ စနစ်တကျ ပစ်မှတ်ထားတိုက်ခိုက်နေတာကို တွေ့ရပါတယ်။ ဒီလုပ်ရပ်တွေဟာ မြေပြင်စစ်ရေးမှာ အကြီးအကျယ် အရေးနိမ့်နေတာကို လေကြောင်းအင်အားနဲ့ ဖုံးဖိဖို့ ကြိုးစားနေတာဖြစ်တယ်လို့ ချင်းလူ့အခွင့်အရေးအဖွဲ့ (CHRO) က ဆိုထားပါတယ်။ ချင်းလူ့အခွင့်အရေးအဖွဲ့ (CHRO) ရဲ့ ၂၀၂၆ ခုနှစ် ဖေဖော်ဝါရီလ ၉ ရက်နေ့ ထုတ်ပြန်ချက်မှာ အခုလို လေကြောင်းတိုက်ခိုက်မှုတွေဟာ “စနစ်တကျ လုပ်ဆောင်နေတဲ့ ပုံစံတစ်ခု (Systematic pattern)” ဖြစ်ပြီး၊ အရပ်သားလူထုကို ထိတ်လန့်တုန်လှုပ်စေဖို့ (Terrorize communities)…

ဖေဖော်ဝါရီလ ၁၂ ရက်။ မတ်လမှာ ကျင်းပမယ့်ချင်းပြည်နယ်လွှတ်တော်အပါအဝင်တိုင်းဒေသကြီး နှင့် ပြည်နယ် လွှတ်တော်များ အတွက် တပ်မတော်ကာကွယ်ရေးဦးစီးချုပ်က အမည်စာရင်းပေးပို့ထားတဲ့ တပ်မတော်သားလွှတ်တော်ကိုယ်စားလှယ် စုစုပေါင်း (၂၀၁) ဦး ၏ အမည်စာရင်းများကို အာဏာသိမ်းစစ်ကော်မရှင်ခန့် ပြည်​ထောင်စုရွေးကောက်ပွဲကော်မရှင်က ဒီကနေ့ ဖေဖော်ဝါရီလ ၁၂ ရက်မှာ ထုတ်ပြန်ပါတယ်။ ဒီဇင်ဘာလ ၂၈ ရက်က ချင်းပြည်နယ် ဟားခါးနဲ့တီးတိန်မြို့နယ်မှာ ကျင်းပခဲ့တဲ့ ရွေးကောက်ပွဲအပိုင်း (၁) မှာ ချင်းပြည်နယ်လွှတ်တော်နေရာမှာ အနိုင်ရသူအကုန်ယူစနစ်/အချိုးကျကိုယ်စားပြုစနစ်နဲ့ အနိုင်ရတဲ့ ပြည်နယ်လွှတ်တော်ကိုယ်စားလှယ် ၁၁ ယောက်မှာ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီက ၆ ယောက်နဲ့ ဇိုမီးအမျိုးသားပါတီက ၄ ယောက်နဲ့ ချင်းပြည်သစ်ကွန်ဂရက်ပါတီက ၁ ယောက် တို့ဖြစ်ပါတယ်။ အာဏာသိမ်းစစ်ခေါင်းဆောင်ဗိုလ်ချုပ်မှုးကြီးမင်းအောင်လှိုင်က လာမယ့်မတ်လမှာ လွှတ်တော် ခေါ်ယူပြီးအနိုင်ရတဲ့ပါတီကိုအာဏာလွဲပြောင်း ပေးမယ်လို့ ပြောထားပါတယ်။…