Chin World မီဒီယာကတော့ ချင်းပြည်နယ် သတင်းများကို အဓိကထားတင်ဆက်နေပြီး BNI အဖွဲ့ဝင်မီဒီယာ တစ်ခုလည်း ဖြစ်ပါတယ်။
မေလ ၃ ရက်။ ဂန့်ဂေါမြို့၊ ခလရ (၅၀)မှ ရဲဘော် ကောင်းခန့်(ခ) အာဇာနည် ဟာ Chinland Defense Force – Kalay Kabaw Gangaw ( CDF – KKG) တပ်ဖွဲ့ထံ ဧပြီလ ၁၉ ရက်နေ့က အလင်းဝင်လာတယ်လို့ CDF – KKG က ဒီကနေ့ မေလ ၃ ရက်နေ့မှာ ထုတ်ပြန်ပါတယ်။ ကိုယ်ပိုင်အမှတ် (တ- ၅၄၆၇၉၅) ရဲဘော် ကောင်းခန့် (ခ) အာဇာနည် ဟာ ဧပြီလ ၁၉ ရက်နေ့က CDF – KKG ထံ MA 1 လက်နက် အမျိုးစား ၁…
မေလ ၂ ရက်။ အိန္ဒိယနိုင်ငံ၊ မီဇိုရမ်ပြည်နယ်၊ လုံလေ (Lunglei) ခရိုင်ထောင်က အကျဉ်းသား ၁၆ ဦးကို လွန်ခဲ့တဲ့ ၄ လအတွင်း တရားရုံးအမိန့်စာအတုတွေ သုံးပြီး တရားမဝင် လွှတ်ပေးခဲ့တာနဲ့ ပတ်သက်လို့ အဲဒီအကျဉ်းသားတွေထဲက ၁၃ ဦးကို ပြန်ဖမ်းမိထားတယ်လို့ ရဲတပ်ဖွဲ့ကပြောကြားကြောင်း Northeast Today မီဒီယာမှာဖော်ပြပါတယ်။ လုံလေခရိုင်နဲ့ Sessions တရားရုံးက တာဝန်ရှိသူတွေဟာ အချို့အကျဉ်းသားတွေကို လွှတ်ပေးဖို့ ခွင့်ပြုထားတဲ့ မှတ်တမ်းတွေ မရှိတာကို တွေ့ရှိခဲ့ရာကနေ အဲဒီစာရွက်စာတမ်းတွေဟာ အတုတွေဖြစ်နိုင်တယ်လို့ သံသယဖြစ်ခဲ့တာပါ။ လုံလေခရိုင်ထောင် ဒုတိယကြီးကြပ်ရေးမှူး Lalruatsanga ရဲ့ ပြောပြချက်အရ အခုလို တရားမဝင် လွှတ်ပေးမှုတွေဟာ ဇန်နဝါရီလကတည်းက စတင်ခဲ့တာဖြစ်ပြီး ပြီးခဲ့တဲ့အပတ်အထိ ဘယ်သူမှ သတိမထားမိခဲ့ဘူးလို့ ဆိုပါတယ်။ ဒီဖြစ်စဉ်နဲ့…
မေလ ၁ ရက်။ ချင်းပြည်နယ်၊ တီးတိန်မြို့က စစ်ကော်မရှင်တပ် ခလရ ၂၆၉ ကို PDF Zoland ဦးဆောင်မှုနဲ့ အချို့သော PDF တွေနဲ့ KIA တပ်ဖွဲ့တွေက ပူးပေါင်းတိုက်ခိုက်ဖို့ ပြင်ဆင်နေတယ်ဆိုတဲ့ သတင်းတွေကြောင့် တိုက်ပွဲဖော်ဆောင်ရာမှာ ကူညီပေးနေတဲ့ KIA အနေနဲ့ ညီအစ်ကိုချင်း အပြန်အလှန် ထိခိုက်နာကျင်မှုတွေ မဖြစ်စေဖို့ အထူးစဉ်းစားပေးစေလိုတယ်လို့ ဇိုမီးတော်လှန်ရေးတပ်မတော် (ZRA) က ဒီကနေ့ မေလ ၁ ရက်နေ့မှာ မေတ္တာရပ်ခံချက် ထုတ်ပြန်လိုက်ပါတယ်။ တီးတိန်မြို့ဟာ ဇိုမီးလူမျိုးတွေအတွက် အလွန်အရေးကြီးတဲ့ နေရာဖြစ်တာကြောင့် တော်လှန်ရေး လက်နက်ကိုင်အဖွဲ့အစည်းတွေအနေနဲ့ ဘယ်လိုတိုက်ခိုက်မှုမျိုးကိုမှ မပြုလုပ်ကြဖို့ ZRA အရှေ့ပိုင်းတိုင်း စစ်ဌာနချုပ်က ဆိုပါတယ်။ KIA ရဲ့ လုပ်ဆောင်ချက်တချို့ဟာ မသင့်လျော်တဲ့ တိုက်ခိုက်မှုတွေ ဆက်တိုက်လုပ်ဆောင်နေတာ တွေ့ရလို့ စိတ်မကောင်းဖြစ်ရကြောင်းနဲ့ ပြီးခဲ့တဲ့ ၂၀၂၃ ခုနှစ်ကလည်း တွန်းဇံမြို့နယ်အတွင်း KIA က CNA/PDF တွေနဲ့ ပူးပေါင်းတိုက်ခိုက်ခဲ့တာကြောင့် ဇိုမီးလူမျိုးတွေ နာကျင်ခဲ့ရတယ်လို့လည်း ထုတ်ပြန်ချက်မှာ ဖော်ပြထားပါတယ်။ ဒါ့အပြင်…
မေလ ၁ ရက်။ အိန္ဒိယ – မြန်မာနယ်စပ်အနီးမှာရှိတဲ့ ချင်းပြည်နယ်၊ ဖလမ်းမြို့နယ်၊ Khawpuichhip ကျေးရွာကို စစ်ကော်မရှင်တပ်ဖွဲ့က ဒီကနေ့ မေလ ၁ ရက်နေ့ နေ့လည်ပိုင်း ၃ နာရီလောက်မှာ လေကြောင်းကနေဗုံးကြဲတိုက်ခိုက်ခဲ့လို့ ကလေးငယ်တွေအပါအဝင် အရပ်သားပြည်သူ ၆ ဦး သေဆုံးပြီး အမြောက်အများ ထိခိုက်ဒဏ်ရာရတယ်လို့ ဒေသခံတွေကပြောပါတယ်။ ဒေသခံတစ်ဦးက “ ဂျက်ဖိုက်တာတစ်စီးနဲ့ ကြဲသွားတယ် ရွာလယ်တည့်တည့်ကို ကြဲသွားတာမျိုးဖြစ်တယ် အဲဒီမှာကလေးငယ် တွေအပါအဝင် အရပ်သားပြည်သူ ၆ ဦးသေဆုံးသွားတယ် ၉ ဦးလောက်ဒဏ်ရာရတယ်လို့သိရတယ် နေအိမ်တချို့လည်း ထိခိုက်ပျက်စီးတာရှိတယ် တိုက်ပွဲဖြစ်တာမျိုးလည်း မရှိဘဲနဲ့ အခုလိုတိုက်ပွဲနဲ့ မဆိုင်တဲ့ အရပ်သားပြည်သူကို ပစ်မှတ်ထားတိုက်ခိုက်တာတွေ ရပ်သင့်နေပြီ” လို့ပြောပါတယ်။ ဒီကနေ့ နေ့လည်မှာ စစ်ကော်မရှင်ဗုံးကြဲတိုက်ခိုက်သွားတဲ့ Khawpuichhip ကျေးရွာမှာ…
မေလ ၁ ရက်။ ချုင်းပြည်နယ် ၊ဖလမ်းမြို့နယ်၊ Thlanrawn ကျေးရွာနေ အသက် (၁၇)နှစ်အရွယ် ဒေသခံအမျိုးသမီး မငွန်နှမ်တီလ် ( Mai Ngun Hnen Tial ) ဟာ မနေ့ဧပြီလ ၃၀ ရက်နေ့က စစ်ကော်မရှင်တပ်ဖွဲ့ရဲ့ ဒရုန်းဖြင့် ဗုံးကြဲတိုက်ခိုက်မှုကြောင့် သေဆုံးခဲ့ရတယ်လို့ ဒေသတွင်း သတင်းရင်းမြစ်တွေထံကနေ သိရပါတယ်။ Lungrang ကျေးရွာဘက်မှာ တပ်စွဲထားတဲ့ စစ်ကော်မရှင်တပ်ဖွဲ့က ဒရုန်းတွေ အသုံးပြုကာ Thlanrawn ကျးရွာ တောင်ယာဘက်ရှိ စစ်ဘေးရှောင်တဲတွေပေါ် မနေ့မနက်ပိုငး ၁၀ နာရီဝန်းကျင်လောက်မှာ ဗုံးကြဲတိုက်ခိုက်ခဲ့တာဖြစ်ပြီး ဗုံးသီးကျရောက်ပေါက်မှုကြောင့် Thlanrawn ဒေသခံ အမျိုးသမီး မငွန်နှမ်တီလ် ( Mai Ngun Hnen Tial ) ဟာ သေဆုံးခဲ့ရတာလို့လည်း…
ဧပြီလ ၃၀ ရက်။ အိန္ဒိယ – မြန်မာနယ်စပ် မီဇိုရမ်နယ်စပ်ကနေ ကီလိုမီတာ ၂၀ ဝန်းကျင်သာကွာဝေးတဲ့ ချင်းပြည်နယ်၊ တီးတိန်မြို့နယ်၊ Heilei ကျေးရွာ နှင့်Tuichirh ကျေးရွာတို့ကြားရှိ khuaimual ကျေးရွာကို စစ်အုပ်စုက ဒီကနေ့ ဧပြီလ ၃၀ ရက်နေ့ မနက်ပိုင်း ၇ နာရီခန့်လောက်မှာလေကြောင်းတိုက်ခိုက်ခဲ့လို့ အဆောက်အအုံတချို့ ထိခိုက်ပျက်စီးခဲ့ပေမယ့် လူထိမိတာမျိုးတော့ မရှိဘူးလို့ နီးစပ်တဲ့သတင်းရင်းမြစ်တွေထံကနေ သိရပါတယ်။ တီးတိန်မြို့နယ်က Heilei ကျေးရွာ နှင့် Tuichirh ကျေးရွာတို့ကြားရှိ khuaimual ကျေးရွာကို ဒီကနေ့မနက်ပိုင်း ၇ နာရီ ၄ မိနစ် နှင့် ၇ နာရီ ၈ မိနစ်ခန့်တွင် တံတားဦးလေတပ်ကနေ တက်လာတဲ့ စစ်အုပ်စုရဲ့ Yak-130 ဂျက်ဖိုက်တာ…
ဧပြီလ ၂၉ ရက်။ ချင်းပြည်နယ် ၊ ကန်ပက်လက်မြို့နယ် ၊ ကျင်ဒွေးမြို့မှာ ဒီကနေ့ ဧပြီလ ၂၉ ရက်နေ့မှာ စစ်ကော်မရှင်တပ်က လေကြောင်းကနေ ဗုံးကြဲတိုက်ခိုက်လို့ အရပ်သား ၉ ဦး ထိခိုက်သေဆုံးမှုတွေ ဖြစ်ခဲ့ပြီးနောက် ဒေသခံတွေအနေဖြင့် နေအိမ်၊ ဈေးဆိုင်တွေမှာ ဗုံးခိုကျင်းတွေ ကတုတ်ကျင်းတွေ အဆင်သင့်ထားရှိဖို့ ချင်းပြည်သူ့အစည်းအရုံး/ချင်းပြည်သူ့တပ်မတော် ( CPU / CPA) သတိပေးထုတ်ပြန်လိုက်ပါတယ်။ ဒီကနေ့ မနက်ပိုင်း ၁၀ နာရီ ၁၅ မိနစ်ဝန်းကျင်လောက်မှာ စစ်ကော်မရှင်တပ်က ကျင်ဒွေးမြို့၊ ကျင်ဒွေးတံတားကို ဂျက်လေယာဉ်ဖြင့် လေကြောင်းတိုက်ခိုက်ခဲ့လို့ ကျင်ဒွေးတံတား ထိန်းသိမ်းပြုပြင်နေကြတဲ့ အပြစ်မဲ့ အရပ်သားပြည်သူ (၉) ဦး သေဆုံးခဲ့ပြီး ဒဏ်ရာရရှိသူ (၃) ဦး ရှိခဲ့ပြီး JCB…
ဧပြီလ ၃၀ ရက်။ ကဆုန်လပြည့်နေ့ အထိမ်းအမှတ်အားဖြင့်လည်းကောင်း၊ ပြည်သူလူထု နှလုံးစိတ်ဝမ်းအေးချမ်းစေရေး နဲ့ လူသားချင်းစာနာထောက်ထားမှု အားဖြင့် ဒီကနေ့ ဧပြီလ ၃၀ ရက်နေ့မှာ နိုင်ငံတဝန်းက အကျဉ်းသား / သူ ၁၅၀၈ ဦး ပြန်လွတ်ငြိမ်းပေးတဲ့အထဲ ကလေးမြို့ မော်လိုက်အကျဉ်းထောင်ကနေ အကျဉ်းသား ၃ ယောက်လွတ်လာတယ်လို့ နီးစပ်တဲ့ သတင်းရင်းမြစ်တွေထံကနေ သိရပါတယ်။ နိုင်ငံရေးအကျဉ်းသားအရေးနဲ့ နီးစပ်တဲ့ သတင်းရင်းမြစ်တစ်ဦးက “ ကလေးမြို့မော်လိုက်အကျဉ်းထောင်ကနေ ၃ ယောက်လွတ်လာတယ် ၊ လွတ်လာတဲ့ထဲ နိုင်ငံရေးအကျဉ်းသူ / အကျဉ်းသားတော့ မပါဘူး” လို့ ပြောပါတယ်။ လူသားချင်းစာနာထောက်ထားမှုကို အလေးထားတဲ့အနေဖြင့်လည်းကောင်း၊ နိုင်ငံတော်တည်ဆောက်ရေးမှာ ပါဝင်နိုင်စေရန် တို့အတွက် အကျဉ်းထောင်၊ အချုပ်ထောင် ၊ စခန်းအသီးသီးမှာ ပြစ်ဒဏ်ကျခံလျက်ရှိတဲ့ အကျဉ်းသား/…
ဧပြီလ ၃၀ ရက်။ ချင်းပြည်နယ်တောင်ပိုင်း မြို့နယ်များနဲ့ မကွေးတိုင်း ယောဒေသအစပ်နေရာတွေကို စစ်ကော်မရှင်က ဒီကနေ့ ဧပြီလ ၃၀ ရက်နေ့မှာ လေကြောင်းကနေ အင်အားအလုံးအရင်းနဲ့ အပြင်းအထန် ဗုံးကြဲတိုက်ခိုက်ခဲ့သလို၊ ကျောက်ထုအခြေစိုက် အမြောက်တပ်ထဲကိုလည်း လေယာဉ်တွေနဲ့ ရိက္ခာနဲ့ ခဲယမ်းတွေ အဆက်မပြတ် ဖြည့်တင်းနေတယ်လို့ သိရပါတယ်။ ဒီကနေ့ နေ့လည် ၁၂ နာရီဝန်းကျင်မှာ တံတားဦး၊ မကွေးနဲ့ အေလာ လေတပ်စခန်းတွေက တက်လာတဲ့ ဂျက်ဖိုက်တာ ၅ စီးဟာ မင်းတပ်နဲ့ ကျောက်ထုအစပ်က နေရာတစ်ခုတည်းကိုတင် ၁၀ ကြိမ်ထက်မနည်း ဗုံးကြဲတိုက်ခိုက်သွားခဲ့ပါတယ်။ အလားတူ ဧပြီလ ၂၉ ရက်နေ့ မနက် ၁၀ နာရီခွဲဝန်းကျင်မှာလည်း တံတားဦးနဲ့ မကွေးလေတပ်က တက်လာတဲ့ ဂျက်ဖိုက်တာတွေက ချင်းပြည်နယ်၊ ကျင်ဒွေးမြို့အနီးရှိ…
ဧပြီလ ၃၀ ရက်။ အိန္ဒိယနိုင်ငံ၊ မီဇိုရမ်ပြည်နယ်၊ Sesawng ရှိ ဗဟိုလေ့ကျင့်ရေးသင်တန်းကျောင်း (CTI) စစ်ရေးပြကွင်းမှာ ဒီကနေ့ ကြာသပတေးနေ့က ကျင်းပတဲ့ “နေရပ်ပြန်ခြင်းနှင့် လက်နက်စွန့်လွှတ်ခြင်း အခမ်းအနား” မှာ Hmar ပြည်သူ့ကွန်ဗင်းရှင်း (ဒီမိုကရက်တစ်) (HPC-D) ရဲ့ Lalhmingthanga Sanate အဖွဲ့ဝင်တွေဟာ လက်နက်တွေ စွန့်လွှတ်ပြီး လူ့ဘောင်အတွင်းကို တရားဝင် ပြန်လည်ဝင်ရောက်လာခဲ့ကြပါတယ်လို့ အိန္ဒိယသတင်းများက ေဖာ်ပြပါတယ်။ ဒီအခမ်းအနားဟာ ပြီးခဲ့တဲ့ ၂၀၂၆ ခုနှစ်၊ ဧပြီလ ၁၄ ရက်နေ့က Sakawrdaia မှာ မီဇိုရမ်အစိုးရနဲ့ HPC (D) Lalhmingthanga Sanate အဖွဲ့တို့ကြား ချုပ်ဆိုခဲ့တဲ့ ငြိမ်းချမ်းရေး သဘောတူညီချက်ရဲ့ နောက်ဆက်တွဲ ရလဒ်ဖြစ်ပြီး၊ ဒီကနေ့မှာတော့ လက်နက်တွေ အပ်နှံခြင်းအားဖြင့်…