ပြည်တွင်းသတင်း

ရွေးကောက်ပွဲအတွက် ၂၀၂၄ ခုနှစ်လူဦးရေနှင့် အိမ်အကြောင်းအရာ သန်းခေါင်စာရင်း ကောက် ယူဖို့ အဆင်သင့် ဖြစ်နေပြီလို့ စစ်ခေါင်းဆောင် ဗိုလ်ချုပ်မှုးကြီးမင်းအောင်လှိုင်က ဒီကနေ့ စက်တင်ဘာလ ၁ ရက်နေ့ ၂၀၂၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်း ကောက်ယူခြင်းအထိမ်းအမှတ် ပြည်သူသို့ပြောကြားသည့်မိန့်ခွန်းမှာ ပြောကြားသွားပါတယ်။ သန်းခေါင်စာရင်းကောက်ယူတာကို လာမယ့် အောက်တိုဘာလ ၁ ရက်နေ့ကနေ ၁၅ ရက်အထိ ကောက်ယူမှာဖြစ်ပြီး စာရင်းကောက်ယူသူတွေကို ပြည်သူတွေအနေနဲ့ အချက်အလက် မှန်မှန်ကန်ကန် ဖြေကြဖို့ လိုတယ်လို့ စစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင်က ပြောပါတယ်။ စစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင်က “လူဦးရေနဲ့အိမ်အကြောင်းအရာ သန်းခေါင်စာရင်း လုပ်ငန်းစဉ်ကို နိုင်ငံတကာ စံချိန်စံကိန်းနဲ့ ကောက်ယူဖို့ စီမံဆောင်ရွက်နေပါတယ် ကြိုတင်ပြင်ဆင်တဲ့ လုပ်ငန်းအဆင့်ဆင့်ကိုလည်း လွန်ခဲ့တဲ့ နှစ်တွေကစပြီး အားသွန်စိုက်ကြိုးပမ်းဆောင်ရွက်လာတာ…

စစ်ကောင်စီက ကျင်းပရန် ကြံစည်နေသော အတုအယောင်ရွေးကောက်ပွဲကို မည်သည့်နည်းနှင့်မျှ အသိအမှတ်မပြု၊ ပူးပေါင်းဆောင်ရွက်ခြင်းမပြုရန် စသည့်အချက်များအပါအဝင် ဆုံးဖြတ်ချက် (၁၄) ချက်ကို ပါတီအစည်းအဝေးမှာကန့်ကွက်သူမရှိ အတည်ပြုချမှတ်နိုင်ခဲ့ကြောင်း ဒီကနေ့ ဩဂုတ်လ ၃၁ ရက်မှာ အမျိုးသားဒီမိုကရေစီအဖွဲ့ချုပ်(NLD)ပါတီကထုတ်ပြန်ပါတယ်။ ၂၀၂၄ ခုနှစ် ဩဂုတ်လ ၃၁ ရက်နေ့ နံနက် ၉ နာရီအချိန်တွင်အမျိုးသားဒီမိုကရစီအဖွဲ့ချုပ် ဒုတိယဗဟိုကော်မတီ၏ ကြားကာလစတုတ္ထအကြိမ် အစည်းအဝေး ကို Zoom မှတစ်ဆင့် ကျင်းပခဲ့ရာ၊အစည်းအဝေးသို့ သဘာပတိအဖွဲ့ဝင် (၁) ဦး၊ ဗဟိုကော်မတီဝင်(၄၀) ဦး၊ အရံဗဟိုကော်မတီဝင် (၁၁) ဦး၊ တိုင်းဒေသကြီးနှင့်ပြည်နယ်အလုပ်အမှုဆောင်(၂၁) ဦး၊ ဗဟိုရေးရာကော်မတီများမှ (၂၀) ဦး စုစုပေါင်း (၉၃) ဦး တက်ရောက်ခဲ့ကြောင်းအမျိုးသားဒီမိုကရေစီအဖွဲ့ချုပ်(NLD)ပါတီကထုတ်ပြန်ပါတယ်။ စစ်အာဏာသိမ်းမှုကြောင့် ပေါ်ပေါက်လာသော မြန်မာ့နိုင်ငံရေးပြဿနာများကို ဖြေရှင်းရာတွင် အမျိုးသားဒီမိုကရေစီအဖွဲ့ချုပ်ဥက္ကဋ္ဌ…

အိန္ဒိယနိုင်ငံမှာ ဖမ်းဆီးခံနေရတဲ့ မြန်မာနိုင်ငံသားအားလုံးပြန်လွှတ်ပေးဖို့နဲ့မြန်မာနိုငံက ဖိနှိပ်ခံနေရတဲ့ ဟိန္ဒူအသိုင်းအဝိုင်းတွေကို ကာကွယ်ပေးဖို့အိန္ဒိယနိုင်ငံ သမ္မတ၊ ဝန်ကြီးချုပ်၊ လွှတ်တော်အကြီးအကဲတွေနဲ့ အစိုးရတာဝန်ရှိသူတွေကို အိန္ဒိယ – မြန်မာအရေး လေ့လာစောင့်ကြည့်ရေးအဖွဲ့ ဖြစ်တဲ့ India For Myanmar နဲ့ Myanmar Hindu Union တို့က ပူးတွဲပြီး အကူညီတောင်းခံစာ သြဂုတ်လ ၂၂ ရက်နေ့က ပေးပို့ခဲ့တယ်လို့ သိရပါတယ်။ အိန္ဒိယ – မြန်မာအရေး လေ့လာစောင့်ကြည့်ရေးအဖွဲ့ ဖြစ်တဲ့ India For Myanmar က ဦးဆောင်သူ ဆလိုင်းဒိုခါရ်က “ကျနော်တို့ တောင်းဆိုချက်က နှစ်မျိုးရှိတယ် ပထမတစ်မျိုးကတော့ ဟိန္ဒူအသိုင်းအဝိုင်းတွေ မြန်မာနိုင်ငံမှာ ခေတ်အဆက်ဆက်ကြုံတွေ့နေရတဲ့ ဟာရယ် ခေတ်အဆက်ဆက်ဆိုတဲ့နေရာမှာ မင်းအောင်လှိုင်အာဏာရရှိလာပြီးနောက်ပိုင်း အခြေအနေပိုပိုဆိုးလာနေတဲ့ ဟိန္ဒူအသိုင်းအဝိုင်းတွေရဲ့ အခြေအနေကို ကာကွယ်ပေးဖို့…

မြေမြှုပ်မိုင်းနဲ့ ပေါက်ကွဲစေတတ်တဲ့ ပစ္စည်းတွေကြောင့် ချင်းပြည်နယ် အပါအဝင် တိုင်းနဲ့ပြည်နယ် ၁၂ ခုမှာ ဒီနှစ် ၂၀၂၄ ခုနှစ် ၆ လအတွင်း ဖြစ်ရပ်ပေါင်း ၁၈၀ ဖြစ်ခဲ့ပြီး ထိခိုက်ဒဏ်ရာရသူ ၃၂၅ ဦးရှိပြီး နို်င်ငံတစ်ဝှမ်း သေဆုံးမှုအားလုံးရဲ့ ၄၇ ရာခိုင်နှုန်းရှိတယ်လို့ ကုလသမဂ္ဂ ကလေးများရန်ပုံငွေအဖွဲ့ ( UNICEF )ရဲ့ ဇူလိုင်လ အတွင်း ထုတ်ပြန်တဲ့ အစီရင်ခံစာ အရသိရပါတယ်။ ၂၀၂၄ ခုနှစ် ဇန်နဝါရီလ ကနေ ဇွန်လအထိ ၆ လအတွင်း မြေမြှုပ်မိုင်းနဲ့ ပေါက်ကွဲစေတတ်တဲ့ ပစ္စည်းတွေကြောင့် မြန်မာနိုင်ငံ တစ်ဝှမ်းက အရပ်သားထိခိုက်သေဆုံးမှု ၁၀၂ ဦး သေဆုံးပြီး ထိခိုက်ဒဏ်ရာရရှိသူ ၅၉၀ ဦးရှိကာ စုစုပေါင်း ၆၉၂ ဦး…

မြန်မာနိုင်ငံအတွင်း ကျယ်ပြန့်လာတဲ့ ပဠိပက္ခတွေနဲ့ ဆိုးရွားတဲ့ သဘာဝဘေးအန္တရယ်တွေ ကြောင့် ကလေးသူငယ် ၆ သန်းအပါအဝင် လူဦးရေ ၁၉ သန်းနီးပါး(၁၈.၆ သန်း ) လူသားချင်းစာနာမှု အကူအညီ အရေးပေါ် အကူအညီလိုအပ်နေတယ်လို့ ကမ္ဘာ့လူသားချင်းစာနာထောက်ထားရေးနေ့ ဖြစ်တဲ့ သြဂုတ်လ ၁၉ ရက်နေ့ မှာ ကုလသမဂ္ဂလူသားချင်းစာနာမှုဆိုင်ရာ ညှိနိူင်းရေးရုံး(UNOCHA) ရဲ့ ထုတ်ပြန်ချက်အရ သိရပါတယ်။ လူဦးရေ သန်း ၅၀ ကျော်ရှိတဲ့ မြန်မာနိုင်ငံမှာ လူဦးရေရဲ့ သုံးပုံတစ်ပုံကျော်လောက်က လူသားချင်းစာနာမှု အကူအညီတွေ အရေးပေါ် လိုအပ်နေတာလည်းဖြစ်ပါတယ်။ ကုလသမဂ္ဂလူသားချင်းစာနာမှုဆိုင်ရာ ညှိနိူင်းရေးရုုံး(UNOCHA) အနေနဲ့ ၂၀၂၄ ခုနှစ် ပထမ ခြောက်လအတွင်း အကူအညီလိုအပ်နေတဲ့ လူဦးရေ ၂.၁ သန်း စာ အကူအညီအထောက်ပံ့ပေးထားပေမယ့် အခုတစ်နှစ်လုံးစာအတွက် လိုအပ်ချက်ရဲ့…

ပြည်ပနိုင်ငံကို အလုပ်လုပ်ကိုင်ဖို့ရည်ရွယ်ထားရင် အလုပ်အကိုင်အတွက်ထုတ်ပေးသည့် PJ passport အမျိုးအစားကို လျှောက်ထားပြီး အလုပ်သမားဝန်ကြီးဌာန လုပ်ထုံးလုပ်နည်းနဲ့ အညီ ပြည်ပအလုပ်အကိုင်အလုပ်သမားအဖြစ် မှတ်ပုံတင်ပြီး ပြည်ပအလုပ်အကိုင်အလုပ်သမားသက်သေခံကတ် (OWIC) ရရှိမှသာသွားရောက်လုပ်ကိုင်ကြဖို့ စစ်ကောင်စီလက်အောက်ခံ အလုပ်သမားဝန်ကြီးဌာနက တိုက်တွန်းနှိုးဆော်ထားပါတယ်။ ပြည်ပနိုင်ငံတွေကို အလည်ဗီဇာနဲ့ သွားရောက်လည်ပတ်နိုင်ဖို့ ထုတ်ပေးတဲ့ နိုင်ငံကူးလက်မှတ်အမျိုးအစား(PV)ကို ကိုင်ဆောင်ပြီး ပြည်ပမှာ သွားရောက်အလုပ်လုပ်ကိုင်တာတွေရှိပြီး ပြည်ပမှာအခက်ခဲ တစ်စုံတစ်ရာပေါ်ပေါက်ခဲ့ရင် ကူညီဖြေရှင်းပေးဖို့ အခက်ခဲများစွာကြုံရတယ်လို့လည်း အလုပ်သမားဝန်ကြီးဌာနက ဆိုထားပါတယ်။ ပြည်ပကို အလုပ်လုပ်ကိုင်မယ့်သူတွေအနေနဲ့ အလုပ်သမား ဝန်ကြီးဌာနမှာ အလုပ်သမားမှတ်ပုံတင်ပြီး ပြည်ပအလုပ်အကိုင် အလုပ်သမားသက်သေခံကတ် (OWIC) ရရှိမှသာ ပြည်ပကို သွား​ရောက်လုပ်ကိုင်ကြဖို့ အလုပ်သမား ဝန်ကြီးဌာက ကြေညာပါတယ်။ OWIC ကဒ်မရှိဘဲ ပြည်ပမထွက်ခွာခင် တွေ့ရှိရင် ပြည်ပထွက်ခွာခွင့် ပိတ်ပင်နိုင်ကြောင်း ဥပဒေကို ပြဌာန်းထားကြောင်းအလုပ်သမားဝန်ကြီးဌာနထုတ်ပြန်ချက်မှာဖော်ပြထားပါတယ်။

ကြားကာလ ချင်းအမျိုးသားအတိုင်ပင်ခံ ကောင်စီ(ICNCC) နဲ့ အမျိုးသားညီညွှတ်ရေးအစိုးရ(NUG)၊ ပြည်ထောင်စု အစိုးရနှင့် ပြည်နယ်/ ဖက်ဒရယ်ယူနစ်များအကြား ပူးပေါင်းဆောင်ရွက်ရေးကော်မရှင် (FSCC) ကြား ဆက်လက်ပူးပေါင်းဆောင်ရွက်သွားမယ်လို့ အစည်းအဝေးတက်ရောက်သူဆီက သိရပါတယ်။ အမျိုးသားညီညွှတ်ရေးအစိုးရ၊ ပြည်ထောင်စု အစိုးရနှင့် ပြည်နယ်/ ဖက်ဒရယ်ယူနစ်များအကြား ပူးပေါင်းဆောင်ရွက်ရေးကော်မရှင် (FSCC) နဲ့ ကြားကာလ ချင်းအမျိုးသားအတိုင်ပင်ခံ ကောင်စီ(ICNCC) တို့ မနေ့ သြဂုတ်လ (၁၃) ရက်နေ့ မှာ အွန်လိုင်းကနေ တဆင့် တွေ့ဆုံအစည်းအဝေးကျင်းပခဲ့ပါတယ်။ အစည်းအဝေးမှာပါဝင်တဲ့ CDF – မတူပီ တပ်မဟာ (၁) က ပြောရေးဆိုခွင့်ရှိသူ Ko Boi UK က “ဆက်လက်ပူးပေါင်းဆောင်ရွက်သွားမယ်ဆိုတာပါဘဲ ကျန်တာတော့ ထုတ်ပြန်ဖို့ မရှိဘူး” လို့ပြောပါတယ်။ အစည်းအဝေးကို အမျိုးသားညီညွှတ်ရေးအစိုးရ၊ ပြည်ထောင်စု…

နိုင်ငံတစ်ဝန်းလုံး အရေးပေါ် အခြေအနေ ကြေညာ ထားသည့် ကာလကို ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၂၅ နှင့်အညီ နောက်ထပ် ၆ လ တိုးမြှင့် သတ်မှတ်ကြောင်း အမျိုးသားကာကွယ်ရေးနှင့် လုံခြုံရေး ကောင်စီ(ကာ/လုံ) က ဆုံးဖြတ်လိုက်သည်ဟု ၂၀၂၄ ခုနှစ်၊ ဇူလိုင် ၃၁ ရက် မှာထုတ်ပြန်ပါတယ်။ ဒီနေ့ ဇူလိုင်လ ၃၁ ရက်၊နေပြည်တော်မှာကျင်းပတဲ့ ကာ/လုံ အစည်းအဝေးကို အာဏာသိမ်းစစ်ခေါင်းဆောင် ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ယာယီသမ္မတ(တာဝန်) ကို လက်ခံပြီး ဦးဆောင်ပြုလုပ်ခဲ့ပါတယ်။