2026

ဇွန်လ ၄ ရက်။ ချင်းပြည်နယ်တောင်ပိုင်း မင်းတပ်မြို့နယ်နဲ့ ကန်ပက်လက်မြို့နယ်တို့ကို စစ်ကြောင်းထိုးလာတဲ့ စစ်ကောင်စီတပ် အင်အား ၂ ထောင်ဝန်းကျင်ကို ချင်းပြည်သူ့တပ်မတော်(CPA)နှင့် မဟာမိတ်ပူးပေါင်းတပ်ဖွဲ့တွေက အောင်မြင်စွာ ခုခံဟန့်တားထားနိုင်ပြီး အခြေအနေမကောင်းတဲ့ စစ်ကောင်စီက လေကြောင်းတိုက်ခိုက်မှု ကြိမ်ပေါင်းများစွာ လုပ်နေတယ်လို့ ချင်းပြည်သူ့အစည်းအရုံး(CPU/CPA)က ဒီကနေ့ ဇွန်လ ၄ ရက်နေ့မှာ ထုတ်ပြန်ပါတယ်။ ချင်းပြည်သူ့အစည်းအရုံး(CPU)ထိန်းချုပ်နယ်မြေဖြစ်တဲ့ မင်းတပ်မြို့နယ်နှင့် ကန်ပက်လက်မြို့နယ်တို့တွင် အင်အား ၂ ထောင်ဝန်းကျင်နဲ့ စစ်ကြောင်းထိုးလာတဲ့ စစ်ကောင်စီတပ်ဖွဲ့နဲ့ ချင်းပြည်သူ့တပ်မတော်နှင့်မဟာမိတ်ပူးပေါင်းတပ်များအကြား မေလ လယ်ဝန်းကျင်လောက်ကနေ စလို့ ထိတွေ့တိုက်ပွဲတွေ အပြင်းအထန် ဖြစ်ပွားလျက်ရှိတယ်လို့လည်း CPU က ဆိုပါတယ်။ ဒီတိုက်ပွဲသတင်းတွေနဲ့ ပက်သက်ပြီး သင်းအမှား၊ ကောလာဟလသတင်းတွေ အတည်မပြုနိုင်တဲ့ သတင်းအမှားတွေ အွန်လိုင်းပေါ်မှာ ပျံ့နှံ့ နေပြီး သတင်းမှားတွေကြောင့် အများပြည်သူ…

ဇွန်လ ၃ ရက်။ ချင်းပြည်နယ်၊ ထန်တလန်မြို့နယ် ၊ လေတပ်ရွာနားက ချောင်းမှာရေချိုးရင်း ကန်ပက်လက်မြို့နယ်က ဒေသခံလူငယ်တစ်ဦးဟာ ဇွန်လ ၂ ရက်နေ့ ညနေပိုင်းမှာ မတော်တဆရေနစ်သေဆုံးခဲ့တယ်လို့ ဒေသခံတွေကပြောပါတယ်။ ကန်ပက်လက်မြို့နယ်၊ ငုံလောင်းရွာက အသက် (၁၉)နှစ်အရွယ် မောင်လိန်းနိုင်းဟာ ထန်တလန်မြို့နယ်၊ လေတပ်ရွာအနားက ချောင်းမှာ မနေ့ညနေပိုင်းလောက်မှာ ရေချိုးရင်း မတော်တဆရေနစ်သေဆုံးခဲ့တာလို့ သိရပါတယ်။ ရေနစ်သေဆုံးသွားတဲ့ အသက် (၁၉)နှစ်အရွယ် မောင်လိန်းနိုင်းရဲ့ မိဘတွေဟာလည်း ကန်ပက်လက်မြို့နယ်မှာ လက်ရှိစစ်ကောင်စီထိုးစစ်ကြောင့် စစ်ဘေးရှောင်နေကြလို့ အဆက်အသွယ် မရသေးတဲ့ကြောင်းလည်း ဒေသခံတွေကပြောပါတယ်။ သေဆုံးသူ အသက် (၁၉)နှစ်အရွယ် မောင်လိန်းနိုင်းရဲ့ ရုပ်အလောင်းကို ထန်တလန်မြို့နယ် ၊ လေတပ်ရွာ ရပ်မိရပ်ဖတွေက လေတပ်ရွာခန်းမဆောင်မှာထားရှိပြီး သဂြိုလ်တာတွေကို ဆက်လုပ်သွားမှာဖြစ်တယ်လို့လည်း သိရပါတယ်။ ကွယ်လွန်သွားတဲ့ အသက် (၁၉)နှစ်အရွယ်…

ဇွန်လ ၃ ရက်။ စစ်ကောင်စီက စစ်ကြောင်းပြန်ထိုးပြီး တိုက်ပွဲဖြစ်နေတာကြောင့် မင်းတပ်မြို့နယ်မှာ စစ်ဘေးရှောင် လူဦးရေဟာ ၁၇,၀၀၀ ဝန်းကျင် ခန့်ရှိနိင်ပြီး တိုက်ပွဲတွေလည်း မြို့နဲ့ ဆယ်မိုင်ခန့်အကွာမှာ ဖြစ်ပွားနေတာဖြစ်လို့ ရေရှည်ထပ်မံ စစ်ဘေးရှောင်ရမယ့် အနေအထားမှာ အကူအညီအထောက်ပံ့တွေ လိုအပ်နေတယ်လို့ မင်းတပ်မြို့နယ် IDPs Committee က ဇွန်လ ၂ ရက်နေ့ ကထုတ်ပြန်ထားပါတယ်။ လက်ရှိ စစ်ကောင်စီတပ်ဖွဲ့ဟာ အင်အားထောင်ကျော်နဲ့ မင်းတပ်မြို့နယ်ကို ထိုးစစ်ဆင်လာနေပြီး မြို့နဲ့ (၁၀) မိုင်ခန့်အကွာမှာ တိုက်ပွဲတွေလည်း ဖြစ်ပွားနေတာဖြစ်လို့ ရေရှည်ထပ်မံ စစ်ဘေးရှောင်ရမယ့် အနေအထားဆိုတာ မြင်သာနေတယ်လို့ ဆိုပါတယ်။ နှစ်ရှည်လများ အကြိမ်ကြိမ် စစ်ဘေးရှောင်ခဲ့ကြရတဲ့ မင်းတပ်မြို့နယ်မှာ စစ်အာဏာသိမ်းပြီး အကြောင်းအမျိုးမျိုးကြောင့် သေဆုံးခဲ့ရတဲ့ အရပ်သားပြည်သူဟာ ၂၀၂၁ ခုနှစ်၊ ဇန်နဝါရီလကနေ…

ဇွန်လ ၂ ရက်။ လုံခြုံရေးဆောင်ရွက်နိုင်ဖို့ ဆိုကာ တီးတိန်မြို့နယ် လိုင်တွီးရွာ ကနေ အိန္ဒိယ – မြန်မာနယ်စပ်က ဖလမ်းခရိုင် ရိဒ်ခေါ်ဒါရ်မြို့အကြား လမ်းမကြီးကို အသုံးပြုချိန်ကန့်သတ်ထားခဲ့ရာကနေ ဇွန်လ ၂ ရက်နေ့ကစလို့ ပုံမှန်လမ်းအသုံးပြုချိန်အတိုင်း ဖြတ်သန်းအသွားလာလို့ရပြီလို့ ရိဒ်ခေါ်ဒါရ်မြို့ကိုထိန်းချုပ်ထားတဲ့ CDF – Hualngoram က ထုတ်ပြန်ပါတယ်။ ဇွန်လ ၂ ရက်နေ့ကစလို့ ပုံမှန်လမ်းအသုံးပြုချိန် ( မနက် ၆ နာရီကနေ – ညနေ ၇နာရီ) အတိုင်း ပြန်လည် အသုံးပြုနိုင်ပြီ ဖြစ်တယ်လို့ CDF – Hualngoram က အသိပေးထုတ်ပြန်ထားပါတယ်။ လုံခြုံရေးလိုအပ်ချက်အရ ထုတ်ပြန်ချက်တွေကို လေးစားလိုက်နာပေးခဲ့ကြတဲ့ လမ်းအသုံးပြုသည့် မိဘပြည်သူတွေအပေါ် အထူးကျေးဇူးတင်ရှိတယ်လို့လည်း CDF – Hualngoram…