မလေးရှားနိုင်ငံအခြေစိုက် ချင်းဒုက္ခသည်အရေးဆောင်ရွက်ပေးနေတဲ့ Alliance of Chin Regugees (ACR) အဖွဲ့က အဖွဲ့ဝင်တွေကို ACR ကဒ်ပြုလုပ်ချိန် ဒုက္ခသည် အမှုတွဲ (Case) အကြံပေးဆွေးနွေးမှုများကို စက်တင်ဘာလ ၁ ရက်နေ့ကစလို့ အကြံပေးဆွေးနွေးမှုတွေကို ပြုလုပ်ပေးသွားတော့မှာဖြစ်တယ်လို့ ACR က ဒီကနေ့ သြဂုတ်လ ၂၉ ရက်နေ့မှာ အသိပေးထုတ်ပြန်ထားပါတယ်။
မြန်မာနိုင်ငံအေခြ အနေ ဆိုးရွားမှုများကြောင့် ချင်းလူမျိုးများစွာမလေးရှားသို့ထွက်ပြေး လာခဲ့ကြရပြီး မလေးရှားရောက်ရှိပြီးနောက် UNHCR ၏ဒုက္ခသည်အကာကွယ်ကိုလည်းလျှောက်ထားကြပြီးဖြစ်သလို လတ်တလောမှာလည်း UNHCR မှ ၂၀၁၉ – ၂၀၂၂ ခုနှစ်များအတွင်း UN လူသစ်မှတ်ပုံတင်ခြင်းလျှောက်ထားသောသူများကို ရက်ချိန်းများပေးပြီးမှတ်ပုံတင်များပြုလုပ်ပေးနေပြီဖြစ်သော်လည်း မိမိချင်းလူမျိုးများအနေဖြင့် မိမိဒုက္ခသည်အမှုတွဲ (case) များ အကြောင်း သေချာနားမလည်ဘဲ UNHCR ကဒ်တစ်ခုသာလိုချင်ပြီး ပြင်ပြင်ဆင်ဆင်မဖြစ်ကြခြင်းနှင့်ဒုက္ခသည်အမှုတစ်ခု၏ အရေးပါခြင်းကိုလည်း သဘောပေါက်နားလည်ထားခြင်းမရှိကြသည့် အခြေနေများကိုတွေ့ရှိနေရတာကြောင့် နောက်ပတ် တနင်္လာနေ့ (စက်တင်ဘာ ၁ရက်နေ့၊ ၂၀၂၅) မှစပြီး ACR မန်ဘာများ အနေဖြင့် ဒုက္ခသည်အမှုတွဲမည်မျှအရေးပါကြောင်းနားလည်သဘောပေါက်နိုင်ကြရန် အသိပေးခြင်းနှင့် မိမိဒုက္ခသည်အမှုတွဲများအတွက် အမြဲအဆင်သင့်ဖြစ်နိုင်ကြရန်အတွက် ACR ကဒ်ပြုလုပ်ချိန်တွင် ACR ရုံးဝန်ထမ်း ဆရာမနှစ်ဦးမှ ဒုက္ခသည် အမှုတွဲဆိုင်ရာ အကြံပေးဆွေးနွေးမှုများစတင်ပြုလုပ်ပေးသွားတော့မည်ဖြစ်ကြောင်း မန်ဘာများကို အသိပေးထုတ်ပြန်ထားပါတယ်။
၂၀၂၅ ခုနှစ်၊ ဇန်နဝါရီလကုန်အထိ မလေးရှား UNHCR ရုံးမှာ မှတ်ပုံတင်ထားတဲ့ ချင်းလူမျိုးဒုက္ခသည် ပေါင်း ၂၇၇၉၀ ဦးအထိ ရှိပြီး မြန်မာနိုင်ငံကနေ ဒုက္ခသည်နဲ့ ခိုလှုံခွင့်တောင်းခံသူဦးရေဟာ ၁၇၀၉၂၀ ဦးဝန်းကျင်လောက်ရှိတဲ့အထဲ အများစုဟာ ရိုဟင်ဂျာတွေဖြစ်ကြတယ်လို့လည်း သိရပါတယ်။