2026

မေလ ၆ ရက်။ ချင်းလက်နက်ကိုင် တော်လှန်ရေးတပ်ဖွဲ့တွေ ထိန်းချုပ်ထားတဲ့ တီးတိန်မြို့နယ်ထဲက ကနေဒီတောင်ကို စစ်ကောင်စီက လေကြောင်းအဆမတန်ဗုံးကြဲတိုက်ခိုက်ပြီး မနေ့ မေလ ၅ ရက်နေ့မှာ ပြန်လည် သိမ်းပိုက်ခဲ့တယ်လို့ စစ်ရေးသတင်းရင်းမြစ်တွေထံကနေ သိရပါတယ်။ ကနေဒီတောင်ကို ပြန်လည်သိမ်းပိုက်ရယူနိုင်ဖို့ စစ်ကောင်စီဟာ လေကြောင်းကနေ တရက်ကို တိုက်လေယာဉ်ဖြင့် အနည်းဆုံး ၈ ကြိမ်ခန့် ဗုံးကြဲတိုက်ခိုက်သလို ဒရုန်းအမြောက်အများ အသုံးပြုပြီး ဗုံးကြဲတိုက်ခိုက်ခဲ့တယ်လို့ စစ်ရေးသတင်းရင်းမြစ်တွေက ပြောပါတယ်။ မြေပြင်တိုက်ပွဲမှာတော့ ချင်းလက်နက်ကိုင်တော်လှန်ရေးတပ်ဖွဲ့တွေဘက်ကနေ အသာစီးရပေမယ့် စစ်ကောင်စီက လေကြောင်းကနေ အဆမတန်ဗုံးကြဲတိုက်ခိုက်ခဲ့တာကြောင့် ချင်းတော်လှန်ရေးတပ်ဖွဲ့တွေဘက်က ဆုတ်ခွာပေးလိုက်ရတာလို့ သိရပါတယ်။ ကနေဒီတောင်ဟာ ဒေသတွင်း စစ်ရေးစိုးမိုးမှုနဲ့ ဆက်သွယ်ရေးတွေအတွက် အချက်အချာကြတဲ့ အသံလွှင့်တာဝါတိုင်တွေနဲ့ ဆက်သွယ်ရေးစခန်းတွေ အခြေစိုက်တဲ့နေရာဖြစ်ပြီး ချင်းလက်နက်ကိုင်တော်လှန်ရေးတပ်ဖွဲ့တွေနဲ့ စစ်ကောင်စီအကြား အပြန်အလှန်တိုက်ခိုက် သိမ်းပိုက်မှုဖြစ်စဉ် ၄…

မေလ ၅ ရက်။ ဖလမ်းမြို့နဲ့ ဖလမ်းမြို့နယ်အတွင်း ဘက်စုံဖွံ့ဖြိုးတိုးတက်ရေးအတွက် အလုပ်လုပ်ဖို့ နေရပ်ပြန်လာကြမယ့် သူတွေရဲ့ လုပ်ငန်းဆောင်ရွက်မှုတွေကို ဘယ်လက်နက်ကိုင်အဖွဲ့အစည်းကမှ မနှောက်ယှက်ကြဖို့ ဖလမ်းငြိမ်းချမ်းရေးကော်မတီ ( Falam Remdaihnak Committee) က မေတ္တာရပ်ခံ ထုတ်ပြန်လာတာတွေ့ရပါတယ်။ ဖလမ်းမြို့နဲ့ ဖလမ်းမြို့နယ်အတွင်းကနေ တခြားဒေသကို ထွက်ပြေးတိမ်းရှောင်နေရသူတွေအနေဖြင့်လည်း ကိုယ့်အိမ်ကိုယ့်ဒေသကို ပြန်ရတဲ့နေ့ ရောက်လာမှာဖြစ်ပြီး အဲဒီချိန် ပြည်သူအချင်းအချင်းကြား ကိုယ့်ရပ်တည်ချက်နှင့် အမြင်မတူညီမှုတွေကြောင့် မုန်းတီးတာတွေ ၊ ရန်လိုတာတွေ အထင်မြင် လွဲမှားတာတွေ ရှိနိုင်တာကြောင့် ဖလမ်းငြိမ်းချမ်းရေးကော်မတီအနေဖြင့် ဘုရားသခင် နာမတော်ကို အမှီပြုပြီး လိုက်နာရမယ့် အချက် ၆ ချက် ကို ထုတ်ပြန် ဖော်ပြထားတာတွေ့ရပါတယ်။ အဲဒီထုတ်ပြန်ချက်တွေထဲမှာ CDM နဲ့ Non – CDM တွေအကြား…

မေလ ၄ ရက်။ ချင်းပြည်နယ်မြောက်ပိုင်း၊ တီးတိန်မြို့နယ်၊ အာလွယ်ရွာအနီးနှင့် လေထန်ကုန်း (ခေါ်) ထန်မွာလ်ဒေသတို့တွင် စစ်ကောင်စီတပ်နှင့် ချင်းတော်လှန်ရေးပူးပေါင်းတပ်ဖွဲ့များအကြား တိုက်ပွဲများ ပြင်းထန်စွာ ဖြစ်ပွားနေပြီး စစ်ကောင်စီဘက်မှ မြေပြင်တွင် အထိနာနေတာကြောင့် လေကြောင်းကနေ ဗုံးကြဲတိုက်ခိုက်တာတွေကို အလွန်အကျွံ အသုံးပြုနေတယ်လို့ စစ်ရေးသတင်းရင်းမြစ်တွေကပြောပါတယ်။ စစ်ကိုင်းတိုင်း၊ ကလေးမြို့ကနေ ချင်းပြည်နယ်၊ တီးတိန်မြို့ဘက်ကို အင်အားဖြည့်တင်းဖို့ တက်လာတဲ့ စစ်ကောင်စီစစ်ကြောင်းကို ချင်းလဲန်းကောင်စီ ၊ ချင်းညီနောင် နှင့် ဒေသကာကွယ်ရေးပူးပေါင်းတပ်ဖွဲ့တွေဘက်က မေလ ၂ ရက်နေ့ကစလို့ ကြားဖြတ်ဟန့်တားရာကနေ နှစ်ဘက် တိုက်ပွဲတွေ ပြင်းထန်နေခဲ့ပြီး စစ်ကြောင်းထိုးလာတဲ့ စစ်ကောင်စီစစ်ကြောင်းကို မိုင်းဆွဲတိုက်ခိုက်ခံရမှုကြောင့်လည်း စစ်ကောင်စီတပ်သား ၅ ဦးထက်မနည်း သေဆုံးခဲ့တယ်လို့ စစ်ရေးသတင်းရင်းမြစ်တွေထံကနေ သိရပါတယ်။ စစ်ရေးသတင်းရင်းမြစ်တစ်ဦးက “တိုက်ပွဲဖြစ်နေတာက ထန်မွာလ် (ဒေသခေါ်) လေထန်ကုန်း…

မေလ ၅ ရက်။ ချင်းပြည်နယ်၊ ထန်တလန်မြို့နယ်ကောင်စီ/CDF-Thantlang အနေနဲ့ မီဇိုရမ်ပြည်နယ်ရှိ အဖွဲ့အစည်းတွေနဲ့ ဆက်ဆံရေး ပိုမိုကောင်းမွန်လာအောင် ဆောင်ရွက်နေပြီး၊ မီဇိုရမ်အခြေစိုက် အရပ်ဘက်အဖွဲ့အစည်းတွေနဲ့ တွေ့ဆုံမှုမှာ မိမိတို့ဘက်က အိမ်နီးနားချင်းကောင်း ဖြစ်ချင်သလို တစ်ဖက်အဖွဲ့အစည်းတွေကိုလည်း အိမ်နီးနားချင်းကောင်းတွေအဖြစ် ရှိနေပေးဖို့ ဖိတ်ခေါ်ပြောကြားခဲ့ပါတယ်။ ပြီးခဲ့တဲ့ ဧပြီလ ၂၈ ရက်နေ့မှာ ထန်တလန်မြို့နယ်ကောင်စီနဲ့ လောင်တလိုင် (Lawngtlai) ခရိုင်က အကြီးဆုံး NGO အဖွဲ့ဖြစ်တဲ့ Young Lai Association (Central YLA) တို့ဟာ လောင်တလိုင်မြို့ရှိ Central YLA ရုံးမှာ တွေ့ဆုံဆွေးနွေးခဲ့ကြသလို မေလ ပထမအပတ်အတွင်းမှာလည်း Young Mizo Association (YMA) Thingsai ဌာနခွဲနဲ့ သျှင်ဆိုင်း (Thingsai) ရွာမှာ ထပ်မံတွေ့ဆုံခဲ့ကြတာပါ။…

မေလ ၃ ရက်။ ဂန့်ဂေါမြို့၊ ခလရ (၅၀)မှ ရဲဘော် ကောင်းခန့်(ခ) အာဇာနည် ဟာ Chinland Defense Force – Kalay Kabaw Gangaw ( CDF – KKG) တပ်ဖွဲ့ထံ ဧပြီလ ၁၉ ရက်နေ့က အလင်းဝင်လာတယ်လို့ CDF – KKG က ဒီကနေ့ မေလ ၃ ရက်နေ့မှာ ထုတ်ပြန်ပါတယ်။ ကိုယ်ပိုင်အမှတ် (တ- ၅၄၆၇၉၅) ရဲဘော် ကောင်းခန့် (ခ) အာဇာနည် ဟာ ဧပြီလ ၁၉ ရက်နေ့က CDF – KKG ထံ MA 1 လက်နက် အမျိုးစား ၁…

မေလ ၁ ရက်။ ချင်းပြည်နယ်၊ တီးတိန်မြို့က စစ်ကော်မရှင်တပ် ခလရ ၂၆၉ ကို PDF Zoland ဦးဆောင်မှုနဲ့ အချို့သော PDF တွေနဲ့ KIA တပ်ဖွဲ့တွေက ပူးပေါင်းတိုက်ခိုက်ဖို့ ပြင်ဆင်နေတယ်ဆိုတဲ့ သတင်းတွေကြောင့် တိုက်ပွဲဖော်ဆောင်ရာမှာ ကူညီပေးနေတဲ့ KIA အနေနဲ့ ညီအစ်ကိုချင်း အပြန်အလှန် ထိခိုက်နာကျင်မှုတွေ မဖြစ်စေဖို့ အထူးစဉ်းစားပေးစေလိုတယ်လို့ ဇိုမီးတော်လှန်ရေးတပ်မတော် (ZRA) က ဒီကနေ့ မေလ ၁ ရက်နေ့မှာ မေတ္တာရပ်ခံချက် ထုတ်ပြန်လိုက်ပါတယ်။ တီးတိန်မြို့ဟာ ဇိုမီးလူမျိုးတွေအတွက် အလွန်အရေးကြီးတဲ့ နေရာဖြစ်တာကြောင့် တော်လှန်ရေး လက်နက်ကိုင်အဖွဲ့အစည်းတွေအနေနဲ့ ဘယ်လိုတိုက်ခိုက်မှုမျိုးကိုမှ မပြုလုပ်ကြဖို့ ZRA အရှေ့ပိုင်းတိုင်း စစ်ဌာနချုပ်က ဆိုပါတယ်။ KIA ရဲ့ လုပ်ဆောင်ချက်တချို့ဟာ မသင့်လျော်တဲ့ တိုက်ခိုက်မှုတွေ ဆက်တိုက်လုပ်ဆောင်နေတာ တွေ့ရလို့ စိတ်မကောင်းဖြစ်ရကြောင်းနဲ့ ပြီးခဲ့တဲ့ ၂၀၂၃ ခုနှစ်ကလည်း တွန်းဇံမြို့နယ်အတွင်း KIA က CNA/PDF တွေနဲ့ ပူးပေါင်းတိုက်ခိုက်ခဲ့တာကြောင့် ဇိုမီးလူမျိုးတွေ နာကျင်ခဲ့ရတယ်လို့လည်း ထုတ်ပြန်ချက်မှာ ဖော်ပြထားပါတယ်။ ဒါ့အပြင်…

မေလ ၁ ရက်။ အိန္ဒိယ – မြန်မာနယ်စပ်အနီးမှာရှိတဲ့ ချင်းပြည်နယ်၊ ဖလမ်းမြို့နယ်၊ Khawpuichhip ကျေးရွာကို စစ်ကော်မရှင်တပ်ဖွဲ့က ဒီကနေ့ မေလ ၁ ရက်နေ့ နေ့လည်ပိုင်း ၃ နာရီလောက်မှာ လေကြောင်းကနေဗုံးကြဲတိုက်ခိုက်ခဲ့လို့ ကလေးငယ်တွေအပါအဝင် အရပ်သားပြည်သူ ၆ ဦး သေဆုံးပြီး အမြောက်အများ ထိခိုက်ဒဏ်ရာရတယ်လို့ ဒေသခံတွေကပြောပါတယ်။ ဒေသခံတစ်ဦးက “ ဂျက်ဖိုက်တာတစ်စီးနဲ့ ကြဲသွားတယ် ရွာလယ်တည့်တည့်ကို ကြဲသွားတာမျိုးဖြစ်တယ် အဲဒီမှာကလေးငယ် တွေအပါအဝင် အရပ်သားပြည်သူ ၆ ဦးသေဆုံးသွားတယ် ၉ ဦးလောက်ဒဏ်ရာရတယ်လို့သိရတယ် နေအိမ်တချို့လည်း ထိခိုက်ပျက်စီးတာရှိတယ် တိုက်ပွဲဖြစ်တာမျိုးလည်း မရှိဘဲနဲ့ အခုလိုတိုက်ပွဲနဲ့ မဆိုင်တဲ့ အရပ်သားပြည်သူကို ပစ်မှတ်ထားတိုက်ခိုက်တာတွေ ရပ်သင့်နေပြီ” လို့ပြောပါတယ်။ ဒီကနေ့ နေ့လည်မှာ စစ်ကော်မရှင်ဗုံးကြဲတိုက်ခိုက်သွားတဲ့ Khawpuichhip ကျေးရွာမှာ…

မေလ ၁ ရက်။ ချုင်းပြည်နယ် ၊ဖလမ်းမြို့နယ်၊ Thlanrawn ကျေးရွာနေ အသက် (၁၇)နှစ်အရွယ် ဒေသခံအမျိုးသမီး မငွန်နှမ်တီလ် ( Mai Ngun Hnen Tial ) ဟာ မနေ့ဧပြီလ ၃၀ ရက်နေ့က စစ်ကော်မရှင်တပ်ဖွဲ့ရဲ့ ဒရုန်းဖြင့် ဗုံးကြဲတိုက်ခိုက်မှုကြောင့် သေဆုံးခဲ့ရတယ်လို့ ဒေသတွင်း သတင်းရင်းမြစ်တွေထံကနေ သိရပါတယ်။ Lungrang ကျေးရွာဘက်မှာ တပ်စွဲထားတဲ့ စစ်ကော်မရှင်တပ်ဖွဲ့က ဒရုန်းတွေ အသုံးပြုကာ Thlanrawn ကျးရွာ တောင်ယာဘက်ရှိ စစ်ဘေးရှောင်တဲတွေပေါ် မနေ့မနက်ပိုငး ၁၀ နာရီဝန်းကျင်လောက်မှာ ဗုံးကြဲတိုက်ခိုက်ခဲ့တာဖြစ်ပြီး ဗုံးသီးကျရောက်ပေါက်မှုကြောင့် Thlanrawn ဒေသခံ အမျိုးသမီး မငွန်နှမ်တီလ် ( Mai Ngun Hnen Tial ) ဟာ သေဆုံးခဲ့ရတာလို့လည်း…