2026

ဩဂုတ်လ ၃၀ ရက်။ ချင်းပြည်နယ်၊ မင်းတပ်မြို့နယ် ၊ တိုက်နယ်အမှတ် ၂ ရှိ ကျေးရွာတစ်ရွာကို စစ်ကောင်စီက ဒီကနေ့ဩဂုတ်လ ၃၀ ရက် ညနေ ၅ နာရီဝန်းကျင်မှာ လေကြောင်းကနေ အကြောင်းမဲ့တိုက်ခိုက်ခဲ့လို့ အရပ်သားပြည်သူ သေဆုံး၊ ဒဏ်ရာရတာတွေ ရှိခဲ့တယ်လို့ တိုက်နယ် ၂ ပြည်သူ့အုပ်ချုပ်ရေးအဖွဲ့က သြဂုတ်လ ၃၀ ရက်နေ့မှာ ထုတ်ပြန်ပါတယ်။ အခုလို စစ်ရေးပစ်မှတ်မတဲ့ အရပ်သားကျေးရွာကို လေကြောင်းကနေ အကြောင်းမဲ့ ဗုံးကြဲတိုက်ခိုက်မှုပြုလုပ်တာဟာ လူမဆန်တဲ့ အကြမ်းဖက်လုပ်ရပ်အပေါ် ဒေသခံတွေနဲ့ ပြည်သူတစ်ရပ်လုံးက ပြင်းထန်စွာ ရှုတ်ချကြောင်းကိုလည်း ဖော်ပြထားပါတယ်။ စစ်ကောင်စီရဲ့ လေကြောင်းတိုက်ခိုက်မှုကြောင့် အရပ်သားအပြစ်မဲ့ ပြည်သူ သေဆုံး၊ ဒဏ်ရာရရှိတာတွေရှိပြီး ကျေးရွာအတွင်းက ပြည်သူပိုင်နေအိမ်တွေလည်း ထိခိုက်ပျက်စီးခဲ့ရတယ်လို့ တိုက်နယ် ၂ ပြည်သူ့အုပ်ချုပ်ရေးအဖွဲ့က…

ဩဂုတ်လ ၂၉ ရက်။ ချင်းပြည်နယ်၊ ဖလမ်းမြို့က ဖလမ်းနှစ်ခြင်းအသင်းတော်မှာ ဒီနေ့ သြဂုတ်လ ၂၉ ရက်နေ့မနက် ၁၀ နာရီမှာ ဖလမ်းမြို့ကို ထာ၀ရဘုရားသခင်ထံ အပ်နှံတဲ့ဆုတောင်းဝတ်ပြုခြင်းအစီအစဉ်ပြုလုပ်ခဲ့ပြီး လူဦးရေ ၃ ထောင်ခန့် တက်ရောက်ခဲ့တယ်လို့ သိရပါတယ်။ ဖလမ်းမြို့ကို ပြီးခဲ့တဲ့ ဧပြီလ ၂၅ ရက်နေ့မှာ စစ်ကောင်စီက ပြန်လည်ထိန်းချုပ်လိုက်ပြီးနောက် ဌာနဆိုင်ရာအသီးသီးက ဝန်ထမ်းတွေနဲ့ ဝန်ထမ်းမိသားစုတွေအပြင် မြို့ခံပြည်သူတချို့လည်း ပြန်လည်ဝင်ရောက်လာကြပြီး ဌာနဆိုင်ရာရုံးတွေ ကျောင်းတွေကိုလည်း ဇွန်လ ၁ ရက်နေ့ကစလို့ ပြန်လည်ဖွင့်လှစ်ခဲ့တယ်လို့ သိရပါတယ်။ ဖလမ်းမြို့ကို စစ်ကောင်စီမှ အလုံးစုံထိန်းချုပ်ပြီးနောက် စစ်ရှောင်ဖလမ်းမြို့ခံပြည်သူများမှ နေရပ်သို့ အသီးသီးပြန်လာကြရာ ဖလမ်းမြို့ရှိ မြို့ပေါ်ရပ်ကွက် (၈)ရပ်ကွက်သို့ မေလ(၆) ရက်နေ့မှ ဩဂုတ်လ(၂၇)ရက်နေ့အထိ ပြန်လည်ဝင်ရောက်လာသူ စုစုပေါင်း (၃၆၅၉)ဦးရှိပြီဖြစ်ကြောင်းသိရပါတယ်။

ဩဂုတ် ၂၈ ရက်။ ချင်းပြည်နယ်၊ ဟားခါးမြို့နယ်၊ ချွန်ကျုံးကျေးရွာ နှစ်ခြင်းအသင်းတော်က အကြီးတန်း သင်းအုပ်ဆရာတော် Reverend William နဲ့ ရွာသားတစ်ဦးဖြစ်တဲ့ Mr. Nam Ceu တို့ကို စစ်ကော်မရှင်တပ်က တရားလက်လွတ် သတ်ဖြတ်ခဲ့တဲ့အပေါ် တာဝန်ရှိသူတွေကို ထိရောက်စွာ အရေးယူပေးဖို့ Burma Research Institute (BRI) အဖွဲ့က အမေရိကန်ပြည်ထောင်စုနဲ့ နိုင်ငံတကာ အသိုက်အဝန်းကို တိုက်တွန်းတောင်းဆိုလိုက်ပါတယ်။ ဆရာတော် Reverend William နဲ့ Mr. Nam Ceu တို့ ဖမ်းဆီးခံရပြီး ၃ လကျော်အကြာ ၂၀၂၆ ခုနှစ် ဩဂုတ်လ ၂၆ ရက် မြန်မာစံတော်ချိန် မွန်းလွဲ ၁ နာရီခွဲခန့်မှာ ဒေသခံပြည်သူတွေနဲ့ ဟားခါးမြို့က သင်းအုပ်ဆရာတော်တွေ…

ဩဂုတ်လ ၂၈ ရက်။ အာဏာသိမ်း စစ်ကောင်စီဟာ ငြိမ်းချမ်းရေးအတွက် အိန္ဒိယနိုင်ငံ ၊ မီဇိုရမ်ပြည်နယ်၊ အိုက်ဇောလ်မြို့အထိ လာပြီး Third Party ကတဆင့်ချဉ်းကပ်တာမျိုးရှိခဲ့တယ်လို့ ဒီကနေ့ သြဂုတ်လ ၂၈ ရက်နေ့မှာ ကျင်းပပြုလုပ်ခဲ့တဲ့ ချင်းပြည်တည်ဆောက်ခြင်း – ချင်းပြည်သူတို့ ကိုယ်ပိုင်ပြဌာန်းခွင့်ကို ကျင့်သုံးပြီး ၂ နှစ်ခွဲကာလအတွင်း အုပ်ချုပ်ရေးဖော်ဆောင်မှု အစီရင်ခံစာ မိတ်ဆက်ပွဲမှာ ချင်းပြည် ( Chinland) ကောင်စီကဖွဲ့စည်းပေးထားတဲ့ ချင်းပြည်အစိုးရရဲ့ နိုင်ငံခြားရေးဝန်ကြီးဌာန ဝန်ကြီး Dr . Sui Khar ကပြောပါတယ်။ ချင်းပြည် ( Chinland) ကောင်စီ နိုင်ငံခြားရေးဝန်ကြီးဌာန ဝန်ကြီး Dr . Sui Khar က ” ငြိမ်းချမ်းရေးတွက် တွေ့ဆုံဆွေးနွေးနိုင်ရေး…

ဩဂုတ်လ ၂၇ ရက်။ ချင်းပြည်နယ်၊ ပလက်ဝမြို့နယ် ၊ မီးဇာကျေးရွာကို စစ်ကော်မရှင်က မနေ့ သြဂုတ်လ ၂၆ ရက်နေ့က လေကြောင်းကနေ ဗုံးကြဲတိုက်ခိုက်ခဲ့လို့ အရပ်သား ထိခိုက်သေဆုံးမှုတွေ ရှိခဲ့တယ်လို့ ဒေသခံတွေကပြောပါတယ်။ မနေ့ညနေ ၄ နာရီကျော်ဝန်းကျင်လောက်မှာ စစ်ကော်မရှင်တပ်ဖွဲ့က ဂျက်ဖိုက်တာ ၅ စီးဖြင့် မီးဇာကျေးရွာနဲ့ အနီးဝန်းကျင်ကို ဗုံးကြဲတိုက်ခဲ့တာဖြစ်ပြီး အဆိုပါတိုက်ခိုက်မှုအတွင်း အရပ်သား ၁ ဦးသေဆုံးခဲ့သလို ထိခိုက်ပျက်စီးမှုတွေ များခဲ့တယ်လို့ ဒေသခံတွေကပြောပါတယ်။ ပလက်ဝဒေသခံတစ်ဦးက “ မီးဇာကျေးရွာက ပလက်ဝမြို့အထက်ပိုင်းက ချင်းရွာပေါ့ ဒေသခံတွေပြောတာက ဂျက်ဖိုက်တာ ၅ စီးနဲ့ အလုံး ၅၀ ကျော်လောက် ကြဲချပြီး တိုက်ခိုက်သွားတယ်လို့ ပြောတယ် ထိခိုက်ပျက်စီးမှုတွေတော့ များလောက်တယ် သူတို့ပြောပုံအရ ဆိုရင် စစ်ကော်မရှင်က…