ဖလမ်းမြို့ပေါ်မှာ ပညာရေးဝန်ထမ်းတစ်ဦး ၁၀ ရက်အကြာ ပျောက်ဆုံးနေပြီးနောက် ခန္ဓာကိုယ်ပေါ် ဒဏ်ရာများစွာနဲ့သေဆုံးလျက်အလောင်းကို ပြန်တွေ့
ဇူလိုင်လ ၁၆ ရက်။ ချင်းပြည်နယ်၊ ဖလမ်းမြို့ပေါ်မှာ ၁၀ ရက်ခန့်ကြာပျောက်ဆုံးနေတဲ့ အသက် ၄၇ နှစ်အရွယ် ပညာရေးဝန်ထမ်းအမျိုးသားတစ်ဦးကို ဇူလိုင်လ ၁၅ ရက်နေ့မှာ ခန္ဓာကိုယ်ပေါ်မှာ ဒဏ်ရာများစွာနဲ့ သေဆုံးလျက်အလောင်းကို ပြန်တွေ့တယ်လို့ ဒေသခံတွေကပြောပါတယ်။ ခန္ဓာကိုယ်ပေါ်မှာ ဒဏ်ရာတွေနဲ့ သေဆုံးသွားတဲ့ အသက် ၄၇ နှစ်အရွယ် ပညာရေးဝန်ထမ်းကိုပါသဲဟာ စစ်ကောင်စီက ဖလမ်းမြို့ကို ပြန်လည်ထိန်းချုပ်ပြီးနောက်ပိုင်း ဖလမ်းမြို့မှာ တာဝန်ပြန်လည် ထမ်းဆောင်နေသူတစ်ဦးဖြစ်တယ်လို့လည်း ဒေသခံတွေကပြောပါတယ်။ သေဆုံးသွားသူကိုပါသဲရဲ့ အလောင်းကိုဖလမ်းမြို့၊ ဗန်ကာအိုရပ်ကွက်က RC ခရစ်ယာန်ဘုရားကျောင်း အနီးမှာ သူ့ခန္ဓာကိုယ်ပေါ်မှာ ဓားဒဏ်ရာတွေ အပြင် လက်ချောင်းတွေ ဖြတ်ခုတ်ခံထားရတဲ့ အလောင်းကို ဒေသခံတွေက ပြန်လည်တွေ့ရှိခဲ့တာဖြစ်တယ်လို့ ဒေသခံတွေဆီကနေ သိရပါတယ်။ ကိုပါသဲဟာ သဘောထားကောင်းမွန်သူတစ်ဦးဖြစ်ပြီး အခြားသူတွေနဲ့ ရန်စကားပြောလေ့ ရှိသူလည်း မဟုတ်တဲ့…
