ပြည်တွင်းသတင်း

စက်တင်ဘာလ ၁၉ ရက်။ စစ်ကိုင်းတိုင်း၊ ကလေးမြို့ပေါ်မှာ ဖုန်းလိုင်း၊ အင်တာနက်လိုင်းတွေ ဖြတ်တောက်ခံထားရတာ ဒီကနေ့ စက်တင်ဘာလ ၁၉ ရက်နေ့အထိ ၆ ရက်တာ ရှိသွားပြီဖြစ်ပြီး ဒေသခံတချို့အနေနဲ့ အင်တာနက်လိုင်း ကို အချိန်အကန့်သတ်ဖြင့် ငွေကြေးပေးပြီး အင်တာနက်လိုင်း သုံးနေရတယ်လို့ ဒေသခံတွေဆီကနေသိရပါတယ်။ ကလေးမြို့ဒေသခံတစ်ဦးက “ကျနော်တို့ နယ်ဘက်မှာက စတားလင့်ရတော့ ကိစ္စမရှိဘူး မြို့ထဲမှာက အင်တာနက်လိုင်းတွေ၊ ဖုန်းလိုင်းတွေ ဖြတ်ထားတာ ၆ ရက်ရှိပြီ အော်ရီဒူးကတော့ ပေါ်လိုက် ပျောက်လိုက်မကောင်းဘူး ၊ Mytel fiber တွေတော့ရတယ် လက်ဖက်ရည်ဆိုင်၊ ငွေလွှဲငွေထုတ်ဆိုင်တွေမှာတော့ သုံးကြတယ် တချို့ဆိုင်လဲ စတားလင့်ရတယ်လို့ ကြားတယ် ဒါပေမယ့် သေချာတော့ မသိဘူး။ မြို့ထဲမှာ တချို့လဲ တနာရီဘယ်လောက်နဲ့ သွားသုံးကြတယ် အင်တာနက်လိုင်းရတဲ့…

စက်တင်ဘာလ ၁၇ ရက်။ ကလေးခရိုင်ပြည်သူ့ကာကွယ်ရေးအဖွဲ့ (ပကဖ)ရုံး ဒရုန်းတပ်ဖွဲ့ (Wing of Kalay) ထံ ဇူလိုင်လနဲ့ သြဂုတ်လအတွင်း စစ်ကောင်စီရဲ့ အတင်းအဓမ္မပေါ်တာဆွဲခံရတဲ့ တိုင်းရင်းသားလူငယ်လူရွယ် ၁၄ ဦးဟာ လက်နက်ခဲယမ်းတွေနဲ့အတူ ဝင်ရောက်ခိုလှုံခဲ့တယ်လို့ ဒီကနေ့ စက်တင်ဘာလ ၁၇ ရက်နေ့မှာ သတင်းထုတ်ပြန်ပါတယ်။ ကလေးခရိုင်ပြည်သူ့ကာကွယ်ရေးအဖွဲ့ (ပကဖ)ရုံး Drone တပ်ဖွဲ့ (Wing of Kalay) ထံဝင်ရောက်လာတဲ့ တိုင်းရင်းသား လူငယ်လူရွယ်တွေက ၎င်းတို့ ကိုင်ဆောင်တဲ့ လက်နက်ခဲယမ်းများဖြစ်သည့် MA-3 အမျိုးအစားလက်နက်ငယ် (၅) လက်၊ MA-1 အမျိုးအစား လက်နက်ငယ် ( ၂ ) လက်၊ လက်ပစ်ဗုံးသီး (၉) လုံး၊ ၆၀ မမ လက်နက်ကြီးကျည် (၄)…

စက်တင်ဘာလ ၁၅ ရက်။ စစ်တပ်အာဏာသိမ်းပြီးနောက် ၄ နှစ်ကျော်အတွင်း အိန္ဒိယ – မြန်မာနယ်စပ် စစ်ကိုင်းတိုင်း၊ တမူးမြို့နယ်မှာ အာဏာသိမ်းစစ်ကော်မရှင်ကြောင့် ဒေသခံ ၁၆၁ ဦး သေဆုံးခဲ့တယ်လို့ ကူကီးအမျိုးသမီးများဆိုင်ရာ လူ့အခွင့်အရေးအစည်းအရုံး(KWHRO) က စက်တင်ဘာလ ၁၂ ရက်နေ့က ထုတ်ပြန်ပါတယ်။ ကူကီးအမျိုးသမီးများဆိုင်ရာ လူ့အခွင့်အရေးအစည်းအရုံး(KWHRO) ရဲ့ အစီရင်ခံစာ စာတမ်းကို ၂၀၁၄ ခုနှစ်ကနေ စတင်ပြီး ၄ လတစ်ကြိမ် ပုံမှန်ထုတ်ပြန်ခဲ့ပြီး ၂၀၂၅ ခုနှစ်မှာ ဒုတိယအကြိမ် ၄ လတာ ကို ပြန်ထုတ်ပြန်ခြင်းဖြစ်တယ်လို့ ဆိုပါတယ်။ “ စစ်ကောင်စီ၏ လေကြောင်းတိုက်ခိုက်မှု၊ လက်နက်ကြီးရမ်းသမ်းပစ်ခတ်မှုနဲ့ ၎င်းတို့လက်အောက်ခံ ပျူစောထီးတပ်ဖွဲ့များ၏ မတရားသတ်ဖြတ်မှုများအပြင် မြေမြှုပ်မိုင်းများကြောင့် အမျိုးသမီးနဲ့ ကလေးငယ်များအပါအဝင် အပြစ်မဲ့ ပြည်သူစုစုပေါင်း ၁၆၁…

စက်တင်ဘာလ ၁၂ ရက်။ စစ်ကိုင်းတိုင်း၊ ကလေးမြို့ကရပ်ကွက်တချို့မှာ စစ်ကော်မရှင်တပ်ဖွဲ့နဲ့ ပျူစောထီးအဖွဲ့တွေက လူငယ်ရှိတဲ့အိမ်တွေကို ညပိုင်းမှာ နေအိမ်ပေါ်အထိ တက်ဖမ်းတာတွေလုပ်နေတဲ့အကြောင်း ကလေးမြို့ဒေသခံတွေဆီကနေ သိရပါတယ်။ ဒေသခံတစ်ဦးက “မင်္ဂလာဥယျာဉ်ရပ်ကွက်ထဲမှာ ပျူတွေရှိတဲ့နားပေါ့ ပျူတွေကလည်းသိတယ် အဲဒီအိမ်မှာ ကလေး ၄ ၊ ၅ ယောက်ရှိတဲ့ အဖေကိုလည်း ဆွဲသွားတာ အခုထိပြန်လွတ်လာတာမျိုးတော့ မကြားသေးဘူး နောက်ပြီး စုပေါင်းရုံးမှာ ထောက်ခံစာသွားယူခဲ့တဲ့သူကတွေ့ခဲ့တယ် စစ်မှုထမ်းဆွဲထားလူတွေအများကြီးဘဲလို့ပြောတယ် အမြဲလိုလိုဆွဲနေတာဘဲ သူတို့ရင်းနှီးနေတဲ့ရပ်ကွက်တွေ သိနေတဲ့ နေရာတွေမှာရှိတဲ့သူတွေကိုဆိုရင် တခါမဟုတ် ၊ နှစ်ခါမဟုတ် အိမ်တွေမှာ လာလာဆွဲတယ်လို့ ကြားရတယ် တခြားရပ်ကွက်တွေတော့ သေချာမသိဘူးပေါ့နော်” လို့ပြောပါတယ်။ ကလေးမြို့ထဲက မဂလာဥယာဉ်ရပ်ကွက်နဲ့ အောင်သစ္စာရပ်တွေမှာ ညတိုင်းလိုလို လူငယ်ရှိတဲ့ အိမ်တွေကို တက်ပြီးဖမ်းဆီးတာတွေ လုပ်ဆောင်နေတယ်လို့လည်း ဒေသခံတွေဆီကနေ သိရပါတယ်။ သြဂုတ်လကနေ…

စက်တင်ဘာလ ၁၁ ရက်။ အိန္ဒိယ – မြန်မာနယ်စပ် ကလေး – တမူး ကားလမ်းမကြီးဘေးမှာရှိတဲ့ စစ်ကိုင်းတိုင်း၊ ကလေးမြို့နယ် မြောက်ပိုင်း နန်းစောင်းပုရွာသစ်ကို စက်တင်ဘာလ ၂ ရက်နေ့က ထိုးစစ်ဆင်လာတဲ့ စစ်ကော်မရှင်တပ်ဘက်ကနေ အိန္ဒိယနိုင်ငံသား ကသည်းသူပုန်တွေလည်း ပါဝင်ခဲ့ပြီး ဖမ်းဆီးရမိတဲ့ စစ်သုံ့ပန်း (၇) ဦးထဲမှာလည်း ကသည်းသူပုန်တွေပါဝင်သလို အလောင်း ၄ လောင်းနဲ့ လက်နက်ခဲယမ်းတချို့ကိုလည်း သိမ်းဆည်းရမိခဲ့တယ်လို့ အမျိုးသားညီညွတ်ရေးအစိုးရ(NUG)လက်အောက်ခံ အမှတ် – ၁ စစ်ဒေသက စက်တင်ဘာလ ၁၁ ရက်နေ့မှာ ထုတ်ပြန်ပါတယ်။ စက်တင်ဘာလ ၂ ရက်နေ့က စစ်ကော်မရှင်တပ်ဘက်မှ ဒကစ (ကလေး) လက်အောက်ခံ တတက-၁၀ မှ ဗိုလ်မှူး ရဲမျိုးမင်းနှင့် ဗိုလ်ကြီး ပြည့်ဖြိုးအောင်၊ ဗိုလ်ကြီး…

စက်တင်ဘာလ ၉ ရက်။ စစ်ကိုင်းတိုင်း၊ ကလေးမြို့နယ်တောင်ပိုင်းက ၊ ချင်းတော်လှန်ရေးတပ်ဖွဲ့တွေ ထိန်းချုပ်ထားတဲ့ ကလေး – ဂန့်ဂေါ ကားလမ်းမပေါ်က ကြံသာရွာကို စစ်ကောင်စီနဲ့ ပြည်သူ့စစ်၊ ပျူစောထီး အင်အား ၂၀၀ လောက်နဲ့ စက်တင်ဘာလ ၅ ရက်နေ့က ဒီကနေ့ချိန်ထိ ထိုးစစ်ဆင်တိုက်ခိုက်နေတယ်လို့ စစ်ရေးအခြေအနေ သိရှိသူတွေ ပြောပြချက်အရ သိရပါတယ်။ စစ်ရေးအခြေအနေ သိရှိသူတစ်ဦးက “ တိုက်ပွဲဖြစ်တာက သြဂုတ်လကတည်းက စဖြစ်တယ်ဆိုပေမယ့် အဲလောက်ကြီးမဟုတ်ဘူး ထိုးစစ်ဆင်တာမျိုးမဟုတ်ဘူးပေါ့ နားလိုက်တိုက်လိုက်နဲ့ပေါ့ ဒီလစက်တင်ဘာလ ၅ ရက်နေ့ကစလို့ က အင်အားအများအပြားနဲ့ ထိုးစစ်ဆင်လာတယ်လို့ ပြောတယ် ၂ဖက်တိုက်ပွဲလည်း ပြင်းထန်နေတယ်လို့ သိရတယ်” လို့ပြောပါတယ်။ ကလေး – ဂန့်ဂေါအကြားက စစ်ကောင်စီတပ်စခန်းတွေဖြစ်တဲ့ ကမ်းပါးနီစခန်း၊ မှန်တော၊ အောင်သာယာ…

စက်တင်ဘာလ ၅ ရက်။ ယခုနှစ်ကုန်မှာ စစ်ကောင်စီက လုပ်မယ့် ရွေးကောက်ပွဲနဲ့ပတ်သက်ပြီး နိုင်ငံတကာ၊ ဒေသတွင်းနဲ့ မြန်မာနိုင်ငံက အရပ်ဘက်အဖွဲ့အစည်းပေါင်း ၂၀၆ ဖွဲ့က ရွေးကောက်ပွဲအတု လို့ဆိုကာ ကုလသမဂ္ဂအနေနဲ့ လက်မခံဖို့ ဆိုတဲ့အချက်အပါအ၀င် အချက် (၃) ချက်ကို စက်တင်ဘာလ (၄) ရက်နေ့မှာကုလသမဂ္ဂရုံးကို အိတ်ဖွင့်စာပေးပို့ခဲ့ပါတယ်။ အိတ်ဖွင့်တောင်းဆိုစာမှာ စစ်ကောင်စီက “နိုင်ငံတော်အုပ်ချုပ်ရေးကောင်စီ” ကနေ “နိုင်ငံတော်လုံခြုံရေးနှင့် ငြိမ်းချမ်းရေး ကော်မရှင်” လို့ နာမည်ပြောင်းပေမယ့်၊ ဒီရွေးကောက်ပွဲကို လုပ်ဖို့အတွက် နိုင်ငံတကာဥပဒေအရရော၊ နိုင်ငံရေးအရပါ တရားဝင်မှုမရှိဘူးလို့ ပြောပါတယ်။ လက်ရှိမှာ စစ်ကောင်စီက သူတို့ထိန်းချုပ်မှုမရှိတဲ့ ဒေသတွေမှာ ရွေးကောက်ပွဲကို အတည်ပြုနိုင်ဖို့ဆိုပြီး လေကြောင်းတိုက်ခိုက်မှုတွေ၊ လက်နက်ကြီးနဲ့ ပစ်ခတ်မှုတွေ၊ မီးရှို့ဖျက်ဆီးမှုတွေ ပိုပြီးလုပ်ဆောင်နေပါတယ်လို့ဆိုပါတယ်။ ဒါ့အပြင် စစ်ကောင်စီဟာ နိုင်ငံရေးပါတီတွေကိုလည်း ဖိနှိပ်တဲ့ဥပဒေတွေနဲ့…

စက်တင်ဘာလ ၄ ရက်။ စစ်ကိုင်းတိုင်း၊ ကလေးမြို့နယ်မြောက်ပိုင်း အိန္ဒိယ – မြန်မာနယ်စပ်ကို ဆက်သွယ်ထားတဲ့ ကလေး – တမူး ၊ အာရှလမ်းမကြီးကို အာဏာသိမ်းစစ်ကောင်မရှင်တပ်က ရွေးကောက်ပွဲမတိုင်ခင် ပြန်လည်ထိန်းချုပ်နိုင်ဖို့ အသည်းအသန် ပြန်တိုက်ခိုက်နေတယ်လို့ စစ်ရေးအခြေအနေသိရှိသူတွေကပြောပါတယ်။ ကလေး – တမူး အာရှလမ်းမကြီးဘေးမှာရှိတဲ့ ကလေးမြို့ကနေ မိုင်၂၀ ဝန်းကျင်လောက်မှာရှိတဲ့ ကံသာယာကျေးရွာထိကို တော်လှန်ရေးအင်အားစုတွေထိန်းချုပ်ထားပြီး အာဏာသိမ်းစစ်အုပ်စုက ပြီးခဲ့တဲ့ သြဂုတ်လ ၂၆ ရက်နေ့ကစလို့ လူအင်အား၊ လက်နက်ကြီးပစ်ကူ၊ လေယာဉ်ပစ်ကူတွေနဲ့ အပြင်းအထန် တောက်လျောက်ထိုးစစ်ဆင်တိုက်ခိုက်နေတယ်လို့ စစ်ရေးအခြေအနေသိရှိသူတွေကပြောပါတယ်။ ကလေး – တူမူးကားလမ်းမကြီးအနီးနား နေထိုင်သူတစ်ဦးက “ကံသာယာကို သိမ်းနိုင်ဖို့ အသည်းအသည် လက်နက်ကြီးတွေနဲ့ ဆိုနေ့တိုင်း အဆက်မပြတ်ချနေကြတယ် လေယာဉ်နဲ့လည်း ပြီးခဲ့တဲ့ တနင်္ဂနွေနေ့ကလည်း လေယာဉ်နဲ့ ချတာ…

စက်တင်ဘာလ ၁ ရက်။ အမျိုးသားဒီမိုကရေစီအဖွဲ့ချုပ် (NLD) ချင်းပြည်နယ် ပလက်ဝမြို့နယ်အလုပ်အမှုဆောင်အဖွဲ့ဝင်နှင့် ပလက်ဝမြို့ နယ် မဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ် ဦးစိုးထက် (ခ) ဆလိုင်းမဲလုကို စစ်ကောင်စီကျင်းပမယ့် ရွေးကောက်ပွဲမှာ ဝင်ရောက်ယှဉ်ပြိုင်မှာကြောင့် NLD ပါတီကနေ ထုတ်ပယ်ကြောင်း ရန်ကုန်မြို့၊ ဗဟန်းမြို့နယ်ရှိ အမျိုးသားဒီမိုကရေစီအဖွဲ့ချုပ်ပါတီ(NLD)က ဒီကနေစက်တင်ဘာလ ၁ ရက်နေ့မှာ ထုတ်ပြန်လိုက်ပါတယ်။ အမျိုးသားဒီမိုကရေစီအဖွဲ့ချုပ် ချင်းပြည်နယ် ပလက်ဝမြို့နယ်အလုပ်အမှုဆောင်အဖွဲ့ဝင်နှင့် ပလက်ဝမြို့ နယ် မဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ် ဦးစိုးထက် (ခ) ဆလိုင်းမဲလုသည် စစ်ကောင်စီကျင်း ပမည့် အတုအယောင်ရွေးကောက်ပွဲတွင် ဝင်ရောက်ယှဉ်ပြိုင်မှာ သိရှိရတဲ့ကြောင်း မင်းအောင်လှိုင်ဦးဆောင်သောစစ်တပ်က ဖွဲ့စည်းပုံအခြေခံဥပဒေကိုချိုးဖောက်၍ နိုင်ငံတော် အာဏာကိုအဓမ္မလုယူခဲ့ပြီး လွတ်လပ်သန့်ရှင်းတရားမျှတစွာကျင်းပနိုင်ခဲ့သည်ဟု ကမ္ဘာ့နိုင်ငံအသီးသီးမှ အသိ အမှတ်ပြုထုတ်ပြန်ထားခဲ့သော ၂၀၂၀ ခုနှစ်ရွေးကောက်ပွဲရလဒ်ကို ငြင်းဆန်ကန့်ကွက်ကာ…

ဩဂုတ်လ ၂၈ ရက်။ ရန်ကုန်၊ မြောက်ဒဂုံမြို့နယ် ၊(၄၈)ရပ်ကွက်နေ ဆေးရုံဆင်းခါစ နာမကျန်းဖြစ်နေတဲ့ အသက် ၂၂ နှစ်အရွယ် မောင် မောရ်ဒီးစ်လားဗဲင်ကြွာန်းအား ဩဂုတ်လ (၂၃) ရက်နေ့ည (၈) နာရီ၀န်းကျင်မှာ ဗထူးအိမ်ယာအနီးမှာ အရပ်၀တ်လူတစ်စုမှ ဖမ်းဆီးခေါ်ဆောင်သွားရာ ယနေ့အထိ မည်သည့်နေရာတွင် ဖမ်းဆီးထားကြောင်း စုံစမ်းမရဖြစ်နေတယ်လို့ နီးစပ်သူတွေထံမှသိရပါတယ်။ ဖမ်းဆီးခံရသူလူငယ်မှာ နာမကျန်းဖြစ်ပြီးတင်ပါးစုံနားအကြိတ်ခွဲထုတ်ရကာ ဆေးရုံဆင်းခါစဖြစ်ကာ မြောက်ဒဂုံ ၄၈ ရပ်ကွက်ရှိ ဗထူးအိမ်ယာ၀န်းကျင်တွင်လမ်းလျှောက်ထွက်စဥ်အဖမ်းခံရခြင်းဖြစ်တယ်လို့ ၄င်းနဲ့နီးစပ်သူတစ်ဦးကပြောပါတယ်။ “တင်ပါးဆုံနားက အကြိတ်ခွဲထုတ်ရပြီး ဆေးရုံတက်ခဲ့ရသူဖြစ်တယ်။ ဆေးရုံဆင်းပြီးနောက်လည်း လေ့ကျင့်ခန်းလုပ်ဖို့ လမ်းတွေလျှောက်ပေးရတဲ့အနေအထားဖြစ်တဲ့အတွက် လမ်းလျှောက်တဲ့အချိန် အဖမ်းခံရတာဖြစ်တယ်၊ခွဲစိတ်ခံယူတာတော့ကြာပြီ လမ်းလျှောက်ရင်တော့ သိပ်မသန်ဘူး ပြီးတော့ ဆီးချိုသွေးချိုရောဂါဝေဒနာရှင်လဲဖြစ်တယ် နောက်ဆုံးအဆင့် ဆေးပုံမှန်တိုက်ပေးရတယ်၊သူကရောဂါဝေဒနာရှင်လဲဖြစ်တော့ ပုံမှန်ဆေးမသောက်ရရင် အသက်ဆုံးရှုံးနိုင်တဲ့အဆင့်ဆိုတော့ သူ့အစ်ကို က အရမ်းစိတ်ပူနေတယ် “လို့ နီးစပ်သူကပြောပါတယ်။…