မြေပြင်က CDF ရဲဘော် ရဲမေတွေနဲ့ CDM ဝန်ထမ်းတွေရဲ့တကယ့်ဖြစ်ရပ်မှန် ရုပ်ရှင်ဖြစ်ကာ သူတို့ ကိုယ်တိုင်သရုပ်ဆောင်ထားတဲ့ “နွေဦးဇာတ်ခုံ” ဆိုတဲ့ ဖြစ်ရပ်မှန်ဇာတ်လမ်းရုပ်ရှင်ကို CDF-Mindat ကProject Target အဖြစ် သိန်း ၁၂၀၀ ရည်မှန်းထားပြီး ထုတ်လုပ်ထားကာ မကြာမီ Online ကနေ ပြသတော့မည်လို့ သိရပါတယ်။
“စနစ်ဆိုးကြီးတစ်ခုကို ဖြုတ်ချပစ်ဖို့ အနာဂတ်လွတ်လပ်ခွင့်နဲ့ တန်းတူရေးအတွက် မိမိတို့ရဲ့ ရာထူးရာခံ ဝန်ထမ်းဘဝကို စွန့်လွှတ်တိုက်ပွဲဝင်ကြတဲ့ CDM၊ အသက်ခန္ဓာ ပုံအပ်ပေးဆပ်ပြီး တိုက်ပွဲဝင်နေကြတဲ့ CDF ပြည်သူ့ကာကွယ်ရေးတပ်ဖွဲ့ ဝင်တို့ရဲ့ တစ်ကယ့်ဖြစ်ရပ်မှန် ဘဝဇာတ်ခုံ အဖြစ်ပုံဖော်ထားတဲ့ ဖြစ်ရပ်မှန်ဇာတ်လမ်းရုပ်ရှင်လို့” CDF – Mindat ကလည်း ဆိုထားပါတယ်။
ဒီရုပ်ရှင်ကို ဒါရိုက်တာအဖြစ် Chin Gyi ၊ CDF Mindat , မင်းတပ်ပြည်သူ့အုပ်ချုပ်ရေးအဖွဲ့၊ Healthe World ဒေါက်တာအငြိမ်း၊ IMCO တို့က ပူးပေါင်းဆောင်ရွက်ကြပြီး IMCO ကနေ Project Owner အဖြစ်တာဝန်ယူဖြန့်ချီမှာလို့ သိရပါတယ်။
နွေဦးဇာတ်ခုံ ရုပ်ရှင်ဇာတ်လမ်း၊ရုပ်ရှင်ကြည့်ခွင့် Tickets တွေကို ကမ္ဘာတဝှမ်း ရောင်းချပေးမှာလို့လည်း သိရပါတယ်။ ဒီ နွေဦးဇာတ်ခုံ ရုပ်ရှင် Project Target ကတော့ သိန်း ၁၂၀၀ ဖြစ်တယ်လို့လည်း သိရပါတယ်။