အောက်တိုဘာလ ၁၉ ရက်။
ဘက်စုံသုံးတိုက်ခိုက်ရေး(MMA)ချင်းဖိုက်တာ တီာလ်ထန်း ( Tial “The Dragon Leg” Thang ) ဟာ အောက်တိုဘာလ ၁၉ ရက်မှာ အမေရိကန်နိုင်ငံ၊ပင်ဆယ်ဗေးနီးယားပြည်နယ်၊ ဖီလာဒေလ်းဖီးယား မြို့မှာ ကျင်းပခဲ့တဲ့ Cage Fury Fighting Championship 137 ပြိုင်ပွဲမှာ အမေရိကန်ဖိုက်တာChristian Mcauley နဲ့ထိုးသတ်ခဲ့ကာ ဒုတိယအချီမှာ ပြိုင်ဘက်ရဲ့ချုပ်ကွက် ထိုးကွက်အောက်မှာ ရှုံးနိမ့်သွားပါတယ်။
ချင်းဖိုက်တာ တီာလ်ထန်းကတော့ အသက် ၃၁ နှစ်ရှိပြီဖြစ်ကာ ပရော်ဖက်ရှင်နယ်ဖိုက်တာဘဝမှာ One Championship ပွဲတွေနဲ့အခုပွဲ အပါအဝင် ပွဲပေါင်း ၁၉ ပွဲ ထိုးသတ်ထားပြီး ၁၀ ပွဲနိုင်၊ ၈ ပွဲရှုံး၊ ၁ ပွဲပျက် ရလဒ်ထွက်ပေါ်ထားပါတယ်။
တီာလ်ထန်းနဲ့ထိုးသတ်ခဲ့တဲ့ ပြိုင်ဘက် အမေရိကန်ဖိုက်တာ Christian Mcauley ဟာ အသက် ၂၅ နှစ်အရွယ် လူငယ်ဖိုက်တာဖြစ်ပြီးပရော်ဖက်ရှင်နယ်ဖိုက်တာ ဘဝ အခုပွဲအပါအဝင် ၈ ပွဲ ထိုးသတ်ထားပြီး လုံးဝရှုံးပွဲမရှိသေးတဲ့သူဖြစ်တယ်လို့သိရပါတယ်။
တီာလ်ထန်းဟာ ပြီးခဲ့တဲ့ ဩဂုတ်လ ၁၆ ရက်၊ ဂျပန်နိုင်ငံ၊ တိုကျိုမြို့မှာကျင်းပတဲ့ TTF Challege 10 ပြိုင်ပွဲမှာ ဂျပန်ဖိုက်တာ နာအိုဂီအိုဒါ (Naoki Ueda) နဲ့ထိုးသတ်ခဲ့ပြီး ဒိုင်အမှတ်နဲ့အနိုင်ရရှိခဲ့ပါတယ်။