ဖေဖော်ဝါရီလ ၅ ရက်။
ပြီးခဲ့တဲ့ ဇန်နဝါရီလ ဒုတိယအပတ်လောက်စလို့ ချင်းပြည်နယ်၊ ပလက်ဝမြို့နယ် နဲ့ အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်နယ်စပ်အကြား ရေကြောင်းလမ်းမှာ လူအဝင်အထွက်အသွားအလာကို အိန္ဒိယ အာသံရိုင်ဖယ်တပ်တွေက စစ်ဆေးရေးဂိတ်တွေချပြီး တင်းကြပ်လိုက်တယ်လို့ ပလက်ဝကောင်စီရဲ့လူမှုကယ်ဆယ်ရေးဌာနတာဝန်ခံက Chin World Media ကိုပြောပါတယ်။
ပလက်ဝကောင်စီရဲ့လူမှုကယ်ဆယ်ရေးဌာနက တာဝန်ခံက “အဓိကတော့ စစ်ဘေးရှောင်တဲ့ဟာကို လက်မခံတဲ့ သဘောဖြစ်တယ် ဒါပေမယ့် တစ်ခုက ဒီဘက်က အာဏာပိုင်အဖွဲ့အစည်းအနေနဲ့ လက်ခံပေးတဲ့ ထောက်ခံချက်နဲ့ ဆိုရင်တော့ သွားလာဖို့ အဆင်ပြေတဲ့အနားထားပေါ့နော် ကာကီနဲ့ ကျနော်တို့ရဲ့ ကာရမိတ်ရွာပေါ့နော် ပလက်ဝဘက်က အဲဒီရဲ့ကြားမှာ ဂိတ်တစ်ဂိတ်ရှိတယ် ရေကြောင်းမှာပေါ့ နောက်ပြီး တွီဒန်းနဲ့ ကာကီကြားမှာလည်း ဂိတ်တစ်ဂိတ်ရှိတယ် ရေကြောင်းအဝင်အထွက်ကို လက်တလောမှာတော့ နည်းနည်းကြပ်တဲ့သဘောဖြစ်တာပေါ့” လို့ပြောပါတယ်။
မီဇိုရမ်ပြည်နယ်၊ လောင်တလိုင်ခရိုင်မှာရှိတဲ့ နယ်စပ်ရွာဖြစ်တဲ့ ကာကီရွာ နဲ့ ချင်းပြည်နယ် ပလက်ဝကြားမှာရှိတဲ့ ရေကြောင်းမှာ အာသံရိုင်ဖယ်တပ်တွေက ဂိတ်ချနေထိုင််ပြီး အဝင်အထွက်ကို တင်းကြပ်လိုက်တဲ့ အနေထားဖြစ်ပြီး သွားလာမယ်ဆိုရင်လည်း ေထာက်ခံချက်တွေနဲ့တော့ အသွားအလာလုပ်ရတာလို့ သိရပါတယ်။
“ကုန်စည်စီးဆင်းမှုအတွက် သွားလာမှုပိုင်း နည်းနည်းကန့်သတ်မှုရှိတဲ့ သဘောမှာရှိမယ်ထင်တယ် ကားအသွားအလာ မရှိဘူးလို့ပြောကြတာဘဲေ လာင်တလိုင်ဘက်ကနေ တွီဒန်းဘဲဖြစ်ဖြစ် ကာကီဘဲဖြစ်ဖြစ် ဒီလိုကားနဲ့ပို့ပြီးမှ တဆင့်ရေကြောင်းကနေ စက်လှေနဲ့သယ်ရတာဆိုတော့ လက်တလောမှာ ကားနဲ့လည်း သူတို့မပို့ဘူးဆိုတဲ့သဘောဖြစ်တယ် သူတို့လည်းပစ္စည်းပို့စရာမရှိဘူးပေါ့ ပြီးတော့ လူအဝင်အထွက်လည်း ကြပ်တယ်ဆိုတော့ မရှိသလောက်ဖြစ်တာပေါ့” ပလက်ဝကောင်စီရဲ့လူမှုကယ်ဆယ်ရေးဌာနတာဝန်ခံကပြောပါတယ်။
အာသံရိုင်ဖယ်တပ်ဖွဲ့ရဲ့ တားဆီးမှုကြောင့် မီဇိုရမ်ပြည်နယ်၊လောက်တလိုင်ခရိုင်၊ ကာကီကျေးရွာကို စစ်ဘေးရှောင်ဖို့ လာတဲ့ ပလက်ဝမြို့နယ်က အိမ်ထောင်စု ၈ စု ပြန်လှည့်လာရတာမျိုးလည်း ရှိခဲ့တယ်လို့ သိရပါတယ်။
