AA ကဖမ်းဆီးထားတဲ့ ပလက်ဝမြို့နယ်က ကျောင်းသူ ၂ ဦးရဲ့ သတင်းဘာမှမသိရသေးလို့ မိသားစုတွေ စိုးရိမ်နေ
ဒီဇင်ဘာလ ၉ ရက်။ ချင်းပြည်နယ်၊ ပလက်ဝမြို့နယ် ၊ ရှင်းလက်ဝကျေးရွာရှိ အာရက္ခတပ်တော် ( AA) စစ်ဆေးရေးဂိတ်မှာ ဒီဇင်ဘာလ ၁ ရက်နေ့ကစလို့ AA တပ်ဖွဲ့ရဲ့ ဖမ်းဆီးထိန်းသိမ်းခဲ့တဲ့ အသက်မပြည့်သေးတဲ့ ကျောင်းသူ (၂) ဦးရဲ့ အခြေအနေနဲ့ ပတ်သက်ပြီး အခုထိဘာသတင်းအစအနမှ မသိရသေးလို့ မိသားစုဝင်တွေက စိုးရိမ်နေကြတယ်လို့ နီးစပ်သူတွေဆီကနေ သိရပါတယ်။ အာရက္ခတပ်တော် (AA) ဖမ်းဆီးခဲ့တဲ့ ကျောင်းသူ (၂) ဦးဟာ ပလက်ဝမြို့နယ် အထက်ပိုင်းရှိ အထက်ငရှားကျေးရွာက အသက် ၁၇ နှစ်အရွယ် အွေ့နန်းဝေ နှင့် အထက်နူံးဘူးကျေးရွာက အသက် ၁၈ နှစ်အရွယ် အွေ့ဟွေ့ရီ တို့ဖြစ်တယ်လို့ သိရပါတယ်။ ဆွေမျိုးနီးစပ်သူတစ်ဦးက “သူတို့က အထက်တန်းဆက်တက်ဖို့ ရန်ကုန်ဘက်သွား ကြတာဖြစ်တယ်…
