ချင်းညီနောင်အဖွဲ့ဝင် တပ်ဖွဲ့တွေကို ပေါင်းစည်းကာ တပ်မတော်တစ်ရပ်အဖြစ်ဖွဲ့စည်းဖို့ အခြေခံမှုတွေ ချမှတ်ခဲ့တယ်လို့ ထုတ်ပြန်
မေလ ၁၂ ရက်။ ချင်းညီနောင်အဖွဲ့ရဲ့ မြေပြင်အစည်းအဝေးမှာချင်းညီနောင်အဖွဲ့ဝင် တပ်ဖွဲ့များပေါင်းစည်းကာ ချင်းပြည်နှင့် ချင်းတမျိုးသားလုံးကို ကာကွယ်ပေးနိုင်တဲ့ ပိုမိုကျစ်လစ်ခိုင်မာတဲ့ တပ်မတော်တစ်ရပ် (Standard Army) အဖြစ်တိုးမြှင့်ဖွဲ့စည်းနိုင်ရန် အခြေခံမှုများ ချမှတ်ခဲ့တယ်လို့ ချင်းလက်နက်ကိုင်တော်လှန်ရေးအဖွဲ့ ၆ ဖွဲ့စုစည်းထားတဲ့ ချင်းညီနောင်အဖွဲ့က မေလ ၁၁ ရက်နေ့မှာ ထုတ်ပြန်ပါတယ်။ ချင်းအမျိုးသားစည်းလုံးညီညွှတ်ရေးနဲ့ အနာဂတ်မှာ ချင်းပြည်သူလူထုတရပ်လုံး ကိုယ်စားပြုတဲ့ ချင်းပြည်အစိုးရ ပေါ်ပေါက်လာနိုင်ရေးအတွက် တန်းတူညီမျှခြင်း၊ တရားမျှတခြင်း ကိုယ့်ကြမ္မာကိုယ်ဖန်တီးနိုင်ခြင်းအစရှိတဲ့ ဒီမိုကရေစီစံနှုန်းထားတွေ ပါဝင်တဲ့ ချင်းညီနောင်ရဲ့ Tems of Refence (ToR) အတိုင်း ဆက်လက်အကောင်ထည်ဖော်ဆောင်ရွက်ဖို့ သဘာတူခဲ့ကြတယ်လို့လည်း ချင်းညီနောင်အဖွဲ့ကထုတ်ပြန်ပါတယ်။ ဒါ့အပြင် ပြည်တွင်း မဟာမိတ်ဆက်ဆံရေးနဲ့ စပ်လျဉ်းပြီး သော်လည်းကောင်း၊ နိုင်ငံတကာဆက်ဆံရေးနှင့် စပ်လျဉ်း၍သော်လည်းကောင်း စစ်ရေး၊ နိုင်ငံရေးနဲ့ လူမှုစီးပွားရေး မူဝါဒတွေ…
