ချင်းပြည်သတင်း

ဒီဇင်ဘာလ ၂၇ ရက်။ ချင်းပြည်နယ်၊ မင်းတပ်မြို့သိမ်းတိုက်ပွဲအတွင်း ချင်းညီနောင်အဖွဲ့ရဲ့ မဟာမိတ်တပ်ဖွဲ့ မုံရွာခရိုင််အမှတ် (၃) တပ်ရင်းက ရဲဘော် (၇) ဦးကျဆုံးခဲ့ပြီး ၁၄ ဦး ထိခိုက်ဒဏ်ရာရခဲ့တဲ့အကြောင်း မုံရွာခရိုင်အမှတ် (၃)တပ်ရင်းက ဒီကနေ့ ဒီဇင်ဘာလ ၂၇ ရက်နေ့မှာ ထုတ်ပြန်ပါတယ်။ မုံရွာခရိုင်အမှတ် (၃) တပ်ရင်းက “ မုံရွာခရိုင်အမှတ် (၃) တပ်ရင်းက ရဲဘော် (၇)ယောက် ပေးဆပ်ကျဆုံးခဲ့ရပါတယ်။ ဖက်ဒရယ်ဒီမိုကရေစီရရှိရေးအတွက် အသက်ကို ပဓာနမထားပဲ အောင်ပွဲတွေရရှိနိုင်ရန် ပေးဆပ်တိုက်ပွဲဝင်ခဲ့တဲ့ ရဲဘော် (၇) ဦးကို ဦးညွှတ်ဂုဏ်ပြုကြောင်းနဲ့ နွေဦးတော်လှန်ရေးမိဘပြည်သူတွေအနေနဲ့ မုံရွာခရိုင် အမှတ် (၃) တပ်ရင်းက ရဲဘော်တွေအားလုံးရဲ့ မလျော့သောဇွဲဖြင့် ယနေ့အချိန်ထိ လိုချင်သော ပန်းတိုင်မရောက်မချင်း ဆက်လက်ပြီး ကြိုးစားနေမည်ဖြစ်ကြောင်းကိုလည်း သစ္စာကတိပြုတယ်”…

ဒီဇင်ဘာလ ၂၆ ရက်။ ချင်းပြည် ပလက်ဝမြို့ အပါအဝင် ရခိုင်ပြည်ကမြို့နယ်အချို့မှာ အာရက္ခတပ်တော် (ULA/AA )မှ မနေ့က ဒီဇင်ဘာလ ၂၅ ရက်မှာ ဒေသခံခရစ်ယာန်ဘာသာဝင်တွေနဲ့အတူခရစ္စမတ်ပွဲတော် ကျင်းပပေးခဲ့ကြောင်း ULA/AAနဲ့ Aarakan Princess Media ရဲ့သတင်းဖော်ပြချက်အရသိရပါတယ်။ ဒေသနေပြည်သူတွေရဲ့ လုံခြုံရေးလိုအပ်ချက်အရ ခရစ္စမတ်ပွဲတော်ကျင်းပခဲ့တဲ့ နေရာအတိအကျကို ULA/AA မှ ဖော်ပြခြင်း မပြုပေ။ AA က ခရစ္စမတ်လက်ဆောင်အဖြစ် နွားထီးသုံးကောင်ကိုလည်း ပြီးခဲ့သည့်ရက်ပိုင်းက CDF-Paletwa ကို ပေးအပ်ခဲ့ပါတယ်။ ကမ္ဘာတစ်ဝန်းလုံးနှင့် မြန်မာနိုင်ငံအနှံ့အပြားမှ ခရစ်ယာန်ဘာသာဝင်များ၊ အာရက္ခဒေသ နှင့် ပလက်ဝဒေသအတွင်းရှိ ခရစ်ယန်ဘာသာဝင်များအားလုံး “ခရစ္စမတ်အခါသမယတွင် ငြိမ်းအေးသာယာမှုရရှိကြစေပြီး စစ်မှန်သောလွတ်မြောက်မှုများနှင့်အတူ လိုအင်ဆန္ဒများ တစ်လုံးတစ်ဝ ပြည့်စုံနိုင်ကြပါစေ” ကြောင်း ULA/AA က ဒီဇင်ဘာလ ၂၄…

ဒီဇင်ဘာလ ၂၆ ရက်။ ဒီဇင်ဘာလ ၂၄ ရက်က မင်းတပ််မြို့ပေါ်ကနေ ထွက်ပြေးသွားတဲ့ စစ်ကောင်စီတပ်ဖွဲ့ဝင်တွေကို CDF-Mindat နဲ့ဒေသခံတွေက လိုက်လံဖမ်းဆီးတဲ့အချိန် မင်းတပ်မြို့နယ် ၊တိုက်နယ် ၄ ၊အေးစခန်းကျေးရွာက ခရစ်ယာန်သင်းအုပ်ဆရာတော် ပါစတာဦးရွှီမာန် ဟာ စစ်ကောင်စီတပ်က ပစ်တာခံလိုက်ရလို့ သေဆုံးသွားတယ်လို့ ရှေ့တန်းသတင်းရင်းမြစ်တစ်ဦးကပြောပါတယ်။ ရှေ့တန်းသတင်းရင်းမြစ်တစ်ဦးက “ဒေသခံတွေကရော တူမီးတွေနဲ့ ကျနော်တို့နဲ့ အကုန်လုံးဝိုင်းလိုက်ပြီးတော့ ဝိုင်းတိုက်တာ ကျသွားတဲ့ ပါစတာက လိုက်ဖမ်းရင်းနဲ့ သူကနေပြီး အရင်တွေ့တာထင်တယ် ဟိုကရှောင်ပြီးပုန်းနေတာကို သူကနေတွေ့တော့ အဲဒီမှာဆိုပြီးမှအော်တော့ သူ့ကိုအရင်ပစ်တာ အဲဒီမှာတိုက်ပွဲစပြီးဖြစ်တယ် ထွက်ပြေးတဲ့ စစ်ကောင်စီ အင်အား၂၀၀ ကျော်ထဲကနေ အကုန်လုံးနီးနီးပြန်မိပါတယ် အဲဒီတိုက်ပွဲမှာစစ်သား အကုန်နီးပါးပြန်မိပါတယ် အသေမိတာရှိသလို အရှင်မိတာတွေလည်းရှိတယ် တစ်ယောက်ဘဲလွတ်သွားတယ်” လို့ပြောပါတယ်။ ချင်းညီနောင် စစ်ဆင်ရေး (Operation CB) အဖြစ်ဖော်ဆောင်ခဲ့တဲ့…

ဒီဇင်ဘာလ ၂၆ ရက်။ ဘိန်းစိုက်ပျိုးမှုနဲ့ ပတ်သက်သော အခွန်များ ကောက်ခံခြင်းသည် ဘိန်းစိုက်ပျိုးမှုကို တရားဝင် ခွင့်ပြုရာ ရောက်သည့် အတွက် မိမိတို့ ထိန်းချုပ်နယ်မြေ အတွင်း မိမိတို့ အဖွဲ့အစည်း အပါအဝင် မည့်သည့် အဖွဲ့အစည်းကိုမျှ ဘိန်းခွန် ကောက်ခံခြင်းကို ခွင့်ပြုမည် မဟုတ်ဘဲ ၃ နှစ်အတွင်း ဘိန်းစိုက်ပျိုးမှု ကင်းစင်ရေး စီမံကိန်းကို ချမှတ် ထားသည် အတိုင်း ဆောင်ရွက်သွားမယ် လို့ တီးတိန်မြို့နယ်အခြေစိုက် ချင်းဒေသကာကွယ်ရေးတပ်ဖွဲ့ CDF-CDM-Siyin ကဒီဇင်ဘာလ ၂၅ ရက်နေ့မှာ သတင်းထုတ်ပြန်ခဲ့ ပါတယ်။ ဘိန်းစိုက်ခင်း နဲ့ ပတ်သက်သည့် စီမံကိန်း၊ စီမံချက်များကို CDF-CDM-Siyin ရဲ့၂၀၂၄ ခုနှစ် ပုံမှန်အစည်းအဝေးတွင် ချမှတ်ခဲ့ခြင်းဖြစ်ပြီး ယင်း ဆုံးဖြတ်ချက်အရ မိမိတို့…

ဒီဇင်ဘာလ ၂၄ ရက်။ မီဇိုရမ်၊ မဏိပူရ်နဲ့ နာဂလန်းပြည်နယ်များတွင် အိမ်နီးချင်းနိုင်ငံများမှ လူအများအပြား ဝင်ရောက်လာမှုကြောင့် လုံခြုံရေးစိုးရိမ်မှုများ တိုးပွားလာနေသည့်အတွက် ကာကွယ်ထိန်းချုပ်နယ်မြေ ( Protect Area Regime – PAR ) အဖြစ်ပြန်လည်သတ်မှတ်ပြီး နိုင်ငံခြားသားများကို ခွင့်ပြုမိန့်၊ အထူးခွင့်ပြုမိန့်များ ဖြင့်သာ ပြည်နယ်တွင်းဝင်ခွင့်ပေးရန် အိန္ဒိယဗဟိုအစိုးရက ဒီဇင်ဘာလ (၂၁) ရက်နေ့က ပြန်လည်ပြဌာန်းလိုက်တဲ့အပေါ် ပြန်လည်စဉ်းစားသုံးသပ်ရန် မီဇိုရမ်ပြည်နယ်အနိုင်ရပါတီ Zoram People’s Movement (ZPM) က တိုက်တွန်းလိုက်ပါတယ်။ ယခုကဲ့သို့ PAR စနစ်ကိုပြန်လည်ပြဌာန်းထားခြင်းဟာ ပြည်နယ်အတွင်း မီဇိုလူမျိုးများရဲ့ လုပ်ငန်းများအပေါ် ထိခိုက်မှုရှိမည်ကိုစိုးရိမ်ကြောင်း၊ ထိုသို့ကန့်သတ်မှုကြောင့် အိန္ဒိယနိုင်ငံရဲ့ အရှေ့မြောက်ပိုင်းဒေသများတွင် ခရီးသွားလုပ်ငန်းများထိခိုက်လာနိုင်မယ့် အလားအလာများကို ZPM ပါတီ မှ အိန္ဒိယဗဟိုအစိုးရကို တိုက်တွန်းရာမှာ…

ဒီဇင်ဘာလ ၂၄ ရက်။ ချင်းပြည်နယ် မင်းတပ်မြို့သိမ်းတိုက်ပွဲနဲ့ ကန်ပက်လက်မြို့သိမ်းတိုက်ပွဲတို့ကို အောင်ပွဲဆင်နွှဲခဲ့တဲ့ ချင်းညီနောင်နဲ့ မဟာမိတ်တပ်ပေါင်းစုတွေ တိုက်ပွဲဝင်သူရဲကောင်းတွေရဲ့ အသက်သွေးချွေး စတေးပေးဆပ် အောင်ပွဲဆင်နွှဲနိုင်တဲ့ပေါ် လေးမြတ်စွာ ဂုဏ်ပြုတယ်လို့ ချင်းပြည် (Chinland)ကောင်စီ က ဒီကနေ့ ဒီဇင်ဘာလ ၂၄ ရက်နေ့မှာ ထုတ်ပြန်ခဲ့ပါတယ်။ ချင်းပြည် (Chinland)ကောင်စီအနေနဲ့ ချင်းပြည်တဝှမ်း တော်လှန်ရေးတိုက်ပွဲဆင်နွှဲနေကြတဲ့ သူရဲကောင်းစစ်သည်တွေ အသက်သွေးပေးဆပ်ခဲ့သူတွေကို ဦးညွှတ်အလေးပြုအပ်တယ်လို့လည်း ထုတ်ပြန်ထားပါတယ်။ ချင်းညီနောင် စစ်ဆင်ရေး (Operation CB) အဖြစ်ဖော်ဆောင်ခဲ့တဲ့ မင်းတပ်မြို့သိမ်းတိုက်ပွဲကို နိုဝင်ဘာလဘာလ ၉ ရက်နေ့က စတင်ထိုးစစ်ဆင်ခဲ့ပြီး ဒီဇင်ဘာလ ၂၂ ရက်နေ့မှာ အပြီးသတ်သိမ်းပိုက်ထိန်းချုပ်နိုင်ခဲ့သလို ကန်ပက်လက်မြို့ကိုလည်း ဒီဇင်ဘာလ ၂၃ ရက်နေ့မှာ သိမ်းပိုက်နိုင်ခဲ့ပါတယ်။ ချင်းလက်နက်ကိုင် ၆ ဖွဲ့ပါဝင်တဲ့ ချင်းညီနောင်အဖွဲ့ဟာ ချင်းပြည်နယ်…

ဒီဇင်ဘာလ ၂၃ ရက်။ ကန်ပက်လက်မြို့သိမ်းတိုက်ပွဲစတင်ကြောင်း ဒီဇင်ဘာလ ၂၂ ရက်မှာကြေညာချိန်ကစပြီး စစ်ကောင်စီတပ်ဟာ ကန်ပက်လက်မြို့ကိုစွန့်ခွါထွက်ပြေးသွားတဲ့အတွက် ယခုအချိန်မှာ ကန်ပက်လက််မြို့နယ်တစ်ခုလုံးမိမိတို့ချင်းညီနောင်အဖွဲ့ရဲ့ထိန်းချုပ်မှုအောက်ရောက်ပြီဖြစ်ကြောင်း ၊ချင်းညီနောင်စစ်ဆင်ရေး (Operation CB) အဖြစ် ဖော်ဆောင်နေသော ကန်ပက်လက်မြို့သိမ်းတိုက်ပွဲ အောင်မြင်ပြီးမြောက်ကြောင်း ချင်းညီနောင်အဖွဲ့မှ ဒီဇင်ဘာလ ၂၃ ရက်မှာ သတင်းထုတ်ပြန်ကြေညာပါတယ်။ ချင်းညီနောင်အဖွဲ့အနေနဲ့ မြို့နယ်လုံခြုံရေးနဲ့ ပြည်သူ့ဝန်ဆောင်မှုကိစ္စရပ်များအားလုံးကို စနစ်တကျလည်ပတ်လာနိုင်ရန် ဆက်လက်ဆောင်ရွက်သွားမယ်လို့ ဆိုပါတယ်။ ယခုအခါ ချင်းပြည်နယ် တောင်ပိုင်းနယ်တစ်ခုလုံး စစ်ကောင်စီ ထိန်းချုပ်မှုအောက်ကနေ အလုံးစုံလွတ်မြောက်ခဲ့ပြီဖြစ်ကြောင်းနဲ့ ချင်းပြည်နယ်အတွင်း ကျန်ရှိနေသေးတဲ့ နေရာများမှာ စစ်အာဏာရှင် ချုပ်ငြိမ်းရေး၊ ဖက်ဒရယ်ပြည်ထောင်စု တည်ဆောက်ရေးအတွက် ချင်းညီနောင်နဲ့ မဟာမိတ်အင်အားစုများအတူတကွ ဆက်လက်ပူးပေါင်းတိုက်ပွဲဝင်သွားမှာဖြစ်ကြောင်း ချင်းညီနောင်အဖွဲ့ရဲ့ ထုတ်ပြန်ချက်မှာ ရေးသားဖော်ပြပါတယ်။ ချင်းညီနောင်ပူးပေါင်းတပ်ဖွဲ့ဟာ ဒီဇင်ဘာလ (၂၁) ရက်နေ့မှာ မင်းတပ်မြို့ပေါ်ကို ထိန်းချုပ်ထားနိုင်ခဲ့ပြီဖြစ်ပြီး မြေမြှုပ်မိုင်းများရှင်းလင်းနေရခြင်း၊…

ဒီဇင်ဘာလ ၂၂ ရက်။ ချင်းပြည်နယ် မင်းတပ်မြို့နယ်တစ်ခုလုံးကို အလုံးစုံထိန်းချုပ်နိုင်ခဲ့ပြီး စစ်ကောင်စီကင်းစင်တဲ့ မြို့နယ်တစ်ခုဖြစ်သွားပြီလို့ ချင်းညီနောင်အဖွဲ့က ဒီကနေ့ ဒီဇင်ဘာလ ၂၂ ရက်နေ့မှာ သတင်းထုတ်ပြန်လိုက်ပါတယ်။ ချင်းညီနောင် စစ်ဆင်ရေး (Operation CB) ကို နိုဝင်ဘာလ ၉ ရက်နေ့ကစလို့ ဖလမ်းမြို့၊ မင်းတပ်မြို့တို့ကို မဟာမိတ်ပူးပေါင်းတပ်ဖွဲ့တွေနဲ့ ထိုးစစ်ဆင်တိုက်ခိုက်ခဲ့ပြီး မင်းတပ်မြို့က စစ်ကောင်စီရဲ့နောက်ဆုံးလက်ကျန်စခန်းဖြစ်တဲ့ ခလရ(၂၇၄) ခြေလျင်တပ်ရင်းကို ဒီဇင်ဘာလ ၂၁ ရက်မှာ တိုက်ခိုက်သိမ်းပိုက်နိုင်ခဲ့ပြီးနောက် မင်းတပ်မြို့နယ်တစ်ခုလုံးကို ထိန်းချုပ်နိုင်ခဲ့တာဖြစ်ပါတယ်။ ချင်းညီနောင် စစ်ဆင်ရေး (Operation CB) အဖြစ်ဖော်ဆောင်တဲ့ မင်းတပ်မြို့သိမ်းတိုက်ပွဲမှာ ချင်းညီနောင်နဲ့ မဟာမိတ်တပ်ဖွဲ့တွေဖြစ်တဲ့ Yaw Defense Force (YDF)၊ Yaw Army (YA) နဲ့ ပြည်သူ့ကာကွယ်ရေးတပ်မတော်၊ မုံရွာခရို်င်တပ်ရင်း (၃)…

ဒီဇင်ဘာလ ၂၂ ရက်။ ချင်းပြည်နယ် ကန်ပက်လက်မြို့ပေါ်က စစ်ကောင်စီတပ်ဖွဲ့ဝင်တွေကို ချင်းညီနောင်ပူးပေါင်းအဖွဲ့က တိုက်ခိုက်ဖို့ ချဉ်းကပ်စဉ် စစ်ကောင်စီတပ်ဖွဲ့နဲ့ ရဲတပ်ဖွဲ့ဝင်တွေဟာ ယမန်နေ့ ဒီဇင်ဘာလ ၂၁ ရက်နေ့ညမှာဘဲ မြို့ကိုစွန့်ခွာထွက်ပြေးကုန်တာကြောင့် အခုလိုက်ဖမ်းနေတယ်လို့ ချင်းညီနောင်အဖွဲ့ ရဲ့ပြောခွင့်ရ ကိုယောမာန်က ပြောပါတယ်။ ချင်းညီနောင် စစ်ဆင်ရေး (Operation CB) အဖြစ် ကန်ပက်လက်မြို့သိမ်း စစ်ဆင်ရေးကို ဒီဇင်ဘာလ ၂၂ ရက်နေ့မှာ စတင်ပြီဖြစ်တဲ့အကြောင်း ပြည်သူလူထုကို အသိပေးတယ်လို့ ချင်းညီနောင်က ဒီကနေ့ ဒီဇင်ဘာလ ၂၂ ရက်နေ့မှာ သတင်းထုတ်ပြန်ထားပါတယ်။ ချင်းညီနောင်ပြောရေးဆိုခွင့်ရှိသူ ကိုယောမာန်က “ ကျနော်တို့ ကန်ပက်လက်ကို တိုက်ခိုက်ဖို့ ချဉ်းကပ်ထားပြီး ပြင်ဆင်တာတော့ကြာပြီ ဒီဇင်ဘာလ ၂၁ ရက်ညမှာ ဝင်တိုက်ဖို့ လုပ်နေတုန်းမှာ စစ်ကောင်စီတွေက စွန့်ခွာထွက်ပြေးသွားတာပါ။…

ဒီဇင်ဘာလ ၂၂ ရက်။ ဒီဇင်ဘာလ ၂၁ ရက်ညနေပိုင်းမှာ တီးတိန်မြို့နယ် လိုင်ဘုံ ကျေးရွာ လမ်းမကနေ အောက်ချောက်ကမ်းပါးထဲကျပြီး ၁၆ နာရီကျော် ပျောက်ဆုံးနေခဲ့တဲ့ တိုက်ပွဲများကြောင့် တီးတိန်မြို့နယ် အာလွယ်ရွာမှ လိုင်ဘုံရွာကို လာရောက်ခိုလှုံ စစ်ရှောင်နေတဲ့ မိသားစုမှ အသက် ၅ နှစ်အရွယ် ကလေးကို ဒီဇင်ဘာလ ၂၂ ရက်နေ့ မနက်ပိုင်းမှာ ပြန်လည်တွေ့ရှိ ကယ်တင်ခဲ့အပြီး မိနစ်ပိုင်း အတွင်းမှာ သေဆုံးသွားခဲ့တယ် လို့ ဒေသခံရွာသား များထံမှ သိရပါတယ်။ “ကလေး က သူ့ သူငယ်ချင်း နှစ်ယောက် နဲ့ ဘောလုံး ကစားရင်း လမ်းမကြီး အတိုင်း ချောင်းဘက်ရှိ ရေအားလျှပ်စစ် စက်ရုံကို သွားကြည့်ဖို့ ထွက်ကြတာ။ ဘောလုံး က…