ပြည်တွင်းသတင်း

ဩဂုတ်လ ၂ ရက်။ ၂၀၂၅ ခုနှစ် နိုင်ငံသားများ၏ပုဂ္ဂိုလ်ဆိုင်ရာ လွတ်လပ်မှု နှင့် ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေ ပုဒ်မ ၃ ခုကို ရပ်ဆိုင်းဖို့ ပြင်ဆင်တဲ့ ဥပဒေကို ၂၀၀၈ ဖွဲ့စည်းပုံအခြေခံဥပဒေပုဒ်မ ၄၂၇ အရအာဏာသိမ်းစစ်ကောင်စီရဲ့ အမျိုးသားကာကွယ်ရေး နှင့် လုံခြုံရေးကောင်စီ(ကာလုံ)က ဩဂုတ် ၁ ရက်မှာပြဋ္ဌာန်းလိုက်ပါတယ်။ ဖွဲ့စည်းပုံအခြေခံဥပဒေပုဒ်မ ၃၈၂ ကို ကိုးကားပြီး နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှု နဲ့ ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေပုဒ်မ ၅၊ ပုဒ်မ ၇ နဲ့ ပုဒ်မ ၈ တို့ပါ ပြဋ္ဌာန်းချက်တွေကို ရပ်ဆိုင်းထားလိုက်တယ်လို့ ကာလုံက ပြင်ဆင်တဲ့ ဥပဒေထဲမှာ ဖော်ပြထားပါတယ်။ ရပ်ဆိုင်းလိုက်တဲ့ ပုဒ်မ…

ဩဂုတ်လ ၁ ရက်။ နိုင်ငံရေးအမှုနဲ့ ပုသိမ်အကျဉ်းထောင်မှာ အကျဉ်းကျခံနေရတဲ့ ချင်းပြည်နယ်၊ ပလက်ဝမြို့နယ်၊ ဆမီးမြို့ ၊ ပါးဝကျေးရွာက ဒေသခံ အမျိုးသား ၁၉ ဦးထဲကနေ အမျိုးသား ၁၆ ဦးတို့ဟာ ဒီကနေ့ မနက်ပိုင်း သြဂုတ်လ ၁ ရက်နေ့မှာ ပြန်လွတ်လာပြီလို့ ဒေသခံတွေဆီကနေ သိရပါတယ်။ ပလက်ဝဒေသခံတစ်ဦးက “သူတို့ဒီကနေ့မနက်ပိုင်းမှာ ပြန်လွတ်လာပြီ လွတ်ရက်စေ့လို့ ပြန်လွတ်ပေးတာပေါ့ ၁၉ ဦးမှာ ၁၆ ဦးက ၄ နှစ်စီထောင်ချခံရသူတွေပေါ့ ကျန်တဲ့ ၃ ဦးက ၇ နှစ်စီအမှုချမှတ်ထားတော့ မလွတ်သေးဘူး အခုလွတ်လာတဲ့ ၁၆ ဦးက ပုသိမ်ကနေ ရန်ကုန်ပြန်နေကြပြီ အားလုံးကျန်းကျန်းမာမာပဲလို့ သိရတယ်” လို့ပြောပါတယ်။ ချင်းပြည်နယ်၊ ပလက်ဝမြို့နယ်၊ ဆမီးမြို့ ၊…

ဇူလိုင်လ ၃၁ ရက်။ ရွေးကောက်ပွဲ အောင်မြင်စွာကျင်းပရေးအတွက် ယာယီသမ္မတဗိုလ်ချုပ်မှုးကြီးမင်းအောင်လှိုင် ဦးဆောင်တဲ့ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်နဲ့ နိုင်ငံတော်ဝန်ကြီးချုပ်အဖြစ် ဗိုလ်ချုပ်ကြီးဟောင်း ဦးညိုစော ဦးဆောင်တဲ့ ပြည်ထောင်စုအစိုးရအဖွဲ့သစ်ကို ယနေ့ (ဇူလိုင် ၃၁ ရက်) တွင် အမျိုးသားကာကွယ်ရေးနှင့် လုံခြုံရေးကောင်စီက ဖွဲ့စည်းလိုက်ကြောင်း သိရပါတယ်။ ၂၀၂၁ ခုနှစ်၊ ဖေဖော်ဝါရီလကစတင်ဖြစ်ပေါ်ခဲ့သည့် နိုင်ငံရေးအခြေအနေများကြောင့် ဖွဲ့စည်းပုံအခြေခံဥပဒေပုဒ်မ ၄၁၇ နှင့် ၄၁၈ အရ အရေးပေါ်အခြေအနေကြေညာ၍ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အား နိုင်ငံတော်သမ္မတရုံးမှ ၂၀၂၁ ခုနှစ်၊ ဖေဖော်ဝါ ရီ ၁ ရက်က အမိန့်အမှတ် ၁/၂၀၂၁ ဖြင့် နိုင်ငံတော်အာဏာလွှဲအပ်ဆောင်ရွက်စေခဲ့သည့်အမိန့်အားပယ်ဖျက်ကြောင်း ဒီနေ့ ဇူလိုင် ၃၁ ရက်နံနက်ပိုင်းက ပြုလုပ်တဲ့ အမျိုးသားကာကွယ်ရေးနှင့်လုံခြုံရေးကောင်စီအစည်းအဝေးမှာဆုံးဖြတ်ပါတယ်။ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်မှာ ဥက္ကဌအဖြစ်…

ဇူလိုင်လ ၃၀ ရက်။ ရွေးကောက်ပွဲလုပ်ငန်းစဉ်နဲ့ ပတ်သက်ပြီး ပြစ်မှုတစ်ရပ်ရပ်ကို ကျူးလွန်ရာမှာ လူသေဆုံးမှု ဖြစ်ရင် သေဒဏ် ချမှတ် နိုင်တဲ့ ပြဋ္ဌာန်းချက်ပါဝင်တဲ့ ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တား ဖျက်ဆီး ခြင်းမှ ကာကွယ်ပေးရေး ဥပဒေ ကို မနေ့ ဇူလိုင် ၂၉ ရက်စွဲနဲ့ အာဏာသိမ်းစစ်ကောင်စီက ပြဋ္ဌာန်းလိုက်ပါတယ်။ အခု ပြဋ္ဌာန်းတဲ့ ဥပဒေကတော့ ရွေးကောက်ပွဲဆိုင်ရာ လုပ်ငန်းစဉ်တွေ ဆောင်ရွက်တာကို တားဆီးနှောင့်ယှက်ခြင်းက ကာကွယ်ဖို့ ရွေးကောက်ပွဲ စည်းရုံးရေး ကာလအတွင်း မဲဆွယ်စည်းရုံးမှုတွေကို နှောင့်ယှက်ဟန့်တားခြင်းက ကာကွယ်ဖို့ လွတ်လပ်စွာ ဆန္ဒ မဲပေးရေးကို နှောင့်ယှက်တားဆီးခြင်းက ကာကွယ်ဖို့ နဲ့ မဲရုံ နဲ့ မဲရုံတာဝန်ကျသူတွေ လုံခြုံမှု အပြည့် အဝ နဲ့ တာဝန်ထမ်းဆောင်နိုင်ဖို့…

ဇူလိုင်လ ၂၅ ရက်။ မလေးရှားနိုင်ငံအတွင်း တရားမဝင်နေထိုင်သူများကိုဖမ်းဆီးထိန်းသိမ်းပြီး နေရပ်မြန်မာနိုင်ငံကို ပြန်ပို့ခံရသူများအနက် ချင်းလူမျိုး ၁၃ ဦးကို ရန်ကုန်အပြည်ပြည်ဆိုင်ရာလေဆိပ်မှာ ဇူလိုင်လ (၂၄) ရက်နေ့က လိုင်လူမှုကူညီရေး-ရန်ကုန်အသင်းက သွားကြိုခဲ့ကာ လိုအပ်တာများဆောင်ရွက်ပေးခဲ့တယ်လို့သိရပါတယ်။ ဟားခါးနဲ့ထန်တလန်မြို့နယ်မှချင်းမျိုးနွယ်စုများနဲ့ဖွဲ့စည်းထားတဲ့ လိုင်လူမှုကူညီရေးအသင်း-ရန်ကုန် ရဲ့ ဥက္ကဌ (၃) ဖြစ်သူ Pu Lian Iap က “ ကျနော်တို့ကို မလေးရှားဖက်က သက်ဆိုင်ရာအဖွဲ့နဲ့မိသားစုဝင်တွေ အကြောင်းကြားတာဖြစ်လို့ လေဆိပ်မှာ အဆင်ပြေပြေနဲ့ ထွက်လာနိုင်ဖို့အတွက် သွားရောက်ကူညီခဲ့ပါတယ်။ ပြန်အပို့ခံရတဲ့သူ ၉၀ လောက်ရှိတယ်လို့သိရပြီး ကျနော်တို့စာရင်းရထားတဲ့ ချင်းလူမျိုး ၁၃ ဦးဟာ လေဆိပ်ကနေ ဘေးကင်းစွာထွက်လာနိုင်ပါတယ်၊ကျနော်တို့ဆီစာရင်းရောက်ပြီး ပြန်ရောက်လာတဲ့ ချင်းလူမျိုး ၁၃ ဦးစလုံး သူတို့ရဲ့ နီးစပ်ရာဆွေမျိုး၊ မိတ်ဆွေတွေဆီအဆင်ပြေပြေပြန်ရောက်ပါပြီ” လို့ Chin World…

ဇူလိုင်လ ၂၂ ရက်။ ကနေဒါနိုင်ငံဆိုင်ရာ မြန်မာသံအမတ်ကြီး ဦးဟောက်ခန့်ဆုမ်းကို နိုင်ငံခြားရေးဝန်ကြီးဌာန ပြည်ထောင်စုဝန်ကြီးရုံး ညွှန်ကြားရေးမှူးချုပ် အဖြစ် ပြောင်းရွေ့ခန့်ထားကြောင်း ဝန်ထမ်းအဖွဲ့အစည်း အကြီးအမှူးများ ပြောင်းရွေ့ခန့်ထားခြင်း နှင့် ဝန်ထမ်းအဖွဲ့အစည်း အကြီးအမှူးများ ခန့်ထားခြင်း မြန်မာနိုင်ငံပြန်တမ်း အဖြစ် စစ်ကောင်စီ ထိန်းချုပ်ထားတဲ့နိုင်ငံပိုင် သတင်းစာများတွင် ဇူလိုင် ၂၂ ရက်နေ့မှာဖော်ပြထားပါတယ်။ သံအမတ်ကြီး ဦးဟောက်ခန့်ဆုမ်း ကို ဒုဗိုလ်မှူးကြီး ဇမ်းခန့်ထန် နှင့် ဒေါ် ဟောက်ခန့်ညောင် တို့မှ ၁၉၆၇ ခုနှစ် ဒီဇင်ဘာလ ၇ ရက်နေ့တွင် မန္တလေးမြို့မှာ မွေးဖွားခဲ့ပါတယ်။ ဦးဟောက်ခန့်ဆုမ်းဟာ နေပြည်တော်ရှိ နိင်ငံခြားရေးဝန်ကြီးဌာန၊ အာဆီယံဆိုင်ရာဌာနတွင် ဒုတိယညွှန်ကြားရေးမှူးချုပ်အနေဖြစ်လည်းကောင်း၊ ထိုင်းနိင်ငံရှိ မြန်မာနိင်ငံသံရုံးတွင် ညွှန်ကြားရေးမှူး အနေဖြစ် ၂၀၁၇ ထိလည်းကောင်း၊ ၂၀၁၇ ခုနှစ်မှ…

ဇူလိုင်လ ၂၂ ရက်။ ၂၀၂၅ ခုနှစ် တက္ကသိုလ်ဝင်တန်း(Grade -12)စာမေးပွဲအောင်စာရင်းတွေကို လာမယ့် တနင်္ဂနွေနေ့ ဇူလိုင်လ ၂၇ ရက်နေ့ နံနက် ၆ နာရီ အချိန်မှာ ထုတ်ပြန်ကြေညာမယ်လို့ ပညာရေးဝန်ကြီးဌာနက ဒီကနေ့ ဇူလိုင်လ ၂၂ ရက်နေ့မှာ ထုတ်ပြန်ပါတယ်။ မြန်မာနိုင်ငံ စာစစ်ဦးစီးဌာန Website ဖြစ်တဲ့ www.myanmarexam.org ကနေလည်း ဇူလိုင်လ ၂၇ ရက်နေ့ မနက်ပိုင်း ၄ နာရီကစလို့ ဝင်ရောက်ကြည့်ရှုနိုင်သလို ဝေးလံဒေသတွေက စာစစ်ဌာနများနဲ့ အင်တာနက်အဆက်အသွယ် ကောင်းမွန်စွာမရရှိတဲ့ စာစစ်ဌာတွေရဲ့ အောင်စာရင်းတွေကို မြန်မာ့အသံရေဒီယိုအစီအစဉ်ကနေလည်း အောင်စာရင်း ထွက်နေ့တွင် ကြေညာပေးမယ်လို့ ဆိုပါတယ်။ အောင်စာရင်းနှင့်ပက်သက်ပြီး မရှင်းလင်းတာတွေရှိရင် မြန်မာနိုင်ငံစာစစ်ဦးစီးဌာန ၊ ဖုန်းနံပတ် (၀၁ – ၆၅၃၅၀၉…

ဇူလိုင်လ ၁၉ ရက်။ ဇူလိုင်လ ၁၈ ရက် နံနက် ၁၁ နာရီခွဲမှာမကွေးတိုင်း၊ ငဖဲမြို့နယ် နောင်ကျေးရွာပေါ်ကို စစ်ကောင်စီရဲ့နတ်ရေကန်လေကြောင်းရန် ကာကွယ်ရေးတပ်စခန်း(ဗျူဟာကုန်း)က ဒရုန်းဖြင့် လေကြောင်းကနေ ဗုံးကြဲတိုက်ခိုက်ခဲ့လို့ အသက် (၈၈) နှစ်အရွယ် ဒေသခံ အမျိုးသမီးကြီး ၁ ဦးသေဆုံးပြီး အသက် (၂၀) ရွယ် အမျိုးသမီး ၁ ဦး ဒဏ်ရာရခဲ့တယ်လို့ ချင်းကာကွယ်ရေးတပ် – အရှို(CDF – Asho)က ဒီကနေ့ ဇူလိုင်လ ၁၉ ရက်နေ့မှာ ထုတ်ပြန်ပါတယ်။ ငဖဲမြို့နယ်ရှိ နတ်ရေကန်လေကြောင်းရန်ကာကွယ်ရေးတပ်စခန်း (ဗျူဟာကုန်း) မှ စစ်ကောင်စီတပ်ဖွဲ့က နတ်ရေကန် (ဗျူဟာကုန်း) အောက်ဘက် မီတာ (၃၀၀၀) ခန့်အကွာမှာရှိတဲ့ ငဖဲမြို့နယ် နောင်ကျေးရွာပေါ်ကို ဒရုန်းနဲ့ လေကြောင်းကနေ…

ဇူလိုင်လ ၁၈ ရက်။ Generation Z Army (GZA) စစ်ဦးစီးချုပ်နှင့် Yaw Defense Force (YDF) ရဲဘော်တွေကို လုပ်ကြံခဲ့တဲ့ ဖြစ်စဉ် အမှုမှန်ပေါ်ပေါက်ရေးအတွက် အိမ်နီးချင်းမဟာမိတ်တွေဖြစ်တဲ့ GZA ၊ YDF နှင့်အတူပေါင်းဆောင်ရွက်မယ်လို့ ချင်းလက်နက်ကိုင်တော်လှန်ရေးအဖွဲ့ ၆ ဖွဲ့စုစည်းထားတဲ့ ချင်းညီနောင်(CB) အဖွဲ့က မနေ့ဇူလိုင်လ ၁၇ ရက်နေ့က ထုတ်ပြန်ပါတယ်။ ပြီးခဲ့တဲ့ ဇူလိုင်လ ၁၅ ရက်နေ့ နေ့လည် ၂ နာရီခန့်မှာ Generation Z Army စစ်ဦးစီးချုပ်အပါအဝင် တာဝန်ဖြင့် ခရီးသွားနေတဲ့ ဗဟိုရုံးအဖွဲ့ဝင်တစ်ဦး၊ ဆေးသူနာပြု ရဲမေ ၂ ဦး နှင့် Yaw Defense Force ရဲဘော်နှစ်ဦးတို့သည် ဂန့်ဂေါခရိုင်အတွင်း တစ်နေရာမှာ…

ဇူလိုင်လ ၈ ရက်။ စစ်ကိုင်းတိုင်း၊ ကလေးမြို့နယ်တောင်ပိုင်းက တောတောင်တွေထဲ စစ်ဘေးတိမ်းရှောင်နေရတဲ့ ဒေသခံပြည်သူတွေမှာ အရေပြားရောဂါနဲ့ ရာသီတုပ်ကွေး အဖြစ်များနေကြပြီးလမ်းပန်းဆက်သွယ်ရေး ခက်ခဲကြောင့် ကျန်းမာရေးစောင့်ရှောက်မှုပိုင်း အခက်အခဲရှိသလို နဲ့ ဆေးဝါးပြတ်လပ်တာတွေကြောင့် လည်း အခက်ခဲတချို့ရှိနေတယ်လို့ စစ်ဘေးရှောင်တွေရဲ့ကျန်းမာရေးကိုကူညီနေတဲ့ People’s Healthcare Network (Kalay ) ကတာဝန်ရှိသူတစ်ဦးက ပြောပါတယ်။ People’s Healthcare Network (Kalay ) ကတာဝန်ရှိသူတစ်ဦးက “အရေပြားရောဂါနဲ့ ရာသီတုပ်ကွေးတွေ အဖြစ်များနေပါတယ် ကလေးမြို့နယ် တောင်ပိုင်းက ကျေးရွာတွေနဲ့ စစ်ရှောင်စခန်းတွေမှာ အဖြစ်များနေတယ် ကျန်းမာရေးစောင့်ရှောက်မှုအနေနဲ့ လမ်းပန်းဆက်သွယ်ရေး ခက်ခဲတာနဲ့ တချို့ ဆေးဝါးတွေ ပြတ်လပ်နေတာကြောင့် အခက်ခဲတချို့ရှိနေပါတယ် ရာသီတုပ်ကွေးကြောင့် သေဆုံးလူနာအထိတော့ ပြင်းထန်တာမျိုးမရှိသေးပါဘူး” လို့ပြောပါတယ်။ ကလေးတောင်ပိုင်းက အရှေ့စည်း၊ တင်သား၊ ဒိုးနွယ်၊…