ချင်းပြည်သတင်း

ဩဂုတ်လ ၅ ရက်။ ဟားခါးမြို့ပေါ်က လူငယ် ၄၀ ၀န်းကျင် ဩဂုတ်လ (၃) ရက်နေ့ တနင်္ဂနွေနေ့၊ နေ့လည်ပိုင်းက စစ်ကောင်စီတပ်များရဲ့ အဖမ်းခံရပြီးနောက် ညပိုင်းမှာ မြို့တွင်း‌ ပစ်ခတ်မှု၊ လက်နက်ကြီးပေါက်ကွဲမှုများဖြစ်ပွားမှုကြောင့် လက်ရှိအချိန်အထိ ဖမ်းဆီးခံလူငယ်များ ပြန်လည်မလွတ်မြောက်သေးတာကို ဒေသခံမိဘပြည်သူများအနေနဲ့ စိုးရိမ်လျက်ရှိတယ်လို့ ‌ဟားခါးဒေသခံများကပြောပါတယ်။ ဟားခါးဒေသခံတစ်ဦးက “ တနင်္ဂနွေနေ့မနက်ပိုင်းမှာ လက်နက်ကိုင်အဖွဲ့တစ်ဖွဲ့က ဆောက်လုပ်ရေးဌာနရဲ့ပြည်နယ်မှုးကိုဖမ်းတယ်လို့သိရတယ်။ မနက်ပိုင်း ဘုန်းကြီးကျောင်းအသွားမှာ အဖမ်းခံရတယ်လို့သိရတယ်။ အဲဒါနဲ့ နေ့လည်ပိုင်းမှာ လူငယ်တွေကို ဟားခါး-ဂန့်‌ဂေါလမ်းမှာ စစ်တပ်တွေက ဆိုင်ကယ်နဲ့ ဖြတ်သွားသူတွေကို ဖမ်းတယ်။ အဲဒီလမ်းမပေါ်မှာရှိတဲ့ လဖက်ရည်ဆိုင်မှာ ထိုင်တဲ့လူငယ်တွေကိုလည်းဖမ်းတာပေါ့။ အစကတော့ ဌာနဆိုင်ရာလူကြီးအဖမ်းခံရတော့ ပြန်လွှတ်ပေးဖို့အတွက်နဲ့ လူငယ်တွေကို စစ်ဆေးဖို့ဖမ်းတာလို့ယူဆရတာပေါ့။ ဒါပေမယ့် ညပိုင်းမှာ တာ၀န်ကျကင်းလှည့်စစ်သားတွေကို မြို့တွင်းမှာ ပစ်ခတ်မှုဖြစ်ပြီး လက်နက်ကြီးပစ်ခတ်မှုအထိ ဖြစ်လာတော့…

သြဂုတ်လ ၄ ရက်။ ယမန်နေ့ သြဂုတ်လ ( ၃ ) ရက်နေ့ နံနက် ( ၈:၅၀ ) ဝန်းကျင်မှာ ချင်းပြည်နယ်၊မင်းတပ်မြို့ကို စစ်ကောင်စီတပ်မှ လေကြောင်းတိုက်ခိုက်မှု (၂ )ကြိမ်တိတိပြုလုပ်သွားခဲ့ကာ အဆိုပါလေကြောင်းတိုက်ခိုက်မှုကြောင့် ပြည်သူထိခိုက်ဒဏ်ရာရရှိမှုမရှိဘဲ အစိုးရအဆောက်ဦး (၂)လုံးခန့်နှင့် ပြည်သူနေအိမ် ( ၈ )လုံးခန့်စုစုပေါင်းအဆောက်ဦး (၁၀ )လုံးခန့် ထိခိုက်ပျက်စီးမှုများရှိခဲ့ကြောင်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ပါတယ်။ မင်းတပ်မြို့နယ်ပြည်သူ့အုပ်ချုပ်ရေးအဖွဲ့မှ တာဝန်ရှိသူတစ်ဦးက “ စစ်ကောင်စီက..သူစစ်အုပ်ချုပ်ရေး ကြေညာထားတဲ့နေရာတွေကို အငြိုးထား ဗုံးကြဲတိုက်ခိုက်နေတာလို့ပဲ မြင်ပါတယ်။ သူလက်လွှတ်လိုက်ရတဲ့ နယ်မြေတွေ၊ မြို့နယ်တွေကို အခဲမကျေ ဖြစ်တာပေါ့။မနေ့ကပဲ ဗုံးကြဲတိုက်ခိုက်တယ်.. ပြည်သူတွေ ထိခိုက်တာတော့ မရှိဘူး။အများစုကတော့ သတိထားကြတာရယ်.. မြို့ပေါ်မှာ လူနေ နည်းပါးတာရယ်.. ကြောင့် ပြည်သူတွေ…

ဩဂုတ်လ ၄ ရက်။ မကွေးတိုင်း၊ ဂန့်ဂေါမြို့နယ်၊ အနောက်ဂန့်ဂေါကျေးရွာနဲ့ Senthang ချင်းလူမျိုးတွေ အများစုနေထိုင်တဲ့ ရှုံးရှီကျေးရွာနေ ဒေသခံပြည်သူ ၁၂ ဦးကို စစ်ကောင်စီတပ်က မနေ့ သြဂုတ်လ ၃ ရက်နေ့က ဝင်ရောက် ဖမ်းဆီးခဲ့ပြီး အဖမ်းဆီးခံရသူတွေထဲကနေ အမျိုးသမီး ၂ ဦးကိုတော့ ပြန်လွှတ်ပေးခဲ့ကာ ကျန်တဲ့ ၁၀ ဦးကို တော့ ဆက်ဖမ်းသွားတယ်လို့ဒေသခံတွေဆီကနေသိရပါတယ်။ သြဂုတ်လ ၃ ရက်နေ့ညက ဂန့်ဂေါမြို့ပေါ် ခလရ ၅၀ တပ်ရင်းက စစ်သားတွေ စစ်ကား ၂ စီးနဲ့ ရှောင်ပင်ရွာမှာ ဘန်ကာတွေ ဆောက်ပြီးနေရာယူထားတဲ့ စစ်သားတွေ ပူးပေါင်းပြီး အနောက်ဂန့်ဂေါရွာနဲ့ ရှုံးရှီကျေးရွာတို့ကို စစ်ကြောင်း ဝင်ရောက်ခဲ့ကာ အရပ်သား ပြည်သူ ၁၂ ဦးကို ဖမ်းဆီးခဲ့တာလို့…

ဩဂုတ်လ ၄ ရက်။ ချင်းပြည်နယ်က မြို့နယ် ၉ ခုထဲမှ ချင်းဒေသကာကွယ်ရေးတပ်ဖွဲ့တွေ ထိန်းချုပ်ထားတဲ့ မြို့နယ် ၇ မြို့နယ်ကို ရက်ပေါင်း ၉၀ အရေးပေါ်အခြေအနေ ကြေညာထားတာဟာ ရွေးကောက်ပွဲမလုပ်နိုင်မယ့်နေရာတွေကို အာဏာသိမ်းစစ်ကောင်စီရဲ့ အငြိုးထားတိုက်ခိုက်ချင်တဲ့ သဘောထားကို တွေ့ရတယ်လို့ ချင်းလက်နက်ကိုင်အဖွဲ့ ၆ ဖွဲ့စုစည်းထားတဲ့ ချင်းညီနောင်အဖွဲ့ (CB) ပြောရေးဆိုခွင့်ရှိသူ ဆလိုင်းယောမာန်ကပြောပါတယ်။ ချင်းညီနောင် (CB) ပြောရေးဆိုခွင့်ရှိသူ ဆလိုင်းယောမာန်က “မြို့နယ် (၇) မြို့နယ်ကို ရက်ပေါင်း ၉၀ ကြေညာတယ်ဆိုတာက အဓိကတော့ သူရွေးကောက်ပွဲ မလုပ်နိုင်တဲ့နေရာတွေကို သူ့ရဲ့အဓိကရည်ရွယ်ချက်က ရွေးကောက်ပွဲပဲဆိုတော့ သူရွေးကောက်ပွဲမလုပ်နိုင်တဲ့နေရာတွေကို ရွေးပြီးမှ ကြေညာတယ်ပေါ့နော် အဲလိုမကြေညာထားတဲ့မြို့နယ်တွေကိုတော့ ရွေးကောက်ပွဲ လုပ်နိုင်ဖို့ ကြိုးစားမယ်လို့ မြင်ရတယ် အဲဒီရွေးကောက်ပွဲမလုပ်နိုင်တဲ့နေရာတွေ စစ်အုပ်ချုပ်ရေးကြေညာတဲ့နေရာတွေကို အငြိုးထားတိုက်ခိုက်ချင်တယ်ဆိုတဲ့ သဘောထားတွေ့ရတယ်…

ဩဂုတ်လ ၂ ရက်။ Zomi Music Uplift Society (ZOMUS) မှ အဆိုပြိုင်ပွဲ Season 3 အဖြစ် ပြုလုပ်ခဲ့တဲ့ Global Zomi Lengthe 2025 သီချင်း အဆို ပြိုင်ပွဲဖိုင်နယ်ပွဲကို ဇူလိုင်လ ၂၉ ရက်နေ့ ညပိုင်းမှာ မလေးရှား နိုင်ငံ ကွာလာလမ်ပူမြို့ရှိ HGH Convention Centre Sentul တွင် အောင်မြင်စွာ ကျင်းပခဲ့ပြီး Lia Huaisen (Malaysia) မှ Winner ဆုရရှိသွားကြောင်း၊ ကွယ်လွန်ခဲ့ပြီး ဖြစ်တဲ့ ဇိုမီး တေးဂီတ အနုပညာရှင်များ ကို The Evergreen Award ကိုလည်းကောင်း၊ သက်ကြီး ဇိုမီး တေးဂီတ အနုပညာရှင်များကို…

ဩဂုတ်လ ၂ ရက်။ အာဏာသိမ်းစစ်ကောင်စီက အရေးပေါ်အခြေအနေကြေညာခံရတဲ့ မြို့နယ်တွေထဲ ချင်းပြည်နယ်၊ ကန်ပက်လက်မြို့လည်း ပါဝင်တာကြောင့် ကန်ပက်လက်မြို့နယ် ဒါးရင်းဒူးဒေသ ခေါ်နူးတပ်ရင်းရဲ့ ထိန်းချုပ်မှုနယ်မြေ အတွင်းက မိဘပြည်သူတွေ အရေးပေါ်အခြေအနေ ခရီးသွားလာတာကလွဲရင် လမ်းတွေ သြဂုတ်လ ၄ ရက်နေ့ကနေ ၁၀ ရက်နေ့အထိ ယာယီပိတ်ထားမယ်လို့ CDF – Kanpetlet Battalion (5) Khonu Battalion က ဒီကနေ့ သြဂုတ်လ ၂ ရက်နေ့မှာ ထုတ်ပြန်ပါတယ်။ ကန်ပက်လက်မြို့နယ် ဒါးရင်းဒူးဒေသ ခေါ်နူးတပ်ရင်းရဲ့ ထိန်းချုပ်မှုနယ်မြေ အတွင်း ကာကွယ်ရေးဆိုင်ရာ အရေးပေါ်လုံခြုံရေးကိစ္စရပ်တွေ ဆောင်ရွက်လိုတာကြောင့် ရပ်နီးရပ်ဝေး ခရီးသွားလာခြင်း ဆိုင်ကယ်ကယ်ရီဖြင့် ကုန်စီပို့ဆောင်ခြင်း၊ ဒေသခြားသွားလာမှုတွေ အရေးပါ်အခြေအနေမှအပ ခရီးသွားလာခြင်း နှင့် ကုန်သွယ်စီးဆင်းမှု တွေအပါအဝင်…

ဇူလိုင်လ ၃၁ ရက်။ ဖလမ်းမြို့နယ် ၊ Lumte (လုမ်သဲ)ကျေးရွာမှာ မနေ့ဇူလိုင်လ ၃၀ ရက်နေ့ည ကိုးနာရီဝန်းကျင်လောက်မှာ နေအိမ်တစ်လုံး မီးလောင်ခဲ့ပြီး အသက် ၉ နှစ်အရွယ် ကလေး တစ်ဦး မီးလောင်ခံရလို့ သေဆုံးခဲ့တယ်လို့ ဖလမ်းဒေသခံတွေဆီကနေ သိရပါတယ်။ ဒေသခံတစ်ဦးက“ မနေ့ည ၉ နာရီဝန်းကျင်လောက်မှာ ဖယောင်းတိုင် မီးကနေ တဆင့် နေအိမ်မီးလောင်တာလို့ သိရတယ် သူတို့နေအိမ်မီးလောင်တော့ သူတို့ သမီး ၉ နှစ်အရွယ်လည်း မီးလောင်ခံရလို့ သေဆုံးတယ်လို့ သိရတယ်” လို့ပြောပါတယ်။ သေဆုံးတဲ့ကလေးရဲ့မိသားစုဟာ စစ်ဘေးရှောင်ရင်း လုမ်သဲရွာမှာ နေထိုင်ကြတဲ့ မိသားစုတွေလို့ သိရပြီး သားသမီးတွေ စာကြည့်တဲ့ ဖယောင်းတိုင်ကနေ တဆင့် အခုလို နေအိမ်တစ်ခုလုံး မီးလောင်ကျွမ်းခဲ့တာလို့လည်း သိရပါတယ်။

ဇူလိုင်လ ၃၀ ရက်။ ချင်းပြည်နယ် မရာဒေသမှာ ဇူလိုင်လ အစပိုင်းကာလမှာ ထိတွေ့တိုက်ပွဲတွေဖြစ်ခဲ့ကြတဲ့ MTC/MDF နဲ့ IMC / CDF – Mara မရာလက်နက်ကိုင် ၂ အဖွဲ့အကြား လက်ရှိစစ်ရေးတင်းမာနေပြီး နှစ်ဖက်ထိတွေ့တိုက်ပွဲတွေ အချိန်မရွေးဖြစ်လာနိုင်တဲ့ကြောင်း ၂ ဖွဲ့စလုံးက ထုတ်ပြန်တာ၊ ပြောဆိုတာတွေ ရှိပါတယ်။ MTC/ MDF နဲ့ AA ပူးပေါင်းအဖွဲ့ က IMC / CDF – Mara ဌာနချုပ်အနီးနားရှိ ကျေးရွာတွေကို ဝိုင်းဝန်းပိတ်ဆို့ထားပြီး ၂ ဖက်စစ်ရေးတင်းမာနေသလို ပိတ်ဆို့ခံရတဲ့ ကျေးရွာအသီးသီးက ဒေသခံထောင်ချီသော ပြည်သူတွေ ဘေးလွတ်ရာကို ထွက်ပြေးတိမ်းရှောင်နေရတယ်လို့ IMC / CDF – Mara က မနေ့…

ဇူလိုင်လ ၂၉ ရက်။ ပြီးခဲ့တဲ့ ဇူလိုင်လ ၂၆ ရက်နေ့က ရှင်းလက်ဝချောင်းမှာ ရေနစ်ပျောက်ဆုံးသွားခဲ့တဲ့ ချင်းပြည်နယ်၊ ပလက်ဝမြို့နယ်၊ ရွှေလိုက်ဝကျေးရွာက အသက် ၁၈ နှစ်အရွယ် ဒေသခံ အမျိုးသားရဲ့ အလောင်းကို ၄ ရက်အကြာ ဒီကနေ့ ဇူလိုင်လ ၂၉ ရက်နေ့ မနက်ပိုင်းမှာ ပြန်တွေ့ခဲ့တယ်လို့ ဒေသခံတွေဆီကနေ သိရပါတယ်။ ကလေးတွေကို စေတနာ့ဝန်ထမ်းအဖြစ် စာသင်ကြားပေးနေတဲ့ ရွှေလိုက်ဝေကျေးရွာနေ အသက် ၁၈ နှစ်အရွယ် ကျောင်းဆရာဟာ ပြီးခဲ့တဲ့ ဇူလိုင်လ ၂၆ ရက်နေ့ညနေ ၇ ခွဲနာရီခွဲဝန်းကျင်လောက်မှာ ရာရီတောင်ကျေးရွာကနေ ရွှေလိုက်ဝကျေးရွာအပြန် ရှင်းလက်ဝချောင်း ဖြတ်ကူးစဉ် ရေနစ်ပျောက်ဆုံးခဲ့တာဖြစ်တယ်လို့လည်း သိရပါတယ်။ ပလက်ဝဒေသခံတစ်ဦးက “ရွှေလိုက်ဝကျေးရွာက ရေနစ်ပျောက်ဆုံးနေတဲ့ အမျိုးသားတစ်ဦးရဲ့ အလောင်းကို ပြန်တွေ့ပြီလို့တော့ ပြောကြတယ်…

ဇူလိုင်လ ၂၈ ရက်။ ချင်းပြည်နယ်၊ မင်းတပ်မြို့ပေါ်နားတစ် နေရာမှာ မနေ့ ဇူလိုင်လ ၂၇ ရက်နေ့က ဒေသခံ ၁ ဦးမိုင်းနင်းမိလို့ ခြေထောက် ၁ ဖက် ပြတ်ကာ သူ့အနားက ၁ ဦးလည်း ထိခိုက်ဒဏ်ရာ အပြင်းအထန် ရခဲ့တယ်လို့ မင်းတပ်မြို့ဒေသခံတွေဆီကနေ သိရပါတယ်။ မင်းတပ်မြို့နေ ဒေသခံတစ်ဦးက “တစ်ဦးကတော့ ခြေထောက်တစ်ဖက်ပြတ်သွားတယ် နောက်တစ်ဖက်လည်းဖြတ်ရမယ့် ပုံပါပဲ တစ်ဦးကတော့ မျက်နှာထိသွားတယ် ဖြစ်သွားတာက မြို့ပေါ်နားမှာလို့ပြောလို့ရတယ် တစ်ဦးက နင်းမိလို့ ၂ ဦးစလုံးထိသွားတာမျိုးဖြစ်တယ် အခုဖြစ်တဲ့ နေရာက အရင်ကလည်း သူတို့မနင်းမိခင်ကတည်းက ပြည်သူတွေသွားလာနေကြနေရာပါ” လို့ပြောပါတယ်။ မင်းတပ်မြို့နဲ့အနီးဝန်းကျင်တွေမှာ မပေါက်ကွဲသေးတဲ့ လက်နက်ကြီးတွေ မပေါက်ကွဲသေးတဲ့ မိုင်းတွေ ရှိနေသေးတာကြောင့် ဒေသခံတွေအနေနဲ့ ထိတွေ့ကိုင်တွယ်တာတွေ မလုပ်ဖို့နဲ့ မိုင်းမရှိမယ့်…