ပြည်တွင်းသတင်း

နိုဝင်ဘာလ ၁၂ ရက်။ ချင်းပြည်နယ် ၊ ပလက်ဝမြို့နယ်ကနေ စစ်ဘေးရှောင်ကြတဲ့ ချင်းစစ်ဘေးရှောင်တွေ အနေများတဲ့ အိန္ဒိယနိုင်ငံ၊ မီဇိုရမ်ပြည်နယ်၊ ကာကီနဲ့ တွီဒန်းရွာမှာ နိုဝင်ဘာလဆန်းကနေ ဝမ်းပျက်ဝမ်းလျှောကူးစက်ရောဂါဖြစ်ပွါးနေတာကြောင့် ၄ ဦးသေဆုံးခဲ့ကာ ဒီကနေ့နိုဝင်ဘာလ ၁၂ ရက် မနက်မနက်ပိုင်းမှာလည်း ၂ ဦး ထပ်မံသေဆုံးခဲ့လို့ သေဆုံးသူ ၆ ဦးအထိရှိလာပြီ လို့ ဒေသခံတွေဆီကနေ သိရပါတယ်။ ဒေသခံတစ်ဦးက “ ဒီကနေ့မနက်ပိုင်းမှာလည်း ကာကီမှာ ၂ ယောက်ထင်တယ် စစ်ဘေးရှောင်လား ဒေသခံလားဆိုတာတော့ သေချာမသိရသေးဘူး ဝမ်းပျက်ဝမ်းလျှောကြောင့် သေတယ်။ ကာကီနဲ့ တွီဒန်းက နယ်စပ်ဒေသက ကျေးရွာဖြစ်တော့ အဓိက ဆေးဝါး မရှိလို့ သေဆုံးကြတာဖြစ်တယ် မူးဝေ၊ အော့အန် ၊ ဝမ်းပျက်၊ ဝမ်းလျှောဖြစ်ကြတယ် နိုဝင်ဘာလဆန်းကနေ…

နို၀င်ဘာလ ၁၁ ရက်။ စစ်ကိုင်းတိုင်း၊ ကလေးမြို့ ၊တာဟန်းရပ်ကွက်က နေအိမ်တစ်အိမ်ကို ပြီးခဲ့တဲ့ နိုဝင်ဘာလ ၈ ရက်နေ့က လက်နက်ဖြင့် ခြိမ်းခြောက်ကာ အနုကြမ်းစီးပြီး ကျပ်သိန်း ၃၀၀၀ ထုတ်ပေးဖို့ ဓားပြတိုက်ခဲ့တဲ့ စစ်ကော်မရှင်ခန့် အောင်သစ္စာရပ်ကွက်အုပ်ချုပ်ရေးမှူးအပါအဝင် ပျူစောထီး အဖွဲ့(ပြည်သူ့စစ်)တွေကို ဒီကနေ့ နိုဝင်ဘာလ ၁၁ ရက်နေ့မှာ စစ်ကော်မရှင်တပ်ဖွဲ့က အလုပ်ကြမ်းနဲ့ ထောင်ဒဏ် ၁၅ နှစ်ချမှတ်လိုက်တယ်လို့ ဒေသခံတွေက ပြောပါတယ်။ ပြီးခဲ့တဲ့ နိုဝင်ဘာလ ၈ ရက်နေ့ညပိုင်းက ကလေးမြို့ ၊ တာဟန်းရပ်ကွက်က နေအိမ်တစ်အိမ်ကို အောင်သစ္စာရပ်ကွက်က စစ်ကော်မရှင်ခန့် အုပ်ချုပ်ရေးမှူးဦးဆောင်ပြီး ပျူစောထီးတွေက တာဟန်းရပ်ကွက်ထဲက နေအိမ်တစ်အိမ်ကို ဓားပြတိုက်နေစဉ် အဲဒီညမှာဘဲ သူတို့ကို စစ်ကော်မရှင်တပ်ဖွဲ့က ဖမ်းဆီးမိခဲ့တာဖြစ်ပါတယ်။ ဒေသခံတစ်ဦးက “ ပြည်သူနေအိမ်တစ်အိမ်ကို…

နိုဝင်ဘာလ ၁၀ ရက်။ ရန်ကုန်တိုင်း၊ ရွှေပြည်သာမြို့နယ်မှာနေထိုင်တဲ့ ချင်းပြည်နယ်၊ ပလက်ဝမြို့နယ်၊ ဥဿလင်းဝကျေးရွာဇာတိဖြစ်သူ ခူမီး(ချင်း)လူငယ်တစ်ဦးဖြစ်တဲ့ အသက် (၁၈) နှစ်အရွယ် အထက်တန်းကျောင်းသား မောင်ညီညီမောင် ဟာ နိုဝင်ဘာလ (၇) ရက်နေ့က ပျောက်ဆုံးခဲ့ပြီး ဒီကနေ့ချိန်ထိ အဆက်အသွယ်မရလို့ မိသားစုဝင်တွေက စိတ်ပူနေကြကာ၊တွေ့ရှိရင် ဆက်သွယ်ပေးဖို့ အကူအညီတောင်းခံထားတယ်လို့ မိသားစုနဲ့ နီးစပ်သူတွေဆီကနေ သိရပါတယ်။ မိသားစုနဲ့ နီးစပ်သူတစ်ဦးက“ သူ့အမေက ရွှေပြည်သာမြို့နယ်၊ သာဓုကန်စက်မှုဇုံမှာ အလုပ်လုပ်တယ် အခုပျောက်သွားတဲ့ သူ့သားကလည်း အထက်တန်းကျောင်းသား ၁၁ တန်း တက်နေတာ ဒီသီတင်းကျွတ် ကျောင်းပိတ်တဲ့ချိန်ကစလို့ ကျောင်းနားပြီး အလုပ်လုပ်ချင်တယ်ဆိုလို့ သူ့အမေအလုပ်လုပ်တဲ့ သာဓုကန်စက်မှုဇုံမှာ အလုပ်လျှောက်ဖို့ သွားခဲ့တယ် သူ့အမေက အပြင်ကနေ စောင့်ဖို့ပြောပြီး သူက အလုပ်ဆက်လုပ်တယ် အဲဒီနေ့လည်ပိုင်းလောက်ကနေစပြီး ပျောက်သွားတာ…

နိုဝင်ဘာလ ၂ ရက်။ မကွေးတိုင်း၊ ငဖဲမြို့နယ်က စစ်ကော်မရှင်တပ်ရဲ့ နတ်ရေကန်ဗျူဟာကုန်း စခန်းကို စစ်ကူလာတဲ့ စစ်ကော်မရှင်တပ်ဖွဲ့ကို မဟာမိတ်ပူးပေါင်းတပ်ဖွဲ့နဲ့ တိုက်ပွဲကာလ ၂ လ အတွင်း ချင်းကာကွယ်ရေးတပ် – အရှို(CDF – Asho) တပ်ဖွဲ့ဝင် ၂ ဦး အသက်ပေးလှူခဲ့ရပြီး ခြေလက်အင်္ဂါဆုံးရှုံးသူနှစ်ဦးအပါအဝင် အခြားထိခိုက်ဒဏ်ရာရ တပ်ဖွဲ့ဝင် ၇ ဦး ရှိခဲ့တယ်လို့ CDF – Asho က နိုဝင်ဘာလ ၂ ရက်နေ့မှာ ထုတ်ပြန်ပါတယ်။ စက်တင်ဘာလဆန်းကစလို့ နတ်ရေကန်ဗျူဟာကုန်းကို စစ်ကူလာရောက်တဲ့ စစ်ကော်မရှင်မရှင် စစ်ကြောင်းတွေကို အခြားတော်လှန်ရေး မဟာမိတ်တပ်ဖွဲ့တွေနဲ့ ပူးပေါင်းလျှက် ကြားဖြတ်တိုက်ခိုက်ခြင်းဖြင့် ခုခံ ထိုးစစ်ဆင် တိုက်ခိုက်လျှက်ရှိနေတဲ့ကြောင်းကိုလည်း ဆိုပါတယ်။ စစ်ကော်မရှင်တပ်ဖွဲ့ကလည်း နတ်ရေကန်ဗျူဟာကုန်း မကျရှုံးရေးအတွက် လေကြောင်းပစ်ကူ၊…

နို၀င်ဘာလ ၁ ရက်။ စစ်ကိုင်းတိုင်း ၊ ကလေးမြို့နယ် ကလေး – ဂန့်ဂေါ ကားလမ်းတလျောက် ကို ထိုးစစ်ဆင်နေတဲ့ စစ်ကော်မရှင်တပ်ဖွဲ့က ချင်းပြည်နယ်၊ ဖလမ်းမြို့နယ် ၊ ဟားခါးလေးရွာဘက်ကို မနေ့ အောက်တိုဘာလ ၃၁ ရက်နေ့မှာဝင်ရောက်ခဲ့ပြီး မီးရှို့တာတွေ လုပ်ခဲ့တယ်လို့ စစ်ရေးသတင်းရင်းမြစ်တွေက ပြောပါတယ်။ ကလေး – ဂန့်ဂေါလမ်းကို ထိုးစစ်ဆင်နေတဲ့ စစ်ကော်မရှင်တပ်ဖွဲ့ဟာ နတ်ချောင်း နဲ့ ချောင်းခွရွာကို ထိန်းချုပ်ပြီး အဲဒီမှာ ကျန်ခဲ့တဲ့ နောက်ချန်အင်အား စစ်ကြောင်းတစ်ခုက ဖလမ်းမြို့နယ် ဟားခါးလေးရွာဘက်ကို မနေ့မနက်က တက်ပြီး ညနေပိုင်းလောက်မှာ ရွာတွင်း အရပ်သားပြည်သူနေအိမ်တချို့ကို မီးရှို့ဖျက်ဆီးခဲ့တယ်လို့ ဆိုပါတယ်။ စစ်ရေးသတင်းရင်းမြစ်တစ်ဦးက “ဒီကနေ့ ၁ ရက်နေ့အထိ နက်ချောင်းရွာတွေကို မီးရှို့တုန်းဖြစ်တယ် ဟားခါးလေးဘက်တွေက စစ်ကောင်စီက…

အောက်တိုဘာလ ၃၁ ရက်။ စစ်ကိုင်းတိုင်း၊ ကလေးမြို့နယ်တောင်ပိုင်းက ကလေး – ဂန့်ဂေါလမ်း ပေါ်က တော်လှန်ရေးအဖွဲ့တွေ နှစ်နဲ့ချီထိန်းထားတဲ့သံဖိုကျေးရွာကို စစ်ကော်မရှင်တပ်က ဒီကနေ့ အောက်တိုဘာလ ၃၁ ရက်နေ့ မနက်ပိုင်း ၁၁ နာရီဝန်းကျင်လောက်မှာ စတင်ဝင်ရောက်နေပြီဖြစ်ကာ ကလေးမြို့မှဂန့်ဂေါမြို့အထိ တောက်လျှောက် ထိန်းနိုင်အောင် ထိုးစစ်ဆင် နေတယ်လို့ သိရလို့ ဒေသခံသတင်းရင်းမြစ်တွေဆီကနေ သိရပါတယ်။ ဒေသခံသတင်းရင်းမြစ်တစ်ဦးက “ သံဖိုဝင်ပြီလို့သိရတယ် လက်ရှိမှာ တိုက်ပွဲဆက်ဖြစ်နေတာမျိုးတော့ မရှိသေးဘူး တခြားအခြေအနေတွေတော့ မသိရသေးဘူး စစ်ကော်မရှင်တပ်ဖွဲ့က ဂန့်ဂေါအထိ ပေါက်အောင်ထိုးမဲ့ ပုံ ရှိနေတယ်” လို့ပြောပါတယ်။ စစ်ကော်မရှင်တပ်ဖွဲ့ဟာ တော်လှန်ရေးထိန်းချုပ်နယ်မြေတွေကို အင်အားအမြောက်များ သုံးပြီး လျင်လျင်မြန်မြန် စစ်ကြောင်းထိုးဝင်ရောက် ထိန်းချုပ်နေသလို လက်ရှိမှာလည်း စစ်ကော်မရှင်တပ်ဖွဲ့ဟာ ချင်းတော်လှန်ရေးပူးပေါင်းတပ်ဖွဲ့တွေ ထိန်းချုပ်ထားတဲ့ ကလေး –…

အောက်တိုဘာလ ၂၉ ရက်။ စစ်ကော်မရှင်တပ်စစ်ကြောင်းထိုးနေတဲ့ စစ်ကိုင်းတိုင်း ၊ ကလေးမြို့နယ် တောင်ပိုင်းက ကလေး – ဂန့်ဂေါကားလမ်းတလျှောက်က ကျေးရွာပေါင်း ၃၆ ရွာခန့်က အရပ်သားပြည်သူ ၃ သောင်းကျော်ဟာ ဘေးလွတ်ရာထွက်ပြေးတိမ်းရှောင်နေရပြီး အရေးပေါ် စားနပ်ရိက္ခာ အကူအညီတွေ လိုအပ်နေကြတယ်လို့ စစ်ဘေးရှောင်ကူညီရေးအဖွဲ့တွေဆီကနေ သိရပါတယ်။ စစ်ဘေးရှောင်ကူညီရေးအဖွဲ့တစ်ခုဖြစ်တဲ့ Lighthouse အဖွဲ့ရဲ့ တာဝန်ခံတစ်ဦးက “ဒီကနေ့အထိ စကစ ကတော့စစ်ကြောင်းဆက်လက်ထိုးနေတယ် တိုက်ပွဲတွေလည်း ပြင်းထန်နေတယ် ကလေး – ဂန့်ဂေါလမ်းဘေးမှာရှိတဲ့ ကျေးရွာတွေက အရပ်သားပြည်သူ အနည်းဆုံး ၃ သောင်းကျော်ဟာ စစ်ဘေးရှောင်နေကြရတယ် လတ်တလော စစ်ဘေးရှောင်တွေ အရေးပေါ်စားနပ်ရိက္ခာအကူအညီတွေ အထူးလိုအပ်နေကြတယ် ကျနော်တို့ကလည်း တက်စွမ်းသလောက် ကူညီပေးနေပါတယ် ကူညီမှုတွေကတော့ အင်မတန် လိုအပ်နေပါသေးတယ်” လို့ပြောပါတယ်။ ကလေး –…

အောက်တိုဘာလ ၂၇ ရက်။ စစ်ကိုင်းတိုင်း ၊ ကလေးမြို့နယ် တောင်ပိုင်း ကလေး – ဂန့်ဂေါ ကားလမ်းတလျောက်ကို စစ်ကော်မရှင်တပ်က အင်အားအမြောက်အများနဲ့ ဒီကနေ့ အောက်တိုဘာလ ၂၇ ရက်နေ့ကစလို့ ထိုးစစ်ဆင်လာနေလို့အရပ်သားပြည်သူလူထောင်ချီထွက်ပြေးနေတယ်လို့ ဒေသခံသတင်းရင်းမြစ်တွေထံကနေ သိရပါတယ်။ “ဒီကနေ့ မနက်ကစပြီး ကလေးမြောက်ပိုင်းက အင်အားအများကြီးကို ကားအစီး ၁၅ စီးကနေ အစီး ၂၀ လောက်ရှိတယ် အဲမှာ လက်နက်ခဲယမ်းတွေပါတယ် အမြောက်ကြီး ကိုလည်း ဆွဲသွားတယ် အင်အားလည်းအများကြီးဘဲ တချို့က ဒကစဝင်တယ် တချို့က ကလေး နည်းပညာတက္ကသိုလ်ကို သွားတယ် အခုတော့ သာယာကုန်းရွာရောက်ပြီလို့ ပြောကြတယ် မြောက်ပိုင်းလိုဘဲ တလျောက်ထိုးနေကြတယ် ကလေးကနေ ဂန့်ဂေါလမ်းပေါက်အောင် ထိုးမယ့်ပုံစံပေါက်တယ်” လို့ဒေသခံသတင်းရင်းမြစ်တစ်ဦးကပြောပါတယ်။ ကလေးနည်းပညာတက္ကသိုလ် GTC က ထွက်လာတဲ့…

အောက်တိုဘာလ ၂၆ ရက်။ ချင်းနိုင်ငံရေးသမားပူးဇိုဇမ်နဲ့ချင်းလူမျိုး ၃ ဦး ဟာ ၂၀၂၅ ဒီဇင်ဘာ ၂၈ ရက်မှာ ကျင်းပမယ့် ပါတီစုံရွေးကောက်ပွဲမှာ ရန်ကုန်တိုင်းဒေသကြီးမှာ ဝင်ရောက်ယှဉ်ပြိုင်မှာဖြစ်ပြီး၊အင်းစိန်မဲဆန္ဒနယ်မှာ ချင်းလူမျိုးကိုယ်စားလှယ် လောင်း ၂ ဦးထိပ်တိုက်ယှဉ်ပြိုင်ဖို့ရှိနေတယ်လို့ ရွေးကောက်ပွဲကော်မရှင်ကထုတ်ပြန်တဲ့ကိုယ်စားလှယ်လောင်းစာရင်းအရသိရပါတယ်။ ချင်းအမျိုးသမီးတစ်ဦးဖြစ်တဲ့ ဒေါ်နှဲမ်အဲမ်ပါရ်က မြန်မာနိုင်ငံတောင်သူလယ်သမားဖွံဖြိုးတိုးတက်ရေးပါတီကိုယ်စားပြုပြီး အင်းစိန်မဲဆန္ဒနယ်ကနေ FPTP စနစ်ပြည်သူ့လွှတ်တော်နေရာဝင်ရောက်ယှဉ်ပြိုင်မှာဖြစ်ပြီး၊အင်းစိန်မဲဆန္ဒနယ်ကနေပဲ FPTP စနစ်ပြည်သူ့လွှတ်တော်နေရာမှာပဲ ချင်းအမျိုးသားတစ်ဦးဖြစ်တဲ့ ဦး ပေါင်ရှမ်း ဟောက်(ခ) ပေါ်လ် ပေါင်ရှန်ဟောက်က တစ်သီးပုဂ္ဂလ ဝင်ရောက်ယှဉ်ပြိုင်မှာဖြစ်ပါတယ်။ ချင်းအမျိုးသားတစ်ဦးဖြစ်တဲ့ ဦးတော်နီလျန်က မြန်မာနိုင်ငံ တောင်သူလယ်သမားဖွံဖြိုးတိုးတက်ရေးပါတီကိုယ်စားပြုပြီး PR စနစ် ရန်ကုန်တိုင်းဒေသကြီးလွှတ်တော်မဲဆန္ဒနယ် ၁ မှာဝင်ရောက်ယှဉ်ပြိုင်မှာဖြစ်ကာ ဝါရင့်ချင်းနိုင်ငံ ရေးသမား၊CNLD ပါတီဥက္ကဋ္ဌ ဟောင်း ပူးဇိုဇမ်က ကျားဖြူပါတီ/ရှမ်းနှင့်တိုင်းရင်းသားများဒီမိုကရက်တစ်ပါတီ( SNDP) ကိုယ်စားပြုပြီး ရန်ကုန်တိုင်း ဒေသကြီးမှာ…

အောက်တိုဘာလ ၂၅ ရက်။ ညီနောင် တိုင်းရင်းသား တော်လှန်ရေးအဖွဲ့အစည်းများနှင့် လက်တွဲပြီး အမြော်အမြင်ရှိရှိ ဦးဆောင်ဦးရွက်ပြုမှု ပံ့ပိုးပေးဆပ်မှုအပေါ် ဂုဏ်ယူလေးစားတဲ့အကြောင်း ဒီကနေ့ အောက်တိုဘာလ ၂၅ ရက်နေ့မှာ ကျရောက်တဲ့ ကချင်လွတ်မြောက်ရေးအဖွဲ့ချုပ် / ကချင်လွတ်မြောက်ရေးတပ်မတော် ( KIO/ KIA) တည်ထောင်ခြင်း (၆၅) နှစ်မြောက် ဂုဏ်ပြု သဝဏ်လွှာကို ချင်းအမျိုးသားတပ်ဦး (CNF/CNA) က ပေးပို့ခဲ့ပါတယ်။ CNF အနေနဲ့ တအူတုံဆင်း ကချင်ညီနောင်များနဲ့အတူ နိုင်ငံရေးခံယူချက်နှင့် နိုင်ငံရေးဦးတည်ချက် တူညီသော တိုင်းရင်းသားညီနောင်မဟာမိတ်တွေ NUG အစိုးရ ၊ နွေးဦးတော်လှန်ရေး လက်နက်ကိုင် အင်အားစုများနဲ့အတူ ပြည်သူလူထုဘက်မှ ရပ်တည်ပြီး အဆုံးတိုင်တိုက်ပွဲဝင်သွားမယ်လို့လည်း ဂုဏ်ပြု သဝဏ်လွှာမှာ ချင်းအမျိုးသား တပ်ဦး (CNF/CNA) က ထည့်သွင်းဖော်ပြထားပါတယ်။…