ပြည်တွင်းသတင်း

ဧပြီလ ၂၅ ရက်။ အိန္ဒိယနိုင်ငံ၊ မဏိပူရ်ပြည်နယ်၊ အင်ဖားထောင်ကနေ မြန်မာနိုင်ငံ၊စစ်ကောင်စီထံလွှဲပြောင်းပို့ခံရတဲ့ မြန်မာနိုင်ငံက အမျိုးသမီးနဲ့ ကလေး ၂၇ ဦးကို စစ်ကောင်စီက ဆက်လက်ဖမ်းဆီးထားတဲ့ အပေါ် အိန္ဒိယအစိုးရဘက်က တာဝန်ယူမှု၊ တာဝန်ခံမှုပေါ်အများကြီးမှုတည်ကာ၊အိန္ဒိယအစိုးရကိုတောင်းဆိုနေကြောင်း အိန္ဒိယ-မြန်မာအရေး လေ့လာစောင့်ကြည့်တဲ့ India For Myanmar အဖွဲ့တည်ထောင်သူ ဆလိုင်းဒိုခါရ် ကပြောပါတယ်။ မဏိပူရ်ပြည်နယ်၊ အင်ဖားထောင်က မြန်မာနိုင်ငံသား အမျိုးသမီးနဲ့ ကလေး ၂၇ ဦးကို အိန္ဒိယဘက်ကတာဝန်ရှိသူတွေက စစ်ကောင်စီထံ မတ်လ ၂၁ ရက်နေ့က အိန္ဒိယ – မြန်မာနယ်စပ်ရှိ တမူးနယ်စပ်ကနေ တဆင့်လွှဲပြောင်းပေးခဲ့တာဖြစ်ပြီး အဆိုပါလွှဲပြောင်းပေးပို့ခံရသူတွေကို နိုင်ငံရေးမှာ ပါဝင်ပတ်သက်တယ်ဆိုတဲ့ တိုင်ကြားချက်တွေနဲ့ စစ်ကောင်စီက တမူးမြို့အချုပ်ထဲမှာ ဆက်လက်ဖမ်းချုပ်ထားတာလို့ သိရပါတယ်။ India For Myanmar တည်ထောင်သူ…

ဧပြီလ ၂၃ ရက်။ စစ်ကိုင်းတိုင်း၊ ကလေးမြို့နယ် နဲ့ မကွေးတိုင်း၊ ဂန့်ဂေါမြို့နယ်အကြားရှိ ကျေးရွာနေ ဒေသခံပြည်သူအများစုဟာ လေကြောင်းရန်ကြောက်လို့ ဘေးလွတ်ရာကို ထွက်ပြေးတိမ်းရှောင်နေရဆဲဖြစ်တယ်လို့ ဒေသခံတွေဆီကနေ သိရပါတယ်။ ကလေး – ဂန့်ဂေါအကြားက စစ်ကောင်စီတပ်စခန်းတွေဖြစ်တဲ့ ကမ်းပါးနီစခန်း၊ မှန်တော၊ အောင်သာယာ( အရှေ့၊အနောက်)၊ ပျူစောထီးစိုးမိုးတဲ့ ကြံသာရွာတွေကို CDF – KKG(Kalay-Kabaw-Gangaw) တပ်ဖွဲ့ရဲ့Major Operation အဖြစ် ချင်းလက်နက်တပ်ဖွဲ့တွေနဲ့ မြေပြန့်ကဒေသလက်နက်ကိုင်တပ်ဖွဲ့တွေက စုပေါင်းပြီး ၂၀၂၅ ခုနှစ်၊ ဖေဖော်ဝါရီလကနေစလို့ ထိုးစစ်ဆင်တိုက်ခိုက်ခဲ့ကာ၂ လအတွင်း အောင်မြင်စွာတိုက်ခိုက်သိမ်းပိုက်နိုင်ခဲ့သလို စစ်ကောင်စီဘက်ကလည်း ကလေး – ဂန့်ဂေါကြားရှိ ကျေးရွာတွေကို လေကြောင်းကနေ အပြင်းအထန် ဗုံးကြဲတိုက်ခိုက်ခဲ့လို့ အရပ်သားထိခိုက်သေဆုံးမှု့တွေလည်း များစွာရှိခဲ့ပြီး နေအိမ်အဆောက်အဦများစွာလည်း ထိခိုက်ပျက်စီးခဲ့ရပါတယ်။ ကလေး – ဂန့်ဂေါကြားရှိ…

ဧပြီလ ၁၇ ရက်။ ၂၀၂၅ ခုနှစ်၊ ဧပြီလ ၁၇ ရက်၊ မြန်မာနှစ်ဆန်း ၁ ရက်နေ့ အထိမ်းအမှတ်အဖြစ် စစ်ကောင်စီက မြန်မာနိုင်ငံတဝန်း အကျဉ်းထောင်တွေမှာ အကျဉ်းချခံထားရသူတွေကို လွတ်ငြိမ်းချမ်းသာခွင့်ပေးတဲ့အထဲ ကလေးမြို့အကျဉ်းထောင်ကနေ အကျဉ်းသူ ၃ ဦး၊အကျဉ်းသား ၁၅ ဦး စုစုပေါင်း ၁၈ ဦးလွတ်မြောက်ပြီး လွတ်လာသူတွေအထဲ နိုင်ငံရေးအကျဉ်းသား တစ်ဦးမှမပါဘူးလို့ ဒေသခံနိုင်ငံရေးအကျဉ်းသားဟောင်း တစ်ဦးဆီကနေ သိရပါတယ်။ ကလေးမြို့ဒေသခံနိုင်ငံရေးအကျဉ်းသားဟောင်း တစ်ဦးက “ကလေးအကျဉ်းထောင်ကနေ စုစုပေါင်း ၁၈ ယောက် လွတ်ငြိမ်းခွင့်ရတယ်၊ အမျိုးသမီး ၃ ဦး၊ အမျိုးသား ၁၅ ဦးပေါ့ အဲဒီထဲမှာ နိုင်ငံရေးအကျဉ်းသားတစ်ဦးမှ မပါဘူးအရင်တုန်းကလည်းဒီလိုပါဘဲ လုပ်တာက အတူတူပါဘဲ လွတ်ခါနီး တစ်လ နှစ်လ လောက်သာလိုတော့တဲ့ ၅၀၅…

ဧပြီလ ၁၇ ရက်။ သင်္ကြန်ကာလအတွင်း မင်းလှမြို့နယ် ပုသိမ်၊ မုံရွာ လမ်းဘေးတလျောက်ရှိ ကျေးရွာတွေကို ကပစက အင်အားတွေနဲ့ စုဖွဲ့ပြီး စစ်ကြောင်းထိုးတဲ့ စစ်ကောင်စီတပ်ဖွဲ့တွေကို အရှိုချင်းကာကွယ်ရေးတပ်ဖွဲ့ (ACDF) နဲ့ မဟာမိတ်တွေက ဟန့်တားတိုက်ခိုက်ခဲ့ပြီး စစ်ကောင်စီဘက်က ၁၀ ဦးထက်မနည်းသေဆုံးခဲ့ပြီး ၃၀ ဦး ပြင်းထန်ဒဏ်ရာရခဲ့တယ်လို့ ဧပြီလ ၁၇ ရက်နေ့မှာ ACDF နဲ့မဟာမိတ်အဖွဲ့က ပူးတွဲထုတ်ပြန်ပါတယ်။ မင်းလှမြို့နယ်အတွင်း ဧပြီလ ၁၂ ရက်နေ့ကစလို့ ရပ်ရွာတွေကို စတင်စစ်ကြောင်းထိုးလာတဲ့ စစ်ကောင်စီတပ်ဖွဲ့တွေကို ဧပြီလ ၁၄ ရက်နေ့မှာ အရှိုချင်းကာကွယ်ရေးတပ်ဖွဲ့ (ACDF)၊ ပြည်သူ့ကာကွယ်ရေးအဖွဲ့ (အထက်မင်းလှ)၊ ပြည်သူ့လွတ်လပ်ရေးအဖွဲ့ ပြည်သူ့လွတ်လပ်ရေးတပ်တော် (PIO/PIA) တို့က ပူးပေါင်းပြီး ဖြတ်တောက်တိုက်ခိုက်ခဲ့ပြီးနောက်မှာလည်း စစ်ကောင်စီတပ်ဖွဲ့ စစ်ကြောင်းတွေကို လက်ခံပူးပေါင်းနေတဲ့ မင်းလှမြို့နယ်ရှမ်းတပ်ကြီးတိုက်နယ်ရဲစခန်းကိုလည်း…

ဧပြီလ ၁၇ ရက်။ တော်လှန်ရေးကာလ ကြာမြင့်လာတာနဲ့အမျှ ပြည်သူလူထု ထိခိုက်ခံစားရတာလည်း များတာကြောင့် တတ်နိုင်သမျှ ဒီတော်လှန်ရေး အမြန်ဆုံးအောင်မြင်အောင် ကြိုးစားကြရမယ်လို့ အမျိုးသားညီညွှတ်ရေးအစိုးရ (NUG) ရဲ့ယာယီသမ္မတ ဒူဝါလရှီးလ က မြန်မာနှစ်ဆန်း ၁ ရက်နေ့ ဧပြီလ ၁၇ ရက်၊ နှစ်သစ်ကူးမိန့်ခွန်းပြောပါတယ်။ “အခုဆိုရင် နွေဦးတော်လှန်ရေးက ၄ နှစ်တာကျော်လွန်လာပြီဖြစ်ပါတယ် တော်လှန်ရေးကာလ ကြာမြင့်လာတာနဲ့အမျှ ပြည်သူလူထု ထိခိုက်ခံစားရတာလည်း ကြီးမားသလို တိုင်းပြည်လည်း နစ်နာခဲ့ရပါတယ် တဖက်မှာတော့ တိုင်းပြည်နဲ့ ပြည်သူ့ဘဏ္ဏာတွေကို ဂုတ်သွေးစုတ်ပြီးပြည်သူကို စစ်မက်ပြုနေတဲ့ စစ်အုပ်စုကို တိုက်ထုတ်ရတဲ့ တော်လှန်ရေးဖြစ်သလို စစ်အာဏာရှင်နဲ့ အာဏာရှင်မှန်သမျှကို စစ်အာဏာရှင်အမှုအကျင့် အတွေးအခေါ်မှန်သမျှ အဆုံးသတ်ရေးအတွက် ဆင်နွှဲနေရတဲ့ တော်လှန်ရေးဖြစ်တာကြောင့် ခက်ခဲကြမ်းတမ်းမှုတွေ အများကြီးရှိတယ်ဆိုတာကိုလည်း အရှိတရားကြည့်မြင်ရမှာဖြစ်ပါတယ် တတ်နိုင်သမျှဒီတော်လှန်ရေးကို အမြန်ဆုံးအောင်မြင်အောင်လုပ်ဆောင်ပြီး…

ဧပြီလ ၁၇ ရက်။ အာဏာသိမ်းစစ်ကောင်စီက ဒီကနေ့ ဧပြီလ ၁၇ ရက် မြန်မာနှစ်ဆန်း ၁ ရက်နေ့မှာ စစ်ကောင်စီအဖွဲ့ဝင်ဒေါက်တာမှုထန်အပါအဝင် လူပုဂ္ဂိုလ် ၁၃ ဦးကို ပြည်ထောင်စုစည်သူသင်္ဂဟဘွဲ့ ချီးမြင့်လိုက်ပါတယ်။ ဒေါက်တာမှုထန်ဟာ ၁၉၉၀နဲ့ ၂၀၁၅ ရွေးကောက်ပွဲ တို့မှာ ထန်တလန်မြို့နယ်မှာ အနိုင်ရလွှတ်တော်ကိုယ်စားလှယ်ဖြစ်ခဲ့ပြီး ၂၀၀၈ဖွဲ့စည်းပုံအ ခြေခံဥပဒေ ရေးဆွဲရာမှာ ပါဝင်ကာ အမျိုးသားညီလာခံတက်ရောက်ခဲ့သူလည်းဖြစ်ပါတယ် ။ ဒေါက်တာမှုထန်ဟာ ချင်းပြည်နယ်ပြည်ထောင်စု ကြံ့ခိုင်ရေးနဲ့ဖွံ့ဖြိုးရေးပါတီ (USDP) ဥက္ကဌဖြစ်ကာ ၂၀၂၃ ခုနှစ်၊ ဖေဖော်ဝါရီလ ၁၇ ရက်နေ့က အာဏာသိမ်းစစ်ကောင်စီအဖွဲ့ဝင်အဖြစ် ခန့်အပ်ခံရတာဖြစ်ပါတယ်။ ဒီကနေ့ ဧပြီလ၁၇ ရက်မှာ နိုင်ငံတစ်ဝန်းရှိ အကျဉ်းထောင်တွေကနေ အကျဉ်းသူ/အကျဉ်းသား ၄၈၉၃ ဦးကို လွတ်ငြိမ်းခွင့်ပေးလိုက်တယ်လို့ အာဏာသိမ်းစစ်ကောင်စီကကြေညာပါတယ်။ စစ်ကောင်စီရဲ့လွတ်ငြိမ်းခွင့်ထဲမှာနိုင်ငံရေးအကျဉ်းသူ/အကျဉ်းသား အရေအတွက် ဘယ်လောက်ပါဝင်သလဲ…

ဧပြီလ ၁၆ ရက်။ ငလျင်ဘေးဒဏ်သင့် မြန်မာပြည်သူတွေအတွက် လူသားချင်းစာနာထောက်ထားမှု အာဆီယံ အကူအညီတွေကို အာဏာသိမ်းစစ်ကောင်စီကနေ တဆင့် ပေးမှာကို အပြင်းအထန် ကန့်ကွက်တယ်လို့ ချင်းအမျိုးသားတပ်ဦး (CNF) ပါဝင်တဲ့ တိုင်းရင်းသားလက်နက်ကိုင်တော်လှန်ရေးအဖွဲ့ (EROs)အဖွဲ့တွေ နဲ့ အမျိုးသားညီညွှတ်ရေးအစိုးရ(NUG) က ပူးတွဲပြီးကန့်ကွက်ကြောင်း ဧပြီလ ၁၆ ရက်နေ့မှာ ထုတ်ပြန်ထားပါတယ်။ စစ်အုပ်စုဟာ တိုင်းပြည် နယ်နိမိတ်စုစုပေါင်း ၂၂ ရာခိုင်နှုန်းကိုသာ စိုးမိုးထိန်းချုပ်ထားနိုင်တာဖြစ်လို့ တော်လှန်ရေး အင်အားစုတွေ ထိန်းချုပ်ထားတဲ့ နယ်မြေတွေက သက်ဆိုင်သူတွေနဲ့ ချိတ်ဆက်ပေးအပ်ဖို့ လိုအပ်တယ်လို့ ဆိုပါတယ်။ အာဆီယံခေါင်းဆောင်တွေအနေနဲ့ လူသားချင်းစာနာထောက်ထားတဲ့ အကူအညီတွေကို ခွဲခြားဆက်ဆံမှုမရှိ၊ ဘက်မလိုက်ဘဲ ထိရောက်စွာ အကူအညီပေးနိုင်ရေးအတွက် ဆောင်ရွက်ရာတွင် အာဏာသိမ်းစစ်ကောင်စီကနေ တဆင့်ပေးအပ်ခြင်းကိုသာ ပြုလုပ်ပါက လူသားချင်းစာနာထောက်ထားတဲ့ အကူအညီတွေကို နိုင်ငံရေးအရ အလွဲသုံးချမယ့်…

ဧပြီလ ၁၂ ရက်။ စစ်ကိုင်းတိုင်း၊ ကလေးမြို့နယ် ၊ ကြံသာရွာက စစ်ကောင်စီတပ်ဖွဲ့ အခြေစိုက်စခန်းကို ဧပြီလ ၁၁ ရက်နေ့က ချင်းတော်လှန်ရေး အင်အားစုတွေပါဝင်တဲ့ မဟာမိတ်အင်အားစုတွေနဲ့အတူ အပြီးသတ်ချေမှုန်းရှင်းလင်းနိုင်ခဲ့တယ်လို့ ကျောင်းသားတပ်မတော်(ABSDF) က ဒီကနေ့ ဧပြီလ ၁၂ ရက်နေ့မှာထုတ်ပြန်ပါတယ်။ ကလေးမြို့နယ်၊ ကြံသာရွာက စစ်ကောင်စီအခြေစိုက် စခန်းကို ကျောင်းသားတပ်မတော် အမှတ် (၃) စစ်ကြောင်း၊ တပ်ရင်း ၁၂ ရဲဘော်တွေ KKG – CDF ၊ ဟံသာဝတီ (ပကဖ) ၊ CDF – SIYIN ၊ ကလေးခရိုင်စစ်ဒေသ၊ ထန်တလန် DR အဖွဲ့တွေနဲ့အတူ လက်တွဲပြီး အပြီးသတ်ချေမှုန်းရှင်းလင်းနိုင်ခဲ့တာလို့ ABSDF ကထုတ်ပြန်ပါတယ်။ ကလေးမြို့နယ် တောင်ပိုင်းမှာတည်ရှိတဲ့ ကြံသာရွာမှာ…

ဧပြီလ ၁၁ ရက်။ ငလျင်ဒဏ်ကြုံရတဲ့ မြန်မာနိုင်ငံအတွက် နေပြည်တော်၊ဇမ္ဗူသီရိမြို့နယ်၊ ရွှေကြာပင်ရပ်ကွက်ရှိ မြို့နယ် အားကစားကွင်းမှာ ယာယီရွေ့လျားဆေးရုံ ဖွင့်လှစ်ပြီး အခမဲ့ဆေးကုသပေးနေတဲ့ အမေရိကန်အခြေစိုက် ခရစ်ယာန်ပရဟိတအဖွဲ့ တစ်ခုဖြစ်တဲ့ Samaritan’s Purse ရဲ့ ရွေ့လျားဆေးရုံမှာ ခွဲစိတ်မှုပေါင်း လူ ၂၆ ဦးကို ခွဲစိတ်ကုသပေးခဲ့ပြီလို့ Samaritan’s Purseအဖွဲ့ကသတင်းထုတ်ပြန်ပါတယ်။ နေပြည်တော် ဇမ္ဗူသီရိမြို့နယ်၊ ရွှေကြာပင်ရပ်ကွက်ရှိ မြို့နယ် အားကစားကွင်းမှာ ယာယီရွေ့လျားဆေးရုံ ဖွင့်လှစ်ပြီး အခမဲ့ဆေးကုသပေးနေတဲ့ အမေရိကန်အခြေစိုက် Samaritan’s Purse ရဲ့ ဆေးအဖွဲ့ဝင်တွေကို ကျေးဇူးတုံ့ပြန်တဲ့ အနေနဲ့ ယာယီဆေးရုံမှာ တက်ရောက်ကုသနေတဲ့ သူတွေက ဧပြီလ ၁၀ ရက်နေ့က ပိတောက်ပန်းလက်ဆောင်ပေးခဲ့ကြပါတယ်။ အမေရိကန်အခြေစိုက် ခရစ်ယာန်ပရဟိတ အဖွဲ့တစ်ခုဖြစ်တဲ့ Samaritan’s Purse ရဲ့ ရွေ့လျားဆေးရုံမှာ…

ဧပြီလ ၁၀ ရက်။ ဧပြီလ ၁၀ ရက်နေ့မှာ ကျရောက်တဲ့ ၁၆ နှစ်မြောက် အာရက္ခတပ်တော်နေ့အတွက် ဂုဏ်ပြုသဝဏ်လွှာ ပေးပို့ရာမှာချင်းညီနောင်အနေဖြင့်အနေဖြင့်စစ်အာဏာရှင်စနစ် အလုံးစုံချုပ်ငြိမ်းပြီး အမျိုးသား တန်းတူရေး၊ ကိုယ့်ကြမ္မာ ကိုယ်ဖန်တီးရေး၊ အာရက္ခဒေသနေ ပြည်သူလူထုနှင့် ချင်းပြည်သူလူထုတို့၏ အကျိုးစီးပွားတို့ကို အပြန်အလှန် စောင့်ရှောက်ကူညီရေးတို့တွင် အိမ်နီးချင်းကောင်းပီသစွာဖြင့် အာရက္ခတပ်တော်နှင့် ရေရှည်လက်တွဲပြီး မိမိတို့၏ပန်းတိုင် ရောက်ရှိသည်အထိ အတူချီတက်သွားမှာ ဖြစ်ကြောင်း ချင်းလက်နက်ကိုင်တော်လှန်ရေးအဖွဲ့ ၆ ဖွဲ့စုစည်းထားတဲ့ ချင်းညီနောင်အဖွဲ့(CB) မှ ဂုဏ်ပြုသဝဏ်လွှာပေးပို့ခဲ့ပါတယ်။ ချင်းညီနောင်ရဲ့ မြို့သိမ်း တိုက်ပွဲများနဲ့ ပတ်သက်ပြီး ယင်း သဝဏ်လွှာတွင် “မိမိတို့နဲ့ ပထဝီနယ်မြေချင်း ဆက်စပ်လျက်ရှိတဲ့ အာရက္ခတပ်တော် အနေဖြင့် ချင်းညီနောင် (Chin Brotherhood) အား မိမိတို့ဒေသတွင် မြို့သိမ်းတိုက်ပွဲများ အောင်မြင်စွာဆင်နွှဲနိုင်သည်အထိ လေ့ကျင့်သင်တန်းပေးခြင်း၊…