ပြည်တွင်းသတင်း

မတ်လ ၁၄ ရက်။ နိုင်ငံအတွင်း ပဋိပက္ခများ၊ နေရပ်စွန့်ခွာရွှေ့ပြောင်းမှုများနှင့် သွားရောက်ကူညီခွင့်ကန့်သတ်ချက်များ တိုးမြင့်လာခြင်းကြောင့် စားနပ်ရိက္ခာ အကူအညီလိုအပ်ချက်များ ပိုမိုများပြားလာနေချိန်မှာရန်ပုံငွေမလုံလောက်တာကြောင့် မြန်မာနိုင်ငံက လူဦးရေ ၁ သန်းအတွက် စားနပ်ရိက္ခာ အထောက်အပံ့တွေကို လာမယ့် ဧပြီလကစတင်ပြီး ရပ်ဆိုင်းကြောင်းကမ္ဘာစားနပ်ရိက္ခာအဖွဲ့ကြီး(WFP) ကဒီနေ့ မတ်လ ၁၄ ရက်မှာ သတင်းထုတ်ပြန်လိုက်ပါတယ်။ အခုလို အကူအညီ ရပ်ဆိုင်းတာက WFP ရဲ့ ထောက်ပံ့မှုကိုသာအားပြုနေရတဲ့ နိုင်ငံတဝှမ်းက ထိခိုက်လွယ် လူထုအတွက် ပြင်းပြင်းထန်ထန် ဆိုးဆိုးရွား ရိုက်ခတ်နိုင်တယ်လို့ WFP ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် မိုက်ကယ်ဒန်ဖို့ဒ်က ပြောပါတယ်။ အထောက်အပံ့ရပ်ဆိုင်းမှုဟာ ရိုဟင်ဂျာ အသိုင်းအဝိုင်းအပါအဝင် ရခိုင်ပြည်နယ်အလယ်ပိုင်းက နေရပ်စွန့်ခွာသူဦးရေ တစ်သိန်းကိုပါ ထိခိုက်မယ်လို့ WFP ကအသိပေးပါတယ်။ အခုနှစ် အတွင်း မြန်မာပြည်သူတွေအတွက်…

မတ်လ ၁၁ ရက်။ မကွေးတိုင်း၊ ငဖဲမြို့နယ်၊ အမ်း – ပဒါန်းလမ်းက တောင်ပေါ်ချင်းရွာတွေက ဒေသခံတွေဟာ အခုနှစ်ကော်ဖီခူးတဲ့ရာသီမှာ တိုက်ပွဲတွေကြောင့်ထွက်ပြေးတိမ်းရှောင်နေရလို့ အများစုက ကော်ဖီမခူးယူနိုင်ကြဘူးလို့ သိရပါတယ်။ ဒေသခံတွေဟာ ကော်ဖီကိုစီးပွားဖြစ် အရင်ကတည်းက စိုက်ပျိုးလာကြတာဖြစ်ပြီး စိုက်ထားတဲ့ ကော်ဖီတွေကိုလည်း ဇန်နဝါရီလ၊ ဖေဖော်ဝါရီလနဲ့ မတ်လတွေမှာ ခူးလေ့ရှိပြီး ဒီနှစ်မှာတော့တိုက်ပွဲတွေကြောင့် ဒေသခံတွေဟာ မခူးယူနိုင်ကြသလို ကော်ဖီခူးဖို့ ရွာမှာကျန်ခဲ့တဲ့ ဒေသခံတွေ စစ်ကောင်စီလေကြောင်းတိုက်တာခံရလို့ သေဆုံး၊ ထိခိုက်တာမျိုးတွေလည်း ပြီးခဲ့တဲ့ ဖေဖော်ဝါရီလ ၁၄ ရက်နေ့က ဖြစ်ခဲ့တာတွေကြောင့်လည်း ဒေသခံတွေအများစု ဘေးလွတ်ရာထွက်ပြေးတိမ်းရှောင် နေရတာလို့သိရပါတယ်။ ဒေသခံတစ်ဦးက “ဒီနှစ်မှာတော့ ကော်ဖီခူးတဲ့ရာသီမှာ တိုက်ပွဲတွေဖြစ်တဲ့ခါကြတော့ အများစုကမခူးနိုင်ကြဘူး ဈေးကလဲ အရင်နှစ်တွေထက်နှစ်ဆလောက်ရတယ် အရင်နှစ်က ကော်ဖီစေ့တစ်ပိဿာကို တစ်သောင်းခွဲရတယ် ဒီနှစ်မှာတော့ သုံးသောင်းလောက်ရတယ် ဒီထက်ဈေးပိုရမယ်လို့လည်း…

မတ်လ ၁၀ ရက်။ မကွေးတိုင်း၊ ငဖဲမြို့နယ်၊ စပ်စီ(အရှိုချင်း)ရွာက ဒေသခံ ဒေါ်ပလွန် (၅၄)နှစ်နဲ့ မိုင်အက်စတာမန်း (၁၈) နှစ် အရွယ် သားအမိ တို့ကို စစ်ကောင်စီက သံသယရှိတယ်ဆိုပြီး မတ်လ (၇) ရက်နေ့က ဖမ်းဆီးခဲ့ကာ ဒီကနေ့အချိန်ထိပြန်လွှတ်မပေးသေးဘူးလို့ ဒေသခံတွေဆီကသိရပါတယ်။ ငဖဲမြို့နယ်က လက်နက်စက်ရုံ(က.ပ.စ) က စစ်ကောင်စီ အင်အား ၄၀ ကျော်ဟာ ကားနှစ်စီး၊ဆိုင်ကယ် (၇) စီးတို့နဲ့ စပ်စီရွာကို မတ်လ (၇)ရက်နေ့ နေ့လည်နှစ်နာရီဝန်းကျင်လောက်မှာ ဝင်ရောက်လာပြီး ဒေါ်ပလွန်နဲ့သူသမီး မိုင်အက်စတာမန်းတို့ကို ဖမ်းဆီးခဲ့တာလို့ ဒေသခံတွေက ပြောပါတယ်။ ဒေသခံတစ်ဦးက “အဲဒီနေ့က သူတို့အိမ်က လက်တော့ပ်တစ်လုံး၊ ဖုန်းတစ်လုံးကိုလည်း စစ်ကောင်စီက သိမ်းသွားတယ် ပြီးတော့ စပ်စီရွာ ခရစ်ယာန်ဘုရားကျောင်းက မူကြိုကျောင်းကိုလည်း စစ်ကောင်စီတွေက…

မတ်လ ၇ ရက်။ အထွေထွေရွေးကောက်ပွဲကို လာမယ့် ဒီဇင်ဘာလ မဟုတ်ရင် ၂၀၂၆ ခုနှစ်၊ ဇန်နဝါရီလထဲမှာ ကျင်းပသွားဖို့ စီစဉ်ထားတဲ့အကြောင်း ဘယ်လာရုစ်နိုင်ငံကို ချစ်ကြည်ရေး ခရီးရောက်ရှိနေတဲ့ အာဏာသိမ်းစစ်ကောင်စီဥက္ကဌဗိုလ်ချုပ်မှူးကြီးမင်းအောင်လှိုင်က ဒီကနေ့ မတ်လ ၇ ရက်နေ့မှာ ပြောကြားခဲ့တယ်လို့ သိရပါတယ်။ ရုရှားနိုင်ငံကိုသွားရောက်ပြီးနောက် ဘယ်လာရုစ်နိုင်ငံကို ရောက်ရှိနေတဲ့ အာဏာသိမ်းစစ်ကောင်စီဥက္ကဌဗိုလ်ချုပ်မှူးကြီးမင်းအောင်လှိုင်က ဒီကနေ့ မတ်လ ၇ ရက်နေ့မှာ ဘယ်လာရုစ်သမ္မတ လူကာရှန်ကို နဲ့ ပြုလုပ်တဲ့ ပူးတွဲသတင်းစာ ရှင်းလင်းပွဲမှာ ရွေးကောက်ပွဲအကြောင်း ထုတ်ဖော် ဖြေကြားခဲ့တယ်လို့လည်း သိရပါတယ်။ ဗိုလ်ချုပ်မှူးကြီးမင်းအောင်လှိုင်က “ကျနော်တို့ဟာ ပြီးခဲ့တဲ့ ၂၀၂၀ ပြည့်နှစ် ရွေးကောက်ပွဲမှာ မဲမသမာမှု ဖြစ်ခဲ့တဲ့အတွက် ကျနော့်တို့နိုင်ငံမှာ အရေးပေါ် အခြေအနေ ကြေညာပြီးတော့ ခေတ္တတာဝန် ယူထားတာ ဖြစ်ပါတယ်။…

မတ်လ ၅ ရက်။ နွေဦးတော်လှန်ရေး ကာလအတွင်း ချင်းလူမျိုးတွေရဲ့ ညီညွှတ်ရေးဟာ တခြားသော လူမျိုးစုတော်လျန်ရေးအဖွဲ့တွေအတွက် ကနဦးစံပြဖြစ်လာဖို့ လိုအပ်ကြောင်း၊ချင်းပြည်ကောင်စီ [CC] နဲ့ ကြားကာလ ချင်းအမျိုးသားအတိုင်ပင်ခံကောင်စီ/ ချင်းညီနောင် (ICNCC/CB) အကြား ပြန်လည်ပေါင်းစည်းရန် ကြိုးပမ်းမှုတွေကို အဓိက အသားပေးပြီး အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလက မတ်လ ၄ ရက်နေ့က ကျင်းပခဲ့တဲ့ NUG အစိုးရအဖွဲ့အစည်းအဝေးမှာ ပြောခဲ့ပါတယ်။ အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလက “ခုဆိုရင် ချင်းပြည်ကောင်စီ [CC] နဲ့ ကြားကာလ ချင်းအမျိုးသားအတိုင်ပင်ခံကောင်စီ/ ချင်းညီနောင် (ICNCC/CB) တို့အကြား ဘုံပေါင်းစည်းမှုတစ်ရပ် လုပ်ဆောင်နိုင်ဖို့ ခြေလှမ်းစနိုင်တော့မှာ ဖြစ်ကြောင်း ကြားသိရတာကြောင့်၊ ကျွန်တော်တို့ အမျိုးသားညီညွတ်ရေးအစိုးရအဖွဲ့ တစ်ခုလုံးက ဝမ်းသာ ဂုဏ်ယူမိခဲ့ ကြပါတယ်။…

ဖေဖော်ဝါရီလ ၂၈ ရက်။ ဒီကနေ့ ဖေဖော်ဝါရီလ ၂၈ ရက်ညမှာ Myanmar Star သီချင်းဆိုပြိုင်ပွဲ Season 2 ရဲ့ Top 7 ကို ရွေးချယ်ခဲ့ရာမှာ ချင်းလူငယ် နှစ်ဦး ဖြစ်တဲ့ Ephraim Kyaw Oo နှင့် Hoihpi တို့ ဆက်လက် ပါဝင်လာခဲ့ကြောင်း Myanmar Star ရဲ့ တိုက်ရိုက် ထုတ်လွင့်မှု အရ သိရှိခဲ့ရ ပါတယ်။ Myanmar Star Season 2 ရဲ့ Top 8 ကနေ Top 7 အဖြစ် ရွေးချယ် ရရှိ သူတွေကတော့ Ephraim Kyaw Oo (Paletwa), Hoihpi…

ဖေဖော်ဝါရီလ ၂၈ ရက်။ ဖေဖော်ဝါရီလ ၂၇ ရက်နေ့မှာ နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၁ (MICC-1)၊ ကျောက်စိမ်း ခန်းမမှာ မြန်မာနိုင်ငံရဲ့ ဒစ်ဂျစ်တယ် ငွေပေးချေမှုများ အတွက် ငွေကြေးအဖွဲ့အစည်းတွေအကြား ငွေလွှဲပြောင်းမှုနဲ့ အပြန်အလှန်ငွေပေးချေမှု ပြုလုပ်နိုင်မယ့် National QR Standard ဖြစ်တဲ့ MMQR စတင် အသုံးပြုခြင်း အခမ်းအနားကျင်းပခဲ့တယ်လို့ ပြန်ကြားရေးဝန်ကြီးဌာနရဲ့ သတင်းဖော်ပြချက်များ အရ သိရှိရပါတယ်။ MMQR ဟာ မြန်မာ နိုင်ငံရဲ့ National Standard အဖြစ် သတ်မှတ်ထားတဲ့ QR Code နဲ့ ငွေပေးမှုကို ထောက်ပံ့ပေးမယ့် Digital Payment Switch တစ်ခုဖြစ်ပြီး မြန်မာနိုင်ငံတော် ဗဟိုဘဏ်က ကြီးကြပ်ဦးဆောင် ပြီး ဆောင်ရွက်ခဲ့ခြင်း…

ဖေဖော်ဝါရီလ ၂၆ ရက်။ အာရက္ခတပ်တော် (AA) ထိုးစစ်ဆင်တိုက်ခိုက်မှုတွေကြောင့် မကွေးတိုင်း၊ ငဖဲမြို့နယ်က နတ်ရေကန်လေကြောင်းရန် ကာကွယ်ရေးတပ်၊ ကာကင်းစခန်းတွေကနေ စခန်းစွန့် ထွက်ပြေးလာတဲ့ စစ်ကောင်စီတပ်ဖွဲ့ဝင် ၂၃ ဦးကို ၃ ရက်အတွင်း လက်နက်ခဲယမ်းတွေနဲ့အတူ ဖမ်းဆီးရမိတယ်လို့ ချင်းကာကွယ်ရေးတပ် – အရှို (CDF – Asho) က ဒီကနေ့ ဖေဖော်ဝါရီလ ၂၆ ရက်နေ့မှာ ထုတ်ပြန်ပါတယ်။ မကွေးတိုင်း၊ ငဖဲမြို့နယ်ရှိ နတ်ရေကန်လေကြောင်းရန် ကာကွယ်ရေးတပ်ရှိတဲ့ တောင်ကုန်းတွေကို အာရက္ခတပ်တော် (AA) က ထိုးစစ်ဆင်တိုက်ခိုက်စဉ်အတွင်း ကာကင်းစခန်းတွေကနေ ထွက်ပြေးလာတဲ့ စစ်ကောင်စီတပ်ဖွဲ့ဝင်တွေကို ဖေဖော်ဝါရီလ ၂၄ ရက်နေ့စလို့ နယ်မြေရှင်းလင်းဖမ်းဆီးလျှက်ရှိရာ ဒီကနေ့ ဖေဖော်ဝါရီလ ၂၆ ရက်နေ့အထိ ၃ ရက်တာအတွင်း စစ်ကောင်စီတပ်သား…

ဖေဖော်ဝါရီလ ၂၅ ရက်။ စစ်ကောင်စီအာဏာသိမ်းပြီးနောက် သုံးနှစ်ကျော်ပဋိပက္ခကာလအတွင်း တစ်နိုင်ငံလုံးမှာ မီးရှို့ဖျက်ဆီးခံရတဲ့အိမ်အရေအတွက် တစ်သိန်းကျော်ရှိပြီဖြစ်တယ်လို့ Data for Myanmar က ဖေဖော်ဝါရီလ (၂၁) ရက်မှာ ထုတ်ပြန်တဲ့ အစီရင်ခံစာအရသိရပါတယ်။ အဆိုပါအစီအရင်ခံစာဟာ ၂၀၂၁ ခုနှစ်ကနေ ၂၀၂၄ နိုဝင်ဘာလအထိ ကောက်ခံရရှိတဲ့စာရင်းဖြစ်ပြီး ၂၀၂၄ နိုဝင်ဘာလ နောက်ပိုင်း မီးရှို့ဖျက်ဆီးခံရတဲ့အိမ် အခြေအနေနဲ့ ကချင်ပြည်နယ်၊ ကယားပြည်နယ်တို့က အရေအတွက်အချို့မပါဝင်သေးဘူးလို့ဆိုပါတယ်။ ၂၀၂၄ နိုဝင်ဘာလအထိ ကောက်ခံရရှိတဲ့ စာရင်းအရ တစ်နိုင်ငံလုံးမှာ လူနေအိမ်အပါအဝင် အခြားအဆောက်အဦး မီးလောင်ပျက်စီးမှုအရေအတွက်ဟာ ၁၀၉၂၄၂ လုံးရှိပြီဖြစ်တယ်လို့ အစီရင်ခံစာကဖော်ပြပါတယ်။ ယခုအရေအတွက်ဟာလည်း Data for Myanmar ရဲ့ကောက်ခံရရှိထားတဲ့စာရင်းဖြစ်ပြီး လက်တွေ့မြေပြင်မှာ ယခုအရေအတွက်ထက် ပိုများမှာဖြစ်တယ်လို့ ဖော်ပြထားပါတယ်။ ၄ နှစ်အတွင်း ချင်းလူမျိုးတွေပိုင်ဆိုင်တဲ့အိမ် ၃၇၀၀…

ဖေဖော်ဝါရီလ ၂၅ ရက်။ မကွေးတိုင်း၊ ငဖဲမြို့နယ်၊ အမ်း – ပဒါန်း လမ်းမပေါ်မှာရှိတဲ့ လင်းတဲကျေးရွာက ဒေသခံအရှိုချင်းစစ်ရှောင်တွေခိုလှုံနေတဲ့ဘုန်းကြီးကျောင်းကို စစ်ကောင်စီက ယမန်နေ့ ဖေဖော်ဝါရီလ ၂၄ ရက်နေ့ နေ့လည်မှာ လေကြောင်းကနေ ဗုံးကြဲတိုက်ခိုက်ခဲ့လို့ ချင်းအမျိုးသား ၂ ဦးသေဆုံးပြီး အသက်အန္တရယ်စိုးရိမ်ရ ထိခိုက်ဒဏ်ရသူလည်း ရှိခဲ့တယ်လို့ ဒေသခံတွေဆီကနေ သိရပါတယ်။ အမ်း – ပဒါန်း လမ်းမပေါ်မှာရှိတဲ့ စစ်ကောင်စီတပ်ဖွဲ့နဲ့ အာရက္ခတပ်တော် (AA) နဲ့ ပူးပေါင်းတော်လှန်ရေးတပ်ဖွဲ့တွေရဲ့ တိုက်ပွဲတွေဟာ လင်းတဲကျေးရွာ အနီးနားပက်ဝန်းကျင်ရောက်လာတဲ့အချိန် ဒေသခံတွေဟာ ဘုန်းကြီးကျောင်းထဲ ထွက်ပြေးခိုလှုံနေကြတာဖြစ်ပြီး အဲဒီနေရာကို မနေ့က စစ်ကောင်စီက လေကြောင်းကနေ ဗုံးသီးနှစ်လုံးနဲ့တိုက်ခိုက်ခဲ့တာဖြစ်ပါတယ်။ ဒေသခံတစ်ဦးက “လင်းတဲကျေးရွာက စစ်ကောင်စီရဲ့ အမ်း – ပဒါန်း လမ်းမပေါ်မှာရှိတဲ့ နတ်ရေကန်ပျူဟာကုန်း…