ပြည်တွင်းသတင်း

ဖေဖော်၀ါရီလ ၁ ရက်။ WLB က ၂၀၂၅ ခုနှစ်အတွင်း မှတ်တမ်းတင်ထားတဲ့အကြမ်းဖက်မှုဖြစ်စဉ် ၂၀၉ ခုထဲမှာ အဓမ္မပြုကျင့်မှု ၂၈ မှုနဲ့ လိင်ပိုင်းဆိုင်ရာ စော်ကားနှောင့်ယှက်မှု ၃၆ မှုတို့ ပါဝင်နေပြီး ဒါတွေဟာ ချင်းပြည်နယ်အပါအဝင် နိုင်ငံတစ်ဝှမ်းက ပဋိပက္ခဒေသတွေမှာ ဖြစ်ပွားခဲ့တာဖြစ်တယ်လို့ ဒီနေ့ဖေဖော်ဝါရီ ၁ ရက်မှာ အမျိုးသမီးများအဖွဲ့ချုပ် (မြန်မာနိုင်ငံ) – WLB က ထုတ်ပြန်ပါတယ်။ WLB ရဲ့ “Looking Back on 2025” အစီရင်ခံစာအရ ပြီးခဲ့တဲ့နှစ်အတွင်း မှတ်တမ်းတင်ရရှိတဲ့ ကျား၊ မ အခြေပြု အကြမ်းဖက်မှုဖြစ်စဉ် ၂၀၉ ခုထဲမှာ အိမ်တွင်းအကြမ်းဖက်မှု ၁၄၅ မှုနဲ့အတူ အဓမ္မပြုကျင့်မှု ၂၈ မှု၊ လိင်ပိုင်းဆိုင်ရာ စော်ကားနှောင့်ယှက်မှု…

ဇန်နဝါရီလ ၂၇ ရက်။ အာဏာသိမ်းစစ်ကော်မရှင် ကျင်းပတဲ့ ပါတီစုံရွေးကောက်ပွဲမှာ ရန်ကုန်တိုင်းဒေသကြီးမှာ ပါဝင်ယှဉ်ပြိုင်ခဲ့ကြတဲ့ ချင်းလူမျိုးကိုယ်စားလှယ် ၄ ဦးစလုံး ရှုံးနိမ့်ခဲ့တယ်လို့ သိရပါတယ်။ ရန်ကုန်တိုင်းမှာဝင်ရောက်ယှဉ်ပြိုင်ခဲ့တဲ့ ချင်းလူမျိုး ၄ ဦးဟာ ဝါရင့်ချင်းနိုင်ငံရေးသမားဖြစ်သူ CNLD ပါတီဥက္ကဋ္ဌ ဟောင်း ပူးဇိုဇမ်၊ဒေါ်နှဲမ်အဲမ်ပါရ်၊ဦးပေါင်ရှမ်း ဟောက်(ခ) ပေါ်လ် ပေါင်ရှန်ဟောက်၊ဦး တော်နီလျန် တို့ဖြစ်ကြပါတယ်။ ဝါရင့်ချင်းနိုင်ငံရေးသမား၊CNLD ပါတီဥက္ကဋ္ဌ ဟောင်း ပူးဇိုဇမ်က ကျားဖြူပါတီ/ရှမ်းနှင့်တိုင်းရင်းသားများဒီမိုကရက်တစ်ပါတီ( SNDP) ကိုယ်စားပြုပြီး ရန်ကုန်တိုင်း ဒေသကြီးမှာ PR စနစ်အမျိုးသားလွှတ်တော်မဲဆန္ဒနယ်(၃)မှာဝင်ရောက်ယှဉ်ပြိုင်ခဲ့ပြီး ၊ ဦးတော်နီလျန်က မြန်မာနိုင်ငံ တောင်သူလယ်သမားဖွံဖြိုးတိုးတက်ရေးပါတီကိုယ်စားပြုပြီး PR စနစ် ရန်ကုန်တိုင်းဒေသကြီးလွှတ်တော်မဲဆန္ဒနယ် ၁ မှာ ယှဉ်ပြိုင်ခဲ့ပြီး ၊ချင်းအမျိုးသမီးတစ်ဦးဖြစ်တဲ့ ဒေါ်နှဲမ်အဲမ်ပါရ်က မြန်မာနိုင်ငံတောင်သူလယ်သမားဖွံဖြိုးတိုးတက်ရေးပါတီကိုယ်စားပြုပြီး အင်းစိန်မဲဆန္ဒနယ်ကနေ FPTP စနစ်ပြည်သူ့လွှတ်တော်နေရာဝင်ရောက်ယှဉ်ပြိုင်ခဲ့ကာ ချင်းအမျိုးသားတစ်ဦးဖြစ်တဲ့…

ဇန်နဝါရီလ ၂၂ ရက်။ တောင်ပေါ် မြေပြန့်အပါအဝင်ပြည်ထောင်စုတစ်ခုလုံးရှိ တိုင်းရင်းသားလူမျိုးစုအားလုံးတွက် ကောင်းမွန်မျှတမှုရှိတဲ့ နိုင်ငံရေးစနစ်တစ်ရပ်ပေါ်ပေါက်ရန်နဲ့ တန်းတူညီမျှမှုရှိတဲ့ ပြည်ထောင်စုသစ်တစ်ရပ် ပေါ်ပေါက်သည်အထိ ဆက်လက်တိုက်ပွဲဝင်သွားမယ်လို့ ချင်းကာကွယ်ရေးတပ် – အရှို ( CDF – Asho) တည်ထောင်ခြင်း ၃ နှစ်ပြည့်တဲ့ ဇန်နဝါရီလ ၂၁ ရက်နေ့မှာ CDF-Asho က ထုတ်ပြန်ပါတယ်။ ချင်းကာကွယ်ရေးတပ် – အရှို ရဲ့ တော်လှန်ရေးခရီး ၃ နှစ်တာအတွင်း ပြည်တွင်းပြည်ပရှိ တော်လှန်ပြည်သူတွေရဲ့ ပံ့ပိုးဝန်းရံမှုတွေကြောင့် စစ်ဆင်ရေးနဲ့ ပြည်သူ့အကျိုးပြုလုပ်ငန်း ဖော်ဆောင်နိုင်မှုအပေါ် လေးစားဂုဏ်ယူတယ်လို့လည်း ဖော်ပြထားပါတယ်။ ချင်းကာကွယ်ရေးတပ် – အရှို ရဲ့ စစ်ဆင်ရေးတွေမှာ အသက်၊ သွေး၊ ချွေးနဲ့ ကိုယ်ခန္ဓာ အစိတ်အပိုင်းတွေကို စွန့်လွှတ်ပေးဆပ်ခဲ့ရတဲ့ တော်လှန်ရေးရဲဘော်…

ဇန်နဝါရီလ ၂၂ ရက်။ ၂၀၂၅ ခုနှစ် တစ်နှစ်အတွင်း မြန်မာနိုင်ငံမှာစစ်ကော်မရှင်ရဲ့ လေကြောင်းတိုက်ခိုက်မှုကြောင့် အရပ်သားသေဆုံးသူ ဦးရေဟာ ၂,၃၂၆ ဦး သေဆုံးခဲ့ရပြီး ၄ ထောင်ကျော် ထိခိုက်ဒဏ်ရာရခဲ့တယ်လို့ အမျိုးသားညီညွှတ်ရေးအစိုးရ(NUG)၊ကာကွယ်ရေးဝန်ကြီးဌာနရဲ့ ဇန်နဝါရီလ ၂၁ ရက်နေ့ ထုတ်ပြန်ချက်အရ သိရပါတယ်။ စစ်ကော်မရှင်လေကြောင်းတိုက်ခိုက်မှုတွေကို ၂၀၂၅ ခုနှစ်၊ ဇန်နဝါရီလကနေ ဒီဇင်ဘာလအထိ ၁ နှစ်အတွင်း လ အလိုက် သေဆုံးသူဦးရေ၊ထိခိုက်ပျက်စီးသွားတဲ့နေအိမ်အဆောက်အအုံတွေ ဘာသာရေးဆိုင်ရာ အဆောက်အအုံ စာရင်းတွေကို NUG က ဖော်ပြထားတာကိုလည်း တွေ့ရပါတယ်။ ဒီထဲမှာ အောက်တိုဘာလ၊ သြဂုတ်လ နဲ့ မေလ တွေမှာ စစ်ကော်မရှင်ရဲ့ လေကြောင်းတိုက်ခိုက်မှုကြောင့် အရပ်သားသေဆုံးမှုက အများဆုံးလတွေဖြစ်တယ်လို့လည်းတွေ့ရပြီး ပညာရေးဆိုင်ရာအဆောက်အအုံ စုစုပေါင်း ၁၀၂ အုံပျက်စီးပြီး ကျန်းမာရေးဆိုင်ရာအဆောက်အအုံ ၃၆…

ဇန်န၀ါရီလ ၁၇ ရက်။ စစ်ကိုင်းတိုင်း၊ ကလေးမြို့ပေါ်မှာ ရပ်ရွာလုံခြုံရေးအပြာဝတ်တွေ ပျူစောထီးတွေ၊ရဲတွေက အင်အားအများအပြားနဲ့ အရွယ်ရောက်ပြီးလူငယ်တွေကို စစ်မှုထမ်းဖို့အတွက် တွေ့ရင်တွေ့တဲ့နေရာ ဖမ်းဆီးတာတွေ လုပ်နေတယ်လို့ ဒေသခံတွေဆီကနေ သိရပါတယ်။ ဒေသခံတစ်ဦးက “အခုနောက်ပိုင်း စစ်မှုထမ်းဆွဲတာက အရင်ထက် ပိုဆိုးရွားလာတယ် အရင်က ရဲကား Brobox အဖြူနဲ့ ရဲလေး၊ ငါးယောက်နဲ့ ဆွဲတယ် ဆွဲပြီးရင် ဆိုင်ကယ်ပါရင် ဆိုင်ကယ်ကို ရဲတွေက စီးသွားတယ် စစ်မှုထမ်းပါတဲ့သူကိုတော့ သူတို့ကားထဲခေါ်သွားတယ် အခုကြတော့ အဲလိုမဟုတ်တော့ဘူး ပိုဆိုးလာတယ် ရပ်ရွာလုံခြုံရေးဆိုတဲ့ အပြာဝတ်တွေပါတယ် စစ်သားတွေတော့ လုံးဝမပါတော့ဘူး ရဲတွေပါတယ် ပျူစောထီးတွေပါတယ် ကား ၃၊ ၄ စီး အင်အားအများကြီးနဲ့ပေါ့ သူတို့ကဆွဲရင် ဆိုင်ကယ်တွေ ဖုန်းတွေ မစစ်ဘူး လူကိုဘဲ အဓိကဖမ်းတယ် မော်တော်ပီကေတွေ…

ဇန်န၀ါရီလ ၁၆ ရက်။ စစ်ကိုင်းတိုင်း၊ ကလေးမြို့နယ်အတွင်း အခြေပြုစစ်ရေးလှုပ်ရှားနေတဲ့ ချင်းလက်နက်ကိုင် ကာကွယ်ရေးတပ်ဖွဲ့တစ်ခုဖြစ်တဲ့ Chinland Defense Force – Kalay Kabaw Gangaw (CDF – KKG ) တပ်ဖွဲ့ဝင် ၁၂ ဦး ဟာ ကလေး – ဂန့်ဂေါ ဒေသ တိုက်ပွဲတွေအတွင်း ကျဆုံးခဲ့ရပြီလို့ ဇန်နဝါရီလ ၁၅ ရက်နေ့ ထုတ်ပြန်ချက်အရ သိရပါတယ်။ ကျဆုံးရဲဘော် အများစုဟာ ကလေးတောင်ပိုင်း ကလေး – ဂန့်ဂေါအကြားမှာရှိတဲ့ အာဏာသိမ်း စစ်ကော်မရှင်နဲ့တိုက်ပွဲအကြား ကျဆုံးခဲ့ကြတာလို့လည်း CDF – KKG ထုတ်ပြန်ချက်အရ သိရပါတယ်။ ကလေးမြို့နယ် မှန်တော တိုက်ပွဲအတွင်း ၂၀၂၅ ခုနှစ်၊ အောက်တိုဘာလ (၁၇)…

ဇန်န၀ါရီလ ၁၂ ရက်။ စစ်ကိုင်းတိုင်း၊ ကလေးဝမြို့ကနေ တမူးခရိုင်၊ခမ်းပတ်မြို့ကို သယ်ဆောင်လာတဲ့ ငွေကျပ် ၁ ဒသမ ၉ ဘီလီယံတန်ဖိုးရှိတဲ့ ဘိန်းဖြူ ၃၈ ကီလိုကျော်ကို အာဏာသိမ်း စစ်ကော်မရှင် လက်အောင်ခံ ရဲတပ်ဖွဲ့က ဖမ်းဆီးရမိခဲ့တယ်လို့ စစ်ကော်မရှင် ထိန်းချုပ်ထားတဲ့ မြန်မာ့အလင်းသတင်းစာမှာ ဇန်နဝါရီလ ၁၁ ရက်နေ့က ဖော်ပြထားတာတွေ့ရပါတယ်။ ပြီးခဲ့တဲ့ ဇန်နဝါရီလ ၃ ရက်နေ့ ညနေ ၅ နာရီခွဲ ဝန်းကျင်မှာ ကလေးဝ – မော်လိုက် သွားကားလမ်း နန်းမော်ကယ်ကျေးရွာ အနီးမှာ မော်လိုက်မြို့နယ် ၊ နန်းခမ်းပါတ်သစ်တောကြိုးဝိုင်း၊ ပျဉ်းကတိုးစိုက်ခင်းနေ ကျော်ဇင်လင်း (ခ) မောင်ကောင်း (၂၆) နှစ် မောင်းနှင်လာတဲ့ မော်တော်ယာဉ် ကို သတင်းရလို့ ရပ်တန့်စစ်ဆေးရှာဖွေခဲ့ရာ…

ဒီဇင်ဘာလ ၂၉ ရက်။ ဒီဇင်ဘာလ ၂၈ ရက်နေ့မှာ စစ်ကော်မရှင် ကျင်းပတဲ့ ၂၀၂၅ ခုနှစ် ပါတီစုံ အထွေထွေ ရွေးကောက်ပွဲမှာ စစ်ကိုင်းတိုင်း၊ကလေးမြို့ကလွှတ်တော်နေရာမဲဆန္ဒနယ် အားလုံးမှာပြည်ထောင်စု ကြုံခိုင်ရေးနှင့် ဖွံ့ဖြိုးရေးပါတီမှ အနိုင်ရရှိခဲ့တယ် လို့ Chin World Media ရဲ့ သတင်းအရင်းအမြစ်ထံမှ သိရှိရ ပါတယ်။ ကလေးမြို့မှာ ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ၊ တိုင်းရင်းသား စည်းလုံး ညီညွတ်ရေးပါတီ၊ ပြည်သူ့ရှေ့ဆောင်ပါတီ နှင့် ရှမ်းနီ (တိုင်းလျန်) ပါတီ တို့ယှဉ်ပြိုင်ခဲ့ ပြီး ကြံ့ခိုင်ရေးပါတီမှ ဒုတိယ မဲအရေအတွက် လိုက်သည့် တစည ပါတီကို ပြည်သူလွှတ်တော် မဲဆန္ဒနယ် မှာ မဲ အရေအတွက် ၈ ထောင်…

ဒီဇင်ဘာလ ၂၈ ရက်။ အာဏာသိမ်း စစ်ကော်မရှင် ကျင်းပတဲ့ ပါတီစုံအထွေထွေရွေးကောက်ပွဲ စတင်ကျင်းပတဲ့ ဒီကနေ့ ဒီဇင်ဘာလ ၂၈ ရက်နေ့မှာ စစ်ကိုင်းတိုင်း၊ ကလေးမြို့ပေါ်မှာ ဒေသခံပြည်သူတွေဟာ အပြင်ထွက်သွားလာတာ မရှိသလောက်နည်းပါးတယ်လို့ ဒေသခံတွေဆီကနေ သိရပါတယ်။ ဒေသခံတစ်ဦးက ” အခြေအနေကတော့ ပြည်သူလူထုက အသံတိတ်သပိတ် လုပ်ကြတဲ့ ပုံစံမျိုးပဲ လမ်းတွေပေါ် လူကိုရှင်းနေတာပဲ ဒါကိုကြည့်ပြီး မဲရုံသွားပြီး မဲမပေးကြဘူးဆိုတာ သိနိုင်တာပေါ့ မဲပေးတဲ့သူတွေက သူတ်ို့ (စစ်ကော်မရှင်) နဲ့ မကင်းတဲ့သူတွေ သူတို့ကို ထောက်ခံတဲ့ အနည်းစုပဲရှိတယ်၊ ဈေးဆိုင်တွေလဲ ပိတ်ထားကြတယ် ဈေးဝယ်သူတွေလည်း မရှိကြဘူး လမ်းတွေပေါ်လဲ လူသွားလူလာ မရှိဘူး” လို့ပြောပါတယ်။ စစ်ကော်မရှင်က ကလေးမြို့ပေါ် မင်္ဂလာဥယာဉ်က အမှတ် (၁၀) ကျောင်း၊ အောင်သစ္စာက…

ဒီဇင်ဘာလ ၂၄ ရက်။ မကွေးတိုင်း၊ ငဖဲမြို့နယ် ၊ နတ်ရေကန်လေကြောင်းရန်ကာကွယ်ရေးတပ်စခန်းအနီး ပဇီကျေးရွာအနီး ရှေ့တန်းစစ်မြေပြင်က စစ်ကော်မရှင်တပ်ဖွဲ့ဝင် ၃ ဦး ဟာ ချင်းကာကွယ်ရေးတပ်ဖွဲ့ – အရှို ( CDF – Asho) ထံ လက်နက်ခဲယမ်းတွေနဲ့အတူ အလင်းဝင်ပူးပေါင်းခဲ့တယ်လို့ CDF – Asho က ဒီဇင်ဘာလ ၂၄ ရက်နေ့မှာ ထုတ်ပြန်ပါတယ်။ စစ်ကော်မရှင်တပ်ဖွဲ့ဟာ စစ်မှုမထမ်းမနေရ ဥပဒေကို ခုတုံးလုပ်ကာ မြန်မာနိုင်ငံအနှံ့က လူငယ်တွေကို တပ်သားစုဆောင်းပြီး တိုက်ပွဲဖြစ်ပွားနေတဲ့ ရှေ့တန်းစစ်မြေပြင်တွေကို ပို့ဆောင်ခြင်း၊ စစ်အင်အားဖြည့်တင်းခြင်းနှင့် စိတ်ဆန္ဒမပါပဲ အစတေးခံများအဖြင့် အသုံးချလျက်ရှိကာ ရှေ့တန်းစစ်မြေပြင်တွင် အထက်တပ်မှုးတွေရဲ့ ဗိုလ်ကျအနိုင်ကျင့်မှု ညှဉ်းပန်းနှိပ်စက်မှုတွေကြောင့် တိုက်ခိုက်လိုစိတ်မရှိကြတော့ပဲ နေ့စဉ်နဲ့အမျှ တပ်ကထွက်ပြေးရန်ကြိုးစားလျှက် ရှိနေတာကိုလည်း ဘက်ပြောင်းအလင်းဝင်ရောက်သူတွေရဲ့ ထွက်ဆိုချက်အရ…