နိုင်ငံတကာသတင်း

မြန်မာနိုင်ငံနဲ့နယ်နမိတ်ထိစပ်တဲ့ အိန္ဒိယနိုင်ငံ၊မဏိပူရ်ပြည်နယ်အစိုးရမှ ပြည်နယ်တွင်း နိုင်ငံခြားသားဝင်ခွင့်အတွက် ဗီဇာ (သို့)နိုင်ငံကူးလက်မှတ်များဖြင့်သာ မဏိပူရ်ပြည်နယ်တွင်းသို့ နယ်စပ်ဖြတ်ကျော်ဝင်ရောက်ခွင့်ပြုမည်ဖြစ်ကြောင်း ဝန်ကြီးချုပ် N Biren Singh ကသတင်းမီဒီယာများသို့ထပ်မံအသိပေးပြောကြားခဲ့ကြောင်း India Today မီဒီယာက ဒီဇင်ဘာ (၂၆) ရက်နေ့မှာဖော်ပြပါတယ်။ မဏိပူရ်ပြည်နယ်ဝန်ကြီးချုပ်က “အိန္ဒိယအစိုးရက လွတ်လပ်စွာသွားလာလှုပ်ရှားမှု FreeMovement Regime (FMR) ကိုထိန်းညှိဖို့ကြိုးစားတာဖြစ်တယ်။ ဘေးပြည်နယ်တွေကတော့မပြဌာန်းဖို့တောင်းဆိုကြတယ်။ အစောပိုင်းကတည်းက ပြည်ထဲရေးဝန်ကြီးဌာနက အိန္ဒိယကိုလာလိုတဲ့ မြန်မာနိုင်ငံသားများကို ဗီဇာထုတ်ပေးဖို့ကိုလည်း ပြောကြားခဲ့ပြီးဖြစ်ပါတယ်။ ဗီဇာနဲ့နိုင်ငံကူးလက်မှတ် ရပြီးမှသာ ခွင့်ပြုမှာပါ” လို့ မီဒီယာများကိုပြောပါတယ်။ Free Movement Regime (FMR) ဟာ ပြည်နယ်တစ်ခုလုံးသို့သွားလာခွင့်မဟုတ်ပဲနယ်စပ်တစ်လျှောက်နေထိုင်သူများကို ဗီဇာနဲ့ နိုင်ငံကူးလက်မှတ်မလိုပဲ နိုင်ငံတစ်ဖက်နဲ့တစ်ဖက်၁၆ ကီလိုမီတာ (၁၀ မိုင်ခန့်) အထိသွားလာဖို့ခွင့်ပြုထားခြင်းဖြစ်ပါတယ်။ ထိုသို့နယ်စပ်ဖြတ်ကျော်ခွင့်ကိုလည်း ၁၄ ရက်အထိသာနေထိုင်ခွင့်ပေးထားတာဖြစ်ပြီးသတ်မှတ်ထားတဲ့ ပြန်ဌာန်းချက်များဖြင့်ကိုက်ညီတဲ့အကြောင်းပြချက်များဖြင့်သာခွင့်ပြုချက်ယူပြီးသွားလာခွင့်ရမှာဖြစ်ပါတယ်။အိန္ဒိယနိုင်ငံအရှေ့မြောက်ဖက်ခြမ်းရှိ…

မီဇိုရမ်ပြည်နယ် Camphai ခရိုင်သစ်တောဦးစီးဌာနနဲ့ အာသံရိုင်ဖယ်တပ်များမှ မြန်မာ – အိန္ဒိယနယ်စပ် မီဇိုရမ်ပြည်နယ် Zokhawthar စစ်ဆေးရေးဂိတ်မှာ ရူးပီးသိန်း (၆၀)တန် တန်ဖိုးရှိ ရှားပါးမျိုးစိတ်‌ဖြစ်တဲ့ De Brazza မျောက် ၄ ကောင်ကို ကယ်တင်နိုင်ခဲ့ပြီး ထိုသို့မှောင်ခိုတင်သွင်းရောင်းဝယ်ရန် ကြိုးစားတဲ့ မြန်မာနိုင်ငံသား တစ်ဦးကို ဒီဇင်ဘာလ (၁၇) ရက်နေ့ဖမ်းဆီးရမိကြောင်း The India Today သတင်းဌာနကဖော်ပြပါတယ်။ တောရိုင်းတိရိစာ္ဆန်များ ရောင်းဝယ်မှုတိုက်ဖြတ်ရေးစီမံချက်ဖြင့် နယ်စပ်ဖြတ်ကျော် သီးခြား ထောက်လှမ်းစစ်ဆေးရေးပွိုင့် III ကို Thangkhupa Kai အနီးတွင် ကင်းစခန်းချကာ နှစ်နိုင်ငံကြား မှောင်ခိုရောင်းဝယ်မှုများကို စောင့်ကြပ်ခဲ့ခြင်းဖြစ်ရာ နယ်စပ်မြို့ Tiau, Khawmawi တွင်နေထိုင်တဲ့ မြန်မာနိုင်ငံသား လတ်ချန်းဟင်မ် (၄၀) နှစ်ကို ဖမ်းစီးရမိခဲ့ခြင်းဖြစ်ပါတယ်။ အဆိုပါမှောင်ခိုကုန်သည်အား…

မီဇိုရမ်ပြည်နယ်၊ လောင်တလိုင်မြို့ကို မြန်မာနိုင်ငံ၊ ချင်းပြည်နယ် ထန်တလန်၊ ဟားခါး ဘက်ကနေ စစ်ဘေးရှောင်လာတဲ့ ချင်းစစ်ဘေးရှောင်တွေ စားနပ်ရိက္ခာ အထောက်အပံ့ အကူအညီတွေ လိုအပ်နေကြတယ်လို့ လောင်တလိုင်မှာ နေထိုင်သူတွေဆီကနေ သိရပါတယ်။ လောင်တလိုင်မြို့ စစ်ဘေးရှောင်စခန်းမှာ နေထိုင်တဲ့သူရော မြို့ပေါ်အိမ်ဌားနေထိုင်သူတွေထဲကလည်း စားသောက်ရေးပိုင်းမှာ အရေးပေါ်ထောက်ပံ့ကူညီမှုတွေ လိုအပ်နေကြသလို နိုင်ငံခြားမှာ ဆွေမျိုးမရှိတဲ့သူတွေဆိုရင် ပိုပြီး အခက်အခဲဖြစ်ကြတယ်လို့ လောင်တလိုင်မှာ နေထိုင်သူ တစ်ဦးကပြောပါတယ်။ လောင်တလိုင်မှာ နေထိုင်သူတစ်ဦးပြောတာက “လောင်တလိုင်မှာတော့ မီဇိုရမ်ပြည်နယ် အခြားနေရာတွေထက်တော့ စစ်ဘေးရှောင်တွေအတွက် စိတ်ပိုင်းဆိုင်ရာအရ ပိုပြီးလုံခြုံမှုရှိတယ်လို့ ခံစားကြတယ်။ ဒီကဒေသခံတွေ၊ အဖွဲ့အစည်းတွေကလည်း စစ်ဘေးရှောင်တွေအပေါ် သည်းခံနားလည်နိုင်မှုပိုပြီး မြင့်မားတယ်လို့ခံစားရတယ်။ စားဝတ်နေရေးအတွက်တော့ စိန်ခေါ်မှုတွေများပါတယ် အထူးသဖြင့် နိုင်ငံခြားမှာ ဆွေမျိုးမရှိတဲ့သူတွေအတွက် ပိုပြီးခက်ခဲကြတယ်။ စစ်ဘေးရှောင်စခန်းမှာ မနေတဲ့ လောင်တလိုင်မြို့ပေါ် အိမ်ဌားနေသူတွေထဲကတောင်မှ အိမ်ထောင်စု…

ဒီဇင်ဘာလ ၇ရက်။ ဒီကနေ့ ဒီဇင်ဘာလ ၇ရက်နေ့ မနက် ၇ နာရီဝန်းကျင်မှာ အိန္ဒိယနိုင်ငံ၊ မီဇိုရမ်ပြည်နယ်၊ လောက်တလိုင်မြို့မှာ ချင်းပြည်နယ် ဟားခါး၊ထန်တလန်မြို့နယ်များမှ လာရောက်ခိုလှုံနေတဲ့ချင်းစစ်ဘေးရှောင် ၅၀ ခန့်က လောင်တလိုင်မြို့တွင်းသန့်ရှင်းရေးအတွက် အမှိုက်ကောက် လှုပ်ရှားမှုပြုလုပ်ခဲ့ကြောင်းသိရပါတယ်။ အဆိုပါလှုပ်ရှားမှုမှာ ပါဝင်ခဲ့တဲ့ သူတစ်ဦးက “ ချင်းစစ်ဘေးရှောင်တွေ အများကြီးနေထိုင်တဲ့ လောင်တလိုင်မြို့အတွက် ဘာလုပ်ပေးနိုင်မလဲဆိုတာ စဉ်းစားကြပြီးမှ အခုလိုအမှိုက်ကောက်တာကို လုပ်ကြတာဖြစ်တယ်” လို့ပြောပါတယ်။ “ချင်းစစ်ဘေးရှောင်တွေအနေနဲ့ ကျနော်တို့ခိုလှုံနေထိုင်တဲ့ ေလာင်တလိုင်မြို့နဲ့ ကျ‌နော်တို့ကို စိတ်ရှည်ရှည်ထားပြီးအစစအရာရာကူညီ‌ေပးတဲ့ ဒီကဒေသခံတွေအတွက် ကောင်းကျိုးတစ်ခုခုလုပ်ပေးဖို့ဆိုပြီး ဒီအမှိုက်ကောက်လှုပ်ရှားမှုကို ပြုလုပ်တာဖြစ်ပါတယ်”လို့လည်း အဆိုပါလှုပ်ရှားမှုမှာ ပါဝင်ခဲ့တဲ့ စစ်ဘေးရှောင်တစ်ဦးကဆက်ပြောပါတယ်။ လောင်တလိုင် ဒုက္ခသည်များဆိုင်ရာ ဘုတ်အဖွဲ့(Lawngtlai Ralzam Zohkhennak Bu – LRZB) အဖွဲ့အစည်းကနေ ဦးဆောင်ပြီး ချင်းပြည်နယ် ထန်တလန်မြို့နယ်…

နိုဝင်ဘာလ ၂၇ ရက်။ မလေးရှားနိုင်ငံ၊ selangor ပြည်နယ် Pandan Mewah အဆောက်အအုံကို ယမန်နေ့ နိုဝင်ဘာလ ၂၆ ရက်နေ့ညနေပိုင်းလောက်စလို့ မလေးရှားအာဏာပိုင်တွေက ဝင်ရောက်စစ်ဆေးခဲ့ပြီး အထောက်အထားမဲ့ မြန်မာနိုင်ငံသား ၈၉ ဦး အပါအဝင် နိုင်ငံခြားသားစုစုပေါင်း ၁၁၉ ဦးကိုဖမ်းဆီးခဲ့တယ်လို့ သိရပါတယ်။ မလေးရှားလဝက၊ ရဲဌာနနဲ့ Ampang Jaya မြူနီစီပယ်ကောင်စီ (MPAJ) အဖွဲ့က ပူးပေါင်းပြီး Pandan Mewah အဆောက်အုံကို ဝင်ဆီးခဲ့ပြီး ညနေ ၆ နာရီကနေ မနက် ၁၁ နာရီအထိ နိုင်ငံခြားသား အယောက် ၄၀၀ ကိုစစ်ဆေးခဲ့ပြီး အဒီထဲကနေ အထောက်ထားမဲ့ မြန်မာနိုင်ငံသား ၈၉ ဦး၊ ဘင်္ဂလားဒေ့ရှ်နိုင်ငံသား ၁၄ ဦး၊ နီပေါနိုင်ငံသား…

နို၀င်ဘာလ ၁၇ ရက်။ အမေရိကန်ပြည်ထောင်စုကို ရောက်ရှိ နေတဲ့အမျိုးသားညီညွတ်ရေးအစိုးရ (NUG) နိုင်ငံတကာ ပူးပေါင်းဆောင်ရွက်ရေးဝန်ကြီးဌာန ဝန်ကြီး ဒေါက်တာဆာဆာနဲ့ တောင်ပိုင်းကယ်လီဖိုးနီးယားမြန်မာမိသားစုများတွေ့ဆုံပွဲကို ဒေသအချိန် နိုဝင်ဘာ ၁၆ ရက် နေ့လယ် ၂ နာရီမှ ညနေ ၅ နာရီအထိ လော့စ်အိန်ဂျယ်လိစ်ကောင်တီ ဘော်ဒွင်ပတ်ခ်မြို့မှာ ကျင်းပခဲ့ရာ ဒေါက်တာဆာဆာက ပြည်တွင်း ပြည်ပ အင်အားစုတွေ စည်းလုံးညီညွတ်ရေးကို တောင်းဆိုခဲ့ပြီး၊ စစ်အုပ်စုအပေါ် ဘဏ္ဍာရေး၊ တရားဝင်မှုနဲ့ စစ်လက်နက်အကူပစ္စည်းတွေ ဖြတ်တောက်ရေးအတွက် ဆောင်ရွက်နေမှုတွေကို  ရှင်းလင်းပြောကြားခဲ့ပါတယ်။ အမျိုးသားညီညွတ် ရေးအစိုးရ(NUG)ဝန်ကြီး ဒေါက်တာဆာဆာနဲ့ အမေရိကန်ပြည်ထောင်စု၊ တောင်ပိုင်းကယ်လီဖိုးနီးယား မိသားစုတွေ တွေ့ဆုံပွဲကနေ ရန်ပုံငွေ စုစုပေါင်း အမေရိကန်ဒေါ်လာ ၃၀,၀၀၀ ကျော်ရရှိခဲ့ပြီး စစ်ဘေးသင့်ပြည်သူတွေအတွက် ကူညီပံ့ပိုးသွားမယ်လို့ သိရပါတယ်။ ‘ခွန်အားဖြည့်မိငယ်’ နဲ့…

နိုဝင်ဘာလ ၇ ရက်။ မလေးရှားနိုင်ငံ ကွာလမ်လာပူမြို့၊ ဘူကစ်ဘင်တန်က ချင်းလူမျိုးတွေအများစုနေထိုင်တဲ့ တိုက်ခန်းတစ်ခုကို မလေးရှား လူဝင်မှုကြီးကြပ်ရေးအဖွဲ့ စည်ပင်၊ ရဲ ပူးပေါင်းအဖွဲ့က ဝင်စီးခဲ့ပြီး အထောက်ထားမဲ့ ချင်းလူမျိုး အယောက် ၂၀ ၊ ဗမာလူမျိုး ၁၀ ယောက် အပါအဝင် နိုင်ငံခြားသား အယောက် ၇၀ ကျော် မနေ့နိုဝင်ဘာလ ၆ ရက်နေ့မှာ ဖမ်းဆီးခံခဲ့ရတယ်လို့ သိရပါတယ်။ ဝင်စီးခံရတဲ့ တိုက်ခန်းအတွင်းက အခန်းအဖွဲ့တွေကိုလည်း မလေးရှားနိုင်ငံ အာဏာပိုင်တွေက မနေ့ကဘဲ ဖျက်ဆီးလိုက်တယ်လို့ ဖြစ်စဉ်သိတဲ့သူတွေပြောပြချက်အရ သိရပါတယ်။ ဖြစ်စဉ်သိတဲ့ မလေးရှားနိုင်ငံက ချင်းလူမျိုး တစ်ဦးပြောတာက “တိုက်ခန်းအောက်မှာနည်းနည်း ညစ်ပက်တော့ ပက်ဝန်းကျင်တွေရဲ့ တိုင်ကြားချက်ကြောင့် ဖမ်းဆီးတာလည်းဖြစ်တယ် ပြီးရင် တိုက်ခန်းမှာ နဂိုရှိပြီးသား မဟုတ်ဘဲနဲ့ ပြင်ပြားတွေနဲ့…

နိုဝင်ဘာလ ၆ ရက်။ လက်ရှိထွက်ပေါ်လာသော မဲရလဒ်များအရ ၂၀၂၄ အမေရိကန်သမ္မတရွေးကောက်ပွဲမှာ သမ္မတဟောင်းဒေါ်နယ်ထရမ့် က ပြိုင်ဘက် ဒုတိယ သမ္မတ ကမ်မလာဟဲရစ်ကို အနိုင်ရသွားပြီလို့ Fox News သတင်းဌာနက ဖော်ပြကြေညာသွားပါတယ်။ ထရမ့် ဟာ ၂၀၁၆ ခုနှစ်က “အမေရိကကို ပြန်လည်ကြိမ်းကျယ်ခမ်းနားစေမည်” ကတိပြုချက်ဖြင့် အမေရိကန်နိုင်ငံခြားရေးဝန်ကြီးဟောင်း ဟီလာရီကလင်တန်ကို အနိုင်ရကာ ပထမဆုံးအကြိမ် သမ္မတဖြစ်ခဲ့ပါတယ်။ ထရမ့်ပ်ဟာ ယင်းနောက် ကမ္ဘာလုံးဆိုင်ရာ ကိုရိုနာဗိုင်းရပ်စ်ကပ်ဘေးကြုံခဲ့ရတဲ့ ၂၀၂၀ ပြည့်နှစ် ရွေးကောက်ပွဲမှာ ပြန်လည်အရွေးခံခဲ့ရာမှာ သမ္မတ ဂျိုးဘိုင်ဒင်ကို အရှုံးပေးခဲ့ရပါတယ်။ ‘’တိုင်းပြည်ကို အနာကျက်အောင်ကုစားမယ်…ခင်‌ဗျားတို့အတွက် ဘဝမှာ အရေးအကြီးဆုံး နေ့တနေ့…’’ ရွှေခေတ်ကို ရောက်ပြီ”လို့ လက်ရှိအချိန်မှာ အမေရိကန် သမ္မတရွေးကောက်ပွဲ ဒုတိယအကြိမ်အနိုင်ရဖို့ သေချာသွားပြီ ဖြစ်တဲ့ ဒေါ်နယ်ထရမ့်က…

အောက်တိုဘာလ ၁၉ ရက်။ ဘက်စုံသုံးတိုက်ခိုက်ရေး(MMA)ချင်းဖိုက်တာ တီာလ်ထန်း ( Tial “The Dragon Leg” Thang ) ဟာ အောက်တိုဘာလ ၁၉ ရက်မှာ အမေရိကန်နိုင်ငံ၊ပင်ဆယ်ဗေးနီးယားပြည်နယ်၊ ဖီလာဒေလ်းဖီးယား မြို့မှာ ကျင်းပခဲ့တဲ့ Cage Fury Fighting Championship 137 ပြိုင်ပွဲမှာ အမေရိကန်ဖိုက်တာChristian Mcauley နဲ့ထိုးသတ်ခဲ့ကာ ဒုတိယအချီမှာ ပြိုင်ဘက်ရဲ့ချုပ်ကွက် ထိုးကွက်အောက်မှာ ရှုံးနိမ့်သွားပါတယ်။ ချင်းဖိုက်တာ တီာလ်ထန်းကတော့ အသက် ၃၁ နှစ်ရှိပြီဖြစ်ကာ ပရော်ဖက်ရှင်နယ်ဖိုက်တာဘဝမှာ One Championship ပွဲတွေနဲ့အခုပွဲ အပါအဝင် ပွဲပေါင်း ၁၉ ပွဲ ထိုးသတ်ထားပြီး ၁၀ ပွဲနိုင်၊ ၈ ပွဲရှုံး၊ ၁ ပွဲပျက် ရလဒ်ထွက်ပေါ်ထားပါတယ်။ တီာလ်ထန်းနဲ့ထိုးသတ်ခဲ့တဲ့…