နိုင်ငံတကာသတင်း

အိန္ဒိယနိုင်ငံ မဏိပူရ်ပြည်နယ် အင်ဖာအကျဉ်းထောင်က မြန်မာစစ်ဘေးဒုက္ခသည်တွေ ဩဂုတ်လ ၂၆ ရက်ကစပြီးအစာငတ်ခံဆန္ဒပြန်ပြခဲ့ရာ ဆန္ဒပြ ဒုက္ခသည်တွေထဲက သက်ကြီးပိုင်းနဲ့ နာတာရှည်ရောဂါသည်တွေက လုံးဝမခံနိုင်တော့လို့ ဩဂုတ်လ ၃၀ မှာ အစာငတ်ခံ ဆန္ဒပြတာယာယီရပ်နားထားတဲ့အချိန်မှာအင်ဖာအကျဉ်းထောင်က ထောင်တာဝန်ရှိသူတွေက အကျဉ်းသား မြန်မာစစ်ဘေးဒုက္ခသည်တွေကို စစ်ကောင်စီလက်ထဲ ပြန််လွှဲမယ်လို့ ခြိမ်းခြောက်တာမျိုးရှိတယ်လို့ အိန္ဒိယ – မြန်မာအရေးလေ့လာစောင့်ကြည့်ရေးအဖွဲ့ ဖြစ်တဲ့ India for Myanmar က ဦးဆောင်သူ ဆလိုင်းဒိုခါရ်က ပြောပါတယ်။ India for Myanmar က ဦးဆောင်သူ ဆလိုင်းဒိုခါရ်က “ဆန္ဒပြတာက သြဂုတ်လ၂၆ ရက်နေ့ကနေ ၃၀ ရက်နေ့အထိလုပ်ပြီးတော့ ယာယီရပ်နားလိုက်တယ် ရပ်နားရတဲ့ အကြောင်းအရင်းက သက်ကြီးပိုင်းတွေနဲ့ နာတာရှည်ရောဂါသည်တွေက လုံးဝမခံနိုင်တော့လို့ ယာယီရပ်နားလိုက်တဲ့ သဘောပါ။ ဒါပေမယ့် လတိုင်းလတိုင်း…

မြန်မာနိုင်ငံက နာမည်ကျော်အဆိုတော် Benjamin Sum ပထမဆုံးပါဝင်သရုပ်ဆောင်တဲ့ရုပ်ရှင်ဇာတ်ကား “Ka Nihna A Ni lo” (ငါ့ဖြစ်တည်မှုမဟုတ်ဘူး) ရုပ်ရှင်ဇာတ်ကားကို သြဂုတ်လ ၂၉ ရက်နေ့မှာ အိန္ဒိယနိုင်ငံ၊မီဇိုရမ်ပြည်နယ်၊အိုက်ဇောလ်မြို့ကဗန်နပါခန်းမ (Vanapa Hall) မှာ ပြသခဲ့ပြီဖြစ်ကာ အဲ့ဒီရုပ်ရှင်ကို အွန်လိုင်း App တစ်ခုဖြစ်တဲ့ Lersia App မှာ အခကြေးငွေပေးကာ ကြည့်ရှုလို့ရပြီဖြစ်ပါတယ်။ အချစ်နဲ့ ပညာပေးအပိုင်းကို အသားပေး ပုံဖော်ရိုက်ကူးထားတဲ့ဇာတ်လမ်းဖြစ်တဲ့ဒီရုပ်ရှင်ဇာတ်လမ်းကို မီဇိုးဘာသာစကားနဲ့သရုပ်ဆောင် ရိုက်ကူးထားတာဖြစ်ကာ Benjamin Sum က မင်းသားနေရာကနေသရုပ်ဆောင်ထားပြီး နောက်ပိုင်းမှာ ဒီရုပ်ရှင်ကို ဟားခါး၊ ဖလမ်း နဲ့ဇိုမီးတို့နဲ့လည်း အသံအစားထိုးပြီးလုပ်ဆောင်သွားဖို့ရှိတယ်လို့သိရပါတယ်။ Benjamin Sum ရဲ့ပထမဆုံးရုပ်ရှင်ကားနဲ့ပတ်သက်ပြီး “ကျွန်တော်ပါဝင်သရုပ်ဆောင်ထားတဲ့ ဇာတ်ကားလေးထွက်ရှိလို့လာပါပြီခင်ဗျ။ဒီနေ့အထိချစ်ခင်အားပေးကြသောသူအယောက်စီတိုင်းကိုကျေးဇူးတင်ကြောင်းကိုလည်း ပြောပါရစေခင်ဗျ။ရှေ့ဆက်လျှောက်လှမ်းမယ့်အနုပညာလမ်းကြောင်းမှာ အတူပါရှိနေပေးကြဖို့ကိုလည်းဖိတ်ခေါ်ချင်ပါတယ်ဗျ။” လို့ နာမည်ကျော်အဆိုတော် Benjamin…

အိန္ဒိယနိုင်ငံ၊မီဇိုရမ်ပြည်နယ်ဝန်ကြီးချုပ် Pu Lalduhoma ဟာ အမေရိကန်ပြည်ထောင်စုက ချင်းလူထုနှင့်တွေ့ဆုံပွဲတက်ရောက်ဖို့အတွက် ဒီနေ့ဩဂုတ်လ ၃၀ ရက်နေ့မှာ မီဇိုရမ်ပြည်နယ်၊ အိုင်ဇောလ်မြို့မှ စတင်ထွက်ခွါသွားပြီဖြစ်ကြောင်း မီဇိုရမ်ပြည် သတင်းဖော်ပြချက်အရသိရပါတယ်။ မီဇိုရမ်ပြည်နယ်ဝန်ကြီးချုပ်Pu Lalduhoma ဟာချင်းလူမျိုးအများစုနေထိုင်ကြတဲ့ အမေရိကန်နိုင်ငံ၊အင်ဒီယားနားပြည်နယ်မှာ စက်တင်ဘာလ ၄ ရက်နေ့မှာ ချင်းလူထုနှင့်တွေ့ဆုံမှာဖြစ်ပါတယ်။ မီဇိုရမ်ပြည်နယ်ဝန်ကြီးချုပ်Pu Lalduhoma ဟာ အမေရိကန်ခရီးစဉ်အတွင်းမှာ အမေရိကန်ပြည်ထောင်စုမြို့တော်ဝါရှင်တန်ဒီစီက အမေရိကန်အစိုးရဌာနတာဝန်ရှိသူများနှင့်လည်း တွေ့ဆုံရန်စီစဉ်ထားကြောင်းမီဇိုရမ်ပြည်သတင်းမှာဖော်ပြချက်အရသိရပါတယ်။ ၂၀၂၁ မြန်မာနိုင်ငံမှာ စစ်တပ်အာဏာသိမ်းပြီးနောက် မတည်ငြိမ်မှုနဲ့မလုံခြုံမှုတွေကြောင့် ချင်းပြည်နယ်က ချင်းလူမျိုး ၅ သောင်းခန့်ဟာ နယ်နမိတ်ထိစပ်နေတဲ့ အိန္ဒိယနိုင်ငံ၊မီဇိုရမ်ပြည်နယ်ဆီထွက်ပြေးတိမ်းရှောင်ခဲ့ရပါတယ်။

အိန္ဒိယနိုင်ငံ မဏိပူရ်ပြည်နယ် အင်ဖာအကျဉ်းထောင်က စစ်ဘေးဒုက္ခသည် မြန်မာနိုင်ငံသားတွေ ထောင်ကနေလွှတ်ပေးဖို့၊စစ်ကောင်စီထံလွှဲပြောင်းပေးတာမလုပ်ဖို့ အစာငတ်ခံ ဆန္ဒပြတောင်းဆိုခဲ့မှုကို ထောင်အာဏာပိုင်တွေက ဗဟိုအစိုးရကို တင််ပြပေးမယ်လို့ ကတိပြုထားပေမယ့် ယနေ့ချိန်ထိ ထူးခြားတဲ့ ရလဒ် မရရှိတာကြောင့် ဒီကနေ့ သြဂုတ်လ ၂၆ ရက်နေ့က စတင်ပြီးထပ်မံ အစာငတ်ခံ ဆန္ဒပြမယ်လို့ သိရပါတယ်။ မဏိပူရ်အကျဉ်းထောင်မှာ အကျဉ်းကျနေတဲ့ မြန်မာနိုင်ငံသားတွေက ထောင်ကနေ အမြန်ဆုံးလွှတ်ပေးဖို့ စစ်ကောင်စီထံပြန်လွှဲပြောင်းတာတွေ မလုပ်ဖို့ ဇွန်လ ၁၆ ရက်နေ့ကနေ ဇူလိုင် ၃ ရက်နေ့အထိအစာငတ်ခံ ဆန္ဒပြခဲ့ကြပြီးနောက် ထောင်အာဏာပိုင်တွေက ဗဟိုအစိုးရထံ တင်ပြပေးမယ်လို့ ကတိပြုတာကြောင့် အစာငတ်ခံ ဆန္ဒပြတာ ယာယီဆိုင်းငံ့ခဲ့တာဖြစ်ပါတယ်။ အိန္ဒိယ – မြန်မာအရေးလေ့လာစောင့်ကြည့်ရေးအဖွဲ့ ဖြစ်တဲ့ India for Myanmarက ဦးဆောင်သူ ဆလိုင်းဒိုခါရ်က “ထောင်အာဏာပိုင်တွေက…

ဒီကနေ့ဩဂုတ်လ ၁၆ ရက် ဂျပန်နိုင်ငံမှာ ကျင်းပတဲ့ 𝐓.𝐓.𝐅. 𝐂𝐡𝐚𝐥𝐥𝐞𝐧𝐠𝐞 𝐕𝐨𝐥.𝟏𝟎 ပြိုင်ပွဲ ချင်းဖိုက်တာ Tial Thang နဲ့ ဂျပန်ဖိုက်တာနဲ့ယှဉ်ပြိုင်ထိုးသတ်ပွဲမှာ ချင်းဖိုက်တာ Tial Thang က အနိုင်ရရှိပါတယ်။ ချင်းဖိုက်တာ Tial Thang နဲ့ ဂျပန်ဖိုက်တာ 𝐍𝐚𝐨𝐤𝐢 𝐔𝐞𝐝𝐚 တို့ ယှဉ်ပြိုင်ထိုးသတ်တဲ့ ပွဲကို ဒီကနေ့ သြဂုတ်လ ၁၆ ရက်နေ့ မြန်မာစံတော်ချိန် ညနေ ၄ နာရီဝန်းကျင်မှာ ထိုးသတ်ခဲ့တာလည်းဖြစ်ပါတယ်။ Tial Thang ဟာနောက်ဆုံးယှဉ်ပြိုင်ထိုးသတ်ခဲ့တဲ့ပွဲ(၅)ပွဲမှာ (၃)ပွဲသာအနိုင်ရရှိထားပြီး နောက်ဆုံး(၂)ပွဲဆက်ရှုံးနိမ့်ထားပါတယ်။ဂျပန်ဖိုက်တာ 𝐍𝐚𝐨𝐤𝐢 𝐔𝐞𝐝𝐚 ဟာလည်းနောက်ဆုံးယှဉ်ပြိုင်ထိုးသတ်ခဲ့တဲ့ပွဲ(၅)ပွဲမှာ (၃)ပွဲအနိုင်ရရှိထားပါတယ်။

ယူကေ(UK)နိုင်ငံတွင် ပညာလေ့လာရန် Chevening ပညာသင်ဆုလျှောက်လွှာများအား ၂၀၂၄ ခုနှစ် ဩဂုတ်လ ၆ ရက်နေ့ မြန်မာစံတော်ချိန်  ညနေ ၅ နာရီခွဲ၌ စတင် ဖွင့်လှစ်မည်ဖြစ်ပြီး နိုဝင်ဘာလ ၅ ရက်နေ့အထိ လျှောက်ထားနိုင်ပါသည်။ လျှောက်ထားသူများသည် မိမိတို့၏ လျှောက်လွှာများကို chevening.org/apply မှတစ်ဆင့် တင်သွင်းနိုင်ပါသည်။ Chevening ပညာသင်ဆုများကို မတူညီကွဲပြားသော နောက်ခံအခြေအနေအသီးသီးမှ အနာဂတ် ခေါင်းဆောင်များဖြစ်လာရန်အတွက် သံန္နိဋ္ဌာန်နှင့် အရည်အချင်းပြည့်ဝသူများအား ချီးမြှင့်ခြင်း ဖြစ်ပါသည်။ လျှောက်ထားသူများသည် မိမိတို့၏ နိုင်ငံအတွင်း အပြုသဘောဆောင်သော အပြောင်းအလဲများကို ဖန်တီးရန် လက်တွေ့ကျကျ အောင်မြင်နိုင်သည့် စိတ်ကူးစိတ်သန်းများရှိရမည်ဖြစ်သည်။ ထို့ပြင် မိမိတို့ ရွေးချယ်ထားသည့် ယူကေမဟာဘွဲ့သည် ၎င်းစိတ်ကူးများကို လက်တွေ့ဖန်တီးနိုင်အောင် မည်သို့ အထောက်အကူပြုမည်ကို ဖော်ပြနိုင်ရပါမည်။ Chevening ပညာသင်ဆုသည် ယူကေတက္ကသိုလ်ပေါင်း ၁၅၀ ကျော်တွင် အကျုံးဝင်သည့် မည်သည့်မဟာဘွဲ့ကိုမဆို တက်ရောက်လေ့လာရန်…

အိန္ဒိယနိုင်ငံအနေနဲ့ မြန်မာစစ်တပ်နဲ့ ပူးပေါင်းပြီး မြန်မာပြည်သူတွေအပေါ် တိုက်ရိုက် ဒါမှမဟုတ် သွယ်ဝိုက်တဲ့ နည်းလမ်းတွေနဲ့ လူအခွင့်အရေးချိုးဖောက်မှုတွေကို ရပ်တန့်ဖို့ အိန္ဒိယ – မြန်မာအရေး လေ့လာစောင့်ကြည့်ရေးအဖွဲ့ ဖြစ်တဲ့ India For Myanmar က အိန္ဒိယအစိုးရကို သြဂုတ်လ ၅ ရက်နေ့က တောင်းဆိုခဲ့ပါတယ်။ မြန်မာစစ်တပ်ကို လက်နက်ရောင်းချနေတာတွေ အပါအဝင် စစ်ကောင်စီကို ပံ့ပိုးကူညီပေးနေတာတွေ ရပ်တန့်ပေးဖို့ အပြင် လူသားချင်းစာနာမှုဆိုင်ရာ လူ့အခွင့်အရေးချိုးဖောက်မှုတွေကို ချက်ချင်းရပ်တန့်ပြီး အိန္ဒိယနိုင်ငံ မဏိပူရ်ပြည်နယ် အင်ဖာအကျဉ်းထောင်မှာ အစာငတ်ခံ ဆန္ဒပြနေတဲ့ မြန်မာစစ်ဘေးဒုက္ခသည်တွေကို ပြန်လွှတ်ပေးဖို့ တောင်းဆိုထားပါတယ်။ မြန်မာဒုက္ခည်တွေဟာ ၎င်းတို့ကို စစ်ကောင်စီလက်ထဲ မလွှဲအပ်ဖို့ အိန္ဒိယအစိုးရကို ယခင်ကတည်းက အစာငတ်ခံ ဆန္ဒပြခဲ့ပြီး အိန္ဒိယအစိုးရက အင်ဖာထောင်တာဝန်ရှိသူတွေနဲ့ ပြန်ညှိနှိုင်းစဉ် အစာငတ်ခံ ဆန္ဒပြတာ…

အိန္ဒိယ – မြန်မာ နှစ်နိုင်ငံ နယ်စပ်တစ်လျှောက် မကြာခဏ မြေမြုပ်မိုင်းပေါက်ကွဲတဲ့ ဖြစ်ရပ်တွေကို စုံစမ်းစစ်ဆေးသွားမယ်လို့ မဏိပူရ် ပြည်နယ်ဝန်ကြီးချုပ် ဘီရန်ဆေး က သြဂုတ်လ ၃ ရက်နေ့မှာ ပြောခဲ့တယ်လို့ သိရပါတယ်။ အိန္ဒိယ – မြန်မာ နယ်စပ် မိုင်တိုင် အမှတ် ၉၁ နဲ့ ၉၄ ကြားမှာ မြေမြုပ်မိုင်းပေါက်ကွဲမှု အများဆုံးဖြစ်ပွားနေတယ်လို့ ပြည်နယ်လွှတ်တော်အစည်းအဝေးမှာ လွှတ်တော်အမတ်တစ်ဦးက ပြည်နယ်ဝန်ကြီးချုပ်ကို တင်ပြခဲ့တယ်လို့လည်းသိရပါတယ်။ စုံစမ်းစစ်ဆေးဖို့ လိုအပ်တဲ့ ဆောင်ရွက်မှုတွေလုပ်ဖို့ ပြည်ထဲရေးဝန်ကြီးဌာနအပါအဝင် သက်ဆိုင်ရာဌာနတွေကို အစီရင်ခံစာပေးပို့သွားမယ်လို့ ပြည်နယ်ဝန်ကြီးချုပ်က ဆိုထားပါတယ်။ စစ်ကိုင်းတိုင်း တမူးမြို့နယ်က ဒေသခံတစ်ဦးဟာလည်း နေအိမ်ကို ခဏပြန်လာစဉ် အိန္ဒိယ – မြန်မာ နယ်စပ် မိုင်တိုင် အမှတ် ၉၁ နဲ့…