ခွန်ဘီလီ ၂၀၂၅ ခုနှစ် မေလ ၁၉ ရက်နေ့တွင် မြန်မာစစ်တပ်သည် ချင်းတောင်ခြေ ကလေးမြို့မှ အနည်းဆုံး စစ်ကား ၁၅ စီးပါဝင်သောစစ်ယာဉ်တန်းဖြင့်  ချင်းတောင်တန်းများပေါ်သို့ အရေးကြီးသော စစ်ရေးတိုက်ခိုက်မှုကို စတင်ချီတက်လုပ်ဆောင်လာခဲ့ပြီး၊ လက်ရှိ ချင်းတော်လှန်ရေး အတွက် အရေးကြီးသော အလှည့်အပြောင်းတစ်ခု ဖြစ်လာခဲ့သည်။ ချင်းပြည်နယ်၏ မြောက်ဘက်စွန်းမှ စစ်အုပ်စုတပ်များ ချီတက်လာသည့် ဤစစ်ဆင်ရေးသည် တိုက်ပွဲကွင်း တစ်ခုထက်ပိုမိုသော ရည်ရွယ်ချက်ရှိသည့် အရာဖြစ်သည်—ဤသည်မှာ ချင်းလူမျိုးများ၏ တော်လှန်ရေးခံနိုင်ရည်၊ ဒေသခံကာကွယ်ရေးတပ်များ၏ အင်အား၊ အထူးသဖြင့် ချင်းလူမျိုးများ၏ စည်းလုံးညီညွတ်မှုကို တွက်ချက်ထားသော စမ်းသပ်မှုတစ်ခု ဖြစ်သည်။ အန္တရာယ်ရှိသော ချီတက်မှု စစ်အုပ်စု၏ စစ်ရေးတိုက်ခိုက်မှု၏ အင်အားကို လျှော့တွက်မသင့်ပေ။ သို့သော် အသစ်ရရှိသော ထောက်လှမ်းရေးအချက်အလက်များအရ အင်အားကြီးမားသော စစ်တပ်အုပ်စုအဖြစ် ပေါင်းစပ်ထားပြီး တပ်အင်အားသည်…

မေလ ၂၆ ရက်။ ချင်းပြည်နယ်၊ ပလက်ဝမြို့နယ်တပ်ချောင်းအုပ်စု၊ လန်ဒန်အုပ်စုက ကျေးရွာပေါင်း ၁၂ ရွာလောက်မှာ လွန်ခဲ့တဲ့ မတ်လက နေစပြီး ငှက်ဖျားေ ရောဂါအဖြစ်များနေပြီး ဒေသခံတွေအနေနဲ့ ဆေးဝါးလုံလောက်မှုမရှိတာ၊ကုသပေးမဲ့သူတွေမရှိတာ အပြင် ငွေကြေးအခက်အခဲတွေကြောင့် ငှက်ဖျားဖြစ်ပြီး သေဆုံးလူနာအထိ ရှိလာတယ်လို့ ပလက်ဝဒေသခံတွေဆီကနေ သိရပါတယ်။ ပလက်ဝဒေသခံ ဒေသခံတစ်ဦးက“ပလက်ဝမြို့နယ်မှာ ငှက်ဖျားဖြစ်တာကကြာပြီ လွန်ခဲ့တဲ့ မတ်လကနေ စတာပေါ့ အသက် ၃၅ ဝန်းကျင်ရှိတဲ့ ဆရာတစ်ယောက် ဆုံးသွားတာလည်း ရှိတယ် ငှက်ဖျားသီးသန့်မကုနိုင်လို့ အခုလက်ရှိ အရေးပေါ်ကြုံနေရတယ်ပေါ့ ဆေးဝါးလုံလောက်မှုမရှိဘူး ငှက်ဖျားခံစားနေရသူတွေကလည်း ဆေးဝါးမလုံလောက်တာ ငွေကြေးမတတ်နိုင်တာတွေနောက်ပြီး အဲဒီမှာ ဆေးဝါးကုသပေးနေတဲ့သူတွေကလည်း မရှိကြတော့ ဒေသခံတွေအနေနဲ့ အရေးပေါ်လိုအပ်နေကြတယ်” လို့ပြောပါတယ်။ ပလက်ဝမြို့နယ်၊သဲကုန်းကျေးရွာက မူလတန်းပြကျောင်းဆရာတစ်ဦးဟာ ဧပြီလ ၃၀ ရက်နေ့မှာ ငှက်ဖျားကြောင့် ကွယ်လွန်ခဲ့ရတာလို့သိရပြီး…

မေလ ၂၄ ရက်။ ချင်းပြည်နယ်၊ မတူပီမြို့တွင်း ယာဉ်တိုက်မှုကြောင့်လူထိခိုက်သေဆုံးမှုရှိတာကြောင့် မတူပီမြို့တွင်း ၄ ဘီးယာဉ်တွေ တစ်နာရီအမြန်နှုန်း (၂၀) ကီလိုမီတာထက် ပိုမမောင်းရဘူးဆိုတဲ့ ယာဉ်စည်းအပါဝင် လိုက်နာရမယ့် ယာဉ်စည်းကမ်း ၁၄ ချက်ကို မတူပီမြို့ကိုထိန်းချုပ်ထားတဲ့ မတူပီ တော်လှန်ရေးအဖွဲ့ချုပ် (MRO)/Chin Defense Force – Matupi ( CDF – Matupi) ကဒီကနေ့ မေလ ၂၄ ရက်နေ့မှာ ထုတ်ပြန်ပါတယ်။ MRO/CDF – Matupi အထွေထွေအတွင်းရေးမှူး ကိုဘွေအုပ်က “မြို့သိမ်းပြီးနောက်ပိုင်း အများအားဖြင့် ဖြစ်တာက ယာဉ်ကြံံ့ခိုင်မှု မရှိတာလည်းပါတယ် ဘရိတ်ပေါက်လို့ ဖြစ်တာလည်းများတယ် ယာဉ်တိမ်းမှောက်လို့ ဆုံးတာ၊ ဒဏ်ရာရတာ အမှုတွဲ (၁၀) ခုကျော်လောက်ရှိပါတယ်” လို့ပြောပါတယ်။ မတူပီမြို့တွင်း…

မေလ ၂၃ ရက်။ ကလေးမြို့ရှိ ဘိလပ်မြေ အရောင်းဆိုင်များမှာ ပစ္စည်း ပြတ်လပ် နေပြီး တအိတ်လျှင် ကျပ် ၇ သောင်း နှုန်းဖြင့် လူတစ်ယောက် လျှင် ငါးအိတ်သာ ဝယ်ယူခွင့်ပြုကြကြောင်း ကလေးမြို့နေ ဒေသခံများ ထံမှ သိရှိရပါတယ်။ “ကျပ် ခုနစ်သောင်း နဲ့တောင် ဝယ်ယူနိုင်ဖို့ အတော်ခက်တယ်။ နှစ်ရက်လောက်ကြာရင် ငါးထောင် လောက် တက်လိုက်၊ နောက် သုံးရက်နေ နောက်ထပ် ငါးထောင် တက်လိုက်နဲ့ သင်္ကြန် မတိုင်ခင် ကျပ် ၃သောင်း ၅ထောင်ပဲ ရှိတာကနေ အခု ၇ သောင်း ထိ ဈေးတက်သွားတာ။ တချို့ ဆိုင်တွေက ပစ္စည်း ရှိသေးတယ်။ ဈေး အရမ်း တက်နေတော့ ထုတ်…

မေလ ၂၃ ရက်။ ချင်းပြည်နယ်၊ ဖလမ်းမြို့နယ် ၊ ရိဒ်ခေါဒါရ်မြို့ အမှတ် (၂) ရပ်ကွက်မှာ မေလ ၂၂ ရက်နေ့က HPO/CDF Hualngoram ဖမ်းဆီးခဲ့တဲ့ မူးယစ်ဆေးဝါးရောင်းဝယ်ဖောက်ကားမှုနဲ့ပတ်သက်ပြီး ချင်းအမျိုးသားအဖွဲ့ချုပ် ပညာရေးဌာန၏ ဘုတ်အဖွဲ့ဝင်လို့ အွန်လိုင်းမီဒီယာတွေပေါ် မဟုတ်မမှန် စွပ်စွဲမှုတွေဟာ တော်လှန်ရေးအဖွဲ့အစည်းတွေကြား မလိုလားအပ်တဲ့ ပဋ္ဋိပက္ခဖြစ်ပေါ်စေနိုင်တာကြောင့် ကန့်ကွက်ရှုတ်ချတယ်လို့ ချင်းအမျိုးသားအဖွဲ့ချုပ်(CNO)၊ပညာရေးဌာနက ဒီကနေ့ မေလ ၂၃ ရက်နေ့မှာ ထုတ်ပြန်ပါတယ်။ မူးယစ်ဆေးဝါးရောင်းဝယ်ဖောက်ကားမှုနဲ့ ပတ်သက်ပြီး ဖမ်းဆီးထိန်းသိန်းခံရထားသူဟာ ချင်းအမျိုးသားအဖွဲ့ချုပ် ပညာရေးဌာနနဲ့ လုံးဝပတ်သက်မှုမရှိသလို ချင်းအမျိုးသားအဖွဲ့ချုပ်၊ပညာရေးဌာနရဲ့ ဂုဏ်သိက္ခာပျက်ပြားစေဖို့ ရည်ရွယ်ချက်သက်သက်ဖြင့် မဟုတ်မှန်လုပ်ကြံစွပ်စွဲရေးထားတဲ့ သတင်းတွေလို့ CNO ပညာရေးဌာနက ထုတ်ပြန်ထားပါတယ်။ HPO/CDF Hualngoram က မူးယစ်ဆေးဝါးရောင်းဝယ်ဖောက်ကားမှုနဲ့ စွပ်စွဲပြီးဖမ်းဆီးခံရသူရဲ့ ခင်ပွန်းဖြစ်သူ ဆရာငွန်ဆွီးထန်းဟာ ချင်းအမျိုးသားအဖွဲ့ချုပ်…

မေလ ၂၃ ရက်။ မေလ ၁၉ ရက်နေ့ကနေ ချင်းတောင်ဘက် သို့ ချီတက် စစ်ကြောင်း ထိုးလာသော စစ်ကောင်စီတပ်ဖွဲ့ကို ဒေသခံ ချင်းကာကွယ်ရေးတပ်များ ဖြစ်သော CDF-CDM-Siyin, PDF Zoland နှင့် KKG တို့က မေလ ၂၁ ရက်နေ့ မနက် ၈ နာရီ ကနေ လက်ရှိ အချိန် အထိ ဆက်လက် ခုခံတိုက်ခိုက်ပြီး တိုက်ပွဲ ဖြစ်နေကြောင်း၊ စစ်ကောင်စီတပ်စစ်ကြောင်းကြောင့် ဒေသခံ ပြည်သူ ၁၀၀၀ ကျော်ဟာ ဘေးလွတ်ရာသို့ စစ်ဘေးရှောင် နေခဲ့ရကြောင်း CDF-CDM-Siyin ရဲ့ သတင်း ထုတ်ပြန် ချက်အရ သိရှိရပါတယ်။ မေလ၂၁ ရက်နေ့ တိုက်ပွဲကြောင့် CDF-CDM-Siyin တပ်ဖွဲ့ဝင် Tg…