WWW.CHINWORLD.ORG

ဇန်နဝါရီလ ၂၇ ရက်။ CDM ချင်းဆရာဝန်တွေ၊သူနာပြုတွေနဲ့ဖွဲ့စည်းထားတဲ့ချင်းကျန်းမာရေးအဖွဲ့(CHO)က မကြာသေးခင်က ချင်းပြည်နယ်၊ပလက်ဝမြို့နယ်အတွင်းက ပလက်ဝကောင်စီထိန်းချုပ်တဲ့ နေရာတွေမှာ ပြည်သူ့အုပ်ချုပ်ရေးအဖွဲ့နဲ့ ပူးပေါင်းပြီး ရွေ့လျားဆေးခန်းတွေ( Mobile Clinic) ဖွင့်လှစ်ကာ ဒေသခံတွေကို ဆေးကုသပေးတာတွေကို လုပ်ခဲ့တယ်လို့ ဒေသခံတွေဆီကသိရပါတယ်။ ပလက်ဝဒေသခံတွေကို ချင်းကျန်းမာရေးအဖွဲ့(CHO)အနေနဲ့ ငှက်ဖျားရောဂါပိုးရှိမရှိစစ်ဆေးတာတွေ၊ ငှက်ဖျားဆေးထောက်ပံ့တာတွေ၊ ဝမ်းပျက်ဝမ်းလျှောရောဂါကာကွယ်ဆေးတိုက််ကျွေးတာအပြင် တခြားကျန်းမာရေး စောင့်ရှောက်မှုတွေနဲ့ အထောက်အပံ့တချို့ပေးအပ်ခဲ့တယ်လို့လည်း သိရပါတယ်။ ပလက်ဝမြို့နယ်မှာပလက််ဝကောင်စီရဲ့ ထိန်းချုပ်ဧရိယာအတွင်း ချင်းကျန်းမာရေးအဖွဲ့(CHO)က ဆေးဝါးထောက်ပံ့တာ၊ ကျန်းမာရေးစောင့်ရှောက်မှုတွေ ပေးလာနေပေမယ့် တစ်မြို့နယ်လုံးကို လွှမ်းခြုံနိုင်တဲ့ ကျန်းမာရေးစောင့်ရှောက်မှုတွေ လိုအပ်နေဆဲဖြစ်တယ်လို့ ပလက်ဝ စစ်ဘေးရှောင်ထောက်ပံ့ရေးအဖွဲ့တာဝန်ရှိသူ တစ်ဦးကပြောပါတယ်။ ပလက်ဝ စစ်ဘေးရှောင်ထောက်ပံ့ရေးအဖွဲ့တာဝန်ရှိသူ တစ်ဦးက “CHO ကနေပြီးမှ သူတို့စီမံကိန်းအနေနဲ့ဝင်တာ အဲဒီသဘောဖြစ်တယ် နောက်ပြီး ကျနော်တို့ပြည်သူ့ကျန်းမာရေးတွေနဲ့ ပေါင်းစပ်ပြီးမှ လက်လှန်းမှီသလောက်ကို သူတို့လုပ်ဆောင်နေတယ်လိုိ့ သိရတယ် နောက်ပြီးဆေးဝါးတွေထောက်ပံ့ပေးတယ်…

အာရက္ခတပ်တော် (AA) ထိန်းချုပ်ထားတဲ့ ပလက်ဝမြို့နယ်မှာ ဒေသခံပြည်သူတွေအတွက် ထည့်သွင်းစဉ်းစားပြီး အာရက္ခတပ်တော် (AA) နဲ့ အပြုသဘောဆောင်တဲ့ ချဉ်းကပ်မှုနဲ့ ဆက်ဆံရေးတည်ဆောက်ထားတယ်လို့ ကြားကာလခူမီးချင်းမျိုးနွယ်စုများရေးရာအတိုင်ပင်ခံကောင်စီ ( IKACC) ဥက္ကဌ ဦးအိုက်စောမြ က Chin World Media ရဲ့ မေးမြန်းမှုကို ဖြေကြားပါတယ်။ ဇန်န၀ါရီလ ၂၆ ရက်မှာ IKACCဥက္ကဌ ဦးအိုက်စောမြကို AA ထိန်းချုပ်ထားတဲ့ပလက်ဝမြို့နယ်က ပြည်သူလူထု အခြေအနေ တွေနဲ့ IKACC ရဲ့လုပ်ဆောင်မှုတွေကို မေးမြန်းထားပါတယ်။ ပလက်ဝမြို့နယ်အတွင်းက စစ်ကောင်စီတပ်စခန်း အားလုံးကို အာရက္ခတပ်တော် (AA)က ပြီးခဲ့တဲ့ ၂၀၂၄ ခုနှစ်၊ ဇန်နဝါရီလ ၁၄ ရက်နေ့မှာ အပြီးတိုက်ခိုက်သိမ်းပိုက်ကာ ပလက်၀မြို့နယ်ကိုထိန်းချုပ်ထားပါတယ်။ CW- IKACC ကို ဘယ်လိုရည်ရွယ်ချက်နဲ့ဘယ်သူတွေနဲ့ဘယ်အချိန်မှာစတင်ဖွဲ့စည်းတည် ထောင်ခဲ့တာလဲ။…

ဇန်နဝါရီလ ၂၃ ရက် ။ အာရက္ခတပ်တော်(AA )သိမ်းပိုက်၊ ထိန်းချုပ်ထားတဲ့ ချင်းပြည်နယ်၊ပလက်ဝမြို့နယ်မှာ ချင်းစာကို ချင်းတွေသင်ကြားခွင့်ရတယ်လို့ ဇန်နဝါရီလ ၂၁ ရက်နေ့ကပြုလုပ်တဲ့ Vaurawng Zuunthin ကီမိုပရောဂျက်အတွက် အွန်လိုင်းကနေ ရန်ပုံငွေရှာတဲ့ပွဲမှာ ပလက်ဝကောင်စီ (PC) ဥက္ကဌ ဆလိုင်းမျိုးထိုက် က အခုလို ပြောခဲ့တာလည်းဖြစ်ပါတယ်။ ပလက်ဝကောင်စီ (PC) ဥက္ကဌ ဆလိုင်းမျိုးထိုက်က “အရင်က ကောလဟာလတွေတော့ထွက်ပါတယ် ပလက်ဝမှာချင်းတွေနေတဲ့ရွာတွေမှာ ရခိုင်စာသင်မယ်ဆိုတာမျိုးတွေထွက်ပါတယ် တကယ်မြေပြင်မှာတော့ မဟုတ်ပါဘူး ရခိုင်နဲ့ကျနော်တို့ချင်းညီအကိုတွေ ပေါင်းနေတာတွေရှိပါတယ် အဲဒီလိုပေါင်းနေတဲ့ ရွာတွေမှာဆိုရင်တော့ သူတို့ကတော့ ရခိုင်စာတွေ အဲဒီသီချင်းတွေ ဆိုတာတွေတော့ရှိတဲ့အချိန်မှာ တချို့သောအဲဒီမှာရှိတဲ့ဟာတွေက အဲလိုမျိုး သတင်းတွေကိုပေါ့လေ ကြားရတဲ့ဟာတွေ ရှိကောင်းရှိနိုင်ပါတယ် အရင်ကဆိုရင် တချို့ရွာတွေက ကျနော်တို့ကို သတင်းပို့တာတွေရှိပါတယ် အဲဒီရွာမှာ စာပေတွေသင်တဲ့အချိန်မှာ ရခိုင််စာနဲ့…

ဇန်န၀ါရီလ ၂၂ ရက်။ ချင်းပြည်နယ်၊ ဟွာလ်းငိုးရမ်းဒေသအတွင်း CDF – Hualngoram အမည်ကို အလွဲသုံးစားလုပ်ပြီး ပြည်သူတွေကို ခြိမ်းခြောက်တာတွေ သတင်းမှားဖြန့်တာတွေကို ပြင်းပြင်းထန်ထန် အရေးယူဆောင်ရွက်တော့မယ်လို့ CDF – Hualngoram က ဇန်နဝါရီလ ၂၁ ရက်နေ့ရက်စွဲနဲ့သတင်းထုတ်ပြန်ပါတယ်။ အိန္ဒိယ – မြန်မာနယ်စပ်မှာရှိတဲ့ ဟွာလ်းငိုးရမ်းဒေသထဲက ရိဒ်ခေါဒါရ်မြို့နယ်အတွင်း CDF – Hualngoram နာမည်တွေသုံးပြီး မူးရှုးသောင်းကြမ်းတာ၊ အဖွဲ့အစည်းနာမည်ပျက်အောင် တမင်ရည်ရွယ်ချက်တွေနဲ့ ပြည်သူတွေကို ခြိမ်းခြောက်တာတွေ ရှိလာတာကြောင့် အခုလို ထုတ်ပြန်ရတာလို့ CDF – Hualngoram က တာဝန်ရှိသူတစ်ဦးကပြောပါတယ်။ “ကျနော်တို့က နယ်စပ်ဒေသဖြစ်တဲ့အခါကြတော့ ကျနော်တို့ဒေသမှာ နယ်အသီးသီးကလာတဲ့ တော်လှန်ရေးအဖွဲ့အစည်းတွေ တစ်ချို့က လက်နက်ပါတယ် တချို့ကလက်နက်မပါဘူးပေါ့နော် နယ်စပ်ဒေသဖြစ်တော့ အဝင်အထွက်များတော့ ကျနော်တို့က…

ဇန်နဝါရီလ ၂၂ ရက်။ ချင်းညီနောင်အဖွဲ့က မြို့သိမ်းတိုက်ပွဲ ဆင်နွှဲနေတဲ့ ချင်းပြည်နယ်၊ ဖလမ်းမြို့နဲ့ မြို့ အနောက်ခြမ်းတွေကို စစ်ကောင်စီတပ်က ဒီကနေ့ ဇန်နဝါရီလ ၂၂ ရက်နေ့မှာဘဲ တိုက်လေယာဉ် ၂ စီး နဲ့ Y – 12 တွေအသုံးပြုကာ လေကြောင်းကနေ အပြင်းအထန် ၄ ကြိမ် ထက်မနည်းဗုံးကြဲတိုက်ခိုက်တာတွေ လုပ်သွားတယ်လို့ ဒေသခံစစ်ရေးသတင်းရင်းမြစ်ဆီကနေ သိရပါတယ်။ ဒေသခံ စစ်ရေးသတင်းရင်းမြစ်က “ထိခိုက်မှုတော့ မရှိဘူး Y – 12 က ကြဲတာများတယ် နေ့တိုင်းတော့ လေကြောင်းကနေ ကြဲတာမျိုးတော့ မဟုတ်ဘူး နောက်ဆုံးသူတို့ကြဲတာ ၁၈ ရက်နေ့ကပေါ့ ဒီကနေ့မှာ ပြန်ကြဲတာတွေ လုပ်နေတယ်” လို့ပြောပါတယ်။ မိထ္ထီလာရှမ်းတဲလေတပ်ကနေ MIG – 29…