ချင်းပြည်သတင်း

ဇူလိုင်လ ၆ ရက်။ စစ်ကိုင်းတိုင်း၊ ကလေးမြို့ကနေ ချင်းပြည်နယ်မြောက်ပိုင်းကို အင်အားရာချီနဲ့ စစ်ကြောင်းထိုးပြီး ခြေကုပ်ယူထားတဲ့ တီးတိန်မြို့နယ်၊ စီးယင်းဒေသ မွာလ်ပီးကျေးရွာက စစ်ကောင်စီတပ်စခန်းတွေကို ချင်းတော်လှန်ရေးပူးပေါင်းအဖွဲ့တွေက မနေ့ဇူလိုင်လ ၅ ရက်နေ့က တိုက်ခိုက်သိမ်းပိုက်နိုင်ခဲ့ပြီး စစ်ကောင်စီတပ်ဖွဲ့တွေ ကလေးမြို့နယ်အစပ် ခိုင်ကမ်းထိ ဆုတ်သွားတယ်လို့ ချင်းအမျိုးသားတပ်ဦး ( CNF/A) ေပြာရေးဆိုခွင့်ရှိသူ ဆလိုင်းထက်နီကပြောပါတယ်။ ချင်းအမျိုးသားတပ်ဦး (CNF/A) ပြောရေးဆိုခွင့်ရှိသူ ဆလိုင်းထက်နီက “ မွာလ်ပီးကျေးရွာမှာ ခြေကုပ်ယူထားတဲ့ စကစ စခန်းတွေကို သိမ်းပိုက်နိုင်တယ်ဆိုတာ အတည်ပြုလို့ ရပါတယ် ဒါပေမယ့် စကစတွေ ကလေးနယ်စပ် ခိုင်ကမ်းကို ဆုတ်ကြတာပါ”လို့ပြောပါတယ်။ ကလေးမြို့နဲ့ ၁၇ မိုင်အကွာ ကလေး-သိုင်းငင်းလမ်းပေါ်က မွာလ်ပီးကျေးရွာမှာ ခြေကုပ်ယူထားတဲ့ စစ်ကောင်စီစခန်းတွေကို ချင်းတော်လှန်ရေးပူးပေါင်းတပ်ဖွဲ့ဖြစ်တဲ့ ချင်းပြည် (Chinland)ကောင်စီတပ်ဖွဲ့ ၊…

ဇူလိုင်လ ၅ ရက်။ ဖလမ်းမြို့နယ်မှာ ဇူလိုင် ၂ ရက်ကစပြီးတောက်လျှောက် ထိတွေ့တိုက်ပွဲတွေဖြစ်ခဲ့တဲ့ HPO/ CDF – Hualngoram တပ်ဖွဲ့နဲ့ ချင်းအမျိုးသားအဖွဲ့ချုပ် (CNO / CNDF) တို့ အိန္ဒိယနိုင်ငံ ၊ မီဇိုရမ်ပြည်နယ်၊ အိုက်ဇောလ်မြို့မှာ ဒီကနေ့ ဇူလိုင်လ ၅ ရက်နေ့မှာ တွေ့ဆုံဆွေးနွေးမယ်လို့ သိရပါတယ်။ CNO/ CNDF ပြောရေးဆိုခွင့်ရှိသူ ဆလိုင်းတင်မီထွဋ်က “ဟုတ်ပါတယ် မီဇိုရမ်အစိုးရလို့ဘဲပြောရမှာပေါ့ Adyocacy Group for peace (ငြိမ်းချမ်းရေးတွက် လှုပ်ရှားဆောင်ရွက်တဲ့အဖွဲ့) က ၂ ဖက်စလုံးကို ဆွေးနွေးကြမယ်ပေါ့လေ အဲလိုပုံစံနဲ့ သူတို့ဘက်ကနေ ကမ်းလှမ်းတဲ့ဟာရှိပါတယ် ဆိုတော့ ၂ ဦး နှစ်ဖက်ကြားမှာ သူတို့ဘက်ကနေ ကြားဝင်ဖြန်ဖြေပေးတဲ့ပုံစံဖြစ်တယ်။၂ ဦးနှစ်ဖက်တွေ့ဆုံပြီး ဘယ်လိုပုံစံနဲ့…

ဇူလိုင်လ ၄ ရက်။ ဦးထန်ရှင်းခိုင် ခေါင်းဆောင်တဲ့ ဇိုမီးအမျိုးသားပါတီ (Zomi National Party) က နိုင်ငံရေးပါတီအဖြစ် မှတ်ပုံတင်ပေးဖို့ ပြည်ထောင်စု ရွေးကောက်ပွဲ ကော်မရှင်ကိုဇူလိုင်လ ၃ ရက်နေ့မှာ လျှောက်ထားခဲ့တယ်လို့ စစ်ကောင်စီ ထိန်းချုပ်ထားတဲ့ မီဒီယာများရဲ့ ဖော်ပြချက်အရ သိရှိခဲ့ရ ပါတယ်။ ဇွန်လ ၂၄ ရက်နေ့မှာ ပါတီ တည်ထောင်ခွင့် ရရှိထားတဲ့ ဇိုမီးအမျိုးသား ပါတီ (ZNP) က ပါတီ တည်ထောင်ခွင့်ပြုတဲ့ နေ့ကစလို့ ရက်ပေါင်း ၃၀ အတွင်း နိုင်ငံရေးပါတီများ မှတ်ပုံတင်ခြင်း နည်းဥပဒေ ၇ နဲ့ အညီ မှတ်ပုံတင်ပေးဖို့ လျှောက်ထားတာ လို့ ဖော်ပြထား ပါတယ်။ ဇိုမီးအမျိုးသားပါတီဟာ ပါတီတည်ထောင်ခွင့်ကို ပြည်ထောင်စုရွေးကောက်ပွဲကော်မရှင်ထံကို ၂၀၂၅၊…

ဇူလိုင်လ ၃ ရက်။ ဟားခါးမြို့နေ လူငယ်များ ဟားခါးမြို့နယ်ကနေ မထွက်ခွါဖို့နဲ့ ထွက်ခွါရန်ကြိုးစားသူများကိုလည်း ဂိတ်ကနေ လှည့်ပြန်ခိုင်းမှာဖြစ်ကြောင်း၊ လူငယ်အမျိုးသားမှန်သမျှ ဟားခါးမြို့နယ်အရန်တပ်ဖွဲ့သင်တန်းတက်ရောက်ရန်၊ မီဇိုရမ်ပြည်နယ်နဲ့ ပြည်တွင်းအခြားနေရာအသီးသီးမှာရောက်ရှိနေတဲ့ လူငယ်အမျိုးသားအားလုံး ဇူလိုင်လအတွင်း ဟားခါးမြို့နယ်အတွင်း ပြန်လာကြရန် CDF-Hakha Central Council က ဇူလိုင်လ (၃) ရက်နေ့မှာ သတင်းထုတ်ပြန်ပါတယ်။ CDF-Hakha ထုတ်ပြန်ချက်မှာ ဇူလိုင်လ (၁) ရက်နေ့ကစပြီး ဟားခါးမြို့နယ်အတွင်း မွေးဖွားကြီးပြင်းသူများ၊ အိမ်ပိုင်ယာပိုင်ရှိသူများနဲ့ လက်ရှိနေထိုင်နေတဲ့ လူငယ်မှန်သမျှ သိရှိလိုက်နာစေရန်လို့ အထက်ပါအချက်များကို ထုတ်ပြန်ခဲ့တာဖြစ်ပါတယ်။ တော်လှန်ရေးကာလအတွင်း ဟားခါးမြို့နယ်ကနေ ပြည်ပကိုထွက်ခွါတဲ့ လူငယ် အမျိုးသားများအနေနဲ့ ၂၀၂၅ ခုနှစ်အတွင်း အမေရိကန်ဒေါ်လာ အနည်းဆုံး ၁၀၀၀ စီရန်ပုံငွေထည့်ဝင်ရန် CDF- Hakha Central Council ကဇူလိုင်လ…

ဇူလိုင်လ ၃ ရက်။ လတ်တလောမှာ ဖလမ်းမြို့နယ်အတွင်းမှာ စစ်ရေးတင်းမာမှုဖြစ်ပွါးနေတဲ့ ချင်းညီနောင်အဖွဲ့ဝင် ချင်းအမျိုးသားအဖွဲ့ချုပ်(CNO/CNDF)နဲ့ Chinland Council အဖွဲ့ဝင် CDF – Hualngoram တို့ နှစ်ဘက် တွေ့ဆုံပြီး ငြိမ်းချမ်းသောနည်းဖြင့် အဖြေရှာဖို့ Chinland Council နဲ့ချင်းညီနောင်အဖွဲ့က ဒီကနေ့ ဇူလိုင်လ ၃ ရက်မှာ တိုက်တွန်းကြောင်းထုတ်ပြန်ချက်အသီးသီးထုတ်ပြန်လိုက်ပါတယ်။ CDF – Hualngoram နဲ့ ချင်းအမျိုးသားကာကွယ်ရေးတပ်ဖွဲ့ (CNDF) တို့ကြား လက်ရှိဖြစ်ပေါ်နေတဲ့ ပဋိပက္ခအပေါ် ချင်းညီနောင်အနေနဲ့လည်း ပါဝင်ပတ်သက်မှာမဟုတ်သလို တခြားပြင်ပတော်လှန်ရေးလက်နက်ကိုင် အဖွဲ့အစည်းတွေကလည်း စစ်ရေးအရ ဝင်ရောက်စွက်ဖက်ပတ်သက်ခြင်းကို ရှောင်ရှားကြဖို့ တိုက်တွန်းကြောင်း CNDF အဖွဲ့ပါဝင်တဲ့ ချင်းညီနောင်အဖွဲ့က ဒီကနေ့ ဇူလိုင်လ ၃ ရက်နေ့မှာထုတ်ပြန်ပါတယ်။ စေ့စပ်ဆွေးနွေးမှုတွေမပြေလည်ဘဲ အချင်းချင်းသဘောထားတင်းမာမှုတွေကနေ အပြန်အလှန်ပစ်ခတ်မှုတွေထိ ပဋိပက္ခဖြစ်ပွားနေတဲ့ပေါ်…

ဇူလိုင် ၃ ရက်။ ချင်းပြည်နယ်အတွင်း ကြုံတွေ့နေရတဲ့ ကျန်းမာရေးလူ့စွမ်းအားအရင်းမြစ် ရှားပါးခြင်း ကျော်လွှားနိုင်ရန် နှင့် ကျန်းမာရေးစောင့်ရှောက်မှု ပိုမိုလွှမ်းခြုံမှု ပိုပေးနိုင်ဖို့ သူနာပြုနဲ့ သားဖွားသင်တန်း ဒီပလိုမာ ဒုတိယအသုတ်ကို ထပ်မံခေါ်ယူမယ်လို့ Chinland Council က ဖွဲ့စည်းထားတဲ့ ချင်းပြည် ( Chinland) အစိုးရ ရဲ့ ကျန်းမာရေးနဲ့ အားကစားဝန်ကြီးဌာနက ဇူလိုင်လ ၂ ရက်နေ့က ထုတ်ပြန်ကြေညာပါတယ်။ သူနာပြုနဲ့ သားဖွားသင်တန်း ဒီပလိုမာ ဒုတိယအသုတ်ကို လူဦးရေ အယောက် ၇၀ လက်ခံမှာဖြစ်ပြီး သင်တန်းပြီးမြောက်ရင် ချင်းပြည်တွင်း အနည်းဆုံး ၃ နှစ် တာဝန်ထမ်းဆောင်နိုင်သူတွေ ဖြစ်ရမယ်လို့လည်း ကြေညာထားပါတယ်။ တက်ရောက်မယ့်သူတွေအနေနဲ့ ၂၀၂၁ မတိုင်မီတက္ကသိုလ်ဝင်တန်း အောင်သူတွေနဲ့ ၂၀၂၁ နောက်ပိုင်း NUG…

ဇူလိုင်လ ၂ ရက်။ အိန္ဒိယ ရူပီးငွေ ၆.၆၇ ကုဋေတန်ဖိုးရှိ မက်သာအမ်ဖက်တမင်း မူးယစ်စိတ်ကြွဆေးပြား၂ သောင်း ကျော်ကို မြန်မာနိုင်ငံသားတစ်ဦးနဲ့ အတူ အိန္ဒိယ-မြန်မာနယ်စပ်နား ကျန်ဖိုင်းခရိုင်၊ ဇိုခေါထာရ်မှာ မီဇိုရမ်ပြည်နယ်ရဲတပ်ဖွဲ့နဲ့ အာသံရိုက်ဖယ်တပ်ဖွဲ့တို့ရဲ့ ပူးပေါင်းစစ်ဆင်ရေးတစ်ခုမှာ ဖမ်းမိတယ်လို့ ဇူလိုင်လ (၁) ရက်နေ့မှာ India Today သတင်းဌာနမှာဖော်ပြပါတယ်။ ဇွန်လ (၂၉) ရက်နေ့ တိကျတဲ့ ထောက်လှမ်းရေးသတင်းအချက်အလက်အရ အိန္ဒိယ-မြန်မာနယ်စပ်၊ ဇိုခေါထာရ်ရွာမှာ အာသံရိုင်ဖယ်တပ်ဖွဲ့နဲ့ မီဇိုရမ်ရဲတပ်ဖွဲ့ နှစ်ဖွဲ့ပူးပေါင်းပြီး လျှင်မြန်စွာ စစ်ဆေးရေးဂိတ်တစ်ခုကို ပြုလုပ်ပြီး ယခုကဲ့သို့ ဖမ်းဆီးရမိခဲ့ခြင်းဖြစ်ပါတယ်။ လုံခြုံရေးတပ်ဖွဲ့ဝင်များက သံသယဖြစ်ဖွယ် မြန်မာနိုင်ငံသားတစ်ဦးကို ကြားဖြတ်ဖမ်းဆီးခဲ့ပြီး ၎င်းနဲ့အတူ ခန့်မှန်းခြေ ၂.၂၂ ကီလိုဂရမ် အလေးချိန်ရှိ မက်သာအမ်ဖက်တမင်းဆေးပြား ၂၀၂၀၀ ပြားကိုတွေ့ရှိခဲ့ခြင်းဖြစ်ပါတယ်။ ယခုကဲ့သို့ နယ်စပ်ဖြတ်ကျော်…

ဇွန်လ ၃၀ ရက်။ မင်းတပ်မြို့နယ်အတွင်း သန့်ရှင်းသပ်ရပ်ပြီး ကျေးရွာပတ်ဝန်းကျင် စိမ်းလန်းစိုပြေသာယာစေရန် မင်းတပ်မြို့နယ်အတွင်း နေထိုင်တဲ့ ပြည်သူတွေ လိုက်နာ ဆောင်ရွက်ရမယ့် အမှိုက်ပစ်ရမယ့် စည်းကမ်းချက်များကို မင်းတပ်မြို့နယ် ပြည်သူ့အုပ်ချုပ်ရေးအဖွဲ့ (မင်းတပ်- ပအဖ) က ဒီကနေ့ ဇွန်လ ၃၀ ရက်နေ့မှာ ထုတ်ပြန်ပါတယ်။ လိုက်နာဆောင်ရွက်ရမယ့် အချက်တွေနဲ့ပက်သက်ပြီး မြို့နယ်၊ တိုက်နယ်၊ ကျေးရွာအုပ်စု၊ ကျေးရွာ အုပ်ချုပ်ရေးမှူးတွေကနေဖြင့် သိရှိလိုက်နာဆောင်ရွက်ကြဖို့နဲ့ ဆောင်ရွက်ပြီးစီးမှု အခြေအနေတွေကိုလည်း ပြန်လည် တင်ပြဖို့ကို မင်းတပ်မြို့နယ်ပြည်သူ့ အုပ်ချုပ်ရေးအဖွဲ့က ဇွန်လ ၂၄ ရက်နေ့ ရက်စွဲနဲ့ ထုတ်ပြန်ထားတာတွေ့ရပါတယ်။ မင်းတပ်မြို့နယ်တစ်ခုလုံး တရားဥပဒေစိုးမိုးရေး၊ နယ်မြေတည်ငြိမ်အေးချမ်းလုံခြုံရေး၊ တရားစီရင်ရေးနဲ့ တကွ မြို့ပြန်လည်တည်ဆောက်ရေးဆိုင်ရာ ကိစ္စရပ်တွေ၊ပြည်သူ့ဝန်ဆောင်မှုလုပ်ငန်းတွေကို လည်ပတ်လုပ်ဆောင်နေတယ်လို့လည်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဆိုပါတယ်။ အထူးသဖြင့်…

ဇွန်လ ၂၉ ရက်။ မတူပီမြို့သိမ်းတိုက်ပွဲမှာ ပါဝင်ခဲ့တဲ့ ချင်းညီနောင်အဖွဲ့၊ အာရက္ခတပ်တော်၊ ယောတပ်နှင့် ယောပြည်သူ့ကာကွယ်ရေးတပ်ဖွဲ့များမှ တပ်ပေါင်းစု အယောက်ချင်းစီတိုင်းအပေါ် ကျေးဇူးတင်ကြောင်း မတူပီမြို့သိမ်းတိုက်ပွဲအောင်မြင်စွာပြီးဆုံးခဲ့တာ ၁ နှစ်ပြည့်တဲ့ ဒီကနေ့ ဇွန်လ ၂၉ ရက်နေ့မှာ မတူပီမြို့ကိုသိမ်းပိုက်ထိန်းချုပ်ထားတဲ့ မတူပီတော်လှန်ရေးအဖွဲ့ချုပ်(MRO/ CDF – Matupi) က ကြေညာချက်ထုတ်ပြန်ခဲ့ပါတယ်။ မတူပီမြို့သိမ်းတိုက်ပွဲကို ချင်းညီနောင် စစ်ဆင်ရေး – မတူပီ အမည်နဲ့ မတူပီမြို့ရှိ စစ်ကောင်စီ အခြေချ စစ်ဗျူဟာ၊ ခလရ (၁၄၀) နဲ့ ခလရ (၃၀၄)တို့ကို တိုက်ခိုက်သိမ်းပိုက်ခဲ့တာဖြစ်ပြီး မြို့သိမ်းတိုက်ပွဲအတွက် တစ်စိုက်မတ်မတ် ထောက်ပို့လမ်းစဉ်အတိုင်း မြေပြင်တော်လှန်ရေးအဖွဲ့များအား အဖက်ဖက်မှ တတ်နိုင်သလောက်ထောက်ပံ့ကူညီပေးခဲ့ကြတဲ့ နိုင်ငံတကာထောက်ပို့အဖွဲ့များကိုကျေးဇူးတင်ကြောင်း MRO/CDF -Matupi ရဲ့ ထုတ်ပြန်ချက်မှာ ဖော်ပြပါတယ်။ ဆက်ပြီး…

ဇွန်လ ၂၉ ရက်။ ပြည်သူတွေ ဆက်သွယ်ခရီးသွားလာရေးအတွက် ပြိုကျနေတဲ့ မြေစာတွေကို စစ်တိုက်ရင်း ဖယ်ရှားပေးခဲ့တယ်လို့ ကလေး-သိုင်းငင်း လမ်းပေါ်မှာ စစ်ကောင်စီတပ်ကို ခုခံတိုက်ခိုက်ရာမှာပါဝင်တဲ့ တီးတိန်မြို့နယ်အခြေစိုက် ချင်းလက်နက်ကိုင်အဖွဲ့ဖြစ်တဲ့ People Defence Army – PDA က ဇွန်လ ၂၉ ရက်နေ့မှာ ထုတ်ပြန်ပါတယ်။ PDA က “ ပြည်သူတွေ ဆက်သွယ်ရေး၊ ခရီးသွားလာရေး၊ သယ်ယူပို့ဆောင်ရေးကောင်းမွန်စေရန် ပြိုကျနေတဲ့ မြေစာများကို စစ်တိုက်ရင်း ဖယ်ရှားခြင်း”လို့ ထုတ်ပြန်ထားပါတယ်။ လက်ရှိမှာ စစ်ကိုင်းတိုင်း၊ ကလေးမြို့ကနေ ပြီးခဲ့တဲ့ မေလ ၁၈ ရက်ကစလို့ ချင်းပြည်နယ်မြောက်ပိုင်းကို ထိုးစစ်ဆင်လာတဲ့ စစ်ကောင်စီတပ်ဖွဲ့နဲ့ ချင်းတော်လှန်ရေးပူးပေါင်းအဖွဲ့အကြား တီးတိန်မြို့နယ် မွှာပီးလ်ကျေးရွာမှာ နှစ်ဘက် တိုက်ပွဲတွေ အပြင်းအထန် ဖြစ်နေတယ်လို့လည်း သိရပါတယ်။…