ချင်းပြည်သတင်း

ဒီဇင်ဘာလ ၂၀ ရက်။ ချင်းညီနောင်စစ်ဆင်ရေး (Operation CB) အဖြစ်ဖော်ဆောင်လျက်ရှိတဲ့ မင်းတပ်မြို့နဲ့ ဖလမ်းမြို့သိမ်းတိုက်ပွဲတွေမှာ လက်ရှိမှာ မင်းတပ်နဲ့ဖလမ်းကစစ်ကောင်စီစခန်းအတော်များများကိုသိမ်းပိုက်ထားနိုင်ပြီး မင်းတပ်နဲ့ဖလမ်းက ရဲတပ်ဖွဲ့ဝင်နဲ့ စစ်ကောင်စီတပ်သား ၁၆၈ ဦး လက်နက်ချ အညံ့ခံတာတွေရှိတဲ့အကြောင်း ချင်းညီနောင်အဖွဲ့က ဒီကနေ့ ဒီဇင်ဘာလ ၂၀ ရက်နေ့မှာ ထုတ်ပြန်ပါတယ်။ ဒီဇင်ဘာလ ၁၅ ရက်နေ့က မင်းတပ်ခရိုင်/မြို့နယ်ရဲတပ်ဖွဲ့ဝင်းအတွင်းမှာရှိတဲ့ စစ်ကောင်စီတပ်ဖွဲ့ဝင်နဲ့ ရဲတပ်ဖွဲ့ဝင် စုစုပေါင်း (၁၂၃) ဦး ဟာ ၎င်းတို့မိသားစုဝင်တွေနဲ့ အတူလက််နက်ချအညံ့ခံတာတွေရှိခဲ့သလို ဖလမ်းမြို့က ဖလမ်းခရိုင်ရဲတပ်ဖွဲ့ရုံး၊ ဖလမ်းမြို့နယ်ရဲတပ်ဖွဲ့ရုံး၊ ဆောက်လုပ်ရေးရုံး၊ ထွေအုပ်ရုံးနဲ့ဆေးရုံကုန်းတွေကို တိုက်ခိုက်သိမ်းပိုက်နိုင်ခဲ့ပြီး စစ်ကောင်စီလက်အောက်ခံ ရဲတပ်ဖွဲ့ဝင် စုစုပေါင်း ၄၅ ဦး လက်နက်ခဲယမ်းတွေနဲ့အတူ နိုဝင်ဘာလ ၁၂ ရက်နေ့က လက်နက်ချ အညံံ့ခံခဲ့တယ်လို့ ချင်းညီနောင်အဖွဲ့ကထုတ်ပြန်ထားပါတယ်။ မင်းတပ်မြို့သိမ်းစစ်ဆင်ရေးမှာ…

ဒီဇင်ဘာလ ၁၉ ရက်။ ခရစ်စ္စမတ်ပွဲတော်ကြီးမှာ မရာလဲန်းကာကွယ်ရေးတပ်ဖွဲ့ (MTC/MDF)တွေ သုံးဆောင်ဖို့အတွက် ၎င်းရဲ့မဟာမိတ် အာရက္ခတပ်တော် (ULA/AA) အမှတ် (၃) တပ်မဟာ က နွား (၃) ကောင် ကိုခရစ်စ္စမတ်လက်ဆောင်အဖြစ်ပေးအပ်တဲ့ပေါ် အထူးကျေးဇူးတင်ရှိတယ်လို့ မရာလဲန်းကာကွယ်ရေးတပ်ဖွဲ့ (MTC/MDF) က ဒီကနေ့ ဒီဇင်ဘာလ ၁၉ ရက်နေ့မှာ သတင်းထုတ်ပြန်ထားပါတယ်။ နှစ်စဉ်နှစ်တိုင်းကျင်းပပြုလုပ်တဲ့ ခရစ်စ္စမတ်ပွဲတော်ကြီးမှာ မရာလူမျိုးလွတ်မြှောက်ရေးအတွက် တာဝန်ထမ်းဆောင်နေတဲ့ ရဲဘော်တွေ သုံးဆောင်နိုင်ဖို့ အိမ်နီးချင်းကောင်းပီသစွာနဲ့ အမြော်အမြင်ကြီးစွာ မဟာမိတ်ထက်ပိုတဲ့ စိတ်ရင်းမေတ္တာနဲ့ နွား၃ ကောင်အား လက်ဆောင်ပေးအပ်တဲ့အပေါ် (MTC/MDF) မှ ကျေးဇူးတင်ရှိတဲ့ကြောင်း ထုတ်ပြန်ချက်မှာ ဖော်ပြထားပါတယ်။ အာရက္ခတပ်တော်(AA) ဟာ မရာလဲန်းကာကွယ်ရေးတပ်ဖွဲ့ (MTC/MDF) ပါဝင်တဲ့ ချင်းညီနောင်အဖွဲ့နဲ့ စစ်ရေးအရ မဟာမိတ်ဖွဲ့ထားပြီး ချင်းညီနောင်ရဲ့ စစ်ဆင်ရေးတွေမှာလည်း…

ဒီဇင်ဘာလ ၁၉ ရက်။ အိန္ဒိယ – မြန်မာ နယ်စပ်ကုန်သွယ်ရေးကာလမ်းဖြစ်တဲ့ တီးတိန် – ရိဒ်ကြားက ပြည်ထောင်စုလမ်းမကြီးကို ချင်းပြည်(Chinland) အစိုးရနဲ့ ဒေသန္တရအစိုးရတို့က ပူးပေါင်းပြီး ပြုပြင်ဆောင်ရွက်လျက်ရှိတယ်လို့ Chinland Council က ဖွဲ့စည်းပေးထားတဲ့ ချင်းပြည်(Chinland)အစိုးရ၊ ဆောက်လုပ်ရေးဝန်ကြီးဌာနက ဒီဇင်ဘာလ ၁၈ ရက်နေ့က ထုတ်ပြန်ပါတယ်။ တီးတိန် – ရိဒ် ကုန်သွယ်ရေးကားလမ်းက နယ်စပ်ကုန်စည်စီးဆင်းရေး ဝန်ဆောင်မှုအတွက် အဓိက အားထားရတဲ့ ကုန်သွယ်ရေးလမ်းမကြီးဖြစ်ပြီး အိန္ဒိယနိုင်ငံနဲ့ ချင်းပြည်နယ်ကို ဆက်သွယ်ထားတဲ့ လမ်းမကြီးလည်း ဖြစ်တယ်လို့ ချင်းပြည်(Chinland)အစိုးရ၊ ဆောက်လုပ်ရေးဝန်ကြီးဌာနက ထုတ်ပြန်ထားပါတယ်။ မြန်မာ – အိန္ဒိယနယ်စပ်က ရိဒ်ခေါဒါရ်မြို့က စစ်ကောင်စီရဲ့ ရိဒ်ခေါဒါရ်တပ်စခန်းနဲ့ တီးအိုချောင်းစစ်စခန်းတွေကို ပြီးခဲ့တဲ့နှစ် ၂၀၂၃ခုနှစ်၊ နိုဝင်ဘာလ ၁၃ ရက်နေ့မှာ…

ဒီဇင်ဘာလ ၁၇ ရက်။ စစ်ကောင်စီအတွက် စစ်မှုထမ်းတပ်သားသစ်စုဆောင်းပေးတဲ့ စစ်ကိုင်းတိုင်း၊ ကလေးမြို့နယ် နှောညောင်ပင်ရွာအုပ်ချုပ်ရေးမှူးနဲ့သားဖြစ်သူကို ဒေသခံ တော်လှန်ရေးတပ်ဖွဲ့ PDF တွေဖမ်းဆီးခဲ့တာနဲ့ ပတ်သက်ပြီး နှောညောင်ပင်ကျေးရွာက အသက်မပြည့်သေးတဲ့ ကလေးငယ်အပါအဝင် ဒေသခံ ၆ ဦးကို စစ်ကောင်စီတပ်ဖွဲ့နဲ့ ပျူစောထီးတွေက ဒီဇင်ဘာလ ၁၂ ရက်နေ့မှာ ဖမ်းဆီးသွားကြောင်းကလေးမြို့နယ်ဒေသခံတွေဆီကနေ သိရပါတယ်။ ကလေးမြို့နယ် အရှေ့တောင်ဘက် နှောညောင်ပင်ကျေးရွာက စစ်ကောင်စီခန့်် ရွာအုပ်ချုပ်ရေးမှူးနဲ့ သားဖြစ်သူဟာ စစ်ကောင်စီအတွက် စစ်မှုထမ်းတပ်သားသစ်စုဆောင်းပေးလို့ဆိုပြီး PDF တပ်ဖွဲ့က ပြီးခဲ့တဲ့ ဒီဇင်ဘာလ ၁၁ ရက်နေ့က ဖမ်းဆီးခဲ့တာဖြစ်ပါတယ်။ ဒေသခံတစ်ဦးက “ အုပ်ချုပ်ရေးမှူးသားအဖ ဖမ်းတဲ့ကိစ္စနဲ့ပတ်သက်ပြီးတော့ အဲဒီရွာက ပျူစောထီးနဲ့ စစ်ကောင်စီတပ်သားတွေက အသက်မပြည့်သေးတဲ့ ကလေးငယ်အပါအဝင် ၆ ဦးကို သူတို့လက်ချက်ကြောင့်ဆိုတဲ့ ပုံစံမျိုးနဲ့ ဖမ်းဆီးတယ်”…

ဒီဇင်ဘာလ ၁၇ ရက်။ မင်းတပ်မြို့သိမ်းတိုက်ပွဲဖော်ဆောင်နေတဲ့ကာလဖြစ်သလို လေကြောင်းတိုက်ခိုက်မှုလည်း ပိုမိုများပြားတာကြောင့် မင်းတပ်မြို့နယ်အတွင်း ပြည်သူတွေအနေနဲ့ ဘာသာရေးနဲ့ သက်ဆိုင်တဲ့ အခမ်းအနားနဲ့ပွဲတွေ ရိုးရာပွဲလမ်းသဘင်တွေ လုံးဝမကျင်းပဖို့ မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဒီကနေ့ ဒီဇင်ဘာလ (၁၇) ရက်နေ့မှာ သတိပေးထုတ်ပြန်ထားပါတယ်။ စစ်ကောင်စီက မင်းတပ်မြို့နယ်အတွင်း မကြာခဏ လေကြောင်းကနေ တိုက်ခိုက်မှုတွေကို ပြုလုပ်လျက်ရှိနေတာကြောင့် ပြည်သူတွေအနေနဲ့ လူစုလူဝေးပြုလုပ်ခြင်း၊ ရိုးရာပွဲလမ်းသဘင်တွေ လုံးဝမကျင်းပဖို့ ပြီးခဲ့တဲ့ ဇွန်လ လောက်ကတည်းက အသိပေးထုတ်ပြန်ခဲ့ပြီးဖြစ်ကြောင်း ယခုချိန် မင်းတပ်မြို့သိမ်းတိုက်ပွဲဖော်ဆောင်နေတဲ့ ကာလဖြစ်လို့ လေကြောင်းတိုက်ိုခိုက်မှုလည်း ပိုများလာတာကြောင့် အခမ်းအနား ရိုးရာပွဲလမ်းသဘင်တွေ လုံးဝမကျင်းပဖို့နဲ့ လိုက်နာခြင်းမရှိပါက တည်ဆဲဥပဒေနဲ့အညီ အရေးယူခြင်းခံရမယ်လို့်လည်း ကြေညာထားပါတယ်။ မင်းတပ်မြို့သိမ်းတိုက်ပွဲဖော်ဆောင်တဲ့ နိုဝင်ဘာလ (၉)ရက်နေ့ကစလို့ နေ့စဉ်နီးပါး စစ်ကောင်စီက လေကြောင်းကနေ တိုက်ခိုက်ခဲ့ပြီး ဒီကနေ့ မနက်အစောပိုင်း…

ဒီဇင်ဘာလ ၁၆ ရက်။ စစ်ကောင်စီက မကွေးတိုင်းချောက်မြို့ကနေ ကုန်စည်ပစ္စည်းတွေပို့ဆောင်တာကိုပိတ်ဆို့ဖြတ်တောက်တာတွေ၊ သယ်ယူစရိတ်တွေကြောင့် ချင်းပြည်နယ်တောင်ပိုင်းမှာ စားသောက်ကုန်တချို့ပြတ်လပ်ပြီး၊ ကြက်ဥတောင်ရှာမရဖြစ်နေပြီး၊ဓာတ်ဆီတစ်လီတာကိုလည်း တစ်သောင်းခွဲဝန်းကျင်အထိ ပေးဝယ်နေရတဲ့အကြောင်း ဒေသခံတွေဆီကနေ သိရပါတယ်။ ချင်းပြည်နယ်တောင်ပိုင်း ကန်ပက်လက်မြို့၊မင်းတပ်မြို့၊ မတူပီနဲ့ ပလက်ဝမြို့နယ်ဒေသခံတွေဟာ အခြေခံစားသောက်ကုန်တွေကို မကွေးတိုင်း ဆောမြို့နယ်နဲ့ ချောက်မြို့နယ်ဘက်ကနေ အဓိကဝယ်ယူအားထားနေရတာလည်းဖြစ်ပါတယ်။ ချင်းပြည်နယ်တောင်ပိုင်းမှာ နေထိုင်တဲ့ ဒေသခံတစ်ဦးပြောတာက “ကျနော်အခုနေတဲ့ရွာမှာဆိုရင် ကြက်ဥကမရောက်နိုင်တော့ဘူး၊ ဆောအနီးအနားဝန်းကျင်မှာကို ကြက်ဥတစ်လုံးကို တစ်ထောင်လောက်ဖြစ်တယ် ဓာက်ဆီတွေကကြတော့ ကျနော်တို့ရွာဘက်မှာက တစ်လီတာကို တစ်သောင်းခွဲ၊ တစ်သောင်းလေးထောင် (တစ်သောင်းသုံးထောင်လောက်) ရှိတယ် အမြင့်ဆုံးက တစ်သောင်းခွဲထိပေါ့ ဆောအနီးနားဝန်းကျင်မှာတော့ တစ်လီတာကို ၅ ထောင်စျေးပေါ့ ချင်းပြည်နယ်ဘက်ကိုတော့ ဆိုင်ကယ်နဲ့သယ်ရတာတွေဖြစ်တော့ ကျနော်တို့ရွာဘက်တွေမှာ တစ်သောင်းခွဲလောက်ရှိတယ် တစ်ရွာနဲ့တစ်ရွာက ပေးရတဲ့ စျေးနှုန်းက မတူကြဘူး စစ်ကောင်စီဘက်က လုံးဝပိတ်တာမျိုးတော့ မဟုတ်ဘူး…

ဒီဇင်ဘာလ ၁၃ ရက်။ ချင်းပြည်နယ် ဖလမ်းမြို့တွင်းတိုက်ပွဲ ဆင်နွဲလျက်ရှိတာကြောင့် ဖလမ်းမြို့အတွင်း စစ်ဆင်ရေးတိုက်ပွဲဝင်နေသူကလွဲရင် မည်သူ့ကိုမှ ဝင်ထွက် သွားလာခွင့် မပြုကြောင်း ချင်းအမျိုးသားကာကွယ်ရေးတပ်ဖွဲ့ (CNDF) က ဒီကနေ့ ဒီဇင်ဘာလ ၁၃ ရက်နေ့မှာ ထုတ်ပြန်ထားပါတယ်။ ဖလမ်းမြို့အတွင်း ချင်းညီနောင်စစ်ဆင်ရေး တိုက်ပွဲ ဆင်နွဲနေတာကြောင့် ချင်းအမျိုးသားကာကွယ်ရေးတပ်ဖွဲ့ (CNDF) အနေနဲ့ လုံခြုံရေးနဲ့ စစ်ရေးအခြေအနေအရ ဖလမ်းမြို့တွင်းကို မည်သူ့ကိုမှ ဝင်ထွက်သွားလာခွင့် မပြုကြောင်း၊ အရေးပေါ်ကိစ္စရှိပါက သက်ဆိုင်ရာ စစ်ရေးတာဝန်ရှိသူထံ အကြောင်းကြားဖို့ကိုလည်း အသိပေးထုတ်ပြန်ထားပါတယ်။ ချင်းညီနောင်အဖွဲ့က ဖော်ဆောင်လျက်ရှိတဲ့ ချင်းညီနောင် စစ်ဆင်ရေး (Operation CB) ကို ဖလမ်းမြို့နဲ့ မင်းတပ်မြို့မှာရှိတဲ့ စစ်ကောင်စီစခန်းတွေကို နိုဝင်ဘာလ ၉ ရက်နေ့ကနေ စလို့ တစ်ပြိုင်နက်တည်း ထိုးစစ်ဆင်တိုက်ခိုက်နေပြီး လက်ရှိအချိန်ထိ…

ဒီဇင်ဘာလ ၁၂ ရက်။ ချင်းပြည်နယ် မင်းတပ်မြို့ပေါ်ကို စစ်ကောင်စီက လေကြောင်းကနေ နေ့စဉ်နီးပါး တောက်လျှောက် ဗုံးကြဲတိုက်ခိုက်နေတယ်တဲ့အကြောင်း ချင်းကာကွယ်ရေးတပ်ဖွဲ့ – မင်းတပ်( CDF-Mindat) ကပြောရေးဆိုခွင့်ရှိသူ ကိုယောမာန်ကပြောပါတယ်။ ဒီကနေ့ ဒီဇင်ဘာလ ၁၂ ရက်နေ့မနက်ပိုင်း ၈ နာရီဝန်းကျင်ကနေ ၉ နာရီခွဲအထိ မကွေးလေတပ်က တိုက်လေယာဉ် Y – 12 နဲ့ မင်းတပ်မြို့ပေါ်နေရာတွေကို တစ်နာရီကျော် ပတ်ပျံပြီး ၁၂၀ မမ ဗုံးသီး ၁၀ လုံးတွဲ၊ (၇)လုံးတွဲ၊ ၅ လုံးတွဲတွေနဲ့ ဗုံး ၇၅ လုံးနဲ့ ဗုံးကြဲတိုက်ခိုက်ခဲ့တယ်လို့လည်း သိရပါတယ်။ ချင်းကာကွယ်ရေးတပ်ဖွဲ့ – မင်းတပ် ကပြောရေးဆိုခွင့်ရှိသူ ကိုယောမာန်က “စစ်ကောင်စီဘက်က လေကြောင်းကနေ ဗုံးကြဲတိုက်ခိုက်တာ တောက်လျှောက်လုပ်နေပါတယ်။…

ဒီဇင်ဘာလ ၁၁ ရက်။ ဒီဇင်ဘာလ ၆ ရက်နေ့ ညနေပိုင်းက တီးတိန်မြို့နေအိမ်မှ ထွက်ခွါလာကာ ပျောက်ဆုံးနေတဲ့ စိတ်ပိုင်း မကျန်းမာသူ အသက် ၂၉ နှစ်အရွယ် ကိုလန့်ခန့်ဆွင်းရဲ့ရုပ်အလောင်းအား ဒီဇင်ဘာလ ၁၀ ရက်နေ့မှာ တွန်းဇံမြို့မှာ CDF-Tonzang မှ သေဆုံးသူရဲ့မိသားစုထံသို့ ပြန်လည်လွှဲ အပ်ပေးခဲ့ပြီး တီးတိန်မြို့ရှိ ၄င်းရဲ့နေအိမ်သို့ ရောက်ရှိပြီဖြစ်ကြောင်း တီးတိန်မြို့ နေ လူငယ် တစ်ဦး ထံမှ သိရှိခဲ့ရပါတယ်။ သေဆုံးသူဟာ မလေးရှား ကနေ စိတ်ပိုင်းဆိုင်ရာ ကျန်းမာရေး ချို့ယွင်းချက် ကြောင့် ဇာတိကို ပြန်လာခဲ့ သည်မှာ နှစ်နှစ် ကျော် ရှိခဲ့သူ ဖြစ်ပြီး ဒီဇင်ဘာလ ၆ ရက်နေ့တွင် တီးတိန်မြို့ရှိ သူ့ရဲ့နေအိမ်ကနေ ထွက်ခွါသွား ကာပျောက်ဆုံး…

ဒီဇင်ဘာလ ၁၁ ရက်။ ချင်းပြည်နယ် ဖလမ်းမြို့ စစ်ကောင်စီတပ်ကုန်းက စစ်ကောင်စီတပ်ဖွဲ့တွေအနေနဲ့ ကမ္ဘာမကျေတဲ့ ရန်သူအဆင့်မရောက်ခင် သွားလိုရာနေရာ သွားခွင့်ပေးမယ့်အကြောင်းနဲ့ လာရောက်ဆက်သွယ်ပေးကြဖို့ ဖလမ်းမြို့ကို ထိုးစစ်ဆင်တိုက်ခိုက်နေတဲ့ ချင်းညီနောင်အဖွဲ့ဝင် ချင်းအမျိုးသားအဖွဲ့ချုပ် (CNO/CNDF)ရဲ့ဒုဥက္ကဌ ၁ ဆလိုင်းပီတာထန်းက ဒီနေ့ ဒီဇင်ဘာလ ၁၁ ရက်မှာ ၎င်းဖေ့ဘုတ် လူမှုကွန်ယက်ကနေ တဆင့် ကမ်းလှမ်းဖိတ်ခေါ်ထားပါတယ်။ “ကျနော်တို့ရဲ့မြို့ကို ကျနော်တို့ပြန်ယူနေတာက ကျနော်တို့အတွက်တော့ သမိုင်းပေးတာဝန်ပါ။ အဲဒီအတွက် ကိုယ့်အသက်စွန့်ရလည်း ကိုယ့်မြို့အတွက် ကိုယ်ဟာ သူရဲကောင်းအဖြစ်နဲ့ရှိနေမှာ၊ ခဗျားတို့ကျတော့ သူတပါးမြို့ကို ဖျက်ဆီးတဲ့ သူတွေအဖြစ် သမိုင်းမှာ တွင်ကျန်ရစ်တော့မှာ။ ကမ္ဘာမကျေတဲ့ ရန်သူအဆင့်မရောက်ခင် ကျနော်တို့မြို့ကို ပြန်ပေးပါ။ သွားလိုရာနေရာကို သွားခွင့်ပေးမှာပါ။ ဖလမ်းမြို့ကို ထားခဲ့ပြီးသွားမယ်ဆိုရင် ဆက်သွယ်ပေးပါ ဖလမ်းတပ်ကုန်းကို စစ်ကောင်စီတပ်ဖွဲ့တွေအနေနဲ့ အသေအလဲကာကွယ်တာ ဘာအတွက်လဲ?…