ယူကေအစိုးရမှ ချီးမြှင့်သော Chevening ပညာသင်ဆုများ လျှောက်ထားနိုင်
ယူကေ(UK)နိုင်ငံတွင် ပညာလေ့လာရန် Chevening ပညာသင်ဆုလျှောက်လွှာများအား ၂၀၂၄ ခုနှစ် ဩဂုတ်လ ၆ ရက်နေ့ မြန်မာစံတော်ချိန် ညနေ ၅ နာရီခွဲ၌ စတင် ဖွင့်လှစ်မည်ဖြစ်ပြီး နိုဝင်ဘာလ ၅ ရက်နေ့အထိ လျှောက်ထားနိုင်ပါသည်။ လျှောက်ထားသူများသည် မိမိတို့၏ လျှောက်လွှာများကို chevening.org/apply မှတစ်ဆင့် တင်သွင်းနိုင်ပါသည်။ Chevening ပညာသင်ဆုများကို မတူညီကွဲပြားသော နောက်ခံအခြေအနေအသီးသီးမှ အနာဂတ် ခေါင်းဆောင်များဖြစ်လာရန်အတွက် သံန္နိဋ္ဌာန်နှင့် အရည်အချင်းပြည့်ဝသူများအား ချီးမြှင့်ခြင်း ဖြစ်ပါသည်။ လျှောက်ထားသူများသည် မိမိတို့၏ နိုင်ငံအတွင်း အပြုသဘောဆောင်သော အပြောင်းအလဲများကို ဖန်တီးရန် လက်တွေ့ကျကျ အောင်မြင်နိုင်သည့် စိတ်ကူးစိတ်သန်းများရှိရမည်ဖြစ်သည်။ ထို့ပြင် မိမိတို့ ရွေးချယ်ထားသည့် ယူကေမဟာဘွဲ့သည် ၎င်းစိတ်ကူးများကို လက်တွေ့ဖန်တီးနိုင်အောင် မည်သို့ အထောက်အကူပြုမည်ကို ဖော်ပြနိုင်ရပါမည်။ Chevening ပညာသင်ဆုသည် ယူကေတက္ကသိုလ်ပေါင်း ၁၅၀ ကျော်တွင် အကျုံးဝင်သည့် မည်သည့်မဟာဘွဲ့ကိုမဆို တက်ရောက်လေ့လာရန်…
