အိန္ဒိယဥပဒေ ကိုမလိုက်နာပဲ နယ်စပ်ကိုဖြတ်ကျော်တဲ့ မြန်မာဒုက္ခသည်များရဲ့ မှတ်ပုံတင်များသိမ်းဖို့ မီဇိုရမ်ပြည်နယ်ဝန်ကြီးချုပ် စဉ်းစားလာ
ဇွန်လ ၂၈ ရက်။ အိန္ဒိယနိုင်ငံနဲ့ မြန်မာနိုင်ငံ နယ်စပ်ကိုထပ်ခါတလဲလဲ ဖြတ်ကျော်ပြီး အိန္ဒိယဥပဒေများကို ချိုးဖောက်နေတဲ့ မြန်မာဒုက္ခသည်များရဲ့ မှတ်ပုံတင်များကို သိမ်းဆည်းရန် မီဇိုရမ်ပြည်နယ်ဝန်ကြီးချုပ်က စဉ်းစားလာနေတယ်လို့ ဇွန်လ ၂၇ ရက်နေ့က India Today သတင်းဌာနမှာဖော်ပြပါတယ်။ ဇွန်လ (၂၆) ရက်၊ ကြာသပတေးနေ့က မီဇိုရမ်ပြည်နယ်၊အိုင်ဇောလ်မြို့မှာ ပြုလုပ်ကျင်းပတဲ့ နိုင်ငံခြားရေးဝန်ကြီးဌာန ပူးတွဲအတွင်းဝန်၊ ပြည်ပရောက်လုပ်သားများအကာအကွယ်ပေးရေး ညွှန်ကြားရေးမှူးချုပ် ဆူရင်ဒါ ဘာဂတ် (Surinder Bhagat) တို့နဲ့ ပြုလုပ်တဲ့ အဆင့်မြင့်အစည်းအဝေးတစ်ခုအတွင်း ပြည်နယ်ဝန်ကြီးချုပ် Lalduhoma က ဒုက္ခသည်အချို့ရဲ့ အပြုအမူများအပေါ် စိုးရိမ်ကြောင်း ထုတ်ဖော်ပြောကြားခဲ့ပြီး မှတ်ပုံတင်များသိမ်းဆည်းရေးကိစ္စကိုလည်း စဉ်းစားနေတယ်လို့ဆိုပါတယ်။ မီဇိုရမ်ပြည်နယ်ဝန်ကြီးချုပ်က “ဒုက္ခသည်အများအပြားဟာ ဥပဒေကို လိုက်နာကြပေမယ့်လည်း၊ လက်ရှိအကျပ်အတည်းကို အခွင့်ကောင်းယူကာ မြန်မာနဲ့ နယ်စပ်ကို ဖြတ်ကျော်သွားလာနေသူများလည်း…
