ပြည်တွင်းသတင်း

ဖေဖော်ဝါရီလ ၂၀ ရက်။ နွေဦးတော်လှန်ရေးမှာ ချင်းတိုင်းရင်းသားတွေအတွက် ဦးဆောင်ဦးရွက်ပြုလျက်ရှိကြတဲ့ တော်လှန်ရေးအဖွဲ့အစည်း အသီးသီးက ခေါင်းဆောင်တွေအနေနဲ့ အချင်းချင်း ရင်းနှီးပွင့်လင်းစွာညှိနှိုင်း တိုင်ပင်ကာ လွတ်လပ်ပြီး ကိုယ်ပိုင်ပြဌာန်းခွင့် အပြည့်အဝရှိတဲ့ ချင်းဒေသကို အတူတကွ လက်တွဲထူထောင်နိုင်ဖို့ကိုလည်း မျော်လင့်တယ်လို့ ဒီကနေ့ ဖေဖော်ဝါရီလ ၂၀ ရက်နေ့မှာ ကျရောက်တဲ့ ချင်းအမျိုးသားနေ့မှာ အမျိုးသားညီညွှတ်ရေးအစိုးရ(NUG)က သဝဏ်လွှာပေးပို့ခဲ့ပါတယ်။ နွေဦးတော်လှန်ရေးကာလ ငြိမ်းချမ်းစွာ ဆန္ဒပြခဲ့တဲ့ ပြည်သူလူထုကို အကြမ်းဖက်အာဏာရှင် လက်ပါးစေစစ်တပ်က ပစ်ခတ်ဖြိုခွင်းသောအခါတွင် ချင်းအမျိုးသားတို့ရဲ့ တူမီးလက်နက်နဲ့ ပြည်သူကိုကာကွယ်ပေးခဲ့ပြီး စစ်အာဏာရှင်ကို စတင်ခုခံတွန်းလှန်တဲ့ သမိုင်းကလည်း အထင်အရှားဖြစ်ခဲ့တဲ့ ဂုဏ်ယူဝမ်းမြောက်စရာဖြစ်တယ်လို့ သဝဏ်လွှာမှာဖော်ပြထားပါတယ်။ နယ်ချဲ့အစိုးရနဲ့ ဖက်ဆစ်တော်လှန်ရေးသမိုင်း၊ ပင်လုံစာချုပ်ချုပ်ဆိုတဲ့ သမိုင်းနဲ့ လက်ရှိတွင်လည်း အမျိုးသားညီညွှတ်ရေးအစိုးရနဲ့ လက်တွဲလျက် စစ်အာဏာရှင်စနစ် အမြစ်ပြတ်ရေးကို အတူပူးပေါင်း တိုက်ပွဲဝင်လျက်ရှိတဲ့ ချင်းအမျိုးသားခေါင်းဆောင်တွေနဲ့…

ဖေဖော်ဝါရီလ ၂၀ ရက်။ နိုင်ငံတော်နှင့် ပြည်သူတို့အပေါ် သဘောထားမမှန်ကန်သည့် တိုင်းရင်းသားလက်နက်ကိုင်အဖွဲ့အစည်းအချို့မှ ဖြစ်ပေါ်လာသော မတည်ငြိမ်မှုကိုအခွင့်ကောင်းယူ၍ တည်ငြိမ်အေးချမ်းနေသောဒေသများကို အကြမ်းဖက်တိုက် ခိုက်ဖျက်ဆီးခဲ့ကြသဖြင့် ချင်းပြည်နယ်အပါအဝင် ဒေသအသီးသီး၌ အပြစ်မဲ့ပြည်သူများရဲ့ အသက်၊ အိုးအိမ်၊ ပစ္စည်းဥစ္စာများသာမက ပြည်သူပိုင်အဆောက်အဦများစွာပျက်စီးဆုံးရှုံးကာ မူလအခြေအနေပြန်ရောက်အောင် အကုန်အကျများစွာနဲ့ အချိန်ယူတည်ဆောက်ကြရမှာဖြစ်ကြောင်း အာဏာသိမ်းစစ်ကောင်စီဥက္ကဋ္ဌဗိုလ်ချုပ်မှုးကြီးမင်းအောင်လှိုင်ကဒီကနေ့ ဖေဖော်ဝါရီ ၂၀ ရက်မှာကျရောက်တဲ့ (၇၇)နှစ်မြောက် ချင်းအမျိုးသားနေ့အခမ်းအနားကိုသဝဏ်လွှာပေးပို့ရာမှာပြောပါတယ်။ ” လက်နက်ကိုင်အကြမ်းဖက်မှုတွေရဲ့ဆိုးကျိုးကို လက်တွေ့ခံစားနေရတာက ဒေသခံတိုင်းရင်းသားပြည်သူတွေဘဲဖြစ်ပါတယ်။ ထိခိုက်ဆုံးရှုံးမှုမှန်သမျှဟာလည်း နိုင်ငံတော်ရဲ့ အရင်းအမြစ်နဲ့ အခြေခံအဆောက်အဦတွေဘဲဖြစ်ပါတယ်။ တိုးတက်ဖွံ့ဖြိုးမှုအရှိန်အဟုန်ရရှိနေတဲ့အခြေအနေမှာ အခုလို မဆင်မခြင်လုပ်ရပ်တွေကြောင့် ပျက်စီးဆုံးရှုံးရခြင်းဟာ နိုင်ငံရဲ့အင်အားကိုလျော့ပါးစေပြီး မူလအခြေအနေပြန်ရောက်အောင် အကုန်အကျများစွာနဲ့ အချိန်ယူတည်ဆောက်ကြရမှာဖြစ်ပါတယ်။ နစက အနေနဲ့ဖြစ်ပွားနေတဲ့ လက် နက်ကိုင်ပဋိပက္ခတွေချုပ်ငြိမ်းဖို့ NCA ပါသ ဘောတူညီချက်တွေအတိုင်း ဦးတည်အကောင်အထည်ဖော်ဆောင်ရွက်သွားမှာပါ”လို့ ဗိုလ်ချုပ်မှုးကြီးမင်းအောင်လှိုင်က ပြောကြားပါတယ်။ ချင်းပြည်နယ်အပါအဝင် နိုင်ငံတစ်ဝှမ်း၌ နိုင်ငံ…

ဖေဖော်ဝါရီလ ၁၈ ရက်။ စစ်မှုထမ်း အပတ်စဉ် ၁၀ သင်တန်းတွေကို တိုင်းစစ်ဌာနချုပ် ၆ ခုမှာ မနေ့ ဖေဖော်ဝါရီ (၁၇) ရက်မှာ စတင်ဖွင့်လှစ်တဲ့အကြောင်း စစ် ကောင်စီကသတင်း ဖော်ပြပါတယ်။ စစ်မှုထမ်းအပတ်စဉ် တစ်ခုကို အသက် ၁၈ နှစ်က နေ အသက် ၃၅ နှစ်အကြားက အမျိုးသား လူဦးရေအယောက် (၅၀၀၀) ခေါ်ယူမယ်လို့ သတ်မှတ်ထားတာ ကြောင့် အခုစစ်မှုထမ်းအပတ်စဉ် ၁၀ သင်တန်းဖွင့်လှစ်ပြီဖြစ်လို့ စစ်ကောင်စီတပ်က မြန်မာနိုင်ငံတဝန်းက လူငယ်၊လူရွယ်အမျိုးသား ၅ သောင်းကို စစ်မှုထမ်းဖို့အတွက် စုဆောင်းထားပြီးပြီလို့ယူဆလို့ရပါတယ်။ ၂၀၂၄ ခုနှစ် ဖေဖော်ဝါရီ ၁၀ ရက်ကနေ စစ်မှုထမ်းဥပဒေကို အာဏာသိမ်း စစ် ကောင်စီက ပြဌာန်းခဲ့တာဖြစ်ပါတယ်။ နိုင်ငံအဝန်းစစ်မျက်နှာများစွာဖွင့်တိုက် နေရလို့…

ဖေဖော်ဝါရီလ ၁၇ ရက်။ ချင်းပန်းချီဆရာတွေထဲက Artist Moe Yin Lushai Hills နဲ့ Artist Pu ZoZam တို့ပါ၀င်တဲ့ ပထမမျိုးဆက်ပန်းချီဆရာတွေနဲ့ လက်ရှိမျိုးဆက်သစ် ပန်းချီဆရာတွေ စုပေါင်းကာ လာမယ့် ဖေဖော်ဝါရီလ ၂၀ ရက်နေ့ ချင်းအမျိုးသားနေ့ကစလို့ ၅ ရက်အကြာ ပန်းချီပြပွဲ (Inn Lam Art Exhibition) ကိုရန်ကုန်မြို့၊ ပုဇွန်တောင်မြို့နယ်က Izana Gallery မှာ ကျင်းပသွားမယ်လို့ သိရပါတယ်။ ဒီပန်းချီပြပွဲမှာပါ၀င်တဲ့ ချင်းလူငယ်ပန်းချီဆရာ ဆလိုင်းနံရံက “ချင်းလူမျိုးပန်းချီဆွဲတဲ့ မျိုးဆက်တွေ အတူပြပွဲလုပ်တဲ့သဘောပါပဲ ပန်းချီဆရာတွေကတော့ လက်လှမ်းမှီသလောက်ပဲလုပ်နိုင်သေးတယ်။ ချင်းပန်းချီဆရာတွေ မစုံသေးဘူး နယ်ဝေးရောက်နေသူတွေ၊ နိုင်ငံခြားရာက်နေသူတွေကိုတော့ လက်လှမ်းမမှီတာတွေရှိတယ်။ Native Chin Art Circle –…

ဖေဖော်ဝါရီလ ၁၇ ရက်။ စစ်ကိုင်းတိုင်း ကလေးမြို့နယ်နဲ့ မုံရွာမြို့နယ်တွေကို စစ်ကောင်စီက ပြီးခဲ့တဲ့ ဖေဖော်ဝါရီလ ၁၂ ရက်နေ့ကနေ ၁၄ ရက်နေ့ အထိ သုံးရက်တာအတွင်း လေကြောင်းကနေ ဗုံးအလုံးရေ ၂၁၂ ကြိမ် ကြဲချတိုက်ခိုက်ခဲ့လို့ ကလေးငယ် (၆) ဦးအပါအဝင် စုစုပေါင်းအရပ်သားပြည်သူ ၁၅ ဦးသေဆုံးပြီး ၂၉ ဦး ထိခိုက်ဒဏ်ရာရခဲ့တယ်လို့ အမျိုးသားညီညွှတ်ရေးအစိုးရ(NUG)၊ လူ့အခွင့်အရေးဆိုင်ရာဝန်ကြီးဌာနက ဒီကနေ့ ဖေဖော်ဝါရီလ ၁၇ ရက်နေ့မှာ ထုတ်ပြန်ပါတယ်။ လေကြောင်းတိုက်ခိုက်မှုအပြင် ဟောက်ဝှစ်စာနဲ့ လက်နက်ကြီးတွေအသုံးပြုပြီး အရပ်သားပြည်သူနေအိမ်တွေ စစ်ရှောင်စခန်းတွေ ဆေးရုံတွေ နဲ့ စာသင်ကျောင်း ဆိုးဆိုးရွားရွား တိုက်ခိုက်မှုတွေ ဆက်လက်ကျူးလွန်ခဲ့တယ်လို့လည်း ထုတ်ပြန်ထားပါတယ်။ ကလေးမြို့နယ်တောင်ပိုင်းက ကျေးရွာတွေကို ဖေဖော်ဝါရီလ ၁၂ ရက်နေ့က တစ်ရက်အတွင်း လေကြောင်းတိုက်ခိုက်မှု…

ဖေဖော်ဝါရီလ ၁၆ ရက်။ မန္တလေးကက်သလစ် ဂိုဏ်းချုပ်သာသနာမှ ဘုန်းတော်ကြီး Father Donald Martin ကိုဓားဖြင့်ခုတ်သတ်မှုဟာ အလွယ်တကူ မေ့ပျောက်မယ့်အရာမဟုတ်တဲ့အပြင် ကျူးလွန်သူတို့အား ထိုက်သင့်တဲ့ အရေးယူခြင်းနဲ့ တရားမျှတမှုဖော်ဆောင်ပေးကြပါလို့ မြန်မာနိုင်ငံလုံးဆိုင်ရာ ကက်သလစ်ဆရာတော်ကြီးများအဖွဲ့ချုပ်ဥက္ကဌ ကာဒီနယ် ချားလ်စ်ဘို ကတိုက်တွန်းကြောင်း မနေ့ဖေဖော်ဝါရီလ ၁၅ ရက်က ကြေညာချက်ထုတ်ပြန်ခဲ့ပါတယ်။ Father Donald Martin ရဲနိုင်ဝင်းဟာသက်တော် ( ၄၄ နှစ်)၊ ၀ါတော် (၇ နှစ်) ရှိပြီဖြစ်တယ်လို့ သိရပြီးစစ်ကိုင်းတိုင်း၊ ရွှေဘိုမြို့နယ်၊ ကံကြီးတောကျေးရွာမှာ တာဝန်ကျသူဖြစ်ပြီး ဖေဖော်ဝါရီလ ၁၄ ရက်နေ့ညမှာ လက်နက်ကိုင်တစ်စုက ဓားနဲ့ ခုတ်ဖြတ်လို့ သေဆုံးခဲ့ရတာဖြစ်ပါတယ်။ ဘုန်းတော်ကြီးဟာ ဘုရားကျောင်းအတွင်းမှာ သတ်ဖြတ်ခံရခြင်းဖြစ်ပြီး လည်ကုတ်နဲ့ ရင်ဘတ်တွေမှာ မသေမချင်းခုတ်ဖြတ်ထားတဲ့ဒဏ်ရာတွေနဲ့ သေဆုံးတယ်လို့သိရပါတယ်။ ဘုန်းတော်ကြီးကိုသတ်ဖြတ်သူများဟာ…

နိုင်ငံရေးအခွင့်အရေးပိတ်ပင်တားဆီးမှုမျိုးစုံကြားက ပင်လုံစာချုပ်မှ ဖြစ်တည်လာခဲ့တဲ့ ပြည်ထောင်စုကြီး မပြိုကွဲရေးနဲ့ တန်းတူညီမျှမှုကို အခြေခံတဲ့ ဖက်ဒရယ်ပြည်ထောင်စု ထူထောင်ရေးအတွက် ပြည်သူ့တော်လှန်ရေးလမ်းစဉ်နဲ့ လက်နက်ကိုင်တော်လှန်ရေး လမ်းစဉ်ကို ကိုင်စွဲလျက် အာဏာရှင်မှန်သမျှကို ဆန့်ကျင်ပြီး ဆက်လက်တိုက်ပွဲဝင်သွားမယ်လို့ အမျိုးသားညီညွတ် ေရးအစိုးရ( NUG)ရဲ့ (၇၈) နှစ်မြောက် ပင်လုံစာချုပ် ချုပ်ဆိုခြင်း အထိမ်းအမှတ် အခမ်းအနားကို ချင်းအမျိုးသားတပ်ဦး(CNF)က သဝဏ်လွှာပေးပို့ပါတယ်။ ပင်လုံစာချုပ်လက်မှတ်ရေးထိုးခဲ့ကြတဲ့ ချင်း၊ ကချင်၊ ရှမ်းနဲ့ တခြားတိုင်းရင်းသားတွေဟာ မည်သည့်အခါကမျှ ပြည်ထောင်စုမှ မခွဲထွက်ပဲစစ်မှန်တဲ့ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် ၁၉၆၁ ခုနှစ် တောင်ကြီးညီလာခံ၊ ၁၉၉၀ ခုနှစ် ဗိုလ်အောင်ကျော်လမ်း ထုတ်ပြန်ကြေညာချက်၊ ၁၉၂၂ ခုနှစ် မာနယ်ပလောစာချုပ်၊ ၁၉၉၇ ခုနှစ် မဲသရောထာသဘောတူညီချက်၊ ၁၉၉၈ ခုနှစ် သူးမွဲကလိုးသဘောတူညီချက်နဲ့ ၂၁ ရာစု…

ဖေဖော်ဝါရီလ ၁၂ ရက်။ အနာဂတ်ဖက်ဒရယ်ပြည်ထောင်စုတည်ဆောက်မှုကိုလက်တွေ့ဖော်ဆောင်ပြီးအသွင်ကူးပြောင်းရေးကာလအတွက်ဖွဲ့စည်းပုံအခြေခံဥပဒေကဲ့သို့သက်ရောက်မှုရှိသောအုပ်ချုပ်ရေးစာတမ်း(Government Document) အဖြစ် ကျင့်သုံးဆောင်ရွက်သွားရန် ဖက်ဒရယ်အသွင်ကူးပြောင်းရေးအစီအမံဆိုင်ရာအခြေခံဥပဒေအားပြင်ဆင်ရေးဆွဲနေပြီဖြစ်ကြောင်း ချင်းအမျိုးသားတပ်ဦး(CNF) အပါအဝင် တိုင်းရင်းသားတော်လှန်ရေးအဖွဲ့အစည်းများ၊ ပြည်နယ်/လူမျိုးကိုယ်စားပြု ဖက်ဒရယ်ကောင်စီ ၉ ဖွဲ့က ဒီကနေ့ ဖေဖော်ဝါရီလ ၁၂ ရက် ပြည်ထောင်စုနေ့မှာထုတ်ပြန်ကြေညာပါတယ်။ CNF အပါအဝင် တိုင်းရင်းသားတော်လှန်ရေးအဖွဲ့အစည်း ၉ ဖွဲ့က အသွင်ကူးပြောင်းရေးကာလအတွက် ဖွဲ့စည်းပုံအခြေခံဥပဒေကဲ့သို့ သက်ရောက်မှု ရှိသော အုပ်ချုပ်ရေးစာတမ်း (Governing Document) အဖြစ် ကျင့်သုံးသွားမည့် ဖက်ဒရယ်အသွင်းကူးပြောင်းရေး အစီအမံဆိုင်ရာ အခြေခံဥပဒေ Articles of Federal Transitional Arrangements – AFTA ကို စတင်ပြင်ဆင်ရေးဆွဲပြီ ကြေညာခြင်းလို့သိရပါတယ်။ တော်လှန်ရေးကာလမှ စတင်၍ အနာဂါတ်ဖက်ဒရယ် ဒီမိုကရေစီပြည်ထောင်စု တည်ဆောက်ရေးတွင် ဗဟိုချုပ်ကိုင်မှု စနစ်ကို ပြန်အားကောင်းစေမည့်…

၂၀၂၅ ခုနှစ်၊ ဖေဖော်ဝါရီ ၁၁ ရက်မှာ နေပြည်တော်မှာ ပြုလုပ်တဲ့ အကြမ်းဖက်ဖြစ်စဉ်များကြောင့် နေရပ်စွန့်ခွာနေရသည့် ပြည်သူများအတွက် အမျိုးသားသဘာဝဘေးအန္တရာယ် ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေများ ပေးအပ်ခြင်း အခမ်းအနားမှာ အာဏာသိမ်းစစ်ကောင်စီဥက္ကဋ္ဌဗိုလ်ချုပ်မှုးကြီးမင်းအောင်လှိုင်က ချင်းပြည်နယ်ဝန်ကြီးချုပ် အပါအဝင် ပြည်နယ်နှင့်တိုင်းဒေသကြီး ဝန်ကြီးချုပ်များ ထံသို့ နေရပ်စွန့်ခွာသူများ အတွက် ၁ လ လျှင် ကျပ် ၂ သောင်း ထောက်ပံ့ငွေများ စတင် ပေးအပ်ခဲ့ ကြောင်း၊ယာယီနေရပ်စွန့်ခွာနေရသည့် ပြည်သူများအတွက် ထောက်ပံ့ငွေများကို တစ်ဦးလျှင် တစ်လငွေကျပ် ၂ဝဝဝဝ နှုန်းဖြင့် ၂ဝ၂၅ ခုနှစ် ဇန်နဝါရီလမှ ဒီဇင်ဘာလအထိ လစဉ် ထောက်ပံ့ ပေးသွားမည် ဖြစ်ကြောင်း၊ စစ် ကောင်စီရဲ့ သတင်းထုတ်ပြန်ချက်အရ သိရပါတယ်။  အခမ်းအနားမှာ ဗိုလ်ချုပ်မှုးကြီးမင်းအောင်လှိုင် မှ…

ဖေဖော်ဝါရီလ ၁၂ ရက်။ တိုက်ပွဲဖြစ်ပွါးခဲ့တဲ့မကွေးတိုင်း၊ ငဖဲမြို့နယ် ပဒါန်းမြို့အနောက်ဘက် ဘုရာတောင်စခန်းကုန်းအနီးက ဂုတ်ဝ နဲ့ ရေနွယ်အရှိုချင်းရွာတွေက ဒေသခံ အရှိုချင်းလူမျိုး၁၆ ဦးခန့်ဝန်းကျင်ကို စစ်ကောင်စီက ဖေဖော်ဝါရီလ ၁၁ ရက်နေ့က ဖမ်းဆီးသွားတယ်လို့ Chin Defence Force – Asho တပ်ဖွဲ့ကပြောရေးဆိုခွင့်ရှိသူက ပြောပါတယ်။ ပြီးခဲ့တဲ့ဖေဖော်ဝါရီလ ၉ ရက်နေ့ နေ့လည်က ငဖဲမြို့နယ် ပဒါန်းမြို့အနောက်ဘက် ပျဉ်းဝစစ်ဆေးရေးဂိတ်အနီးရှိ ဘုရားတောင်မှာ တပ်စွဲထားတဲ့ စစ်ကောင်စီစခန်းကုန်းကို CDF – Asho ကဝင်ရောက်တိုက်ခိုက်ခဲ့ပြီး စစ်ကောင်စီဘက်က ပဒါန်းမြို့အနီး စစ်စခန်းတွေဘက်ကို ပြန်ထွက်ပြေးသွားခဲ့ကြကာ တိုက်ပွဲအပြီး နောက်တစ်ရက်မှာ ဘုရားတောင်စခန်းကုန်းအနီးက ဂုတ်ဝ နဲ့ ရေနွယ်အရှိုချင်းရွာတွေက ဒေသခံ ၁၆ ဦးခန့်ဝန်းကျင်ကို စစ်ကောင်စီက ဖမ်းဆီးခဲ့တာလို့ သိရပါတယ်။…