ချင်းပြည်သတင်း

ဒီဇင်ဘာလ ၁၁ ရက်။ နိုဝင်ဘာလ၂၈ ရက်က တီးတိန်မြို့ကစာသင်ကျောင်းတချို့မှာ ဖြစ်ပွါးခဲ့တဲ့ ကျောင်းတွင်း ရန်ပွဲများနဲ့ ပတ်သက်ပြီး မနေ့ ဒီဇင်ဘာလ ၁၀ ရက်နေ့ နေလည်ပိုင်းမှာ တီးတိန်မြို့နယ်အုပ်ချုပ်ရေးမှူးမှ ဦးဆောင်ပြီး သက်ဆိုင်သူ အားလုံးကို အထက (၁) ကျောင်းမှာ ခေါ်ယူ စစ်ဆေးကာ ကျေအေး စေခဲ့ကြောင်း တီးတိန်မြို့နေ ပြည်သူ တဦးထံမှ သိရှိရ ပါတယ်။ “မြို့နယ် အထွေထွေ အုပ်ချုပ်ရေးမှူး ကိုယ်တိုင် ဦးဆောင်ပြီး ဒီ အမှုကို လာရောက် ဖြေရှင်းသွားတယ်။ မြို့နယ် ရဲမှူးလည်း ပါတယ်။ အထက (၁)၊ အထက ခွဲ နှင့် အလက (၂) ကျောင်းကနေ ကျောင်း တာဝန်ရှိသူတွေ နှင့် ကျောင်း…

ဒီဇင်ဘာလ ၁၁ ရက်။ ချင်းပြည်နယ် ၊ ကန်ပက်လက်မြို့နယ်အတွင်းက ကျေးရွာတစ်ရွာဟာ ဒီဇင်ဘာလအတွင်းကို လေကြောင်းကနေ ၂ ကြိမ်တိုက်ခိုက်ခံရလို့ ကျေးရွာနေအရပ်သားတွေဟာ ဘေးလွတ်ရာတောတောင်တွေထဲ အရေးပေါ်တိမ်းရှောင်နေရလို့ စားနပ်ရိက္ခာအခက်အခဲတွေလည်း ကြုံနေကြရတယ်လို့ ကန်ပက်လက်မြို့နယ် လူသားစာနာဘေးစီမံဌာနရဲ့ ဒီဇင်ဘာလ ၁၁ ရက်နေ့ထုတ်ပြန်ချက်အရ သိရပါတယ်။ ကန်ပက်လက်မြို့နယ်အတွင်းက ကျေးရွာတစ်ရွာကို ဒီဇင်ဘာလ ၉ ရက်နေ့က လေကြောင်းဖြင့် အကြိမ်ကြိမ်တိုက်ခဲ့သလို လက်နက်ကြီးလည်း ၂ ကြိမ် ကျရောက်ပေါက်ကွဲခဲ့လို့ အရပ်သားနေအိမ် ၁ လုံးမှာ လုံးလုံးနီးပါး ပျက်စီးခဲ့ပြီး တခြားနေအိမ် ၁၄ လုံးက တစ်စိတ်တပိုင်း ထိခိုက်ပျက်စီးခဲ့တယ်လို့ ဆိုပါတယ်။ လေကြောင်းနဲ့ အကြိမ်ကြိမ်တိုက်ခိုက်ခံရတာကြောင့် ကျေးရွာနေ ဒေသခံအရပ်သားပြည်သူတွေဟာ ဘေးလွတ်ရာတောတောင်တွေထဲ အရေးပေါ်တိမ်းရှောင်နေကြရလို့ စားနပ်ရိက္ခာအခက်အခဲတွေလည်း ဖြစ်ပေါ်လျက်ရှိနေတယ်လို့ ကန်ပက်လက်မြို့နယ် လူသားစာနာဘေးစီမံဌာနရဲ့ ထုတ်ပြန်ချက်အရ…

ဒီဇင်ဘာလ ၁၀ ရက်။ ချင်းပြည်တည်ဆောက်ရေးနှင့် ချင်းတမျိုးသားလုံး စည်းလုံးညီညွှတ်ရေးကို ရှေ့ရှုပြီး ညှိနှိုင်းဆောင်ရွက်မှုတွေကို ဆက်လက်ဆောင်ရွက်ရန် နိုင်ငံရေး စိတ်ဆန္ဒ အပြည့်အဝ ရှိတယ်လို့ ချင်းပြည်(Chinland )ကောင်စီက ဒီဇင်ဘာလ ၉ ရက်နေ့မှာ အသိပေး ထုတ်ပြန်ပါတယ်။ ချင်းတော်လှန်ရေးအင်အားစုတွေအကြား ပေါင်းစည်းညီညွှတ်ရေးအတွက် ကြိုးပမ်းပေးလျက်ရှိတဲ့ ပြည်တွင်း၊ ပြည်ပ အဖွဲ့အစည်းအသီးသီးပေါ်ကိုလည်း ကျေးဇူးတင်ရှိကြောင်း ဒုတိယအကြိမ် ချင်းပြည် (Chinland) ကောင်စီညီလာခံမှ သဘောထားကို ထုတ်ပြန်ထားပါတယ်။ ချင်းပြည် (Chinland) ကောင်စီ ဒုတိယသက်တမ်းအတွင်း ဥပဒေပြုရေး၊ အုပ်ချုပ်ရေး၊ တရားစီရင်ရေး ကဏ္ဍတွေ ပိုမိုကျစ်လျစ်ခိုင်မာရေး နဲ့ ဒုတိယအကြိမ် ချင်းပြည် (Chinland) ကောင်စီ တပ်ဖွဲ့ အားကောင်းခိုင်မာရေးအတွက် တပ်အင်အားတည်ဆောက်ရေးတွေကိုလည်း ဆထက်ထမ်းပိုး ကြိုးပမ်းဆောင်ရွက်သွားမှာဖြစ်တယ်လို့လည်း ထုတ်ပြန်ထားပါတယ်။ စစ်ကော်မရှင်ရဲ့ အတုယောင်ရွေးကောက်ပွဲကိုလည်း…

ဒီဇင်ဘာလ ၉ ရက်။ ချင်းပြည်နယ်၊ ပလက်ဝမြို့နယ် ၊ ရှင်းလက်ဝကျေးရွာရှိ အာရက္ခတပ်တော် ( AA) စစ်ဆေးရေးဂိတ်မှာ ဒီဇင်ဘာလ ၁ ရက်နေ့ကစလို့ AA တပ်ဖွဲ့ရဲ့ ဖမ်းဆီးထိန်းသိမ်းခဲ့တဲ့ အသက်မပြည့်သေးတဲ့ ကျောင်းသူ (၂) ဦးရဲ့ အခြေအနေနဲ့ ပတ်သက်ပြီး အခုထိဘာသတင်းအစအနမှ မသိရသေးလို့ မိသားစုဝင်တွေက စိုးရိမ်နေကြတယ်လို့ နီးစပ်သူတွေဆီကနေ သိရပါတယ်။ အာရက္ခတပ်တော် (AA) ဖမ်းဆီးခဲ့တဲ့ ကျောင်းသူ (၂) ဦးဟာ ပလက်ဝမြို့နယ် အထက်ပိုင်းရှိ အထက်ငရှားကျေးရွာက အသက် ၁၇ နှစ်အရွယ် အွေ့နန်းဝေ နှင့် အထက်နူံးဘူးကျေးရွာက အသက် ၁၈ နှစ်အရွယ် အွေ့ဟွေ့ရီ တို့ဖြစ်တယ်လို့ သိရပါတယ်။ ဆွေမျိုးနီးစပ်သူတစ်ဦးက “သူတို့က အထက်တန်းဆက်တက်ဖို့ ရန်ကုန်ဘက်သွား ကြတာဖြစ်တယ်…

ဒီဇင်ဘာလ ၉ ရက်။ ချင်းပြည်နယ်၊ ဖလမ်းမြို့နယ်ကနေ ကလေးမြို့ကို စစ်ဘေးရှောင်လာရောက်နေထိုင်ကြတဲ့သူတွေနဲ့ ကလေးမြို့နေထိုင်သူတွေ အတူတကွ မိတ်သဟာယဖွဲ့ပြီး ညစာအတူစားတာတွေကို ချင်းတောင်ခြေ စစ်ကိုင်းတိုင်း၊ ကလေးမြို့မှာ ပြီးခဲ့တဲ့ ဒီဇင်ဘာလ ၆ ရက်နေ့က ပြုလုပ်ခဲ့တယ်လို့ ပွဲမှာပါဝင်သူတစ်ဦးကပြောပါတယ်။ ပွဲမှာပါဝင်ခဲ့သူတစ်ဦးက “ မနှစ်ကစလို့ ဒီကို တောင်ပေါ်ဒေသ အဓိကတော့ ဖလမ်းဘက်ကနေ စစ်ဘေးရှောင်လာနေကြတဲ့ ညီအစ်အကိုမောင်နှမတွေနဲ့ မိတ်သဟာယ ဖွဲ့တဲ့သဘောဖြစ်တယ် ချင်းသီချင်းတွေ၊ ချင်းအကလေးတွေ ဖျော်ဖြေရေးအစီစဉ်နဲနဲလုပ်တယ် နောက်ပြီး ညစာအတူစားကြတယ် အဲလောက်ပါပဲ အဓိကတော့ အခြေအနေအမျိုးမျိုးကြောင့် စိတ်သောက ဖြစ်ကြပေမယ့် အတူတကွပျော်ပွဲလေး အကျဉ်းခြုံးနဲ့ ကျင်းပကြတဲ့ သဘောပေါ့” လို့ပြောပါတယ်။ ချင်းတောင်ဘက်ကနေ စစ်ဘေးရှောင်လာကြသူတွေနဲ့ ကလေးမြို့ခံတွေ အတူတကွ မိတ်သဟာယဖွဲ့ အခန်းအနားကို ဖလမ်းမြို့ပေါ်ကနေ စစ်ဘေးရှောင်လာကြသူတွေ ရွာတွေဘက်ကနေ…

ဒီဇင်ဘာလ ၉ ရက်။ မကွေး – စစ်ကိုင်း- ချင်းပြည်နယ် နယ်စပ်တွေမှာ စစစ်ကောင်စီတပ်ကိုတိုက်ခိုက်တဲ့စစ်ဆင်ရေးတွေမှာ တိုက်ပွဲဝင်နေကြတဲ့ ချင်းကာကွယ်ရေးတပ်ဖွဲ့ – မတူပီ (MRO / CDF – Matupi ) တပ်ဖွဲ့ ဘက်က တပ်ဖွဲ့ဝင် ၁ ဦး ကျဆုံးကာ၊၁ ဦး ထိခိုက်ဒဏ်ရာရခဲ့ရပြီလို့ MRO / CDF – Matupi တပ်ဖွဲ့ အတွင်းရေးမှူး ကိုဘွေအုပ်က Chin World မီဒီယာကို ပြောပါတယ်။ MRO / CDF – Matupi တပ်ဖွဲ့ အတွင်းရေးမှူး ကိုဘွေအုပ်က “လက်ရှိ MRO / CDF – Matupi တပ်ဖွဲ့ အနေနဲ့…

ဒီဇင်ဘာလ ၆ ရက်။ ၂၀၂၅ ခုနှစ် ဒီဇင်ဘာလ ၂၈ ရက်နေ့မှာ ပြုလုပ်မည့် ပါတီစုံ ဒီမိုကရေစီ အထွေထွေရွေးကောက်ပွဲ အပိုင်း (၁) ကို ချင်းပြည်နယ်အတွင်းရှိ ကျေးရွာအုပ်စု ၈၄ ခု နှင့် ရပ်ကွက် ၂ ခုမှာ ရွေးကောက်ပွဲ ကျင်းပရန် အခြေအနေ မရှိတဲ့ အတွက် ရွေးကောက်ပွဲများ ကျင်းပမည် မဟုတ်ကြောင်း၊ဟားခါး၊တီးတိန်နှင့်ခိုင်ကမ်းမြို့ပေါ်ရှိ ရပ်ကွက် ၁၆ ခုမှာသာ ရွေးကောက်ပွဲ ပြုလုပ်မည် ဖြစ်ကြောင်း အာဏာသိမ်းစစ်ကော်မရှင်လက်အောက်ခံ ပြည်ထောင်စုရွေးကောက်ပွဲကော်မရှင်မှ ဒီဇင်ဘာလ ၆ ရက်နေ့မှာ သတင်းထုတ်ပြန်ပါတယ်။ ဟားခါးမြို့မှာ မြို့ ၂ ခု၊ ကျေးရွာ ၆၈ ရွာ ရှိပြီး ရပ်ကွက် ၁၀ ခု၊ ကျေးရွာအုပ်စု…

ဒီဇင်ဘာလ ၄ ရက်။ နိုဝင်ဘာလ ၂၇ ရက်နေ့က တီးတိန်မြို့နယ် ကနေဒီတောင် အရှေ့ဘက်ခြမ်း လမ်းလွှဲ တစ်နေရာမှာ စစ်ကော်မရှင်တပ်စစ်သားတွေက ခရီးသွား အရပ်သား ကားတစီးကို ပစ်ခတ်ခဲ့တာကြောင့် ကျည်ထိမှန်ခံရတဲ့ အရပ်သား ခရီးသွားအမျိုးသား ၁ ဦးဟာ နိုဝင်ဘာလ ၃၀ ရက်နေ့မှာ သေဆုံးသွားခဲ့တယ် လို့ တီးတိန်မြို့ဒေသခံများရဲ့ ပြောပြချက် အရ သိရပါတယ်။ သေဆုံးသူ Pa Ngo Vungh ဟာ တီးတိန်မြို့နယ် Buan ရွာသား တစ်ဦး ဖြစ်ပြီး ရွာကနေ ကလေးမြို့ ဆင်းဖို့ ဒိုင်နာကား တစီးဖြင့် တခြား လူ နှစ်ဦး နဲ့ ဆင်းလာခြင်း ဖြစ်ကြောင်း၊ ကနေဒီလမ်းခွဲ ကနေ တွီးဆောက်-ပိမ်းပိ-ခိုင်ကမ်း လမ်း…

ဒီဇင်ဘာလ ၃ ရက်။ ၂၀၂၅ ခုနှစ် အတွင်း ချင်းပြည်နယ်မှာ ဘိန်းစိုက်ပျိုးမှု ၂၆ ရာခိုင်နှုန်း မြှင့်တက်လာပြီး မြန်မာနိုင်ငံ တနိုင်ငံလုံး အတိုင်းအတာဖြင့် ဘိန်းစိုက်ပျိုးမှု ၁၇ ရာခိုင်နှုန်း မြှင့်တက်ကာ ဆယ်စုနှစ် အတွင်း အမြင့်ဆုံးသို့ ရောက်ရှိခဲ့တယ်လို့ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC)က ဒီဇင်ဘာလ ၃ ရက်နေ့မှာ ထုတ်ပြန်တဲ့ ၂၀၂၅ ခုနှစ် မြန်မာနိုင်ငံ ဘိန်းစိုက်ပျိုးမှု အစီရင်ခံစာပါ ဖော်ပြချက်များ အရ သိရပါတယ်။ မြန်မာတနိုင်ငံလုံး အတိုင်းအတာဖြင့် ၂၀၂၄ ခုနှစ်မှာ ဘိန်းစိုက် ဧရိယာ ၄၅,၂၀၀ ဟက်တာရှိရာမှ ၂၀၂၅ ခုနှစ်မှာ ၅၃,၁၀၀ ဟက်တာ အထိ မြှင့်တက်ခဲ့ပြီး ရာနှုန်းအားဖြင့် ၁၇ ရာခိုင်နှုန်း…

ဒီဇင်ဘာလ ၃ ရက်။ ချင်းပြည်နယ်၊ ပလက်ဝမြို့နယ်မှာ အာရက္ခတပ်တော်(ULA / AA) က အသက် ၁၈ နှစ်ကနေ ၄၀ အကြားအရွယ်ရှိသူ ချင်းလူမျိုးတွေကို တစ်အိမ်တစ်ယောက်နှုန်းနဲ့ တပ်သားစုဆောင်းနေလို့ ဒေသခံချင်းလူငယ်တွေ ဘေးလွတ်ရာ ထွက်ပြေးတိမ်းရှောင်နေရတယ်လို့ ဒေသခံတွေဆီကနေ သိရပါတယ်။ ပလက်ဝအထက်ပိုင်း ပိန္နဲတပင်ရွာ၊ ငရှားရွာ၊ ကြွေသောင်ရွာ နဲ့ အနီးအနားက ရွာတွေ နှင့် ပလက်ဝအောက်ပိုင်း လောက်ကဒူး၊ တိုးမဝ၊ ရီမဝ၊ အောင်သဲဝ ၊ နှမဒါ ရွာတွေမှာ အာရက္ခတပ်တော် ULA / AA က တစ်အိမ်တစ်ယောက်နှုန်းနဲ့ တပ်သားစုဆောင်းနေပြီး ချင်းလူမျိုးတွေကို ပထမဆုံး တပ်သားစုဆောင်းလာတာလို့လည်း ပလက်ဝဒေသခံတစ်ဦးက အခုလိုပြောပါတယ်။ ပလက်ဝဒေသခံတစ်ဦးက “ပြီးခဲ့တဲ့ နိုဝင်ဘာလဆန်းကတည်းကနေ တစ်အိမ်ကို လူတစ်ယောက်နှုန်းနဲ့…