ချင်းပြည်သတင်း

အောက်တိုဘာလ ၈ ရက်။ တီးတိန်မြို့နယ်မှာ People Defence Army (PDA) အဖွဲ့က တီးတိန်မြို့နယ်ပြည်သူ့အုပ်ချုပ်ရေးကောင်စီ ဖွဲ့စည်းတာဟာ တရားဝင်မှုမရှိကြောင်းနဲ့ ပြည်သူလူထုကလည်း လုံးဝ လက်မခံကြောင်း ZFU/PDF – Zoland အဖွဲ့က အောက်တိုဘာလ ၇ ရက်နေ့မှာ ထုတ်ပြန်ထားပါတယ်။ တီးတိန်မြို့နယ် ပြည်သူ့အုပ်ချုပ်ရေးအဖွဲ့နဲ့ တွန်းဇံမြို့နယ်ပြည်သူ့အုပ်ချုပ်ရေးအဖွဲ့ တို့ကို ၂၀၂၁ ခုနှစ် မတ်လ (၁) ရက်နေ့မှာ ပြည်ထောင်စုလွှတ်တော် ကိုယ်စားပြုကော်မတီ (CRPH) ၏ ညွှန်ကြားချက်အရ စတင်ဖွဲ့ခဲ့ပြီး ကြားကာလ ချင်းအမျိုးသားအတိုင်ပင်ခံကောင်စီ (ICNCC) မြို့နယ်နယ်ပြည်သူလူထုနဲ့ အတူလက်တွဲကာ ယနေ့ချိန်ထိ ပြည်သူ့အုပ်ချုပ်ရေးကို တစိုက်မတ်မတ် ဖော်ဆောင်လျက်ရှိတာကြောင့် People Defence Army (PDA)ရဲ့ ကြေညာချက်ဟာ ချင်းပြည်နယ်တစ်ခုလုံးကို စိုးမိုးခြယ်လှယ်လိုတဲ့ CNF/A…

အောက်တိုဘာလ ၇ ရက်။ ချင်းပြည်နယ်က မြို့နယ်အများစုမှာ ဆက်သွယ်ရေးဖုန်းလိုင်းဖြတ်တောက်ထားလို့ စစ်ဘေးရှောင်တွေအကူအညီတောင်းဖို့အတွက်ကို အခက်အခဲများစွာကြုံနေရကြောင်း စစ်ဘေးရှောင်အရေး ကူညီဆောင်ရွက်ပေးနေသူတွေဆီကသိရပါတယ်။ ကန်ပက်လက်ကစစ်ဘေးရှောင်တွေကိုကူညီပေးသူတစ်ဦးပြောတာက “ဖုန်းလိုင်းဆက်သွယ်ရေး၊ လမ်းပန်းဆက်သွယ်ရေးတွေဖြတ်ထားတော့ ကျန်းမာရေးကိစ္စတွေအတွက် အရမ်းကို အခက်ခဲဖြစ်တယ် လမ်းခရီးကြောင့် အချိန်ပိုကြာ လမ်းကြမ်းတော့ လမ်းခရီးမှာတင် သေတဲ့ ကိုယ်ဝန်ဆောင်တွေ နာမကျန်းတွေ ရှိတယ်။ ကုန်သွယ်ရေးဖြတ်ထားတော့ ဒေသခံပြည်သူတွေက အခြေခံလိုအပ်ချက်တွေကို ဈေးနှုန်းအဆမတန်ပေးပြီး ဝယ်နေရတယ်။ ကုန်ပစ္စည်းတွေကန့်သက်တော့ လိုအပ်တာတွေ ဝယ်ယူခွင့်မရတာတွေဖြစ်တယ်” လို့ပြောပါတယ်။ ဆက်သွယ်ရေးဖုန်းလိုင်းတွေနဲ့လမ်းပန်းဆက်သွယ်ရေးတွေကို စစ်ကောင်စီဘက်က ဖြတ်တောက်ထားတာဟာ တော်လှန်ရေးအင်အားစုတွေကို အခက်အခဲဖြစ်စေချင်တဲ့ ရည်ရွယ်ချက်နဲ့ လုပ်ပေမယ့် တော်လှန်ရေးအင်အားစုတွေဘက်မှာ ဆက်သွယ်ရေးနဲ့လမ်းပန်းဆက်သွယ်ရေးအတွက် သူတို့နည်း သူတို့ဟန်နဲ့ ရှိပြီးသားဖြစ်တာကြောင့် ဒေသခံစစ်ဘေးရှောင်ပြည်သူတွေသာ အဓိကခံနေရတာလို့ ဒေသခံတွေကပြောပါတယ်။ ဒေသခံတစ်ဦးက “ကုန်ပစ္စည်းဖြစ်စေ ဆက်သွယ်ရေးဖြစ်စေ တော်လှန်ရေးအင်အားစုတွေ အသုံးပြုတဲ့ နည်းလမ်းတွေ၊ လမ်းကြောင်းတွေက…

အောက်တိုဘာလ ၄ ရက်။ ချင်းပြည်နယ်၊ တီးတိန်မြို့၊မြို့မ ရပ်ကွက်မှာနေထိုင်တဲ့ U Kam Lam Thang ဟာ စစ်ကောင်စီရဲ့သန်းခေါင်စာရင်းကောက်ခံမှုမှာ တက်ကြွစွာပါ၀င်ခြင်းကြောင့်ဖမ်းဆီးထိန်းသိမ်းထားလိုက်ကြောင်း PDF-Zoland ရဲ့သတင်းထုတ်ပြန်ချက်အရသိရပါတယ်။ PDF Zoland နှင့် Chin Brotherhood တို့၏ ထုတ်ပြန်တားမြစ်ချက်များကို မလေးစား မလိုက်နာဘဲ စစ်ကောင်စီ၏ အိမ်ထောင်စုစာရင်း ကောက်ခံခြင်းလုပ်ငန်းတွင် တက်ကြွပါဝင်သည့် U Kam Lam Thang (Tedim, Myoma) အား PDF Zoland မှ ထိန်းသိမ်းထားလိုက် ေကြာင်း ၊အခြား ပါဝင်လှုပ်ရှားသူများရှိလာပါက အလားတူ အရေးယူဆောင်ရွက်သွားမည်ဖြစ်ကြောင်း အသိပေးအပ်ပါသည် လို့ PDF Zoland ကဒီကနေ့ အောက်တိုဘာလ ၄ ရက်မှာ သတင်းထုတ်ပြန်လိုက်ပါတယ်။ အောက်တိုဘာလ ၁…

အောက်တိုဘာလ ၄ ရက်။ ချင်းပြည်နယ် ပလက်ဝမြို့နယ်နဲ့ အိန္ဒိယနိုင်ငံ၊မီဇိုရမ်ပြည်နယ်က ပလက်ဝစစ်ဘေးရှောင်ပြည်သူ ၂ သောင်းဝန်းကျင် အတွက် ဆေးဝါး၊ စားနပ်ရိက္ခာနဲ့ ဆောင်းအဝတ်အထည်တွေ လိုအပ်နေတယ်လို့ ပလက်ဝကောင်စီ လူမှုကယ်ဆယ်ရေးဌာနက တာဝန်ခံက Chin World Media ကိုပြောပါတယ်။ ပလက်ဝစစ်ဘေးရှောင်ပြည်သူ ၂ သောင်းဝန်းကျင်ဟာ ပလက်ဝမြို့နယ်နဲ့ မီဇိုရမ်ပြည်က လူဦးရေစာရင်းဖြစ်ပြီး လက်ရှိ မီဇိုရမ်မှာ ပလက်ဝစစ်ဘေးရှောင် ၄ ထောာင်ကျော်ရှိပြီး ပလက်ဝမြို့နယ်မှာတော့ ၁ သောင်းကျော်ရှိတယ်လို့ သိရပါတယ်။ ပလက်ဝကောင်စီ လူမှုကယ်ဆယ်ရေးဌာနက တာဝန်ခံက “ မီဇိုရမ်ဘက်က စစ်ဘေးရှောင်တွေ အကူအညီလိုအပ်တာနဲ့ ကျတော်တို့ ဒီပလက်ဝမြို့နယ်ထဲက စစ်ဘေးရှောင်တွေ အကူအညီလိုအပ်နေတာက အတူတူဘဲဖြစ်တယ် ဒီပြည်တွင်း ပလက်ဝမြို့နယ်က စစ်ဘေးရှောင်တွေ ဆေးဝါး၊ စားနပ်ရိက္ခာ ပစ္စည်းလုံလောက်မှုမရှိဘူးဖြစ်နေတယ် ဒါက…

အောက်တိုဘာလ ၃ ရက်။ အောက်တိုဘာလ ၃ ရက်နေ့ မနက် အစောပိုင်းမှာ မလေးရှားနိုင်ငံ ကွာလာလမ်ပူမြို့မှာ အလုပ်လုပ်ကိုင်နေတဲ့ အသက် ၂၈ နှစ်အရွယ် ချင်းလူငယ် တစ်ဦး ဖြစ်သူ Tang Nang Suan Sum အား ဓားဒဏ်ရာဖြင့် သေဆုံးလျက် ရှိကြောင်း၊ ပြစ်မှုကျူးလွန်သူတွေဟာမည်သူမည်ဝါဖြစ်သည်ကို ယခုအချိန်အထိ မသိရသေးကြောင်း သေဆုံးသူရဲ့ဆွေမျိုး အသိုင်းအဝိုင်းများ ထံမှ သိရှိခဲ့ရ ပါတယ်။ “သေဆုံးသူက မနက် ၃ နာရီ လောက်မှာ အလုပ်ကနေ အိမ်ကို ပြန်တာ။ သူရဲ့ အပြန်လမ်းမှာ ဓားထိုးခံရပြီး သူရဲ့ ပိုက်ဆံ နှင့် ဖုန်း အလု ခံရတာလို့ ကနဦး ကြားသိရတယ်” လို့ သေဆုံးသူနဲ့ဆွေမျိုး အသိုင်းအဝိုင်းနီးစပ်သူက…

အောက်တိုဘာလ ၃ ရက်။ စစ်အာဏာရှင် တည်တံ့ခိုင်မြဲရေးအတွက် ဆောင်ရွက်နေတဲ့ သန်းခေါင်စာရင်းကောက်ယူခြင်းသည် တိကျမှန်ကန်တဲ့ လူဦးရေစာရင်းရရှိနိုင်မည်မဟုတ်ကြောင်း၊သန်းခေါင်စာရင်းကောက်ယူတာနဲ့ပတ်သက်ပြီး ပြင်းထန်စွာကန့်ကွက်ကြောင်းနဲ့ ပါဝင်ဆောင်ရွက်တဲ့ လူပုဂ္ဂိုလ်၊ အဖွဲ့အစည်းတွေကို ပြင်းထန်စွာ အရေးယူမယ်လို့ Chinland Council ကဖွဲ့စည်းထားတဲ့ ချင်းပြည်အစိုးရက ဒီကနေ့အောက်တိုဘာလ ၃ ရက်နေ့မှာ ထုတ်ပြန်ပါတယ်။ စစ်ကောင်စီဟာ ၎င်းတို့ အာဏာရမ္မက်ကို ဖက်တွယ်လိုခြင်း ၊ နိုင်ငံတကာမှာ တရားဝင်မှုကို ရယူလိုခြင်းစတဲ့မတရားတဲ့ ရည်ရွယ်ချက်နဲ့ ပြည်သူ့ ဆန္ဒမပါဘဲ ရွေးကောက်ပွဲ ကျင်းပပြုလုပ်နိုင်ရေးအတွက် သန်းခေါင်စာရင်းကောက်ယူနေကြောင်း သိရှိရတယ်လို့ ထုတ်ပြန်ထားပါတယ်။ နိုင်ငံရေးအကျိုးအမြတ်ရရှိရေး၊ စစ်အာဏာရှင်တည်တံ့ခိုင်မြဲရေးအတွက် ဆောင်ရွက်နေတဲ့ သန်းခေါင်စာရင်းကောက်ယူခြင်းသည် တိကျမှန်ကန်တဲ့ လူဦးရေစာရင်းရရှိနိုင်မည်မဟုတ်တဲ့အပြင် ဒီမိုကရေစီ ဟန်ပြစစ်အာဏာရှင်စနစ်နဲ့ ၎င်းတို့အလိုကျ ဖိနှိပ်အုပ်ချုပ်နိုင်ရေးကိုသာ ဦးတည်တဲ့ ရည်ရွယ်ချက်သာဖြစ်တယ်လို့ ရှု့မြင်ကြောင်းလည်း ချင်းပြည်အစိုးရက ထုတ်ပြန်ပါတယ်။ ဒါကြောင့်ချင်းပြည်အစိုးရအနေနဲ့…

အောက်တိုဘာလ ၃ ရက်။ တီးတိန်၊ တွန်းဇံ မြို့နယ်တွေမှာလက်နက်ကိုင်အဖွဲ့အစည်းတစ်ချို့ ရဲ့အတင်းအဓမ္မ စစ်သားစုဆောင်းခံရတဲ့ အသက်မပြည့်သေးတဲ့ ကလေးသူငယ်တွေကို အမြန်ဆုံး မိဘလက်ထဲ ပြန်အပ်နှံကြရန်နဲ့ နောက်နောင်မှာလည်း နိုင်ထက်စီးနင်း စစ်သားစုဆောင်းခြင်းမျိုး မပြုလုပ်ကြဖို့ PDF – Zoland က အောက်တိုဘာလ ၂ ရက်နေ့မှာ အသိပေးထုတ်ပြန်ထားပါတယ်။ PDF – Zoland ပြန်ကြားရေးတာဝန်ခံတစ်ဦးက “ကျနော်တို့ရတဲ့ သတင်းအချက်အလက်အရ ကလေးငယ် ၁၀ ဦးထက်မနည်းရှိတယ် အခုလိုအတင်းအဓမ္မ စစ်သားစုဆောင်းခံရတာ၊ အသက်အားဖြင့်လည်း ၁၃ နှစ်အောက် ကလေးတွေဖြစ်ကြပါတယ်” လို့ပြောပါတယ်။ မိဘ ခွင့်ပြုချက်မပါဘဲ လက်နက်ကိုင်အဖွဲ့အစည်းတစ်ချို့က အသက်မပြည့်သေးတဲ့ ကလေးသူငယ်တွေကို အတင်းအဓမ္မ စစ်သားစုဆောင်းနေကြောင်း ကြားသိရတယ်လို့ PDF – Zoland က ထုတ်ပြန်ထားပါတယ်။ အခုလို…

အောက်တိုဘာလ ၃ ရက်။ ချင်းပြည်နယ်၊ပလက်ဝမြို့နယ်ဒေသခံဖြစ်ပြီး ပလက်ဝဆေးရုံတာဝန်ခံ ဒေါက်တာအေးကျော်နဲ့ ချင်းအမျိုးသား ၃ ဦးကို အာရက္ခတပ်တော် (AA) က စက်တင်ဘာလ ၂၉ ရက်နေ့ကဖမ်းဆီးခဲ့ပြီး ဘာကြောင့် ဖမ်းဆီးခဲ့တာလဲဆိုတာတော့ သေချာ မသိရသေးဘူးလို့ ပလက်ဝ ဒေသခံတွေဆီကနေ သိရပါတယ်။ ပလက်ဝဒေသခံတစ်ဦးက “ဒေါက်တာအေးကျော်က အေအေရဲ့ အုပ်ချုပ်ရေးမှူးအဖွဲ့ဝင်မှာ ထည့်သွင်းခံထားရသူဖြစ်တယ် ပလက်ဝဆေးရုံတာဝန်ခံလည်းဖြစ်တယ် ဘာကြောင့်ဖမ်းခံရတာလည်းဆိုတာ အတိကျမသိရပေမယ့် စီးပွားရေး ကိစ္စကြောင့်လို့ပြောကြတယ်လို့” လို့ပြောပါတယ်။ ပလက်ဝမှာ လူသိများတဲ့ ဆရာဝန် ဒေါက်တာအေးကျော်ဟာ ပလက်ဝမြို့နယ်မှာ အာရက္ခတပ်တော် (AA) ဖော်ဆောင်နေတဲ့ အုပ်ချုပ်ရေးမှာ အုပ်ချုပ်ရေးမှူးအဖွဲ့ဝင်ဖြစ်ပြီး ပလက်ဝမြို့ ပြည်သူ့ဆေးရုံ တာဝန်ခံအဖြစ် ခန့်အပ်ခြင်းခံရသူလို့လည်း သိရှိရပါတယ်။ ပြီးခဲ့တဲ့ စက်တင်ဘာလ (၁၇) ရက်နေ့ကလည်း ပလက်ဝမြို့နယ် ငရှားရွာ ဒေသခံ…

အောက်တိုဘာလ ၂ ရက်။ ချင်းပြည်နယ် မင်းတပ်မြို့အနောက်ရပ်ကွက် ဘုရင့်နောင်လမ်းခွဲကစလို့ မင်းတပ်၊ မတူပီလမ်းမကြီးတစ်လျှောက်က အရပ်သားပြည်သူ နေအိမ်ပေါင်း ၃၀ ကျော် ကို မနေ့ အောက်တိုဘာလ ၁ ရက်နေ့ မှာ ညနေ ၃ နာရီ ဝန်းကျင်ကနေ ၆ နာရီကျော်အထိစစ်ကောင်စီတပ်က မီးရှို့ခဲ့တယ်လို့ မင်းတပ်မြို့ဒေသခံတွေဆီကနေ သိရပါတယ်။ မင်းတပ်ဒေသခံ ၁ ဦးက “မင်းတပ်မြို့ သိမ်းမယ်လို့ သတင်းကြားပြီး သူတို့ယူထားတဲ့ဘန်ကာတွေ၊ ခံစစ်ကုန်းတွေကနေ ပစ်ကွင်းရှင်းတဲ့အနေနဲ့ ရှို့နေကြတာပါ တခါတလေ မင်းတပ်ကရဲဘော်တွေနဲ့ ထိတွေ့မှုရှိလို့ သူတို့ဖက်ကအကျအဆုံးတွေရှိတိုင်း ငါတို့လူကျရင် မင်းတို့မြို့ပြာကျသွားမယ်ဆိုတဲ့ သဘောနဲ့ လုပ်နေတာမျိုးလဲရှိတယ်။ ပြီးတော့ ပြည်သူအချို့နဲ့ တော်လှန်ရေးတပ်ဖွဲ့ကို သွေးခွဲချင်တဲ့ အနေနဲ့ လုပ်နေတာလည်းဖြစ်နိုင်တယ်။မြို့ကိုမီးရှို့ပြတော့ တချို့ပြည်သူတွေက အိမ်တွေမီးလောင်ကုန်မှာစိုးပြီး မြို့တွင်းတိုက်ပွဲမဖြစ်စေချင်တဲ့သဘော ဆိုရှယ်မီဒီယာကနေရေးနေပြော…

အောက်တိုဘာလ ၁ ရက်။ ချင်းပြည်နယ်၊ပလက်ဝမြို့နယ်ဒေသခံ ၃ ဦး ရခိုင်ပြည်နယ် ကျောက်တော်ကို ပစ္စည်းပို့သွားတဲ့အ ချိန် ဓားခုတ်ဒဏ်ရာနဲ့ အမျိုးသား ၃ ဦးလုံး သေဆုံးနေတာကို မိသားစုဝင်တွေက ပြန်တွေ့ရတယ်လို့ ပလက်ဝ ဒေသခံတစ်ဦးဆီကနေ သိရပါတယ်။ ပလက်ဝဒေသခံတစ်ဦးက “စက်တင်ဘာလ ၈ ရက်နေ့က အိန္ဒိယဘက်က ကုန်ပစ္စည်းတွေကို ကျောက်တော်ဘက်ကို သားအဖမြေး အဖိုး ၃ ယောက်ပေါ့ အသွားမှာ အသတ်ခံရတာလား အပြန်မှာ အသတ်ခံရတာလားတော့ မသိရဘူး မိသားစုတွေက အချိန်မှီမရောက်လာတော့ သွားရှာကြည့်တဲ့အချိန် ခေါင်းတခြား၊ ခန္တာကိုယ်တခြား ပလက်ဝမြို့နယ်က ရွာတစ်ရွာမှာ ပြန်တွေ့တာပေါ့” လို့ Chin World Media ကိုပြောပါတယ်။ အလောင်းတွေကို ပလက်ဝမြို့နယ် အောက်ပိုင်းက တန့်ဆိပ်ရွာ ရွာမှာ ၂…