ချင်းပြည်သတင်း

ဇွန်လ ၁၇ ရက်။ ချင်းပြည်နယ်၊ မတူပီမြို့နယ်အတွင်း ကျောင်းသုံးပုံနှိပ်စာအုပ်နဲ့ ကျောင်းသုံးပစ္စည်းလိုအပ်ပါက Future Hope Foundation ကို ဆက်သွယ်ပြီး အကူအညီတောင်းနိုင်တယ်လို့ Future Hope Foundation အဖွဲ့က တာဝန်ရှိသူတစ်ဦးက ပြောပါတယ်။ ပြီးခဲ့တဲ့ ဇွန်လ ၁ ရက်နေ့ကလည်း မတူပီမြို့နယ်အတွင်းရှိ ကျေးရွာပေါင်း ၈ ရွာက ကျောင်းသူ၊ ကျောင်းသား အယောက် ၂၀၀ အတွက် စနစ်သစ်ကျောင်းသုံးပုံနှိပ်စာအုပ်တွေနဲ့ ကျောင်းသုံးပစ္စည်းတချို့ကို Future Hope Foundation အဖွဲ့က ထောက်ပံ့ခဲ့ပါတယ်။ Future Hope Foundation က “ဆရာ၊ ဆရာမတွေနဲ့ ကျောင်သား၊ ကျောင်းသူတွေအတွက် ကျောင်းသုံးပုံနှိပ်စာအုပ်လိုအပ်ချက်က ကြီးကြီးမားမားကြုံနေကြရတဲ့အတွက် Future Hope Foundation က တက်နိုင်သလောက် ကူညီပေးတာပါ…

ဇွန်လ ၁၆ ရက်။ ချင်းပြည်နယ် လောက်တူဒေသအတွင်း Wifi internet တပ်ဆင်တာတွေ အပြင် လူမှုကွန်ယက်အသုံးပြုခြင်းတွေနဲ့ စပ်လျဉ်းပြီး ပြည်သူတွေ လိုက်နာရမယ့် ဆက်သွယ်ရေးဆိုင်ရာ စည်းကမ်းတွေကို လောက်တူနယ်ဒေသ ပြည်သူ့အုပ်ချုပ်ရေးအဖွဲ့က ဒီကနေ့ ဇွန်လ ၁၆ ရက်နေ့မှာထုတ်ပြန်ထားပါတယ်။ ဒေသန္တရပြည်သူ့အုပ်ချုပ်ရေးအဖွဲ့ရဲ့ ခွင့်ပြုချက်မရှိဘဲ Wifi ဆက်သွယ်ရေး စက်ပစ္စည်းတွေကို မိမိကိုယ်ရေးကိုယ်တာ အသုံးအတွက်ဖြစ်စေ၊ စီးပွားဖြစ်လုပ်ငန်းတွေအတွက်ဖြစ်စေ တပ်ဆင်ခြင်းမပြုဖို့နဲ့ ဒေသန္တရအုပ်ချုပ်ရေးအဖွဲ့ သတ်မှတ်ထားတဲ့ စည်ကမ်းချက်နဲ့အညီ တပ်ဆင်သုံးစွဲဖို့နဲ့ လုံခြုံရေးထိစေနိုင်တဲ့ အချက်အလက်၊ မှတ်တမ်းဓာတ်ပုံ နဲ့ တည်နေရာတွေ ဖော်ပြတာ ဖြန့်ဝေတာ၊ ရေးသားတာတွေ မလုပ်ရဘူးလို့ ဆိုပါတယ်။ ဒါ့အပြင် ပြည်သူလူထုကြား စည်းလုံးညီညွှတ်မှုပျက်ပြားစေနိုင်တဲ့ လှုံဆော်ရေးသားတာတွေ ကန့်သတ်တားမြစ်နယ်တွေကို မှတ်တမ်းဓာတ်ပုံရိုက်တာ၊ ဗီဒီယိုရိုက်ယူတာ၊ အသံဖမ်းတာတွေ စတာတွေ မလုပ်ရဘူးလို့ အသိပေးထားပြီး…

ဇွန်လ ၁၆ ရက်။ ချင်းပြည်နယ်မြို့တော်ဟားခါးမြို့မှာ လျှပ်စစ်မီးမရ ပြတ်တောက်နေတာ ၃ လ ကျော်ကြာလာပြီဖြစ်ပြီး ဒေသခံတွေဟာ ဖုန်း၊ ကွန်ပျူတာ၊ ပါဝါဘဏ်တွေကို အားသွင်းဖို့ ပိုက်ဆံပေးနေကြရတယ်လို့ ဟားခါးမြို့ဒေသခံတွေဆီကနေ သိရပါတယ်။ ဟားခါးမြို့နေ ဒေသခံတစ်ဦးက “မီးစပျက်ကတည်းကနေ ဖုန်းတို့၊ ကွန်ပျူတာတို့၊ ပါဝါဘဏ်တို့ကို ပိုက်ဆံပေးပြီး အားသွင်းနေကြရတယ် အထူးသဖြင့် ဆိုလာမရှိသူတွေပေါ့ မီးပြတ်တာက မတ်လလောက်ကတည်းကဆိုတော့ ၃ လ ကျော်ရှိနေပြီ ” လို့ပြောပါတယ်။ အားသွင်းရာမှာ ကွန်ပျူတာတစ်လုံးအတွက် ကျပ် ၅၀၀၀ ၊ ဖုန်းတစ်လုံး – ၁၅၀၀ ကျပ်နဲ့ ပါဝါဘဏ် အရွယ်အစားပေါ်မှုတည်ပြီး သုံးထောင်ကျပ်ကနေ ငါးထောင်ကျပ်အထိ ရှိတယ်လို့လည်း သိရပါတယ်။ လမ်းပန်းဆက်သွယ်ရေးနဲ့ သယ်ယူစရိတ်တွေကြောင့် ကုန်ဈေးနှုန်းတွေ အဆမတန်ကြီးမြင့်နေတဲ့ ဟားခါးမြို့မှာ လျှပ်စီးမီးလည်းမရတာတွေကြောင့်…

ဇွန်လ ၁၄ ရက်။ ချင်းပြည်နယ်၊ ပလက်ဝမြို့နယ် ၊ ဆမီးမြို့ အမှတ် ၃ ရပ်ကွက်၊ ပီဝရွာတွင်နေထိုင်တဲ့ အသက် ၂၇ နှစ်အရွယ် ကလေးမိခင်တစ်ဦးကို မေလ ၂၃ ရက်နေ့က အမည်မသိလူတစ်စုက မုဒိန်းကျင့်ပြီး သတ်ဖြတ်ခဲ့တယ်လို့ ဆမီးမြို့ဒေသခံတွေဆီကနေ သိရပါတယ်။ မုဒိန်းကျင့် သတ်ဖြတ်ခံခဲ့ရတဲ့ ပီဝရွာကဒေသခံ ကလေး ၂ ဦးမိခင် ဖြစ်စဉ်နဲ့ ပတ်သက်ပြီး သတင်းမပေါက်ကြားဖို့ အာရက္ခတပ်တော် (AA) က တားမြစ်တာတွေ လုပ်ခဲ့တယ်လို့လည်း ဆမီးဒေသခံတွေဆီကနေ သိရပါတယ်။ ဖြစ်စဉ်နဲ့ပက်သက်လို့ ဆမီးဒေသခံတစ်ဦးပြောတာက “သူမပျောက်ဆုံးပြီး ၃ ရက်အကြာမှာ ခြေလက်တွေ ကြိုးတုတ်ထားပြီး သေနေတဲ့ အလောင်းကို ပီဝနဲ့ ကျီးဝကြားမှာ ပြန်တွေ့ကြတယ် သူမဟာ အဒေါ်အိမ်ကို အလည်သွားပြီး ပြန်လာတဲ့လမ်းမှာ…

ဇွန်လ ၁၃ ရက် ။ ပြီးခဲ့တဲ့လက ငှက်ဖျားရောဂါကြောင့် လူသေဆုံးမှုရှိခဲ့တဲ့ ချင်းပြည်နယ်၊ပလက်ဝမြို့နယ်မှာ ပလက်ဝကောင်စီထိန်းချုပ်တဲ့နယ်မြေအတွင်းက ကျေးရွာပေါင်း ၆၅ ရွာမှာ အိမ်တိုင်းလိုလို ငှက်ဖျားရောဂါဖြစ်နေကြတယ်လို့ ပလက်ဝကောင်စီကျန်းမာရေးဌာနက တာဝန်ခံ ဒေါ်နီနီဦးကပြောပါတယ်။ ပလက်ဝကောင်စီထိန်းချုပ် ဧရိယာအတွင်း ကျေးရွာပေါင်း ၆၅ ရွာရှိပြီး လူဦးရေအားဖြင့် ၆၀၀၀ ကျော်ရှိတယ်လို့လည်း သိရပါတယ်။ ပလက်ဝကောင်စီ ကျန်းမာရေးဌာနက တာဝန်ခံဒေါ်နီနီဦးက “အခုလက်တလောတော့ ငှက်ဖျားအဖြစ်များနေတယ် ကျေးရွာတိုင်းနီးပါးမှာ အိမ်းတိုင်းလိုလိုမှာကိုဖြစ်နေတယ် ငှက်ဖျားဒေသဆိုတော့ ပိုဆိုးတာပေါ့ ပြီးခဲ့တဲ့လကတော့ ၅ နှစ်အောက်ကလေး တစ်ယောက်တော့ ငှက်ဖျားကြောင့် သေဆုံးတာမျိုးရှိတယ် အဲဒီတုန်းကတော့ ငှက်ဖျားလုပ်သားတွေနည်းနေသေးတော့ အခုတော့ ငှက်ဖျားလုပ်သားတွေအများကြီးမွေးထုတ်ထားပြီဆိုတော့ ရှေ့ဆက်တော့ အဆင်ပြေတော့မှာပါ ဆေးဝါးလည်း လုံလောက်ပါတယ် CHO ဖက်ကနေ အချိန်နဲ့ တပြေးညီထောက်ပံ့ပေးတယ်ဆိုတော့” လို့ပြောပါတယ်။ ပလက်ဝကောင်စီ…

ဇွန်လ ၁၂ ရက်။ စစ်ကောင်စီကင်းစင်ပြီးဖြစ်တဲ့ ချင်းပြည်နယ်၊ မင်းတပ်မြို့နယ်အတွင်း ဇန်နဝါရီလကနေ ဇွန်လ ၁၁ ရက်နေ့အထိ စစ်ကောင်စီက လေကြောင်းတိုက်ခိုက်မှု ၁၈ ကြိမ်အထိ တိုက်ခိုက်ခဲ့လို့ သေဆုံးမှု ၁၀ ဦးထိရှိခဲ့ပြီး ၂၀ ဦး ထိခိုက်ဒဏ်ရာရခဲ့တယ်လို့ မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဒီကနေ့ ဇွန်လ ၁၂ ရက်နေ့မှာ ထုတ်ပြန်ပါတယ်။ စစ်ကောင်စီရဲ့လေကြောင်းတိုက်ခိုက်မှုကြောင့် ဘာသာရေးနှင့် အစိုးရဌာန အဆောက်အဦးအပါအဝင် ပုဂ္ဂလိက အဆောက်အဦးတွေ စုစုပေါင်း ၁၀၀ ကျော်လည်း ထိခိုက်ပျက်စီးခဲ့တယ်လို့ ဆိုပါတယ်။ စစ်ကောင်စီကင်းစင်သွားပြီဖြစ်ပေမယ့် မင်းတပ်မြို့ကို စစ်ကောင်စီက လေကြောင်းတိုက်ခိုက်တာတွေကို တောက်လျောက် လုပ်နေတာတွေကြောင့် ဒေသခံအများစုလည်း နေရပ်ပြန်မလာနိုင်ကြသေးပါဘူး။ မင်းတပ်မြို့ကို ပြီးခဲ့တဲ့ ၂၀၂၄ ခုနှစ်၊ ဒီဇင်ဘာလ ၂၁ ရက်နေ့မှာ CDF…

ဇွန်လ ၁၂ ရက်။ ချင်းပြည်နယ်၊ ပလက်ဝမြို့နယ်ကို အာရက္ခပြည်သူ့တော်လှန်ရေးအစိုးရက ဖွဲ့စည်းလိုက်တဲ့ ရခိုင်ပြည်ရဲ့ ခရိုင် ၈ခု ထဲ ပြီးခဲ့တဲ့ မေလမှာ ထည့်သွင်းဖွဲ့စည်းသတ်မှတ်ခဲ့တယ်လို့ ရခိုင်သတင်းဌာနတစ်ခုဖြစ်တဲ့ Narinjara မီဒီယာရဲ့ ဇွန်လ ၁၂ ရက် သတင်းမှာဖော်ပြထားတာတွေ့ရပါတယ်။ ရခိုင်ပြည်ကို ဖွဲ့စည်းလိုက်တဲ့ ခရိုင်ရှစ်ခုမှာ ပလက်ဝခရိုင်၊ စစ်တွေခရိုင်၊ မြောက်ဦးခရိုင်၊ မင်းပြားခရိုင်၊ ကျောက်ဖြူခရိုင်၊ တောင်ကုတ်ခရိုင်၊ မောင်တောခရိုင် နဲ့ သံတွဲခရိုင်တို့ဖြစ်ကြ တယ်လို့လည်းဖော်ပြထားတာတွေ့ရပါတယ်။ ဝါရင့်ချင်းနိုင်ငံရေးသမား Salai Kipp က “ငါအင်အားရှိတယ် ငါအင်အားရှိတဲ့အတွက် ငါသိမ်းတယ်ကွာ မင်းတို့ဘာတတ်နိုင်လဲဆိုတာမျိုး သူတို့လည်း အဲ့တာခံခဲ့ရတယ် လေ ဗမာကအင်အားရှိတော့ မင်းတို့ရေနံတွေ ကြိုက်သလိုလုပ်မယ် ငါသုံးချင်သလိုသုံးမယ် မင်းတို့ ရော့အင့် တစ်ပြား/နှစ်ပြားပေးလိုက်တာ ဘယ်လောက်ခံပြင်းဖို့ကောင်းလဲ အဲ့တာ ကိုယ်ကိုတိုင်က…

ဇွန်လ ၁၂ ရက်။ ချင်းပြည်နယ်၊ ပလက်ဝမြို့နယ်၊ စိမ်းစင်းကျေးရွာက ဒေသခံ ကလေးမိခင် ခူမီးချင်းအမျိုးသမီးတစ်ဦးကို မုဒိန်းကျင့်ပြီး ချောင်းထဲရေနစ်သတ်ဖို့ ကြိုးစားခဲ့တဲ့ အာရက္ခတပ်တော် (AA) တပ်သား ၂ ဦးရဲ့ပြစ်မှုတွေအတွက် ကျူးလွန်ခံရတဲ့ မိသားစုဝင်တွေဆီကို ငွေသား သိန်း ၁၀၀ ပေးပြီး အမှုကျေအေးဖို့ AA ဘက်က တာဝန်ရှိသူတွေက ညှိနှိုင်းမှုပြုလုပ်တာ ၂ ကြိမ်ရှိပြီလို့ မိသားစုဝင်တွေနဲ့ နီးစပ်သူတွေဆီကနေ သိရပါတယ်။ ကျူးလွန်ခံရတဲ့ မိသားစုဝင်နဲ့ နီးစပ်သူ ပလက်ဝဒေသခံတစ်ဦးပြောတာက “မကြာသေးဘူး ဇွန်လ ပထမအပတ်လောက်မှာ AA က တာဝန်ရှိသူတွေက မိသားစုဝင်တွေဆီကိုသွားပြီးတော့ ငွေသား သိန်းတစ်ရာပေးပြီးတော့ ဒီအမှုကို ကျေအေးပေးပါဆိုပြီး မိသားစုဝင်တွေကို ညှိလာတယ်လို့ ပြောတယ်၊ မိသားစုဝင်တွေဘက်ကတော့ ကျူးလွန် ၂ ဦးကို…

ဇွန်လ ၁၁ ရက်။ ချင်းပြည်နယ်၊တွန်းဇံမြို့နယ် ဗိုင်းဗက် ကျေးရွာနေ ကလေးမိခင် အသက် ၃၂ နှစ် အရွယ် ဒေါ်ကျိန်လမ်ညိန် (Pi Cing Lam Ning) ဟာ ရာသီပေါ် မှို ချက်စားရာမှ အဆိပ်သင့်ပြီး အိန္ဒိယ နိုင်ငံ မဏိပူရ်ပြည်နယ်၊ ချူလာချန့်ပူ ခရိုင် ဆေးရုံကြီးမှာ ဒီကနေ့ ဇွန်လ ၁၁ နေ့မှာ သေဆုံးသွားခဲ့ကာ ၊တွန်းဇံမြို့နယ်မှ ကိုယ်ဝန်ဆောင်အမျိုးသမီး ၁ ဦးလည်း ရာသီပေါ်မှိုစားမိလို့ ကိုယ်ဝန်ပျက်ကျခဲ့တယ်လို့ ဒေသခံများ ထံမှ သိရပါတယ်။ “ပြီးခဲ့တဲ့ ဗုဒ္ဂဟူးနေ့၊ ဇွန်လ ၄ ရက်နေ့မှာ တောင်ယာ သွားရင်း မှိုတွေပေါ်တော့ တဲမှာပဲ ချက်စား လိုက်တယ်။ ညနေ ကျတော့ ဗိုက်နာပြီး…

ဇွန်လ ၁၁ ရက်။ ချင်းပြည်နယ်၊ ဖလမ်းမြို့နယ်၊ ရိဒ်ခေါဒါရ်မြို့ ဟွာလ်ငိုးရမ်းဒေသအတွင်းက အဓိကလမ်းမကြီးတွေမှာ ၆ဘီး (ရှည်) ၊ ၁၀ ဘီးကားနဲ့ အထက် ယာဉ်ကြီးတွေ ဇွန်လ ၁၅ ရက်နေ့ကနေ အောက်တိုဘာလ ၃၁ ရက်နေ့အတွင်း ဖြတ်သန်းသွားလာခြင်း မလုပ်ဖို့ Hualngo People’s Organization(HPO/CDF-Hualngoram ) က ဇွန်လ ၁၁ ရက်နေ့မှာ အသိပေးထုတ်ပြန်ထားပါတယ်။ မိုးတွင်းကာလ လမ်းပိုမိုပျက်စီးခြင်းကနေ ကာကွယ်ဖို့နဲ့ လမ်းအသုံးပြုသူတွေ ပိုမိုချောမောစွာ သွားလာနိုင်ရန် နဲ့ ဖြတ်သန်းသွားလာမယ့် ကားတွေ အန္တရာယ်များတာတွေကြောင့် အခုလို ပိတ်ရတာဖြစ်တယ်လို့ ဟွာလ်ငိုးရမ်းဒေသ လမ်းတာဝန်ခံ အင်ဂျင်နီယာ Pu Lalvenpuia ကပြောပါတယ်။ “လောလောဆယ်တော့ တိုက်ပွဲကြောင့် ကားတွေ တက်မလာနိုင်ကြသေးဘူးဆိုပေမယ့် ကြိုတင်…