ချင်းပြည်သတင်း

မတ်လ ၃ ရက်။ ချင်းပြည်နယ်၊ ဖလမ်းမြို့နယ်မှာ စစ်ကြောင်းထိုးနေတဲ့ စစ်ကော်မရှင်တပ်ဖွဲ့က ၎င်းတပ်ဖွဲ့ဝင်တွေကို Y – 12 လေယာဉ်နဲ့ ချပေးတဲ့ လက်နက်ရိက္ခာတချို့ကို ချင်းလက်နက်ကိုင်ပူးပေါင်းတပ်ဖွဲ့တွေဘက်က ရရှိခဲ့တယ်လို့ ဖလမ်းမြို့နယ် အခြေစိုက် ချင်းအမျိုးသားအဖွဲ့ချုပ်(CNO / CNDF)ရဲ့ပြောရေးဆိုခွင့်ရှိသူ ဆလိုင်းတင်မီက ပြောပါတယ်။ CNO / CNDF ပြောရေးဆိုခွင့်ရှိသူ ဆလိုင်းတင်မီက”ပစ္စည်းရတာက မနေ့ညကပါ။ တချို့ Y – 12 ချတဲ့ဟာတွေက သူတို့ ( စစ်ကော်မရှင်တပ်ဖွဲ့ ) နဲ့ ကျနော်တို့ကြားထဲ ကျတဲ့ဟာရှိတယ် တချို့နေရာမျိုးမှာဆိုရင် ကျနော်တို့နဲ့ ပိုနီးတဲ့နေရာမှာ ကျတဲ့ဟာမျိုးရှိတယ် မတိကျဘူးပေါ့ အဲဒီပစ္စည်းတွေ ကောက်ဖို့ဆိုရင် သူတို့ဘက်ကလည်း စစ်ကြောင်း ထိုးပြီးမှ ကောက်လို့ ရမဲ့ ပုံစံမျိုးဖြစ်တယ်”လို့ပြောပါတယ် ။…

ဖေဖော်ဝါရီ ၂၃ ရက်။ ချင်းတောင်ခြေ ၊စစ်ကိုင်းတိုင်း၊ ကလေးမြို့ – ရန်ကုန် – မန္တလေးကို ပျံသန်းပြေးဆွဲနေတဲ့ မြန်မာ့လေကြောင်းလိုင်း (MNA) လိုင်းတချို့က ရပ်နားထားပေမယ့် ကျန်တဲ့ လေကြောင်းလိုင်းအားလုံးက ပုံမှန်အတိုင်းပြေးဆွဲနေတယ်လို့ သိရပါတယ်။ ကလေးမြို့ကနေ ရန်ကုန် – မန္တလေးကို မြန်မာ့လေကြောင်းလိုင်း(MNA) UB နံပါတ် ၄ လုံးက ရပ်နားထားပေမယ့်( MNA )UB နံပါတ် ၃ လုံးက ပုံမှန်ပြေးဆွဲနေသလို အပြည်ပြည်ဆိုင်ရာမြန်မာလေကြောင်း (MAI) တို့ကလည်း ပုံမှန်အတိုင်းပြေးဆွဲလျက်ရှိတယ်လို့ လေယာဉ်လက်မှတ်အရောင်းကိုယ်စားလှယ်တွေဆီကနေ သိရပါတယ်။ လေယာဉ်လက်မှတ်အရောင်းကိုယ်စားလှယ်တစ်ဦးက “ မြန်မာ့လေကြောင်းလိုင်း(MNA) UB ၄ လုံးဘဲ ပိတ်ထားတာပါ MNA UB သုံးလုံးက ထွက်ပါတယ် ပိတ်ထားတဲ့ MNA UB…

ဖေဖော်ဝါရီလ ၂၃ ရက်။ ချင်းပြည်နယ်၊ တွန်းဇံမြို့နယ်အတွင်း နေထိုင်ကြတဲ့ ဒေသခံပြည်သူတွေအနေဖြင့် စစ်မှုထမ်းဖို့ကန့်သတ်အရွယ်ရှိလူငယ်များရဲ့ မိသားစုဝင်တစ်ဦးဦးဟာ စစ်မှုမထမ်းလိုပါက ချင်းပြည် ( Chinland) ကာကွယ်ရေးဝန်ကြီးဌာနရဲ့ ပြဌာန်းထားတဲ့ ဥပဒေတွေအရ တွန်းဇံမြို့နယ်ကနေ နယ်နှင်ဒဏ်ပေးမယ်လို့ တွန်းဇံမြို့ကိုထိန်းချုပ်ထားတဲ့ တွန်းဇံမြို့နယ်ကောင်စီက ဒီကနေ့ ဖေဖော်ဝါရီလ ၂၃ ရက်နေ့မှာ ထုတ်ပြန်လိုက်ပါတယ်။ CDF – တွန်းဇံဇိုတပ်ဖွဲ့နဲ့ CC(Chinland Council) တပ်ပေါင်းစုအတွက် တပ်သားစုဆောင်းခြင်း အကောင်အထည်ဖော်နိုင်ရန် ရည်ရွယ်ပြီး တွန်းဇံမြို့နယ်အတွင်းရှိ အမျိုးသားဆိုလျှင် အသက် ၁၆ နှစ်ကနေ ၃၅ နှစ် အကြား ၊ အမျိုးသမီးဆိုရင် ၁၆ နှစ်ကနေ ၂၅ နှစ်ရှိသူတွေ ကို တွန်းဇံမြို့နယ်အတွင်းကနေ ခရီးထွက်ခွာခွင့်ပြုမှာ မဟုတ်တော့တဲ့ အကြောင်းကိုလည်း တွန်းဇံမြို့နယ်ကောင်စီက ထုတ်ပြန်ထားတာတွေ့ရပါတယ်။…

ဖေဖော်ဝါရီလ ၂၀ ရက်။ ချင်းပြည်နယ်ရဲ့ နေရာဒေသတချို့အပါအဝင် နိုင်ငံအတွင်းမှာ ဆူပူအကြမ်းဖက်မှု၊ တရားဥပဒေသကို ဖောက်ပျက်ကျူးလွန်တာတွေနဲ့ နိုင်ငံကို ပြိုကွဲပျက်စီးစေမယ့် အဖျက်လုပ်ရပ်များစွာရှိနေတယ်လို့ ဒီကနေ့ ဖေဖော်ဝါရီလ ၂၀ ရက်နေ့မှာ ကျရောက်တဲ့ (၇၈) နှစ်မြောက် ချင်းအမျိုးသားနေ့မှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က သဝဏ်လွှာပေးပို့ခဲ့ပါတယ်။ ပြည်ထောင်စုဖွား တိုင်းရင်းသားညီအစ်ကို မောင်နှမအကြား နှစ်ပေါင်းထောင်ချီ၍ ဖြစ်တည်လာတဲ့ သံယောဇဉ်နဲ့ ချစ်ကြည်ရင်းနှီးမှုတွေကို ပြည်တွင်း၊ ပြည်ပ အဖျက်အင်အားစုတွေက အချင်းချင်းမုန်းတီးစေရန် သွေးခွဲရန်တိုက်ပေး ကျဉ်းမြောင်းတဲ့ လူမျိုးရေးဝါဒ သွက်သွင်းနေမှုတို့ဖြင့် ဖြိုခွဲဖျက်ဆီးနေတာကိုလည်း သတိပြုကာကွယ်ဖို့ တိုက်တွန်းတယ်လို့ ချင်းအမျိုးသားနေ့သဝဏ်လွှာမှာဖော်ပြထားတာတွေ့ရပါတယ်။ လက်ရှိကြုံတွေ့နေရတဲ့ အကြမ်းဖက် လုပ်ရပ်တွေဟာ ၂၀၂၀ ပြည့်နှစ် အထွေထွေရွေးကောက်ပွဲကနေ ဖြစ်ပေါ်လာတဲ့ မဲမသမာမှု ရလဒ်ပယ်ဖျက်ခံရတဲ့အပေါ် အမှန်ကို အမှန်တိုင်း သုံးသပ်ရှုမြင်မှု မရှိဘဲ…

ဖေဖော်၀ါရီလ ၂၀ ရက်။ ရက္ခိုင်အမျိုးသားအဖွဲ့ချုပ် (ULA/AA)က ၂၀၂၆ ခုနှစ်၊ ဖေဖော်ဝါရီလ (၂၀) ရက်နေ့မှာ ကျရောက်တဲ့ (၇၈) နှစ်မြောက် ချင်းအမျိုးသားနေ့ အခမ်းအနားဆီ ပေးပို့တဲ့ ဂုဏ်ပြုသဝဏ်လွှာမှာ ချင်းတစ်မျိုးသားလုံးကို အဓိကတိုက်တွန်းချက် ၂ ချက်တိုက်တွန်းထားပါတယ်။ ရက္ခိုင်အမျိုးသားအဖွဲ့ချုပ် (ULA) က ချင်းအမျိုးသားနေ့အတွက်ပေးပို့တဲ့ဂုဏ်ပြုသ၀ဏ်လွှာရဲ့ ပထမအချက်တိုက်တွန်းချက်အနေဖြင့် ရခိုင်ဒေသတွင်းနဲ့ အိမ်နီးနားချင်း ချင်းလူမျိုးတွေအနေနဲ့ အပြန်အလှန် ယုံကြည်မှု တည်ဆောက်ပြီး ရခိုင်ပြည်တည်ဆောက်ရေးနဲ့ ဒေသဖွံ့ဖြိုးရေးလုပ်ငန်းတွေမှာ အတူတကွ ပါဝင်ကြဖို့ ဆိုတဲ့အချက်ဖြစ်ပြီး ဒုတိယအချက်အနေဖြင့် အာရက္ခဒေသ၊ အိမ်နီးနားချင်း နဲ့ မြန်မာနိုင်ငံအနှံ့မှာရှိတဲ့ ချင်းညီအစ်ကိုများအနေနဲ့လည်း မိမိတို့ အချင်းချင်းအကြား ရရှိပြီးသား ချစ်ခင်မှု၊ နားလည်မှု၊ ယုံကြည်မှု၊ စည်းလုံးညီညွတ်မှုတွေကို တန်ဖိုးထားကာ “ချင်း” နဲ့ “ရက္ခိုင်” လူမျိုး…

ဖေဖော်ဝါရီလ ၂၀ ရက်။ ဒီကနေ့ ဖေဖော်ဝါရီလ ၂၀ ရက်နေ့ မှာ ဟားခါးမြို့မှာ ချင်းအမျိုးသားနေ့အခမ်းအနားကို CDF – Hakha တပ်ဖွဲ့က ဒရုန်းဖြင့်တိုက်ခိုက်ကြောင်း စစ်ကော်မရှင်ထုတ်ပြန်ကာ၊စစ်ကော်မရှင်တပ်ဖွဲ့ပစ်ခတ်ခြင်းကြောင့် လျှပ်စစ်ဌာနဝန်ထမ်းအမျိုးသား ၁ ဦး သေဆုံးကြောင်း ဟားခါးမြို့ခံများထံမှသိရပါတယ်။ (၇၈)နှစ်မြောက် ချင်းအမျိုးသားနေ့အခမ်းအနား ကျင်းပပြုလုပ်နေသည့် ချင်းပြည်နယ်၊ ဟားခါးမြို့၊ စုပေါင်းရုံးအား CDF (ဟားခါး)အဖွဲ့နှင့် PDF အဖွဲ့များက ယနေ့နံနက်ပိုင်း၌ FPV Suicide Drone များအသုံးပြု၍ တိုက်ခိုက်ခြင်းဆောင်ရွက်ခဲ့ရာ လေကြောင်းလုံခြုံရေးတာဝန်များ ထမ်းဆောင်လျက်ရှိသည့် လုံခြုံရေးတပ်ဖွဲ့ဝင်များက လေကြောင်းရန် ကာကွယ်ရေးစနစ်များဖြင့် ထောက်လှမ်းသိရှိခဲ့ပြီး အဆိုပါ Drone ယာဉ်များအား လက်ဦးမှုရယူဟန့်တားနိုင်ခဲ့ကြောင်းအာဏာသိမ်းစစ်ကော်မရှင်က ဒီ နေ့ ဖေ ဖော်ဝါရီ ၂၀ ရက်ညမှာ သတင်းထုတ်ပြန်ပါတယ်။ ယင်းသို့…

ဖေဖော်ဝါရီလ ၂၀ ရက်။ ချင်းလဲန်ပြည်သူများအနေဖြင့် ချင်းအမျိုးသားနေ့ ကျင်းပရခြင်း၏ အနှစ်သာရဖြစ်တဲ့ “ ချင်းတမျိုးသားလုံး စုစည်းညီညွှတ်မှုဖြင့် ချင်းကြမ္မာချင်းဖန်တီးရမည်” ဟူသည့်အချက်ကို နှလုံးသွင်းပြီး (၇၈) နှစ်မြောက် ချင်းအမျိုးသားနေ့ကို အနှစ်သာရရှိရှိဖြင့် ကျင်းပကြရန် တိုက်တွန်းတယ်လို့ ယနေ့ ဖေဖော်ဝါရီလ ၂၀ ရက်နေ့မှာ ကျရောက်သည့် ၇၈ နှစ်မြောက်ချင်းအမျိုးသားနေ့မှာ ချင်းအမျိုးသားတပ်ဦး( CNF) က ထုတ်ပြန်ပါတယ်။ လူမျိုးကြီးဝါဒနဲ့ စစ်အာဏာရှင်စနစ်တို့ကြောင့် (၇၈) နှစ်တိုင်တိုင် ချင်းလူမျိုးတို့ကိုယ်တိုင် ရွေးချယ်ခဲ့တဲ့ ဒီမိုကရေစီအုပ်ချုပ်ရေးစနစ်ကို ယနေ့အချိန်ထိ အပြည့်အဝ လက်တွေ့မကျင့်သုံးနိုင်သေးဘူးလို့ ယနေ့ ဖေဖော်ဝါရီလ ၂၀ ရက်နေ့မှာ ကျရောက်သည့် ၇၈ နှစ်မြောက် ချင်းအမျိုးသားနေ့မှာ ချင်းအမျိုးသားတပ်ဦး ( CNF) က ထုတ်ပြန်ပါတယ်။ ယနေ့ကျရောက်သော ချင်းအမျိုးသားနေ့သည်…

ဖေဖော်ဝါရီလ ၁၉ ရက်။ ချင်းပြည်နယ်၊ ဟားခါးမြို့နယ်က ဇိုခွာ (Zokhua)၊ချင်ခွာ (Cin Khua )နဲ့ဖလမ်းမြို့နယ် Lumbang ရွာ ကို စစ်ကော်မရှင်က ဒီကနေ့ ဖေဖော်ဝါရီလ ၁၉ ရက်နေ့ မနက်ပိုင်း ၁ နာရီဝန်းကျင်လောက်မှာ အကြောင်းမဲ့ လေကြောင်းကနေ ဗုံးကြဲတိုက်ခိုက်ခဲ့လို့ အရပ်သားနေအိမ်အမြောက်အများထိခိုက်ပျက်စီးခဲ့သလိုအရပ်သားပြည်သူ တချို့ ထိခိုက်ဒဏ်ရာရခဲ့တယ်လို့ သိရပါတယ်။ ဒေသခံတွေနဲ့ နီးစပ်သူတစ်ဦးက “Zokhua ရွာကို လေကြောင်းကနေ အရင်ဗုံးကြဲတိုက်ခိုက်ခဲ့တယ် အဲဒီမှာ နေအိမ် ၃ လုံးလောက် ပျက်စီးခဲ့တယ် နောက်ပြီး Cinkhua ရဲ့ အနီးနားဝန်းကျင်ကိုလည်း လေကြောင်းကနေ ဗုံးကြဲတိုက်ခိုက်ခဲ့တယ် အဲဒီမှာ နေအိမ်အမြောက်အများ ပျက်စီးခဲ့သလို ဒေသခံ ၃ ဦး ထိခိုက်ဒဏ် အပြင်းအထန် ရခဲ့တယ်လို့ သတင်းကြားတယ်”…

ဖေဖော်ဝါရီလ ၁၈ ရက်။ အိန္ဒိယနိုင်ငံ၊ မီဇိုရမ်ပြည်နယ်၊ ရှာဟာ(Siaha) ခရိုင်နဲ့ လောင်တလိုင်ခရိုင်ကနေ မြန်မာနိုင်ငံချင်းပြည်နယ် ပလက်ဝမြို့နယ်အကြား နယ်စပ်ကုန်သွယ်ရေးလမ်းများအနက် ရှာဟာခရိုင်နဲ့ မြန်မာနိုင်ငံကြား နယ်စပ်ကုန်သွယ်ရေးလမ်းကို မနေ့ ဖေဖော်ဝါရီလ ၁၇ ရက်နေ့ကစလို့ ပြန်ဖွင့်လိုက်တဲ့ကြောင်း Mara Thyutlia Py – MTP ဌာနချုပ်က ထုတ်ပြန်ထားပါတယ်။ မြန်မာနိုင်ငံဖက်မှာ မီဇီုးယာဉ်မောင်းသမား သေဆုံးသွားခဲ့ခြင်းနဲ့ပတ်သက်ပြီး အိန္ဒိယ – မြန်နယ်စပ်ကုန်သွယ်ရေးလမ်းကြောင်းဖြစ်တဲ့ လောင်တလိုင်ခရိုင်နဲ့ ရှာဟာခရိုင်ကနေ မြန်မာနဲ့ ဆက်သွယ်တဲ့ နယ်စပ်ကုန်သွယ်ရေး လမ်းကြောင်းတွေကို ဖေဖော်ဝါရီလ ၁၅ ရက်နေ့ကစလို့ ပိတ်ပင်ခဲ့တာဖြစ်ပါတယ်။ ပိတ်ထားတဲ့ လောင်တလိုင်ခရိုင်နဲ့ ရှာဟာခရိုင်နဲ့ မြန်မာနိုင်ငံကြား နယ်စပ်လမ်းကို ရှာဟာခရိုင်နဲ့ မြန်မာနိုင်ငံကြား နယ်စပ်လမ်းကို မနေ့ ဖေဖော်ဝါရီလ ၁၇ ရက်နေ့ ညနေ…

ဖေဖော်ဝါရီလ ၁၈ ရက်။ ချင်းပြည်နယ် မြို့တော် ဟားခါးမြို့မှာ အာဏာသိမ်း စစ်အုပ်စုက ကျင်းပဖို့ စီစဉ်နေတဲ့ ချင်းအမျိုးသားနေ့ အခမ်းအနားကို မည်သည့် အဖွဲ့အစည်း ၊ လူပုဂ္ဂိုလ်ကမှ ပူးပေါင်းပါဝင်တာ မလုပ်ဖို့ ဟားခါးမြို့နယ်အခြေစိုက် ချင်းလက်နက်ကိုင်တော်လှန်ရေးအဖွဲ့ဖြစ်တဲ့ CDF – Hakha တပ်ဖွဲ့က ဖေဖော်ဝါရီလ ၁၇ ရက်နေ့ကထုတ်ပြန်လိုက်ပါတယ်။ ချင်းလူမျိုးတွေရဲ့ စည်းလုံးညီညွှတ်မှု နဲ့ ကိုယ်ပိုင်ဆုံးဖြတ်ခွင့်တို့ကို အထိမ်းအမှတ်ပြုတဲ့ သမိုင်းဝင်နေ့ဖြစ်တဲ့ ချင်းအမျိုးသားနေ့ကို အာဏာသိမ်း စစ်အုပ်စုက ၎င်းတို့ရဲ့ နိုင်ငံရေးရည်ရွယ်ချက်တွေအတွက် အသုံးချနေခြင်းကို လုံးဝလက်မခံနိုင်ကြောင်းကိုလည်းကိုလည်း CDF – Hakha က ဖော်ပြထားပါတယ်။ အာဏာသိမ်းစစ်အုပ်စု ကျင်းပမယ့် အတုအယောင် ချင်းအမျိုးသားနေ့ အခမ်းအနားဟာ ချင်းပြည်သူလူထုရဲ့ သမိုင်းဂုဏ်သိက္ခာနှင့် ကိုယ်ပိုင်အခွင့်အရေးတွေကို ဖျက်ဆီးချိုးဖောက်နေတဲ့ လုပ်ရပ်တစ်ခုသာဖြစ်တယ်လို့်လည်း…