ချင်းပြည်သတင်း

မတ်လ ၆ ရက်။ ချင်းပြည်နယ်၊ ပလက်ဝမြို့နယ်အတွင်း ပလက်ဝဒေသခံ သူနာပြုဆေးဆရာမတွေကို ဆေးရောင်းခွင့် နဲ့ ကုသခွင့်တွေကို အာရက္ခတပ်တော် (AA)က တားမြစ်ပိတ်ပင်တာတွေ လုပ်နေတယ်လို့ ပလက်ဝဒေသခံတွေဆီကနေ သိရပါတယ်။ ပလက်ဝဒေသခံတစ်ဦးပြောတာက “အခုပလက်ဝဘက်မှာ အိန္ဒိယဘက်တို့ ရန်ကုန်၊ ဟားခါး စတဲ့တခြားဒေသဖက်တွေ မထွက်ပြေးနိုင်တဲ့ ဆေးဆရာ၊ ဆရာမတွေကိုတောင် ဆေးရောင်းပိုင်ခွင့်တွေ အကုန်လုံးတားမြစ်တာတို့ အခုတောက်လျောက်လုပ်နေတယ် ဒီလိုတွေဖြစ်တော့ ကျနော်တို့လည်း နားမလည်နိုင်ဘူးဖြစ်နေတယ်။ အခုတလောကဘဲ ပလက်ဝအထက်ပိုင်း မီးဇာဘက်က ဆေးဆရာမတို့ ပလက်ဝမြို့က ဆေးဆရာမတွေ ပြောပြချက်အရ ဆေးကုသဖို့ သူတို့ဆီအကုန်လာရမယ် ခင်ဗျားတို့ ငါတို့ခွင့်ပြုချက်မရဘဲ မကုရဆိုတဲ့ဟာမျိုးတွေရှိလာတယ် ဒီဘက်ကျနော်တို့ဘက်ကို ဆက်သွယ်လာတဲ့သူတွေရှိတယ် ဘာကြောင့်ဆေးကုသခွင့်မပေးတာလဲဆိုတာ ေသချာနားမလည်ရသေးဘူး ကျနော်တို့ကို တဖြည်းဖြည်းမောင်းထုတ်တယ်လို့ ခံစားရတာပေါ့” လို့ပြောပါတယ်။ အခုလို သူနာပြုဆေးဆရာမတွေ ဆေးရောင်းခွင့်ပိတ်တာဟာ CDF…

မတ်လ ၅ ရက်။ ချင်းပြည်နယ်တောင်ပိုင်း ပလက်ဝမြို့နယ် ဒိုင်ရ်ဒေသအတွင်း CDF – Daai အနေနဲ့ တပ်သားသစ်ရရှိရေး ဆောင်ရွက်တာတွေရှိပေမယ့် အသက်မပြည့်တဲ့ ကလေးတွေနဲ့ ကျန်းမာရေးမကောင်းတဲ့ သူတွေကိုတော့ စစ်သင်တန်းတက်ခိုင်းတာမျိုး မလုပ်ဘူးလို့ ဒိုင်ရ်ဒေသန္တရကောင်စီ(DRC) ဥက္ကဌ ကိုအောင်မင်းက Chin World Media ကိုပြောပါတယ်။ ပလက်ဝမြို့နယ်၊ လေမြိုချောင်းရှိ ကျေးရွာ ၉ ရွာခန့်က ဒေသခံအယောက် ၅၀ ကျော်ကို စစ်သင်တန်းတက်ရောက်ဖို့ CDF – Daai က ဖမ်းဆီးခေါ်ဆောင်သွားပြီး အဲဒီထဲမှာ အသက်မပြည့်တဲ့ ကလေးငယ်တွေလည်း ပါဝင်တယ်လို့ ပလက်ဝဒေသခံတစ်ချို့ပြောဆိုတာတွေအပေါ် သင်တန်းသားအသစ်ရရှိရေး စည်းရုံးရေးဆင်းတာတွေကို ဒိုင်ရ်ဒေသက ပြည်သူရွေးချယ်တင်မြှောက်ထားတဲ့ အုပ်ချုပ်ရေးမှူးတွေကိုယ်တိုင်ပါဝင်ကြတာလို့ ဒိုင်ရ်ဒေသန္တရကောင်စီဥက္ကဌ ကိုအောင်မင်းကပြောပါတယ်။ “ဒိုင်ရ်ဒေသမှာ အုပ်ချုပ်ရေးမှူးတွေ ဦးဆောင်ပြီးရဲဘော်တွေ သင်တန်းသားအသစ်ရရှိရေး…

မတ်လ ၄ ရက်။ ချင်းပြည်နယ်မှာ ၂၀၂၅ တက္ကသိုလ်ဝင် စာမေးပွဲ ဖြေဆိုနိုင်မယ့် ဟားခါးမြို့နဲ့တီးတိန်မြို့မှာသာ စာစစ်ဌာန နှစ်ခုသာ ရှိပြီး မတ်လ ၄ ရက်နေ့ အထိ ဖြေဆိုခွင့် လျှောက်ထားသူ ကျောင်းသားကျောင်းသူ ပေါင်း ၄၇၁ ဦး ရှိတယ် လို့ ပြည်နယ်ပညာရေးရုံးနဲ့ နီးစပ်တဲ့ ဟားခါးမြို့နေ ပြည်သူ တစ်ဦး ထံမှ သိရှိရပါတယ်။  “၂၀၂၅ ခုနှစ် အတွက် ချင်းပြည်နယ်မှာ တက္ကသိုလ်ဝင် စာမေးပွဲ ဖြေဆိုနိုင် မယ့် စာစစ် ဌာန က နှစ်ခုပဲ ရှိတယ်။ အထက (၁) ဟားခါး နှင့် အထက (၁) တီးတိန် မှာပဲ ဖြေဆို ကြလိမ့်မယ်။ အထက…

မတ်လ ၄ ရက်။ ပြီးခဲ့တဲ့ ဖေဖော်ဝါရီလ ၁၀ ရက်က ချင်းပြည်နယ်၊ တွန်းဇံမြို့နယ်မှာ လောင်ကျွမ်းနေတဲ့ တောမီး ကြောင့် မီးလောင်ဒဏ်ခံရတဲ့ အသက် ၁၅ နှစ်အရွယ် ချင်းလူငယ် တစ်ဦးဟာ မီဇိုရမ်ပြည်နယ်၊အိုက်ဇောလ်မြို့ပြည်သူ့ ဆေးရုံမှာ ဆေးကုသနေစဉ် ဒီကနေ့ မတ်လ ၄ ရက် ညနေပိုင်းမှာ ကွယ်လွန်သွားတယ်လို့ ကွယ်လွန်သူရဲ့ဆွေမျိုး အသိုင်းအဝိုင်း ထံမှ သိရှိရပါတယ်။ “ဖေဖော်ဝါရီလ ၁၀ နေ့မှာ တွန်းဇံမြို့နယ် ဆိုင်ပီးမွာလ်ရွာ ဘက်မှာ ခရီးသွားရင်း တောမီး လောင်ကျွမ်း သွားတာပါ။ သူ့နဲ့ အတူ ပါတဲ့ အဖော်တွေက Champhai ဆေးရုံကို ဖေဖော်ဝါရီလ ၁၁ နေ့မှာ ပို့ခဲ့တယ်။ မီးလောင်ဒဏ်က ပြင်းထန်တော့ Champhai ဆေးရုံ…

မတ်လ ၄ ရက်။ စစ်ကောင်စီအာဏာသိမ်းမှုအလွန် ၄ နှစ်တာအတွင်း ချင်းလူမျိုး ၉၈၃ဦးကျော် သေဆုံးခဲ့ပြီဖြစ်ပြီး အဲဒီသေဆုံးမှုတွေထဲမှာ စစ်ကောင်စီရဲ့လေကြောင်းတိုက်ခိုက်မှု ၂၅၀ ကြိမ် ကြောင့် ချင်းလူမျိုး၂၈၀ ကျော်သေဆုံးခဲ့ရကာ၊၄၅၀ ဦးကျော် ထိခိုက်ဒဏ်ရာရခဲ့တယ်လို့ ချင်းရေးရာအဖွဲ့ချုပ် (ICA) ရဲ့ မတ်လ ၄ ရက်နေ့မှာ ထုတ်ပြန်တဲ့ ၂၀၂၁ခုနှစ်၊ ဖေဖော်ဝါရီလ ၁ရက်နေ့ကနေ ၂၀၂၅ခုနှစ်၊ ဖေဖော်ဝါရီလ ၂၈ရက်အထိ ပြုစုထားတဲ့ စာရင်းအရ သိရပါတယ်။ ချင်းပြည်နယ်အတွင်းနဲ့ ချင်းပြည်နယ်ပြင်ပက ချင်းလူမျိုးတွေနေထိုင်တဲ့ ဒေသတွေကို စစ်ကောင်စီ လေကြောင်းတိုက်ခိုက်မှုက ၄ နှစ်တာကာလအတွင်း ချင်းလူမျိုးအရပ်သား အယောက် ၂၀၀ ကျော်သေဆုံးခဲ့ရပြီး ချင်းအမျိုးသားတော်လှန်ရေးတပ်ဖွဲ့ဘက်က ၈၀ ဦးထက်မနည်းသေဆုံးခဲ့ရပြီး ၄၅၀ ဦးကျော် ထိခိုက်ဒဏ်ရာရခဲ့တယ်လို့ ချင်းရေးရာအဖွဲ့ ချုပ်(ICA) ရဲ့…

မတ်လ ၃ ရက်။ Ngawn Union Council (NUC)၏ ၂၀၂၅ ခုနှစ်ဖေဖော်ဝါရီလ ၂၈ ရက်နေ့ အမှတ်စဉ် ၃/၂၀၂၅ ပါ CNF/A မှ ငေါန်ဒေသအတွင်းစခန်းချခြင်း၊စစ်သားစုဆောင်းခြင်းနှင့်CDF-Ngawnngam ကာကွယ်ရေးတပ်ဖွဲ့ဖွဲ့စည်းမှုတွင်ပါဝင်ပတ်သက်ကြောင်းသတင်းထုတ်ပြန်ချက်သည် မဟုတ်မမှန်မတရားစွတ်စွဲချက်သာဖြစ်ပြီး CNF/CNA သည် CDF-Ngawnngam ဒေသန္တရကာကွယ်ရေးတပ်ဖွဲ့အပါအဝင် ဒေသန္တရကာကွယ်ရေးတပ်ဖွဲ့များ၏အရေးအရာများတွင် တိုက်ရိုက်ပါဝင်ပတ်သက်ခြင်းမရှိကြောင်း၊မိဘပြည်သူများအနေဖြင့် ဤမဟုတ်မမှန်တဖက်သတ်စွတ်စွဲချက်များကိုနားမယောင်ကြပါရန်မေတ္တာရပ်ခံကြောင်း ချင်းအမျိုးသားတပ်ဦး(CNF )က ဒီကနေ့ မတ်လ ၃ ရက်မှာ တုံ့ပြန်သတင်းထုတ်ပြန်ပါတယ်။ CNF/A သည် ဒေသခံပြည်သူလူထု၊ဒေသန္တရအုပ်ချုပ်ရေးအဖွဲ့၊ကာကွယ်ရေးတပ်ဖွဲ့များနှင့်အပြန်အလှန်ညှိနှိုင်းပြီးမှသာ စစ်ရေးနှင့်ပြည်သူ့ရေးရာများကိုအကောင်အထည်ဖော်လေ့ရှိကြောင်း၊Ngawn ဒေသခံပြည်သူလူထုမှ CNA ကို တပ်စခန်းချပေးရန် မေတ္တာရပ်ခံချက်များရှိခဲ့သော်လည်း စစ်ကောင်စီကင်းစင်သော ဤနယ်မြေအတွင်း ယနေ့အထိတပ်စခန်းချခြင်းမရှိကြောင်း ထို့ကြောင့် Ngawn Union Council (NUC)အနေဖြင့်အဖြစ်မှန်သိရှိလိုပါက မိမိတို့နှင့်တိုက်ရိုက်ဆက်သွယ်နိုင်ပါကြောင်း CNF ရဲ့ထုတ်ပြန်ချက်မှာ ဖော်ပြထားပါတယ်။ ချင်းပြည်နယ်၊…

ဖေဖော်ဝါရီလ ၂၈ ရက်။ အာရက္ခတပ်တော် (AA) ထိန်းချုပ်ထားတဲ့ ချင်းပြည်နယ်၊ ပလက်ဝမြို့နယ်၊ ဆမီးမြို့ ပျဉ်ဝရွာကို စစ်ကောင်စီက ပြီးခဲ့တဲ့ ဖေဖော်ဝါရီလ ၂၅ ရက်နေ့ည ၉ နာရီဝန်းကျင်မှာ လေကြောင်းကနေ တိုက်ခိုက်ခဲ့လို့ ဘုရားကျောင်းနဲ့ ဘုန်းကြီးကျောင်းထိခိုက်ပျက်စီးသွားပေမယ့် လူအထိခိုက်တော့ မရှိဘူးလို့ ဒေသခံတွေဆီကနေ သိရပါတယ်။ တိုက်ပွဲဖြစ်တာမျိုးမရှိဘဲ စစ်ကောင်စီက ပျဉ်ဝရွာကို ဂျက်ဖိုက်တာနဲ့ လေကြောင်းကနေ ပေါင် ၅၀၀ ဗုံးနှစ်လုံးနဲ့ ကြဲပြီးတိုက်ခိုက်ခဲ့တာဖြစ်ကာ၊စစ်ကောင်စီ ဂျက်ဖိုက်တာနဲ့ ဗုံးကြဲတဲ့နေရာက ဒေသခံတွေနေထိုင်တဲ့နေရာနဲ့ အလှမ်းဝေးတာကြောင့် လူအထိခိုက်နဲ့ အရပ်သားအဆောက်အဦးထိခိုက်တော့ မရှိဘူးလို့ ဒေသခံတွေဆီကနေ သိရပါတယ်။ ဒေသခံတစ်ဦးက “ဘုန်းကြီးကျောင်းနဲ့ ဘုရားကျောင်းပျက်စီးသွားတယ်တဲ့ အရပ်သားထိခိုက်မှုတော့မရှိဘူး အဲဒီရွာမှာ ခူမီးချင်းနဲ့ ရခိုင်တွေနေထိုင်တဲ့ ကျေးရွာဖြစ်တယ် အခုအကြဲခံရတဲ့နေရာက ရွာရဲ့တောင်ပေါ်မှာရှိတဲ့နေရာဖြစ်တော့ အိမ်တွေနဲ့အလှမ်းဝေးတယ် ဘုရားကျောင်းနာမည်က…

ဖေဖော်ဝါရီလ ၂၈ ရက်။ စစ်ကိုင်းတိုင်း၊ ကလေးမြို့ပေါ်မှာ ယခုရက်ပိုင်းအတွင်းမှာ စစ်ကောင်စီတပ်က စစ်မှုထမ်းသင်တန်းအတွက် လူငယ်တွေကို အဖမ်းဆီးကြမ်းနေပြီးမနေ့ဖေဖော်ဝါရီလ ၂၇ ရက်နေ့က လမ်းသွားလမ်းလာ ဆိုင်ကယ်နဲ့သွားတဲ့ လူငယ် ၁ ဦး ကိုအိမ်စီးကားနဲ့တိုက်ပြီး ဖမ်းဆီးတာမျိုး စစ်ကောင်စီတပ်ဖွဲ့က လုပ်ခဲ့တယ်လို့ ဒေသခံတွေပြောပါတယ်။ ကလေးမြို့ပေါ်က ချမ်းမြေ့အောင်စီနဲ့ ပင်လုံလမ်းမတော်ရပ်ကွက်ဘက်မှာ မနေ့က ဆိုင်ကယ်နဲ့ သွားနေတဲ့ လူငယ်ကို စစ်ကောင်စီတပ်ဖွဲ့တွေက Probox ကားနဲ့ တိုက်ပြီး စစ်မှုထမ်းဖို့ ဖမ်းဆီးခဲ့သလို မနေ့က တစ်ရက်ထဲ လူငယ် ၈ ဦး စစ်မှုထမ်းဖို့ ဖမ်းဆီးခံရတယ်လို့ သိရပေမယ့် တခြားရပ်ကွက် အဖမ်းအဆီးစာရင်းတော့ မသိရသေးဘူးလို့ ကလေးမြို့ဒေသခံတစ်ဦးက ပြောပါတယ်။ ကလေးမြို့နေဒေသခံတစ်ဦးက “မနေ့ကတော့ ချမ်းမြေ့အောင်စီနဲ့ ပင်လုံလမ်းမတော်ဘက်မှာ ဆိုင်ကယ်နဲ့သွားနေတဲ့သူကို brobox ကားနဲ့တိုက်ပြီးတော့…

ဖေဖော်ဝါရီလ ၂၇ ရက်။ အယူအဆ၊ သဘောထားကွဲလွဲခဲ့မှုများ ရှိခဲ့သော်လည်း ငြိမ်းချမ်းစွာ ဆွေးနွေးညှိနှိုင်း အဖြေ ရှာခဲ့တဲ့ ချင်းနိုင်ငံရေးဦးဆောင်အဖွဲ့နှစ်ခုဖြစ်တဲ့ ချင်းပြည်(Chinland)ကောင်စီနှင့်ကြားကာလချင်းအမျိုးသားအတိုင်ပင်ခံကောင်စီ(ICNCC) တို့အကြား ချင်းအမျိုးသားညီညွတ်ရေး သဘောတူညီချက်များရရှိခဲ့ခြင်း အပေါ်ကြိုဆိုဂုဏ်ပြုကြောင်း အမျိုးသားညီညွှတ်ရေးအစိုးရ (NUG)က ဒီကနေ့ ဖေဖော်ဝါရီလ ၂၇ ရက်နေ့မှာ သဝဏ်လွှာပေးပို့ခဲ့ပါတယ်။ ချင်းပြည်သူတစ်ရပ်လုံး၏ ရေရှည်အနာဂတ် အကျိုးကို မျှော်ရည်လျက် ချင်းအမျိုးသားနိုင်ငံရေး ဦးဆောင်အဖွဲ့များဖြစ်ကြတဲ့ ချင်းပြည် (Chinland)ကောင်စီနှင့် ကြားကာလချင်းအမျိုးသားအတိုင်ပင်ခံကောင်စီ (ICNCC) တို့အကြား သဘောတူညီချက်များ ရယူနိုင်ခဲ့ပြီး ချင်းပြည်သူတစ်ရပ်လုံးကို လွှမ်းခြုံကိုယ်စားပြုမည့် “ချင်းအမျိုးသားကောင်စီ” ဟူသော ကောင်စီတစ်ရပ် တည်ထောင်ရန်အတွက် သဘောတူညီမှု ရရှိခဲ့ခြင်းအပေါ် အမျိုးသားညီညွတ်ရေးအစိုးရက လှိုက်လှဲဝမ်းမြောက်စွာ ကြိုဆိုဂုဏ်ပြုပါ ကြောင်း အလေးအနက်ဖော်ပြအပ်တယ်လို့ ဆိုပါတယ်။ ချင်းနိုင်ငံရေးဦးဆောင်အဖွဲ့နှစ်ခုဖြစ်တဲ့ ချင်းပြည်(Chinland)ကောင်စီနှင့်ကြားကာလချင်းအမျိုးသားအတိုင်ပင်ခံကောင်စီ(ICNCC) တို့အကြား နိုင်ငံရေးသဘောထားကြီးမှုသည် ပြည်သူ့နွေဦး…

ဖေဖော်ဝါရီလ ၂၇ ရက် ။ အာရက္ခတပ်တော် (AA) က ချင်းပြည်နယ်၊ ပလက်ဝမြို့ပေါ်ရှိ ဌာနဆိုင်ရာအဆောက်အဦးတချို့ကို ရှင်းလင်းဖျက်ဆီးတာတွေ လုပ်သလို ပလက်ဝမြို့ပြည်သူ့ဆေးရုံကပစ္စည်းတွေ အပါအဝင် ဌာနဆိုင်ရာရုံးတွေက ပစ္စည်းတွေ အားလုံးနီးကိုလည်း ရခိုင်ပြည်နယ်ဘက်ကို စက်လှေတွေနဲ့ အခုရက်ပိုင်းအတွင်း ရွှေ့ပြောင်းသယ်ဆောင်တာတွေ လုပ်တဲ့အကြောင်း ပလက်ဝဒေသခံတွေဆီကနေ သိရပါတယ်။ ပလက်ဝဒေသခံတစ်ဦးက “အခုရက်ပိုင်းအတွင်း စက်လှေနဲ့ ရခိုင်ဘက်ကို သယ်သွားကြတယ် ဌာနဆိုင်ရာက အရေးကြီးပစ္စည်းတွေ အားလုံးကို ဆေးရုံပစ္စည်းတွေဆို အကုန်သယ်သွားကြတယ်လို့ သိရတယ် တချို့ဒီဆောက်လုပ်ရေး ဌာန အဆောက်ဦးတွေဆို ဖျက်ဆီးတယ်လို့ သိရတယ်။ ဒါကတော့ မဖြစ်သင့်ဘူးလေ အစိုးရပိုင်ဆိုပေမယ့် ပြည်သူပိုင်ပစ္စည်းတွေပါ အခုလို ဒေသခံပြည်သူတစ်စုံတစ်ရာမပါဘဲ လုပ်တာဟာ မဖြစ်သင့်ဘူး တချို့ဆေးရုံဆေးခန်းတွေက ပစ္စည်းတွေဆို ပလက်ဝမြို့နယ်မှာလည်း လိုအပ်တယ်လေ” လို့ပြောပါတယ်။ အခုလို အာရက္ခတပ်တော်…