ချင်းပြည်သတင်း

ချင်းအမျိုးသားတပ်ဦး ( CNF/A )က ဖမ်းဆီးခဲ့တဲ့ အာရက္ခတပ်တော်(AA) တပ်သား ၂ ဦး နဲ့ပတ်သက်ပြီး ချင်းညီနောင်အဖွဲ့က ဒီကနေ့ သြဂုတ်လ ၃ ရက်နေ့မှာ ထုတ်ပြန်ပါတယ်။ ချင်းပြည်နယ်အတွင်းက ချင်းညီနောင်ထိန်းချုပ်ထားတဲ့ မြို့နယ် ၆ မြို့နယ်မှာ စစ်ကောင်စီကင်းစင်ရေးအတွက် ကြိုးစားနေတဲ့အပြင် မဟာမိတ်တပ်တွေဖြစ်တဲ့ AA၊ YDF ၊ YA တို့နဲအတူ မတူပီမြို့ကို သိမ်းပိုက်နိုင်ခဲ့တာ မိဘပြည်သူတွေ အသိဖြစ်တယ်လို့ ချင်းညီနောင်က ထုတ်ပြန်ပါတယ်။ ချင်းအမျိုးသားတပ်ဦး CNF/A က ဖမ်းဆီးထားတဲ့ အာရက္ခတပ်တော်တပ်သား ၂ ဦးကို မှုးယစ်ဆေးဝါး နဲ့ လုံခြုံရေးဆိုင်ရာ ကိစ္စရပ်တွေကို အတင်းအဓမ္မ လိမ်လည်ဝန််ခံထွက်ဆိုခိုင်းစေပြီး ဆိုရှယ်မီဒီယာတွေပေါ် မဟုတ်မမှန် ရေးသားဖြန့်ဝေ ပြောဆို ခဲ့တယ်လို့ ချင်းညီနောင်အဖွဲ့က ထုတ်ပြန်ပါတယ်။…

အွန်လိုင်းက သတင်းမှားတွေကြောင့် ချင်းပြည်နယ် ဖလမ်းမြို့က ဒေသခံတွေအနေနဲ့ ကိုယ့်အိမ်ကိုယ့်ယာကို စွန့်ပြီး ထွက်ပြေးတိမ်းရှောင်တာမျိုး မလုပ်ကြဖို့ ချင်းအမျိုးသားအဖွဲ့ချုပ်(CNO/CNDF )က ဒီကနေ့ သြဂုတ်လ ၃ ရက်နေ့မှာ အသိပေးထားပါတယ်။ CNO/CNDF ရဲ့ ပြောရေးဆိုခွင့်ရှိသူက “ဖလမ်းသတင်းတွေနဲ့ပက်သက်ပြီး အွန်လိုင်းမီဒီယာတွေမှာ သတင်းမှားတွေ များစွာရှိနေပြီး အဲဒါတွေကို ယုံပြီး CNO/CNDF ရဲ့ သတင်းကြေညာတာမျိုးမရှိဘဲ နေရာတိုင်းမှာ စစ်ဘေးရှောင်နေကြတာကို မြင်တွေ့ရတာ အင်မတန်ဝမ်းနည်းမိတယ်။ CNO/CNDF ရဲ့ သတင်းထုတ်ပြန်တာ ကြေညာတာမျိုးမရှိရင် ပြည်သူတွေအနေနဲ့ မစိုးရိမ်ကြဖို့ အသိပေးချင်ပါတယ်။ အချိန်တန်လို့ရှိရင် CNO/CNDF က အချိန်မှီ ထုတ်ပြန်ကြေညာပေးမှာဖြစ်တယ် ဒါကြောင့် ကိုယ့်အိမ်မှာကို လုံခြုံစွာနေဖို့ တောင်းဆိုချင်ပါတယ်” လို့ပြောပါတယ်။ ဖလမ်းမြို့ကို ချင်းညီနောင်နဲ့ မဟာမိတ်တွေက တိုက်ခိုက်သိမ်းပိုက်တော့မယ်ဆိုတဲ့ သတင်းတွေ အွန်လိုင်းမှာ…

မြန််မာပြည်ဘက်ကိုသယ်ဆောင်မယ့် စက်သုံးဆီ ၄၇ တိုင်ကီကို ဒီနေ့ဩဂုတ်လ ၃ ရက်မှာ မီဇိုရမ်ပြည်နယ် Mampui အရပ်မှာ Mampui YLA က ဖမ်းဆီးပြီး ဖမ်းဆီးထားတဲ့ စက်သုံးဆီ ၄၇ ပုံးကို ဗဟိုလိုင်လူငယ်အစည်းအရုံး(CYLA) လက်ထဲပြန်အပ်ဖို့လောင်တလိုင်မြို့ဘက်ကို ပြန်ပို့လိုက် တယ်လို့ မီဇိုရမ်ပြည်နယ်သတင်းတွေအရသိရပါတယ်။ မြန်မာနိုင်ငံဘက် စက်သုံးဆီသယ်ဆောင်ခွင့်ကို CYLA က ပြီးခဲ့တဲ့ ဇွန်လ ၂၄ ရက်ကနေစတင်ပိတ်ပင်ထားခဲ့တာဖြစ်ပါတယ်။ ဩဂုတ်လ ၃ ရက်နေ့မနက် ၃ နာရီခန့်မှာ သယ်ဆောင်ဖို့ပိတ်ပင်ထားတဲ့ စက်သုံး ဆီများကို မြန်မာနိုင်ငံဘက် သယ်ဆောင်လာ ကြကြောင်း၊CYLA ထံကနေ သတင်းရရှိပြီး နောက် Mampui မှာ YLA တွေအကုန်စုပြီးတားဆီး စစ်ဆေးတာလုပ်ခဲ့ကြောင်း၊အဲဒီမှာ SK ကား ၃စီး နဲ့ Pickup…

  အမျိုးသားညီညွတ်ရေးအစိုးရ(NUG)၊လိင်ပိုင်းဆိုင်ရာ ထိပါးနှောင့်ယှက်ခြင်း၊ အမြတ်ထုတ်ခြင်းနှင့် မဖွယ်မရာပြုမူခြင်းဆိုင်ရာအကာအကွယ်ပေးရေးမူဝါဒ ဗဟိုကော်မတီက စာရွက်စာတမ်းသက်သေ၊လူသက်သေ၊မျက်မြင်သက်သေ၊ထွက်ချက်များအရ တိုင်ကြားခံရသူဆလိုင်းအိုက်ဇက်ခင်သည် လိင်ပိုင်းဆိုင်ရာထိပါးနှောင့်ယှက်ခြင်းအားအမှန်တကယ်ကျူးလွန်ခဲ့ကြောင်း သုံးသပ်တွေ့ရှိရကြောင်း၊အမျိုးသားညီညွတ်ရေးအစိုးရ(NUG)၊နိုင်ငံခြားရေးဝန်ကြီးဌာနမှ ဝန်ထမ်းအမျိုးသမီးအားလိင်ပိုင်းဆိုင်ရာထိပါးနှောင့်ယှက်ခဲ့သူ NUGရဲ့အိန္ဒိယနိုင်ငံကိုယ်စားလှယ်ဆလိုင်းအိုက်ဇက်ခင်ကိုဩဂုတ်လ ၁ ရက်နေ့မှစပြီး လက်ရှိတာဝန််နှင့်ရာထူးမှထုတ်ပယ်ပြီဖြစ် ကြောင်း ဒီနေ့ဩဂုတ်လ ၃ ရက်မှာသတင်းထုတ်ပြန်လိုက်ပါတယ်။  ရုံးဝန်ထမ်းအမျိုးသမီးတစ်ဦးကို လိင်ပိုင်းဆိုင်ရာ ထိပါးနှောက်ယှက်တယ်ဆိုတဲ့ တိုင်ကြားစာနဲ့ ပတ်သက်ပြီး အမျိုးသားညီညွတ်ရေးအစိုးရ(NUG) နိုင်ငံခြားရေးဝန်ကြီးဌာနက အိန္ဒိယနိုင်ငံဆိုင်ရာ ကိုယ်စားလှယ် ဆလိုင်းအိုက်ဇက်ခင်ကို တာဝန်ကနေ ယာယီရပ်ဆိုင်းထားကြောင်း ဇွန်လ ၂၅ ရက်နေ့က ထုတ်ပြန်ထားကာ ဌာနအတွင်း စစ်ဆေးကြားနာမှုလုပ်ခဲ့ပြီး အဲဒီစစ်ဆေးချက်တွေကို လိင်ပိုင်းဆိုင်ရာ ထိပါးနှောင့်ယှက်ခြင်း၊ အမြတ်ထုတ်ခြင်းနဲ့ လိင်ပိုင်းဆိုင်ရာ အကြမ်းဖက်ခြင်းတွေကနေ ကာကွယ်ခြင်းဆိုင်ရာ မူဝါဒ အကောင်အထည်ဖော်ရေးကော်မတီကို လွှဲပြောင်းပေးခဲ့တာဖြစ်ပါတယ်။   လိင်ပိုင်းဆိုင်ရာ ကျူးလွန်ခံရကြောင်း တိုင်ကြားခဲ့တဲ့ ရုံးဝန်ထမ်းအမျိုးသမီးကို ဧပြီလ ၃၀ ရက်နေ့က…

ချင်းပြည်နယ် ပလက်ဝမြို့နယ်၊ မတူပီမြို့နယ်နဲ့ ထန်တလန်မြို့နယ်တွေက ပြည်သူအကြားမှာ ယခုမိုးတွင်းကာလ ဇူလိုင်လ ကစပြီး အခုအချိန်အထိ (Malaria) ငှက်ဖျားရောဂါ ကူးစက်မှုနှုန်း ပြန်လည်မြင့်တက်နေကြောင်း အဆိုပါမြို့နယ်တွေမှာ စစ်ဘေးရှောင်များကိုကူညီနေတဲ့သူတွေဆီကသိရပါတယ်။   လက်ရှိအနေအထားမှာ ချင်းပြည်နယ်မှာ မတူပီ၊ပလက်ဝနဲ့ထန်တလန်မြို့နယ်တွေဟာ စစ်ဘေးရှောင်အရေအတွက်အများဆုံးရှိတဲ့မြို့နယ်တွေဖြစ်ပြီး အဆိုပါမြို့နယ်တွေက ပြည်သူလူထုဟာ မိမိအိုးအိမ်စွန့်ခွါကာ နေရာပြောင်းရွေ့၊စစ်ဘေးရှောင်ရင်း တော၊တောင်တွေမှာ ၂ ည/၃ ည တပတ် /၂ ပတ် အနည်းဆုံး နေထိုင်ရခြင်းကြောင့် ဌက်ဖျားရောဂါကူးစက်ခံရကာ အဆိုပါမြို့နယ်တွေမှာ အခုလို ဌက်ဖျားရောဂါကူးစက်မှုပြန်လည်မြင့်တက်လာရခြင်းဖြစ်ကြောင်းသိရပါတယ်။  ချင်းပြည်နယ်မှာ ဌက်ဖျားရောဂါမတွေ့တော့တာ ၄ နှစ် ဝန်းကျင်ရှိပြီဖြစ်ပေမယ့် ၂၀၂၁ ခုနှစ် မြန်မာနိုင်ငံမှာစစ်တပ်အာဏာသိမ်းပြီးနောက်ပိုင်း ချင်းပြည်နယ်မှာ လက်နက်ကိုင်တော်လှန်ရေးအားကောင်းလာကာ တိုက်ပွဲများစွာဖြစ်ပွါးလာပြီး ချင်းပြည်နယ်က မြို့နယ် ၉ မြို့နယ်တိုင်းမှာ နေရပ်စွန့်ခွါ တောထဲတောင်ထဲစစ်ဘေးရှောင်ရတဲ့ပြည်သူများစွာရှိလာလို့ ဌက်ဖျားရောဂါကူးစက်မှုလည်းပြန်လည်မြင့်တက်လာခြင်းဖြစ်တယ်လို့ ချင်းပြည်နယ်မှာ…

နိုင်ငံကျော်ပန်းချီဆရာ လူရှည်တောင်တန်းမိုးယဉ်သဲရာရဲ့ကိုယ်ရေးအကျဉ်းနဲ့ဆရာမိုးယဉ်ရဲ့လက်ရာ ပန်းချီကားပုံတွေပါဝင်တဲ့ပန်းချီစာအုပ်ကို ထုတ်ဝေဖြန့်ချီပြီဖြစ်ကြောင်းသိရပါတယ်။ ပန်းချီ -မိုးယဉ် စာမျက်နှာ ၁၄၄ ကြွေစက္ကူဖြင့် – ခန့်ချုပ် (စာအုပ်အရွယ် ၈_၁၀ လက်မ) တန်ဖိုး – ၅၀၀၀၀ ကျပ် နှစ်ကာလများမှ ဖြန့်ချိသည် ဖုန်း -018255948,09740979393 —– မာတိကာ ၁။ ပန်းချီပြပွဲနှင့် စာအုပ်ထုတ်ရခြင်းအကြောင်း ၂။ ကျွန်တော်တို့သိသော ဦးမိုးယဉ် ၃။ ပန်းချီ မိုးယဉ်၏ ကိုယ်ရေးအကျဉ်း ၄။ နောက်ထပ်မြင်နိုင်ခွင့်တို့ စတင်ရာ ၅။ မိုးယဉ် ၏ ပန်းချီကားများ ပါဝင်ပါတယ်။ —– မိုးယဉ် ပန်းချီပြပွဲနှင့် စာအုပ်ထုတ်ဝေခြင်း ရည်ရွယ်ချက်—- ပန်းချီဆရာဦးမိုးယဉ်သည် မြန်မာခေတ်ပြိုင် ပန်းချီဆရာများထဲတွင် ကိုယ်ပိုင်ဟန်ထူထောင်နိုင်သောပန်းချီဆရာတစ်ဦးဖြစ်သည်ဟုယုံကြည်ပါသည်။ ထို့ကြောင့် ၂ဝ၂၄ ခုနှစ်တွင် အသက်(၇၂)…

ဩဂုတ်လ ၁ ရက်နေ့မှာ  တီးတိန်မြို့တွင်း တိုက်ပွဲ ကြောင့် နှစ်လကျော် ပိတ်ထားခဲ့ရတဲ့ တီးတိန်မြို့ ကုတင် ၁၀၀ ပြည်သူ့ဆေးရုံ ပြန်လည် ဖွင့်လှစ်ခဲ့တယ် လို့ တီးတိန်ဒေသခံများ ထံမှ ကြားသိခဲ့ရတယ်။  “လက်ရှိမှာတော့ လက်ထောက် ဆရာဝန် နှစ်ယောက်ရှိတယ်။ ဆေးရုံ ပြန်ဖွင့် တာနဲ့ တက်ရောက် ကုသ တဲ့ လူ တခါတည်း ရှိတာပဲ။ ဒီနေ့ နေ့ခင်း အထိ သိရသလောက် က ညအိပ် တက်ရောက်မယ့် လူနာ တစ်ယောက် ရှိတယ် လို့ ပြောကြတယ်” လို့ ယင်း တီးတိန်မြို့ဒေသခံက Chin World Media ကို ပြောပါတယ်။  နှစ်လ ကျော်ကြာ ပိတ်ခဲ့ရသည့် ဆေးရုံကို…

တော်လှန်ရေးကို အနှောင့်အယှက်ပေးတဲ့အတွက် ချင်းပြည်နယ် ဟားခါးမြို့ပေါ်မှာ ခွေးမွေးထားတဲ့သူတွေအနေနဲ့ မိမိခွေးကို သြဂုတ်လ ၁ ရက်နေ့ နောက်ဆုံးထားပြီး ရောင်းကြဖို့ နဲ့ ဒါမှမဟုတ် သတ်ကြဖို့ကို CDF – Hakha က ဇူလိုင်လ ၃၀ ရက်နေ့မှာ ထုတ်ပြန်ပါတယ်။ မြို့ပေါ်က ခွေးတွေဟာ သူများကို ကြောက်လန့်စေသလို၊ တော်လှန်ရေးအတွက်လည်း တော်တော်ကို အနှောက်အယှက်ပေးတဲ့ အတွက် သြဂုတ်လ ၁ ရက်နေ့နောက်ဆုံးထားပြီး မိမိမွေးထားတဲ့ ခွေးတွေကို ရောင်းရင်ရောင်း၊ မရောင်းရင် သတ်ကြဖို့ ကြေညာလိုက်ပါတယ်၊ခွေးဟောင်လို့ ဟောင်တဲ့ဘက်ကို စစ်ကောင်စီတပ်က ရမ်းသမ်းပစ်ခတ်တာတွေ လုပ်နိုင်တယ်။ အဲဒီလိုချိန်ကျရင် မိမိရပ်ကွက်၊ အိမ်နီးနားချင်းတွေအတွက် အခက်အခဲတွေ ကြုံတွေ့စေနိုင်တယ် နောက်ပြီးတော်လှန်ရေးသမားတွေလည်းဒုက္ခရောက်နိုင်တယ်လို့ CDF-Hakha က ထုတ်ပြန်ထားပါတယ်။ ဒါ့ပြင် အိမ်ပြင်ထွက်လာတဲ့ ခွေးတွေကို…

ဟားခါးမြို့မ ရဲစခန်းကနေ CDF-Hakha တပ်ဖွဲ့က ကယ်ထုတ်နိုင်ခဲ့တဲ့ အကျဉ်းသူ/သား ၆၂ ဦးထဲမှာ ထောင်ဒဏ်တသက်ချမှတ်ခံရသူ ၇ ဦးနဲ့ အကြမ်းဖက်မှုတိုက်ဖျက်ရေး ဥပဒေနဲ့ ထောင်ဒဏ် ၅ နှစ် ချမှတ်ခံရသူ ၁၅ ဦး၊ ထောင်ဒဏ် ၇ နှစ်ချမှတ်ခံရသူ ၁၅ ဦး၊ထောင်ဒဏ် ၃ နှစ် ချမှတ်ခံရသူ ၉ ဦးနဲ့ ထောင်ဒဏ် ၆ နှစ်၊၈ နှစ်၊၁၃ နှစ် ချမှတ်ခံရသူ ၃ ဦး ပါဝင်တယ်လို့ ချင်းလူ့အခွင့်အရေးအဖွဲ့ (CHRO )ရဲ့ ဇူလိုင်လ ၃၀ ရက်နေ့ ထုတ်ပြန်ချက်အရ သိရပါတယ်။ Operation Rung အမည်နဲ့ CDF – Hakha က ဇူလိုင်လ ၂၀…

မီဇိုရမ်ပြည်နယ်က အရပ်ဖက်အဖွဲ့အစည်းတစ်ခုဖြစ်သော Zo Reunification Organization (ZORO) အဖွဲ့ရဲ့စီစဉ်ဆောင်ရွက်မှုနဲ့ချင်းအမျိုးသားတပ်ဦး (CNF/CNA ) နှင့် ဇိုမီးပြန်လည်ပေါင်းစည်း ညီညွတ်ရေးအဖွဲ့ (ZRO/ZRA) တို့ရဲ့ ပထမဆုံးအကြိမ် ငြိမ်းချမ်းရေးတွေ့ဆုံဆွေးနွေးပွဲကို ဇူလိုင် ၂၇ ရက်မှာ မီဇိုရမ်ပြည်နယ် အိုင်ဇောလ်မြို့မှာပြုလုပ်ခဲ့ပြီး ငြိမ်းချမ်းရေးလုပ်ငန်းစဉ်အောင်မြင်လာစေရေးအတွက် နှစ်ဖက်အဖွဲ့အစည်းမှတာဝန်ရှိသူများ လိုအပ်သလို ထပ်မံတွေ့ဆုံမှုများပြုလုပ်သွားရန်သဘောတူညီကြောင်း စသည့်အချက်အပါအဝင်အချက် ၃ ချက်ကို ကနဦးသဘောတူလက်မှတ်ရေးထိုးခဲ့ ကြကြောင်း CNF နဲ့ ZRO ၂ ဖွဲ့ရဲ့ပူးပေါင်းထုတ်ပြန်ချက်စာအရသိရပါတယ်။ CNF နှင့် ZRO တို့အကြား ဇူလိုင်လ ၂၇ မှာ တွေ့ဆုံဆွေးနွေးပြီးရရှိလာတဲ့ သဘောတူညီချက်များမှာ ချင်း-ကူကီး-ဇိုမီး/မီဇိုး မျိုးနွယ်စုများသည် ဆင်းသက်လာရာမျိုးနွယ်စု၊ ဘာသာစကား၊ ယဉ်ကျေးမှုဓလေ့ထုံးတမ်းအစဉ်အလာတူညီသော သေအတူရှင်မကွဲနေထိုင်လာခဲ့ကြသော ညီအကိုများဖြစ်ကြကြောင်း၊ အမျိုးသားပြန်လည်တည်ဆောက်ရေးလုပ်ငန်းဆောင်ရွက်သည့်အချိန်တွင် ယခုကဲ့သို့ ညီအကိုအချင်းချင်းကြား သဘော…