ပြည်တွင်းသတင်း

ဖေဖော်ဝါရီလ ၁၇ ရက်။ အိန္ဒိယ – မြန်မာနယ်စပ် စစ်ကိုင်းတိုင်း၊ တမူးမြို့နယ်မှာ အတင်းအဓမ္မတပ်သားစုဆောင်းခံထားရသူတွေကို ပြန်လွှတ်ပေးမယ်လို့ အမျိုးသားညီညွှတ်ရေး အစိုးရ (NUG) လက်အောက်ခံ ပြည်သူ့ကာကွယ်ရေးတပ်ဖွဲ့(PDF)တပ်ဖွဲ့ တာဝန်ရှိသူတွေက ဒေသခံ ဆန္ဒပြပြည်သူတွေကို ပြောထားကြောင်း ဒေသခံတွေက ပြောပါတယ်။ တမူးမြို့နယ်ထဲက အမျိုးသားညီညွှတ်ရေး အစိုးရ (NUG) လက်အောက်ခံ PDF တပ်ဖွဲ့ ထိန်းချုပ်ထားတဲ့ ဒေသတချို့မှာ ဒေသခံအမျိုးသားတွေကို ညအချိန်မတော် ဖမ်းဆီးကာ တပ်သားစုဆောင်းရေးလုပ်လာတာတွေ အရမ်းဆိုးရွားလာလို့ တမူးမြို့နယ်ထဲက ကျေးရွာ (၅) ရွာခန့်က ဒေသခံအမျိုးသမီးတွေက ဖေဖော်ဝါရီလ ၁၅ ရက်နေ့၊ ၁၆ ရက်နေ့ တို့မှာ ကန့်ကွက်ကြောင်း ဆန္ဒဖော်ထုတ်ခဲ့ကြတာဖြစ်ပါတယ်။ ဒေသခံတစ်ဦးက “ဒီနေ့တော့ ဆန္ဒမပြဘူး ဒီနေ့က နားတယ် အခု ပြန်လွှတ်ပေးမယ်ပြောလို့…

ဖေဖော်ဝါရီလ ၁၆ ရက်။ အိန္ဒိယ – မြန်မာနယ်စပ် စစ်ကိုင်းတိုင်း၊ တမူးမြို့နယ်မှာ အမျိုးသားညီညွတ် ေရးအစိုးရ (NUG)လက်အောက်ခံ PDF တပ်ဖွဲ့ထိန်းချုပ်ထားတဲ့ ဒေသတွေမှာ ဒေသခံအမျိုးသားတွေကို ညအချိန်မတော် တပ်သားစုဆောင်းရေးလုပ်တာတွေ အရမ်းဆိုးရွားလာလို့ တမူးမြို့နယ်က ကျေးရွာ ၅ ရွာလောက်က ဒေသခံအမျိုးသမီးတွေဟာ မင်းသမီးကျေးရွာမှာ စုပေါင်းပြီး ဖေဖော်ဝါရီလ ၁၅ ရက်ညနဲ့ဒီကနေ့ ၁၆ ရက်မှာ ဆန္ဒပြခဲ့ကြတယ်လို့ ဒေသခံ အမျိုးသမီးတစ်ဦးကပြောပါတယ်။ မင်းသမီးကျေးရွာနေ အမျိုးသမီးတစ်ဦးက “ရွာမှာ ဘာသာရေး၊ နာရေး ကူညီလုပ်ဆောင်ပေးဖို့ လူလတ်ပိုင်း လူငယ်တွေ လုံးဝမရှိတော့ဘူး အဲဒါထက်ဆိုးတာက တောင်ယာလုပ်ကိုင်နေတဲ့ အခင်းထဲ ယာထဲတွေထိ ဆွဲတာ ညအချိန်မတော် အိမ်ယာထဲအထိပါ ဆွဲနေတာဆိုတော့ တော်တော်လွန်သွားလို့ အခုလို ဆန္ဒပြကြတာပါ အခုဆိုရင် လယ်ယာသိမ်းဖို့…

ဖေဖော်ဝါရီလ ၁၃ ရက်။ အိန္ဒိယနိုင်ငံ၊ မဏိပူရ်ပြည်နယ်မှာ Kuki နဲ့ Meitei မျိုးနွယ်စုများအကြား ပဋိပက္ခတွေ ရှိနေဆဲကာလအတွင်း နာဂမျိုးနွယ်စုဝင် ကျေးရွာနှစ်ရွာကြား နယ်မြေအငြင်းပွားမှုကနေ လူသေဆုံးမှုရှိကာ သာမန်ရွာချင်းဖြစ်တဲ့ ပြဿနာထက် ကျော်လွန်ပြီး မျိုးနွယ်စုတစ်ခုလုံးရဲ့ တင်းမာမှုအသွင် ပြောင်းလဲသွားမှာကို စိုးရိမ်တဲ့အတွက် ပြည်နယ်အစိုးရက Ukhrul ခရိုင်အတွင်း အင်တာနက်လိုင်းတွေကို ပိတ်ထားတာ ၃ ရက်မြောက် ရှိပြီဖြစ်ပါတယ်။ ပြည်ထဲရေးဌာနရဲ့ ထုတ်ပြန်ချက်အရ ဖေဖော်ဝါရီလ ၁၀ ရက်နေ့ နံနက် ၁၁ နာရီ ၃၀ မိနစ်ကစပြီး Ukhrul ခရိုင်တစ်ခုလုံးမှာ အင်တာနက်နဲ့ ဒေတာဝန်ဆောင်မှုအားလုံးကို ယာယီရပ်ဆိုင်းဖို့ အမိန့်ထုတ်ပြန်ခဲ့တာ ဖြစ်ပါတယ်။ မဏိပူရ်ပြည်နယ်၊ Ukhrul ခရိုင်အတွင်းမှာရှိတဲ့ Hunphun ကျေးရွာနဲ့ Ningchou ကျေးရွာဆိုတဲ့ နာဂမျိုးနွယ်စုဝင်…

ဖေဖော်ဝါရီလ ၁၂ ရက်။ အာဏာသိမ်းစစ်အုပ်စုရဲ့ အတုအယောင် ရွေးကောက်ပွဲကာလအလွန် နိုင်ငံရေးဖြားယောင်းသွေးဆောင်မှုတွေကို ကလေးမြို့တော်လှန်လူထုနဲ့အတူ စစ်အာဏာရှင်အမြစ်ပြတ်သည်အထိ တိုက်ပွဲဝင်သွားမယ်လို့ ကလေးမြို့လူထုတိုက်ပွဲ ဦးဆောင်ကော်မတီ(KPSSC) က ဒီကနေ့ ဖေဖော်ဝါရီလ ၁၂ ရက်နေ့မှာ ထုတ်ပြန်ပါတယ်။ ကလေးမြို့လူထုတိုက်ပွဲ ဦးဆောင်ကော်မတီက – KPSSC အဖွဲ့က ဦးမောင်မောင်လေးက “ ရွေးကောက်ပွဲအလွန်မှ မဟုတ်ပါဘူး အာဏာသိမ်းမှု ဖြစ်စဉ်နောက်ပိုင်း ဒီကနေ့ ဒီအချိန်ထိ ၅ နှစ်လုံးလုံး မြန်မာ ပြည်သူတရပ်လုံးရဲ့ဘုံရန်သူဖြစ်တဲ့ လက်နက်ကိုင်ထားတဲ့ စစ်တပ်က တော်လှန်ရေးအပေါ် ပြည်သူက ယုံကြည်မှုအားနည်းလာအောင် နည်းလမ်းမျိုးစုံနဲ့ ပုံစံမျိုးစံနဲ့ ရက်စက်မှုပေါင်းစုံနဲ့ ဖိနှိပ်လာခဲ့တာ စစ်ရာဇဝတ်မှုကို ကျူးလွန်လာခဲ့တာဆိုရင် ၅ နှစ်ရှိပါပြီ ဒီလိုချိန်မှာ စစ်အာဏာရှင်အဆက်ဆက်ရဲ့ နိုင်ငံရေးထွတ်ပေါက်ဖြစ်တဲ့ ရွေးကောက်ပွဲအလွန်ကာလမှာ ဒီရွေးကောက်ပွဲကို လည်း ပြည်သူလူထုတရပ်လုံးအနေဖြင့်…

ဖေဖော်ဝါရီလ ၁၂ ရက်။ အာဏာသိမ်း စစ်အုပ်စု ဦးဆောင်ကျင်းပခဲ့တဲ့ ရွေးကောက်ပွဲရလဒ်ကနေ ပေါ်ပေါက်လာမယ့် ပြည်ထောင်စု လွှတ်တော်ဟာ စစ်တပ်အုပ်ချုပ်ရေး တည်မြဲစေရေး အထောက်အကူပေးမယ့် ဟန်ပြလွှတ်တော် ( တိုင်း/ ပြည်နယ်များအပါအဝင်) တွေသာ ဖြစ်ကြောင်း ဒီနေ့ ဖေဖော်ဝါရီလ ၁၂ ရက်နေ့မှာ ကျရောက်တဲ့ ပင်လုံစာချုပ် ချုပ်ဆိုခြင်းအထိမ်းအမှတ် (၇၉) နှစ်မြောက် ပြည့်တဲ့နေ့ပြည်ထောင်စုနေ့မှာ ချင်းအမျိုးသားတပ်ဦး (CNF)က သဝဏ်လွှာပို့ခဲ့တာဖြစ်ပါတယ်။ “ အတုအယောင်ရွေးကောက်ပွဲမှ ထွက်ပေါ်လာမယ့် အတုအယောင် ပြည်ထောင်စု လွှတ်တော် ဟာ တစ်ချိန်က အမျိုးသား ညီလာခံကဲ့သို့ (၁၄) နှစ်အကြာ အချိန်ဆွဲကာ စစ်တပ်အာဏာ တည်မြဲရေးအတွက် ရွေးဆွဲခဲ့တဲ့ ဖွဲ့စည်းပုံ အခြေခံဥပဒေနည်းတူ အနာဂတ်စစ်တပ်အုပ်ချုပ်ရေးကို အထောက်အကူပေးမယ့် ဟန်ပြလွှတ်တော် ( တိုင်း…

ဖေဖော်ဝါရီလ ၁၀ ရက်။ တော်လှန်ရေး အောင်မြင်အောင်ဆင်နွှဲနိုင်ရေး အမျိုးသားညီညွှတ်ရေးအစိုးရ ( NUG) ၊ ချင်းအမျိုးသားတပ်ဦး ( CNF) ၊ ကရင်အမျိုးသားအစည်းအရုံး(KNU) ၊ ကရင်နီအမျိုးသားတိုးတက်ရေးပါတီ (KNPP) နဲ့ကချင်လွတ်လပ်ရေးအဖွဲ့ (KIO) တို့ ဖေဖော်ဝါရီလ လဆန်းပိုင်းမှာ ဆွေးနွေးခဲ့တယ်လို့ ဖေဖော်ဝါရီလ ၅ ရက်နေ့က ကျရောက်ခဲ့တဲ့ ကချင်တော်လှန်ရေးနေ့ အခမ်းအနားကို အမေရိကန်နိုင်ငံ ၊ တက္ကဆက်ပြည်နယ်မှာ ကျင်းပချိန် KIO / KIA ရဲ့ ဒုဗိုလ်ချုပ်ကြီး ဂွမ်မော်က အွန်လိုင်းကနေ တက်ရောက်မိန့်ခွန်းပြောချိန်မှာ ထည့်သွင်းပြောကြားခဲ့တာဖြစ်ပါတယ်။ KIO / KIA ဒုဗိုလ်ချုပ်ကြီး ဂွမ်မော်က “ ပြန်လည်ပေါင်းစည်းရေး ပြန်လည်စုဖွဲ့ရေးကိုလည်း လုပ်နေပါတယ် လွန်ခဲ့တဲ့ နှစ်ရက်၊ သုံးရက်လောက်က ကျနော်တို့…

ဖေဖော်ဝါရီလ ၈ ရက်။ ၁၉၉၀ ရွေးကောက်ပွဲအပြီး မြန်မာနိုင်ငံနယ်စပ်လွတ်မြောက်နယ်မြေမှာ စင်ပြိုင်အစိုးရအဖြစ်ဖွဲ့စည်းခဲ့တဲ့ အမျိုးသားညီညွတ်ရေးညွန့်ပေါင်းအစိုးရ(NUGUB )ဝန်ကြီးချုပ်ဟောင်း ဒေါက်တာစိန်ဝင်းအသက် ၈၂ နှစ်ဟာ ဖေဖော်ဝါရီလ ၆ ရက်မှာ အမေရိကန်နိုင်ငံမှာ ကွယ်လွန်ခဲ့ခြင်းအပေါ် မိသားစုနဲ့အတူထပ်တူဝမ်းနည်းကြောင်း ချင်းအမျိုးသားတပ်ဦး(CNF)က ဖေဖော်ဝါရီလ ၇ ရက်မှာ ထုတ်ပြန်ပါတယ်။ ဒေါက်တာစိန်ဝင်းအား ဖက်ဒရယ်ဒီမိုကရေစီနဲ့တရားမျှတမှုအတွက်အစဉ်တစိုက်ကြိုးပမ်းအားထုတ်ခဲ့သော ခေါင်းဆောင် ၁ ဦးဖြစ်ကြောင်း၊ချင်းအမျိုးသားတပ်ဦးအနေဖြင့် ဒေါက်တာစိန်ဝင်းရဲ့တဘဝလုံး ပြည်သူ့အတွက်ပေးဆပ်တာဝန်ထမ်းဆောင်ခဲ့မှုနဲ့ ဖက်ဒရယ်ဒီမိုကရေစီအရေးလှုပ်ရှားမှုများအတွက်ပံ့ပိုးကူညီခဲ့မှုများကို အဖိုးတန်အမွေအနှစ်အဖြစ် တန်ဖိုးထားကာလေးစားဂုဏ်ပြုပါကြောင်း CNF က ထုတ်ပြန်ပါတယ်။ ဒေါက်တာစိန်ဝင်းဟာ ဗိုလ်ချုပ်အောင်ဆန်းရဲ့အကို အာဇာနည်ခေါင်းဆောင်ကြီး ဦးဘဝင်းရဲ့သားဖြစ်ပြီး ဒေါ်အောင်ဆန်းစုကြည်နှင့် အကိုဝမ်းကွဲ တော်စပ်သူဖြစ်ပါတယ်။ ဒေါက်တာစိန်ဝင်းသည် Hamburg Universityမှ သိပ္ပံပါရဂူဘွဲ့ရရှိခဲ့ကာ ၁၉၉၀ ရွေးကောက်ပွဲမှာ ပဲခူးတိုင်း၊ပေါက်ခေါင်းမြို့နယ်မှ အနိုင်ရလွှတ်တော်ကိုယ်စားလှယ်တစ်ဥဦးဖြစ်ပါတယ်။ ၁၉၉၀ ရွေးကောက်ပွဲ အနိုင်ရလဒ်ကို နဝတ…

ဖေဖော်ဝါရီလ ၆ ရက်။ ချင်းပြည်နယ်နဲ့ စစ်ကိုင်းတိုင်းမှာ ၂၀၂၁ ခုနှစ်စက်တင်ဘာလကနေ ၂၀၂၅ ခုနှစ်၊ စက်တင်ဘာလအထိ လိင်ပိုင်းဆိုင်ရာ အကြမ်းဖက်မှု ကျူးလွန်ခံရတဲ့ လူဦးရေ ၂၇၇ မှုကျော်အတွက် အကူအညီပေးနိုင်ခဲ့ပြီး ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှု ၁၆ မှု ဖြစ်ခဲ့ပြီး ပဋိပက္ခအတွင်း သတင်းအချက်အလက် ရယူနိုင်ဖို့ အခက်ခဲစိန်ခေါ်မှုတွေကြီးကြီးမားမား ရှိနေသေးတယ်လို့ Women for Justice ( WJ) ရဲ့ ဖေဖော်ဝါရီလ ၆ ရက်နေ့ ထုတ်ပြန်ချက်အရ သိရပါတယ်။ ချင်းပြည်နယ်နဲ့ စစ်ကိုင်းတိုင်းအတွင်းမှာ ၂၀၂၁ ခုနှစ် စစ်အာဏာသိမ်းမှုအလွန် ဖြစ်ပွားခဲ့တဲ့ ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုဟာ ဆိုးဆိုးဝါးဝါးနဲ့ အလွန်များပြားလာတယ်လို့ Women for Justice ( WJ)…

ဖေဖော်ဝါရီလ ၅ ရက်။ မပြီးဆုံးသေးတဲ့ တော်လှန်ရေးအတွက် ဆက်လက်ဦးဆောင် တိုက်ပွဲဝင်နေတဲ့ ကချင်လွတ်လပ်ရေးအဖွဲ့ (KIO)၊ ကချင်လွတ်လပ်ရေးတပ်မတော် (KIA) အား ဂုဏ်ယူလေးစားကြောင်း ဒီကနေ့ ဖေဖော်ဝါရီလ ၅ ရက်နေ့မှာကျရောက်တဲ့ ကချင်လွတ်လပ်ရေးတပ်မတော် (KIA) ဖွဲ့စည်းခြင်း (၆၅) နှစ် ပြည့်မှာ ချင်းအမျိုးသားတပ်ဦး (CNF / CNA) က သဝဏ်လွှာပေးပို့်ခဲ့ပါတယ်။ ချင်းအမျိုးသားတပ်ဦးအနေဖြင့် မိမိတို့၏ ညီရင်းအစ်ကိုဖြစ်သော ကချင်လူမျိုးနှင့် တော်လှန် တွဲလက်များ ပိုမိုခိုင်မြဲစေပြီး ကချင်အမျိုးသားတော်လှန်ရေး ရည်မှန်းချက်နှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေး ရည်မှန်းချက်များ အောင်မြင်သည်အထိ အစွမ်းကုန် ကြိုးပမ်းမယ်လို့လည်း သဝဏ်လွှာမှာ ဖော်ပြထားပါတယ်။ ပင်လုံကတိကဝတ်များ ချိုးဖောက်ခံရပြီးနောက် လူမျိုးရေးနှင့် ဘာသာရေး ဖိနှိပ်မှုများကို တော်လှန်ဆန့်ကျင်ပြီး ကိုယ့်ကြမ္မာကိုယ် ဖန်တီးရေးအတွက်…

ဖေဖော်ဝါရီလ ၄ ရက်။ အာဏာသိမ်းစစ်ကော်မရှင်(စစ်ကောင်စီ)ဟာ ၂၀၂၁ ခုနှစ် အာဏာသိမ်းပြီးချိန်ကတည်းက ပြင်ဆင်ပြဋ္ဌာန်းထားတဲ့ လူတစ်ဦးတစ်ယောက်ရဲ့အိမ်ကို သက်သေမပါဘဲ ဖမ်းဆီးခွင့်ရှိတဲ့အခြေအနေကနေ သက်သေအနည်းဆုံး ၂ ဦးပါမှ ဖမ်းဆီးခွင့်ရှိမယ်ဆိုတဲ့အချက်ကို နိုင်ငံသားများရဲ့ပုဂ္ဂိုလ်ဆိုင်ရာ လွတ်လပ်မှုနဲ့ လုံခြုံမှုကာကွယ်ပေးရေးဥပဒေမှာ ပြန်လည် ပြင်ဆင်ပြဋ္ဌာန်းလိုက်ပါတယ်။ နိုင်ငံသားများရဲ့ပုဂ္ဂိုလ်ဆိုင်ရာ လွတ်လပ်မှုနဲ့ လုံခြုံမှုကာကွယ်ပေးရေးဥပဒေပါ ပုဒ်မ ၅ရဲ့ ပုဒ်မခွဲ(ခ)နဲ့၊ ပုဒ်မ ၈ မှာပါတဲ့ခြေဆင်း ပြဋ္ဌာန်းချက်တွေကို အစားထိုး ပြင်ဆင်လိုက်တဲ့အကြောင်း စစ်ကော််မရှင်က မနေ့ဇန်နဝါရီ ၃ ရက်ညပိုင်းမှာ ကြေညာလာတာဖြစ်ပါတယ်။ ပြင်ဆင်လိုက်တဲ့ ပုဒ်မ ၅ ၊ ပုဒ်ခွဲ (ခ)မှာ နိုင်ငံသားတစ်ယောက်ရဲ့ နေအိမ်၊ ပရဝဏ်တွေထဲ ဝင်ရောက်ရှာဖွေ၊ ဖမ်းဆီးမယ်ဆိုရင် သက်ဆိုင်ရာရပ်ကွက်/ကျေးရွာက အုပ်ချုပ်ရေးမှုး၊ရာအိမ်မှုး စတဲ့ တာဝန်ခံသက်သေတွေ ပါဝင်ရမယ်တို့ ဖြစ်ပါတယ်။ ပြင်ဆင်တဲ့…