ချင်းအမျိုးသားစည်းလုံးညီညွတ်ရေးအတွက် ဘုံရန်သူကို ပထမဦးစားပေးတိုက်ပြီးမှ နယ်မြေဒေသ ၊ မျိုးနွယ်စုအရေးကို တော်လှန်ရေးအလွန်ကာလမှ နိုင်ငံရေးနည်းလမ်းဖြင့် အဖြေရှာကြဖို့ ချင်းမျိုးနွယ်စု လက်နက်ကိုင် ၁၈ ဖွဲ့က ပူးတွဲထုတ်ပြန်
ဇွန်လ ၁၉ ရက်။ ချင်းအမျိုးသားစည်းလုံးညီညွှတ်ရေးအတွက် ဘုံရန်သူကို ပထမဦးစားပေး တော်လှန်တိုက်ပွဲဆင်ကြရန်နှင့် ချင်းပြည်အတွင်းရှိ နယ်မြေဒေသ၊ မျိုးနွယ်စု အရေးတွေကို တော်လှန်ရေးကာလအလွန်မှာ နိုင်ငံရေးနည်းလမ်းဖြင့် အဖြေရှာကြဖို့ Chinland Council အဖွဲ့ဝင်တွေဖြစ်တဲ့ ချင်းနွေဦးတော်လှန်ရေးမျိုးနွယ်စုလက်နက်ကိုင် ၁၈ ဖွဲ့က ပူးတွဲပြီး ဒီကနေ့ ဇွန်လ ၁၉ ရက်နေ့မှာ ထုတ်ပြန်ပါတယ်။ ချင်းတော်လှန်ရေးလက်နက်ကိုင် အဖွဲ့အစည်းတွေအားလုံး စည်းလုံးညီညွှတ်စွာ စုဖွဲ့ပြီး ဘုံရန်သူကို တော်လှန်တိုက်ထုတ်ရန်၊ မိမိတို့ချင်းလူမျိုးနှင့် ပိုင်နက်နယ်မြေတွေကို ခုခံကာကွယ်စောင့်ရှောက်ကြရန်နဲ့ မိမိတို့ (၁၈) ဖွဲ့အနေဖြင့် ချင်းအမျိုးသားစည်းလုံးညီညွှတ်ရေး၊ ချင်းပြည်တည်ဆောက်ရေးအတွက် ချင်းပြည်သူလူထုနဲ့အတူ စွမ်းစွမ်းတမံ ကြိုးပမ်းဆောင်ရွက်ရန်လည်း အဆင်သင့်ရှိတယ်လို့ ပူးတွဲထုတ်ပြန်ထားပါတယ်။ လက်ရှိချင်းပြည်အတွင်း ချင်းတော်လှန်ရေးလက်နက်ကိုင် အဖွဲ့အစည်းတွေအကြား မကြာခဏ အချင်းချင်းပွတ်တိုက်မှုဖြစ်တာ အငြင်းပွားမှုတွေကို လက်နက်ဖြင့် ဖြေရှင်းအဖြေရှာဖို့ ကြိုးပမ်းတာ လက်နက်နက်ကိုင်အဖွ့ဲအစည်းတွေနဲ့…
