မကွေးတိုင်းကနေ ကန်ပက်လက်မြို့နယ်တွင်း ဝင်ရောက်နိုင်တဲ့ လမ်းပိုင်းအားလုံးကို ယာယီပိတ်လိုက်ကြောင်း CDF – Kanpetlet က ထုတ်ပြန်
ဩဂုတ်လ ၂၁ ရက်။ ချင်းပြည်နယ်တောင်ပိုင်း မင်းတပ်မြို့နယ်၊ ကန်ပက်လက်မြို့နယ်၊ မတူပီမြို့နယ် ဘက်ကို စစ်ကော်မရှင်က မကွေးတိုင်း၊ ယောဒေသကနေ အချိန်မရွေး ပြန်လည်ထိုးစစ်ဆင်တိုက်ခိုက်နိုင်ဖို့ ဦးတည်ချဉ်းကပ်နေတာကြောင့် ကန်ပက်လက်မြို့နယ်တွင်းရှိ ဆွဲလွဲကျင်း – ကျင်ဒွေးလမ်းပိုင်းနဲ့ ဆော – ကန်ပက်လက် လမ်းပိုင်းအပြင် မကွေးတိုင်းကနေ ကန်ပက်လက်မြို့နယ်အတွင်း ဝင်ရောက်နိုင်တဲ့ လမ်းပိုင်းတွေကို သြဂုတ်လ ၂၀ ရက်နေ့ကစလို့ ယာယီပိတ်ထားမယ်လို့ CDF – Kanpetlet က ဩဂုတ်လ ၂၀ ရက်မှာ သတင်းထုတ်ပြန်ထားပါတယ်။ မကွေးတိုင်း၊ လောင်းရှည် ကပစ (၂၅) မှ ရန်သူ့အင်အား (၈၀၀) ဝန်းကျင်ခန့်၊ ဆိပ်ဖြူဖက်မှ တက်လာတဲ့ ရန်သူ့အင်အား (၄၀၀) ဝန်းကျင်ခန့်၊ ပေါက်မြို့နယ်တွင် ရောက်ရှိလာသော ပခုက္ကူ တပ်မ…
