မနှစ် ၂၀၂၄ ခုနစ် ချင်းညီနောင်စစ်ဆင်ရေး မတူပီမြို့သိမ်းတိုက်ပွဲအတွင်း ပြင်းထန်ဒဏ်ရာရပြီး အချိန် လအတန်ကြာဆေးကုသခံယူနေတဲ့ ချင်းပြည်ကာကွယ်ရေးတပ်ဖွဲ့ – မတူပီ( CDF-Matupi) (တပ်မဟာ – ၁ )တပ်ဖွဲ့ဝင် ဆလိုင်း ဘုန်းပြည့်ကျော် (ခ) ဖိုးရှမ်းဟာ ဒီကနေ့ ဧပြီလ ၃ ရက်နေ့မှာ ကျဆုံးသွားကြောင်း CDF-Matupi (တပ်မဟာ ၁ )ကသတင်းထုတ်ပြန်ပါတယ်။
ချင်းပြည်ကာကွယ်ရေးတပ်ဖွဲ့ – မတူပီ (တပ်မဟာ – ၁) တပ်ဖွဲ့ဝင် ဆလိုင်း ဘုန်းပြည့််ကျော် (ခ) ဖိုးရှမ်းဟာ မန္တလေးဇာတိကဖြစ်ပြီး ချင်းပြည်နယ်ကို အလည်လာစဉ် စစ်ကောင်စီရဲ့ အာဏာသိမ်းတာနဲ့ကြုံပြီး တခါတည်း ချင်းပြည်ကာကွယ်ရေးတပ်ဖွဲ့ – မတူပီ (တပ်မဟာ – ၁) ကို ခြေစုံပစ်ဝင်ရောက်ခဲ့သူဖြစ်တယ်လို့လည်း CDF -Matupi ( တပ်မဟာ – ၁)ရဲ့ ပြောရေးဆိုခွင့်ရှိသူ ကိုဘွေအုပ်က Chin World Media ကို ပြောပါတယ်။
CDF – Matupi ( တပ်မဟာ – ၁)ရဲ့ ပြောရေးဆိုခွင့်ရှိသူ ကိုဘွေအုပ်က “သူက ဗမာလူမျိုး၊ ဗုဒ္ဓဘာသာပါ ၊ သူကတကယ့်ကို တာဝန်ကျေတဲ့ရဲဘော်ပါ နယ်စည်းခြားစိတ်မရှိဘဲ အာဏာရှင် တိုက်ထုတ်ဖို့ဆို နေရာမရွေးတိုက်ခိုက်ချင်တဲ့သူပါ ဒါက လူတိုင်းမလုပ်နိုင်တဲ့ အရာပါ အလွန်ကို မွန်မြတ်တဲ့ တော်လှန်ရေးစိတ်ဓာတ်ပါ” လို့ပြောပါတယ်။
ဆလိုင်း ဘုန်းပြည့််ကျော် (ခ) ဖိုးရှမ်းဟာ ဒီကနေ့ ဧပြီလ ၃ ရက်နေ့ မြန်မာစံတော်ချိန် ၄ နာရီ ၄၅ မိနစ်မှာ ပြင်းထန်တဲ့ ဒဏ်ရာ ဆေးကုသရင်း ကျဆုံးခဲ့တယ်လို့လည်း CDF -Matupi (တပ်မဟာ – ၁) ကထုတ်ပြန်ထားပါတယ်။
အာဏာရှင်စနစ်ချုပ်ငြိမ်းရေးနဲ့ ပြည်သူ့လွတ်မြောက်ရေးအတွက် ကတိသစ္စာဆိုခဲ့တဲ့အတိုင်း အသက်ဆုံးတိုင်ပါဝင်ပေးဆပ်မှုကို CDF – မတူပီ (တပ်မဟာ – ၁) က အစဉ်လေးစား ဂုဏ်ယူကြောင်းနဲ့ ကျန်ရစ်သူ မိသားစုနဲ့အတူ ထပ်တူ ဝမ်းနည်းကြောင်းကိုလည်း CDF – Matupi (တပ်မဟာ – ၁) က ဆိုထားပါတယ်။
မတူပီမြို့ကို CDF -Matupi (တပ်မဟာ – ၁ ) ပါဝင်တဲ့ ချင်းညီနောင် (CB) မဟာမိတ် ပူးပေါင်းတပ်ဖွဲ့တွေက ပြီးခဲ့တဲ့ ၂၀၂၄ ခုနှစ်၊ ဇွန်လ ၂၉ ရက်နေ့မှာ အပြီးသိမ်းပိုက်နိုင်ခဲ့ပါတယ်။