ချင်းပြည်နယ်မြောက်ပိုင်း တွန်းဇံမြို့ပေါ်ဝန်းကျင်မှာ ဒီကနေ့ဧပြီ ၃ ရက်နေ့ နေ့လည် ၁၂ ခန့် ကစပြီး Zomi Revolution Army(ZRA EC )နဲ့ CDF-Tonzang ပါဝင်တဲ့ Chinland Council (CC) ပူးပေါင်းတပ်ဖွဲ့တို့ အပြန်အလှန် ပစ်ခတ် တိုက်ခိုက်မှုဖြစ်ပွါးကာ ZRA တပ်ဖွဲ့ဖက်က ၁ ဦးသေဆုံးခဲ့တယ်လို့ ဒေသခံတွေ ဆီကနေ သိရပါတယ်။
“ZRA EC တပ်ဖွဲ့တွေက တွန်းဇံမြို့နယ် Mualkawi ရွာမှာ CC တပ်တွေနဲ့ ဒီမနက်မှာ ထိတွေ့ တိုက်ပွဲ ဖြစ်တယ်။ CC တွေ နောက်ဆုတ်တော့ Nakzang ရွာကနေ မဏိပူရ မြစ်ကို ဖြတ်ပြီး တွန်းဇံမြို့ကို ဝင်လာတာပါ။ လက်ရှိမှာ တွန်းဇံမြို့၊ Tuitum ရွာဘက် တွေမှာ အပြန်အလှန် အပြင်းအထန် ပစ်ခတ် နေပါတယ်” လို့ ဒေသခံ တစ်ဦး က ပြောပါတယ်။
တွန်းဇံမြို့နားက Mualkawi ရွာတိုက်ပွဲမှာ ZRA EC တပ်ဖွဲ့ဝင် Dal Len Tung ကျဆုံး ခဲ့တယ် လို့ ဒေသခံ ပြည်သူတွေ ဆီကနေ သိရပါတယ်။
၂၀၂၄ ခုနှစ် ဒီဇင်ဘာလ ၁၉ ရက်နေ့မှာ PDA-Tedim နှင့် CDF-Tonzang တို့ ပါဝင်တဲ့ Chinland Council အဖွဲ့များ နှင့် ZRA-EC အကြား တီးတိန်မြို့နယ် တုန်းဇံရွာအနီးမှာထိတွေ့ တိုက်ပွဲ စတင်ဖြစ်ပွါးပြီးနောက်ပိုင်းလက်ရှိအချိန်အထိ တီးတိန်မြို့နယ် နှင့် တွန်းဇံမြို့နယ် အနောက်ဘက် ဒေသမှာ ZRA နဲ့ CC ပူးပေါင်းတပ်ဖွဲ့အကြား အပြန်အလှန် ပစ်ခတ်တိုက်ခိုက်မှုများ ဆက်တိုက် နီးပါး ဖြစ်ပွားလာပါတယ်။