ချင်းပြည်သတင်း

မေလ ၅ ရက်။ ချင်းအမျိုးသားတပ်ဦး (CNF/CNA )လက်ထဲမှာ ဖမ်းဆီးခံရင်းသေဆုံးသွားတဲ့ အာရက္ခတပ်တော်(AA) တပ်သားဟာ ရောက်လာကတည်းက ဘာအစားအစာမှ မစားချင်ဘဲ အစာကျွေးလည်း အော့အန်ခဲ့ပြီး တစ်ညမှာ အော့အန်လို့ တာဝန်ရှိသူတွေက ဆရာဝန်ခေါ်ပေမယ့် ဆေးမမီဘဲ သေဆုံးခဲ့ရတာဖြစ်ကြောင်း ချင်းအမျိုးသားတပ်ဦး(CNF/CNA ) ရဲ့ ပြောရေးဆိုခွင့်ရှိသူ ဆလိုင်းထက်နီက သတင်းမီဒီယာတချို့မှာ ဒီကနေ့ မေလ ၅ ရက်မှာ ဖြေကြားထားပါတယ်။ မနှစ်က မတူပီမြို့သိမ်းတိုက်ပွဲအတွင်းမှာ CNF / CNA ကဖမ်းဆီးထားတဲ့ ချင်းညီနောင်ရဲ့ မဟာမိတ်တပ်ဖွဲ့ဝင်ထဲက အာရက္ခတပ်တော်(AA) တပ်ဖွဲ့ဝင်တစ်ဦးကို ဖမ်းဆီးထိန်းသိမ်းထားစဉ်အတွင်း ရန်သူသဖွယ် နည်းမျိုးစုံနဲ့ ညှင်းပန်းနှိပ်စက်ခဲ့တာကြောင့် အသက်သေဆုံးသွားတဲ့ဖြစ်စဉ်တစ်ခုရှိပြီး ပြန်လည်လွတ်မြောက်လာတဲ့ မဟာမိတ်တပ်ဖွဲ့ဝင်များ ပြောကြားချက်အရ သိရတယ်လို့ ချင်းညီနောင်အဖွဲ့က မေလ ၄ ရက်ကသတင်းထုတ်ပြန်ထားပါတယ်။ ချင်းညီနောင်စစ်ဆင်ရေး…

မေလ ၅ ရက်။ ချင်းပြည်နယ်၊ ပလက်ဝမြို့နယ်အတွင်း အာရက္ခတပ်တော် (AA) ကျူးလွန်တဲ့ မုဒိမ်းမှုတွေအပါဝင် စစ်ရာဇဝတ်မှုကျူးလွန်ခြင်း ၊ လူသားမျိုးနွယ်စုတွေပေါ်ပြစ်မှုကျူးလွန်ခြင်းနဲ့ အခြေခံလူ့အခွင့်အရေး ချိုးဖောက်မှုတွေကို Global Khumi Organization (GKO) က မေလ၃ ရက်နေ့မှာ သတင်းထုတ်ပြန်ပါတယ်။ ၂၀၂၅ ခုနှစ်၊ဧပြီလ ၅ ရက်နေ့၊ မနက် ၉ နာရီအချိန်တွင်ပလက်ဝမြို့နယ်၊ စိမ်းစင်းကျေးရွာတွင် ရွာနှင့် ခြေကျင်ဖြင့် ၁၀ မိနစ်ခန့် လမ်းလျှောက်ရသည့် ယာခင်းထဲတွင် ဟင်းခူးရန် သွားသည့် အသက် ၂၃ နှစ်အရွယ် (နို့စို့) ကလေးမိခင်တစ်ဦးကို AA တပ်သား ၂ ဦးက မုဒိမ်းကျင့်ပြီး အမျိုးသမီးကို ချောင်းထဲရေနစ်သတ်ဖို့ကြိုးစားခဲ့တာဟာ အလွန်ရွံရှာဖွယ်ကောင်းတဲ့ လုပ်ရပ်ဖြစ်သလို အလားတူ ၂၀၂၄ ခုနှစ်၊…

မေလ ၅ ရက်။ လောက်တူ(Lautu)လူမျိုးတို့၏ နိုင်ငံရေးကံကြမ္မာသည် လောက်တူပြည်သူများ၌သာ ရှိစေရေးအတွက် စစ်အာဏာရှင်ကို လက်နက်ကိုင် တော်လှန်ရေးဆောင်ရွက်နေသော ၄ နှစ်တာကာလမှာ တာဝန်ထမ်းဆောင်ရင်း တိုင်းပြည်နှင့် လူမျိုးအတွက် CDF – Lautu မှ တပ်ဖွဲ့ဝင် ၁၁ ဦး ကျဆုံးခဲ့ပြီး တပ်ဖွဲ့ဝင်ပေါင်းများစွာ ပြင်းထန်သော ထိခိုက်ဒဏ်ရာများ ရရှိခဲ့ကြောင်း မနေ့ မေလ ၄ ရက်မှာ ကျရောက်တဲ့ ၄ နှစ်ပြည့် နှစ်ပတ်လည်မှာ CDF – Lautu က သတင်းထုတ်ပြန်ပါတယ်။ တော်လှန်ရေးတွင် ပြည်သူသာ အဓိက၊ ပြည်သူသည်သာ အဆုံးအဖြတ်ဖြစ်၍ တော်လှန်ရေး အောင်နိုင်ရေးသည် ပြည်သူ့ လက်ဝယ်တွင် ရှိသောကြောင့် ပြည်တွင်းပြည်ပရှိ ပြည်သူအားလုံး လူအင်အားဖြင့်ဖြစ်စေ၊ ငွေကြေးအားဖြင့် ဖြစ်စေ…

မေလ ၄ ရက်။ ဒီကနေ့ မေလ ၄ ရက်မှာ ထုတ်ပြန်တဲ့ အမျိုးသားညီညွတ်ရေးအတိုင်ပင်ခံကောင်စီ (NUCC) ရဲ့ အဖွဲ့ဝင်အဖွဲ့အစည်းများ နှင့် ကောင်စီဝင် ကိုယ်စားလှယ်များ အမည်စာရင်းမှာ ချင်းလူမျိုးကိုယ်စားပြုအဖွဲ့အစည်းအနေဖြင့် ကြားကာလချင်းအမျိုးသားအတိုင်ပင်ခံကောင်စီ(ICNCC) ကို ဖော်ပြထားတာကိုတွေ့ရပါတယ်။ အမျိုးသားညီညွတ်ရေးအတိုင်ပင်ခံကောင်စီ (NUCC)ဝင်များအဖြစ် ကြားကာလချင်းအမျိုးသားအတိုင်ပင်ခံကောင်စီ(ICNCC) မှ Pu He Dun , Dr.Kenton Linn,Salai John တို့ ၃ ဦးပါဝင်နေပါတယ်။ ကြားကာလချင်းအမျိုးသားအတိုင်ပင်ခံကောင်စီ(ICNCC)ဟာ ချင်းလက်နက်ကိုင်တော်လှန်ရေးအဖွဲ့၆ ဖွဲ့ ပါဝင်တဲ့ ချင်းညီနောင်အဖွဲ့(CB) နဲ့နိုင်ငံရေးအရ လက်တွဲထားပါတယ်။ ဒီကနေ့ မေလ ၄ ရက်မှာ ထုတ်ပြန်တဲ့ အမျိုးသားညီညွတ်ရေးအတိုင်ပင်ခံကောင်စီ (NUCC)ရဲ့ထုတ်ပြန်ချက်မှာ အမျိုးသားညီညွတ်ရေးအတိုင်ပင်ခံကောင်စီ ကို ဖက်ဒရယ်ဒီမိုကရေစီပဋိညာဉ် အစိတ်အပိုင်း (၁) အခန်း (၂)…

မေလ ၃ ရက်။ မေလ ၂ ရက်နေ့ ညမှာ တီးတိန်မြို့နယ် တွီးထန်ရွာရှိ ZRA-EC အဖွဲ့ဝင် တစ်ဦး ရဲ့ နေအိမ် မီးလောင် ပြာကျ ပြီး အဆိုပါအိမ်မီးလောင်မှုဟာ ရှို့မီး လို့သံသယရှိတယ် လို့ တီးတိန်ဒေသခံများ ထံမှ သိရှိရပါတယ်။ “နေအိမ် ပိုင်ရှင် ကတော့ ZRA-EC အဖွဲ့ဝင် တစ်ဦး လို့ သိရတယ်။ မီးလောင်မှုက ရှို့မီး ဖြစ်မယ် လို့ ခန့်မှန်း ရပါတယ်။ မီးရှို့တဲ့ အဖွဲ့ က ဘယ် အဖွဲ့ လည်း ဆိုတာ တော့ မသိရ သေးဘူး။ လတ်တလော မှာတော့ CC အဖွဲ့ဝင် တပ်ဖွဲ့တွေ တွီးထန် ရွာမှာ…

မေလ ၃ ရက်။ ဟားခါး၊တီးတိန်မြို့များအပါအဝင် ချင်းပြည်နယ်နဲ့ ချင်းတောင်ခြေ စစ်ကိုင်းတိုင်း၊ ကလေးမြို့မှာ ဆက်သွယ်ရေး ဖုန်း၊ အင်တာနက်လိုင်းအားလုံးနီးပါး ပြတ်တောက်နေပြီး MPT ဖုန်းလိုင်းတစ်ခုသာ အနည်းငယ်သုံးလို့ရတာကြောင့် MPT ဆင်းကဒ်တစ်ခုကို ၄၅၀၀၀ ထိဈေးနှုန်းဖြင့် ဝယ်ယူနေကြပြီး လက်ရှိဆင်းကဒ်တွေ ဝယ်ယူစရာမရှိအောင် ပစ္စည်းပြတ်လပ်နေတယ်လို့လည်း ကလေးမြို့ဒေသခံတွေဆီကနေ သိရပါတယ်။ ဒေသခံတစ်ဦးက “ကလေးမြို့မှာ ဝredoo , Atom , Mytel ဖုန်းလိုင်း၊ အင်တာနက်လိုင်းတွေ ပျက်နေတာ ဒီနေ့နဲ့ဆိုရင် ၄ ရက်လောက်ရှိပြီ MPT တစ်ခုဘဲ ဝိုင်ဖိုင်နဲ့ ဒေတာ နည်းနည်းပါးပါးသုံးလို့ရတယ် ဖုန်းလိုင်းလည်း ရတချက်မရတချက်ပေါ့ အခု MPT ဆင်းကဒ် တစ်ခုကို ၄ သောင်းကနေ ၄သောင်းခွဲအထိ ရောင်းနေကြတယ် အဲဒါတောင်ဝယ်ဖို့ မရှိတော့လောက်အောင်…

မေလ ၂ ရက်။ ချင်းပြည်နယ်၊ ပလက်ဝမြို့နယ်၊ စိမ်းစင်းကျေးရွာနေ ဒေသခံချင်းအမျိုးသမီးတစ်ဦးကို ဧပြီလ ၅ ရက်နေ့က ရခိုင့်တပ်မတော် (AA) တပ်ဖွဲ့ဝင် ၂ ဦးက မုဒိန်းကျင့်ခဲ့တဲ့ဖြစ်ရပ်ဟာ လူမျိုးရေးမုန်းတီးမှု ဖြစ်လာစေနိုင်တာကြောင့် ပြစ်မှုကျူးလွန်သူတွေကို ထိုက်သင့်တဲ့ပြစ်ဒဏ်ပေးဖို့နဲ့ ပွင့်လင်းမြင်သာတဲ့ တရားစီရင်ခြင်းဖြင့် ဆောင်ရွက်ဖို့ Chinland Council က ဖွဲ့စည်း ပေးထားတဲ့ ချင်းပြည် ( Chinland) အစိုးရ၊အမျိုးသမီး၊ လူငယ်နဲ့ ကလေးသူငယ်ရေးရာ ဝန်ကြီးဌာနက ဒီကနေ့ မေလ ၂ ရက်နေ့မှာ ထုတ်ပြန်ထားပါတယ်။ ရခိုင့်တပ်မတော် (AA)ဟာ စစ်အာဏာရှင်တော်လှန်ရေးကို အကြောင်းပြပြီး ချင်းပြည် (Chinland) အတွင်း ပလက်ဝဒေသခံပြည်သူတွေ သဘောတူညီမှုမရှိဘဲ တပ်စခန်းတွေချတာ စစ်ရေးဖော်ဆောင်ခြင်းတွေပြုလုပ်ခဲ့တဲ့အတွက် ပြည်သူတွေ အတိဒုက္ခရောက်ကြရတဲ့အပြင် အခုလိုချင်းအမျိုးသမီးတစ်ဦးအား ရည်ရွယ်ချက်ရှိရှိ…

မေလ ၂ ရက်။ ချင်းပြည်နယ်၊ မတူပီမြို့နယ် ၊ ငလိုင်ကျေးရွာမှာ မေလ ၁ ရက်နေ့ မနက်ပိုင်းက ဒေသခံ အမျိုးသား (၂) ဦး မြေမြှုပ်မိုင်းနင်းမိပြီး တစ်ဦးမှာညာခြေပြတ်သွားပြီး နောက်တစ်ဦးက ဒဏ်ရာအနည်းငယ်ရခဲ့တယ်လို့ ဒေသခံတွေဆီကနေ သိရပါတယ်။ ဒေသခံတစ်ဦးက “ရွာထဲသန့်ရှင်းရေးလုပ်ဖို့သွားကြရင်း ဖြစ်သွားတယ်လို့ဘဲ သတင်းရပါတယ် ဆရာတစ်ယောက်က ခြေပြတ်ပြီး နောက်တစ်ယောက်က အနည်းငယ်ဒဏ်ရာရတယ်လို့ သိရတယ် “ လို့ပြောပါတယ်။ မြေမြှုပ်မိုင်းနင်းမိတဲ့ ငလိုင်ရွာကဒေသခံ အမျိုးသား ၂ ဦးဟာ မီဇိုရမ်ပြည်နယ်ကနေ မတူပီမြို့နယ်က မိမိနေအိမ်ကို သန့်ရှင်းရေးလာလုပ်ဖို့ ပြန်လာချိန် အခုလိုမြေမြှုပ်မိုင်းနင်းမိခဲ့တာဖြစ်ပြီး လက်ရှိမှာ ဆေးကုသမှု ခံယူနေရတယ်လို့လည်း သိရပါတယ်။ ၂၀၂၁ ခုနှစ် စစ်အာဏာသိမ်းပြီးနောက် ၃ နှစ်ကျော်ကာလအတွင်း ချင်းပြည်နယ်မှာ မြေမြှုပ်မိုင်းနင်းမိလို့ သေဆုံးခဲ့ရသူ…

မေလ ၁ ရက်။ ချင်းပြည်နယ် ၊မင်းတပ်မြို့နယ်အတွင်း ကျေးငှက်တွေ အသိုက်တွင်း ဥများ ဥချပြီး သားပေါက်ချိန်ဖြစ်တာကြောင့် ငှက်ပစ်အမဲလိုက်တာတွေကို မေလ ၁ ရက်နေ့ကနေ ဇွန်လ ၃၀ ရက်နေ့ အထိ ၂ လတိတိတားမြစ်ကြောင်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့က ဒီကနေ့ မေလ ၁ ရက်နေ့မှာ ဒေသန္တရအမိန့်ထုတ်ပြန်လိုက်ပါတယ်။ အခုချိန်ကာလဟာ ကျေးငှက်တွေအသိုက်တွင်း ဥများဥချပြီး သားပေါက်ချိန်ဖြစ်တာကြောင့် ဒီအဖိုးတန် သဘာဝတောရိုင်းတိရိစ္ဆာန်တွေကို ကာကွယ်ဖို့အတွက် လေသေနတ်၊ တူမီးသေနတ်၊ ပွိုင့်တူးတူး သေနတ်၊ လောက်လေးဂွတွေနဲ့ ငှက်ပစ်အမဲလိုက်ခြင်းကို ၂ လတိတိ တားမြစ်ကြောင်း ထုတ်ပြန်ထားပါတယ်။ မင်းတပ်မြို့နယ်အတွင်းက ကျေးငှက်တွေဟာ ရှားပါးငှက်မျိုးစိတ်တွေပါဝင်ကြပြီး အဖိုးတန်သဘာဝအမွေနှစ်တွေဖြစ်တာကြောင့် ဝိုင်းဝန်းထိန်းသိမ်းကြရမှာဖြစ်သလို အနာဂတ်ကာလတွင်လည်း ဒေသခံပြည်သူတွေအတွက် ခရီးသွားလာရေးကဏ္ထကတစ်ဆင့် ဝင်ငွေရရှိစေမှာဖြစ်တာကြောင့် တားမြစ်ချက်ကို အလေးနက်ထားလိုက်နာကြရန်နဲ့ လိုက်နာခြင်းမရှိပါက…

မေလ ၁ ရက်။ ချင်းပြည်နယ် ကန်ပက်လက်မြို့ကို ဧပြီလ ၂၉ ရက်နေ့က စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့ကာ၊ဖလမ်းမြို့နယ်ဝေဘူလမြို့ကိုလည်း ဧပြီ ၂၇ ရက်နေ့က လေကြောင်းနဲ့တိုက်ခိုက်ခဲ့လို့ ကန်ပက်လက်မြို့နဲ့ဝေဘူလမြို့မှာ အရပ်သားပြည်သူနေအိမ် များစွာထိခိုက်ပျက်စီးကာ ပြည်သူတချို့ထိခိုက်ဒဏ်ရာရခဲ့တယ်လို့ဒေသခံတွေဆီကသိရပါတယ်။ CDF – kanpetlet က တာဝန်ရှိသူတစ်ဦးက “၂၉ ရက်နေ့က လေကြောင်းကနေ တိုက်ခိုက်တာရှိပါတယ် လူအထိအခိုက်တော့ မရှိဘူး၊ အဆောက်အဦးတွေဘဲ ထိခိုက်တယ် ” လို့ပြောပါတယ်။ စစ်ကောင်စီကင်းစင်သွားပြီဖြစ်တဲ့ ဖလမ်းမြို့နယ်ထဲက ဝေဘူလမြို့ကိုလည်း ပြီးခဲ့တဲ့ ဧပြီလ ၂၇ ရက်နေ့ညက လေကြောင်းကနေ စစ်ကောင်စီတပ်ဖွဲ့က ဗုံးကြဲတိုက်ခိုက်ခဲ့လို့ အသက် ၂ နှစ်အရွယ်ကလေးငယ်တစ်ဦးအပါအဝင် ၆ ဦး ထိခိုက်ဒဏ်ရာရခဲ့ပြီး ဘုရားကျောင်း အပါအဝင် နေအိမ် ၁၅ လုံး…