ချင်းပြည်သတင်း

အောက်တိုဘာလ ၂၇ ရက်။ စစ်ကောင်စီစစ်တပ်မှ အင်အားအလုံးအရင်းဖြင့် အင်အားဖြည့် စစ်ကြောင်းထိုးလာသည့် အတွက် ကလေး-သိုင်းငင်း လမ်းကြီးပေါ်ရှိ စစ်ကောင်စီ စစ်တပ်မှ ပိတ်ဆို့ထားသည့် လမ်းပိုင်းများ လွှဲနိုင်ရန် ဖောက်ထားသည့် ဆိုင်ကယ်လမ်း(တောလမ်း)များကို ဒီကနေ့ အောက်တိုဘာလ ၂၇ နေ့က စပြီး ခေတ္တ ပိတ်ထားမယ်လို့ တီးတိန်မြို့နယ်အခြေစိုက် ချင်းလက်နက်ကိုင်တော်လှန်ရေးအဖွဲ့ဖြစ်တဲ့ CDF-CDM-Siyin က သတင်းထုတ်ပြန်လိုက် ပါတယ်။ “အခု ခေတ္တ ပိတ်လိုက်ရတဲ့ ဆိုင်ကယ်လမ်းတွေက ထုတ်ပြန်ချက်ထဲမှ ပြောထားသလိုပဲ အများပြည်သူရဲ့အသက်မွေးဝမ်းကျောင်းမှု အဆင်ပြေဖို့ ဆိုပြီး ဖောက်ထားတဲ့ တောလမ်းတွေ ဖြစ်ပါတယ်။ စစ်ကြောင်း နဲ့ တိုးမိရင် ပြည်သူတွေ အတွက် အန္တရာယ် အရမ်းများလို့ပါ” လို့ CDF-CDM-Siyin တာဝန် ရှိသူ တစ်ဦးက Chin…

အောက်တိုဘာလ ၂၂ ရက်။ ဒီဇင်ဘာလ ၂၈ ရက်မှာ စစ်ကော်မရှင်စစ်တပ်မှထိန်းချုပ်ထားတဲ့ ဟားခါးနဲ့တီးတိန်မြို့မှာသာ ရွေးကောက်ပွဲ အပိုင်း ၁ ကို ကျင်းပမှာဖြစ်ပြီး လူသူကင်းမဲ့တဲ့ ထန်တလန်မြို့အပါအဝင် လက်ရှိမှာ ချင်းဒေသကာကွယ်ရေးတပ်တွေ ထိန်းချုပ်ထားတဲ့ တွန်းဇံမြို့နယ် နှင့် ဖလမ်းမြို့နယ်တွေကတော့ ဇန်နဝါရီလမှာ ကျင်းပမယ့် ရွေးကောက်ပွဲ အပိုင်း ၂ နဲ့၃ မှာ ပါဝင်လာမယ်လို့ ချင်းပြည်နယ်ကိုယ်စားပြုပြိုင်မယ့် နိုင်ငံရေးပါတီတွေဆီက သိရှိရပါတယ်။ ရွေးကောက်ပွဲ အပိုင်း ၂ နှင့် ၃ ကို ၂၀၂၆ ခုနှစ် ဇန်နဝါရီလ အတွင်း အပြီး ပြုလုပ်သွားမယ်လို့ အောက်တိုဘာ ၁၈ နေ့က နေပြည်တော်မှာ ပြုလုပ်ခဲ့တဲ့ နိုင်ငံရေးပါတီများနဲ့ တွေ့ဆုံပွဲတွင် ပြည်ထောင်စုရွေးကောက်ပွဲ ကော်မရှင်မှ ပြောကြားသွားတယ်လို့ ချင်းပြည်နယ်အတွင်း…

အောက်တိုဘာလ ၂၁ ရက်။ ချင်းပြည်နယ် ရွေးကောက်ပွဲကော်မရှင် အဖွဲ့ခွဲမှ ၂၀၂၅ ခုနှစ် ဒီဇင်ဘာလ ၂၈ ရက်နေ့မှာ ကျင်းပမယ့် ပါတီစုံ အထွေထွေ ရွေးကောက်ပွဲမှာ ချင်းပြည်နယ်ကနေ ဝင်ရောက်ယှဉ်ပြိုင်မည့် ကိုယ်စားလှယ်လောင်းများ၏ နာမည်စာရင်းကို အောက်တိုဘာလ ၁၉ ရက်နေ့ ရက်စွဲဖြင့် ထုတ်ပြန်ခဲ့ပြီး လွှတ်တော် ၃ ရပ်( အမျိုးသား၊ပြည်သူ့၊ပြည်နယ်) လွှတ်တော်ကိုယ်စားလှယ် ၂၈ နေရာအတွက် ဝန်ကြီးဟောင်း ဦးစိုးထက်(NCC) ၊ ဝန်ကြီးဟောင်း ဦးနိုးထန်ကပ်(NCC)၊ဝန်ကြီးဟောင်းဦးပေါင်လွန်မင်ထန်း(ZNP) အပါအဝင် ကိုယ်စားလှယ်လောင်း ၈၃ ဦး ယှဉ်ပြိုင်မည် ဖြစ်ကြောင်း အမည်စာရင်းထုတ်ပြန်ချက် အရသိရပါတယ်။ ချင်းပြည်နယ်မှာ ခူမီးအမျိုးသားပါတီ (KNP) မှ တစ်နေရာ၊ ပြည်သူ့ရှေ့ဆောင်ပါတီ (PPP) မှ ၉ နေရာ၊ ဇိုမီးအမျိုးသားပါတီ…

အောက်တိုဘာလ ၂၁ ရက်။ ချင်းပြည်နယ်၊ ဟားခါးမြို့နယ် ဇာထာလ်( Zathal) ကျေးရွာကစာသင်ကျောင်းကို စစ်ကော်မရှင်တပ်က ဒီကနေ့ အောက်တိုဘာလ ၂၁ ရက်နေ့ မနက် ၁ နာရီဝန်းကျင်လောက်မှာ လေကြောင်းကနေ ၂ ကြိမ်ဗုံးကြဲတိုက်ခိုက်ခဲ့တယ်လို့ ဆဲန်ထန်ကောင်စီ(Senthang Council) က ဒီကနေ့ အောက်တိုဘာလ ၂၁ ရက်နေ့မှာထုတ်ပြန်ပါတယ်။ စစ်ကော်မရှင်က ဇာထာလ်( Zathal) ကျေးရွာစာသင်ကျောင်းကို ပစ်မှတ်ထားပြီး ၁၂ နာရီ ၅၅ မိနစ်မှာ တစ်ကြိမ် ၁နာရီမှာ ၁ ကြိမ် စုစုပေါင်း ၂ ကြိမ် လေကြောင်းကနေ ဗုံးကြဲခဲ့ပြီး အခုလို ကလေးသူငယ်နဲ့ ပြည်သူတွေပေါ် ပစ်မှတ်ထား လေကြောင်းတိုက်ခိုက်ခြင်းလုပ်ရပ်ပေါ် ပြင်းထန်စွာ ကန့်ကွက်တဲ့ကြောင်းကိုလည်း ဆဲန်ထန်ကောင်စီက ထုတ်ပြန်ပါတယ်။ စစ်ကော်မရှင်အနေနဲ့ ၎င်းတို့…

အောက်တိုဘာလ ၂၁ ရက်။ ချင်းပြည်နယ်၊ မင်းတပ်မြို့နယ်ကနေ မကွေးတိုင်း၊ ဆောမြို့ကို စစ်ဘေးရှောင်နေတဲ့ အသက် ၆၂ ကျော်အရွယ် ချင်းအမျိုးသမီးတစ်ဦးဟာ အောက်တိုဘာလ ၁၇ ရက်နေ့က ပျောက်ဆုံးခဲ့ပြီး အောက်တိုဘာလ ၁၉ ရက်နေ့မှာ ရတနာပစ္စည်းလုယူခံရပြီး ရက်ရက်စက်စက် သတ်ဖြတ်ခံထားကာ ဆာလာအိတ်နှင့် ထုတ်ထားတဲ့ သေဆုံးလျက် သူမအလောင်းကို ဒေသခံတွေက ပြန်တွေ့ကြတယ်လို့ သိရပါတယ်။ ဆောမြို့ကို စစ်ဘေးရှောင်နေတဲ့ မင်းတပ်မြို့နယ် ဒေါက်ဒွေကျေးရွာက ဒေါ်ရှိန်းခေါဝါ (၆၂) နှစ်အရွယ်ဟာ အောက်တိုဘာလ ၁၇ ရက်နေ့က ထင်းရှာဖို့ သန်းပင်ခုံ စုန်းတလင်းပြင် ဥယျာဉ်တောဖက်ကို ထွက်သွားရင်း ပျောက်ဆုံးခဲ့ကာ ရပ်ကွက်နေပြည်သူတွေက လိုက်လံရှာဖွေခဲ့ကြပြီး အောက်တိုဘာလ ၁၉ ရက်နေ့ နေ့လည် ၁ နာရီခွဲခန့်မှာ ဥယျာဉ်တောထဲမှာ ဆောက်ထားတဲ့…

အောက်တိုဘာလ ၁၈ ရက်။ မိုးတွင်းကာလမှာ ကလေး-တီးတိန်လမ်း ပျက်စီး နေတာ ကြောင့် ကလေး-တီးတိန် လမ်းလွှဲ အဖြစ် အသုံးပြုသည့် ခိုင်ကမ်း-ပိမ်းပိ-တွီးဆောက်-ဆူဇန် လမ်းပိုင်းကို စက်တင်ဘာလ နောက်ဆုံးပတ် ကနေ စတင်ပြီး အရပ်ဘက်လူမူအဖွဲ့အစည်း/လူပုဂ္ဂိုလ်များမှ ဦးဆောင် ပြုပြင် ခဲ့တာကြောင့် လမ်းပိုင်းတလျှောက် အပျက်အစီး နည်းလာကာ လမ်းခရီးပိုမို မြန်ဆန် လာတယ် လို့ လမ်းပြုပြင်ရေး ဦးဆောင်သူ ထံမှ သိရှိရပါတယ်။ “မြေသားလမ်း ဖြစ်နေတော့ မိုးတွင်းမှာ အတော် ပျက်စီးခဲ့တယ်။ စက်တင်ဘာလ နောက်ဆုံးပတ် ကနေ ကျွန်ုပ်တို့ အရပ်ဘက်တွေက ဦးဆောင် အလှူခံပြီး JCB ငှားရမ်း ပြုပြင်ခဲ့တာပါ။ သက်ဆိုင်သူ အားလုံးက ကဏ္ဍ အသီးသီး ကနေ ကူညီ ပေးကြပါတယ်။…

အောက်တိုဘာလ ၁၇ ရက်။ ချင်းပြည်နယ် ဇိုတုန်ဒေသက ဂန့်ဂေါ – အိုက်ကား လမ်းနဲ့ ဟားခါး-မတူပီလမ်း တွေမှာ ၂၀၂၅ခုနှစ် မိုးရာသီကာလတစ်လျှောက်လုံး မိုးအဆက်မပြတ်ရွာသွန်းတာကြောင့် လမ်းမြေပြိုမှုတွေ၊ တွေ လမ်းပျက်စီးမှုအလွန်များပြားခဲ့လို့ ပြုပြင်ဆောင်ရွက်နိုင်ဖို့ ရန်ပုံငွေတွေ များစွာလိုအပ်နေတယ်လို့ ဇိုတုန်ဖက်ဒရယ်ကောင်စီက အောက်တိုဘာလ ၁၆ ရက်နေ့မှာ ထုတ်ပြန်ပါတယ်။ အောက်တိုဘာလ ၁၀ ရက်နေ့က ဂန့်ဂေါ-အိုက်ကားလမ်းပိုင်း ၄၆ မိုင်မှာ တောင်ပြိုကြီးနေရာတွင် မြေပြိုကားလမ်းပိတ်ခဲ့ပြီး ၎င်းမြေပြိုကို အောက်တိုဘာလ(၁၅)ရက်နေ့တွင်မြေပြိုဖယ်ထားသော်လည်းကျောက်တုံးကြီးများ ဆက်တိုက်ကျနေသောကြောင့် မြေပြိုမဖယ်နိုင်၍ ရပ်နားခဲ့ရပါကြောင်း၊အောက်တိုဘာလ (၁၆)ရက်နေ့တွင် မြေပြိုထပ်ဖယ်ကာ နေ့လည် ၁၂ နာရီမှာ လမ်းပွင့်ပြီး ကားအချို့ဖြတ်သန်းသွားလာခဲ့ကြပါကြောင်း၊ညနေ ၁ နာရီမှာမြေထပ်ပြိုကာ ကျောက်ခဲများအဆက်မပြတ်ထပ်ကျ၍ မြေပြိုဖယ်လို့မရသဖြင့် ရပ်နားခဲ့ရပါကြောင်း၊ထပ်ပြီးမြေပြိုနိုင်ခြေရှိပါသဖြင့် လမ်းရှင်းထားပြီးလမ်းပွင့်ချိန်တွင် ဖြတ်သန်းသွားလာထားကြပါရန် လိုအပ်တယ်လို့ ဇိုတုန်ဖက်ဒရယ်ကောင်စီက အသိပေးထုတ်ပြန်ထားပါတယ်။…

အောက်တိုဘာလ ၁၆ ရက်။ ချင်းပြည်နယ်၊ ဟားခါးမြို့ မြို့မ ရဲစခန်းကို ဒီကနေ့ အောက်တိုဘာလ ၁၆ ရက်နေ့ မနက်ပိုင်း ၃ နာရီလောက်မှာ CDF – Hakha နဲ့ ပူးပေါင်းတပ်ဖွဲ့တွေက ဝင်ရောက်တိုက်ခိုက်ခဲ့ပြီး အကျဉ်းသား ၁၅ ဦးကိုလည်း ကယ်ထုတ်နိုင်ခဲ့တယ်လို့ ချင်းအမျိုးသားတပ်ဦး CNF / CNA ပြောရေးဆိုခွင့်ရှိသူ ဆလိုင်းထက်နီက Chin World Media ကိုပြောပါတယ်။ ချင်းအမျိုးသားတပ်ဦး(CNF / CNA) ပြောရေးဆိုခွင့်ရှိသူ ဆလိုင်းထက်နီက “ဒီကနေ့ မနက်ပိုင်း ၃ နာရီလောက်ကနေ စဖြစ်တာပါ အကျဉ်းသား ၁၅ ဦး ကယ်ထုတ်နိုင်ခဲ့ကြတယ် တိုက်ခိုက်မှုအတွင်း စစ်ကောင်စီ ဘက်က ၅ ဦးကျတယ် တို့ဘက်က တစ်ဦးကျတယ်…

အောက်တိုဘာလ ၁၄ ရက်။ စစ်ကော်မရှင်ဟာ ၎င်းတို့၏ ရွေးကောက်ပွဲအကြိုကာလများတွင် အရပ်သားနေရာများအား ဂျက်တိုက်လေယာဉ်များဖြင့် ဗုံးကြဲတိုက်ခိုက်မှုများ ချင်းပြည်အနှံ့ ဆက်တိုက်လုပ်ဆောင်နေခြင်း သည် တရားမဝင်ရွေးကောက်ပွဲဖြစ်ခြင်းကို ပေါ်လွန်ပြသခြင်းဖြစ်ပြီး မည်သူမျှ ရွေးကောက်ပွဲတွင် လုံးဝ မပါဝင်ကြရန်နှင့် ပါဝင်သူများကို ထိရောက်စွာ အရေးယူမယ်လို့ ဟားခါးမြို့နယ်မှာ စစ်ရေးလှုပ်ရှားနေတဲ့ ချင်းလက်နက်ကိုင်တော်လှန်ရေးအဖွဲ့ဖြစ်တဲ့ CDF-Hakha တပ်ဖွဲ့က ဒီကနေ့ အောက်တိုဘာလ ၁၄ ရက်မှာသတင်းထုတ်ပြန်ပါတယ်။ ဟားခါးမြို့နယ်၊ ဗန်ဟားကျေးရွာက ကျောင်းကို အောက်တိုဘာလ (၁၃)ရက်နေ့က ကျောင်းသား/သူများ စာသင်ချိန် မနက် ၁၀နာရီခန့်တွင် စစ်ကော်မရှင်မှ ကြောက်မက်ဖွယ်ရာနှင့် ရက်စက်ကြမ်းကြုတ်စွာ လေကြောင်းတိုက်ခိုက်ခဲ့ရာ ကျောင်းသားတစ်ဦး(၈နှစ်)နှင့် ကျောင်းသူ တစ်ဦး(၁၂နှစ်)သေဆုံးရပြီး (၂၁)ဦး ဒဏ်ရာ (၂ဦးစိုးရိမ်) ရရှိဆုံးရှုံးခဲ့ရသည့်အတွက် ပြင်းထန်စွာ ကန့်ကွက်ရှုတ်ချသလို ခံစားရသူ မိသားစုနှင့် ရွာသူရွာသားများနဲ့အတူ…

အောက်တိုဘာလ ၁၄ ရက်။ ပညာရေးအဆောက်အအုံတွေကို စစ်ကော်မရှင်တပ်က ပစ်မှတ်ထားပြီး လေကြောင်းတိုက်ခိုက်မှုတွေကြောင့် ဟားခါးမြို့နယ်အတွင်းရှိ CDF – Hakha ဗဟိုကောင်စီ၊ ပညာရေးဌာန လက်အောက်က ကျောင်းတွေအားလုံးကို အောက်တိုဘာလ ၁၃ ရက်နေ့ကစလို့ ခေတ္တပိတ်ထားကြောင်း သတင်းထုတ်ပြန်ထားပါတယ်။ မနေ့ အောက်တိုဘာလ ၁၃ ရက်နေ့ မနက် ၁၀ နာရီခွဲ၀န်းကျင်က ဟားခါးမြို့နယ်၊ ဗန်ဟား ( Vanha) ကျေးရွာရှိ စာသင်ကျောင်းကို ဂျက်လေယာဉ်နဲ့ လေကြောင်းကနေ ဗုံးကြဲတိုက်ခိုက်ခဲ့လို့ ကျောင်းသား (၂) ဦးသေဆုံးပြီး ထိခိုက်ဒဏ်ရာရရှိခဲ့သူတွေလည်း ရှိခဲ့ပြီးနောက် CDF – Hakha ဗဟိုကောင်စီ အခုလို ထုတ်ပြန်လိုက်တာဖြစ်ပါတယ်။ Vanha ကျေးရွာက စာသင်ကျောင်းကို စစ်အုပ်စုက ဂျက်လေယာဉ်နဲ့ လေကြောင်းတိုက်ခိုက်မှု ၂ ကြိမ်ပြုလုပ်ခဲ့လို့…