နိုဝင်ဘာလ ၅ ရက်။ မကွေးတိုင်း၊ ငဖဲမြို့နယ်က အရှိုချင်းတိုင်းရင်းသားတွေ နေထိုင်တဲ့ချင်းရွာတွေမှာ ဒီနှစ် ဖေဖော်ဝါရီလောက်ကစလို့ ယခုအချိန်အထိ ငှက်ဖျားရောဂါ အဖြစ်များနေပြီး ရိက္ခာနဲ့ဆေးဝါးတွေသယ်ယူခွင့်ကိုစစ်ကောင်စီက ရံဖန်ရံခါ ပိတ်ဆို့တာတွေကြောင့် ဒေသခံတွေ ငှက်ဖျားရောဂါကူးစက်မှုဒဏ်အလူးလဲခံစားနေရပြီး ငှက်ဖျားရောဂါနဲ့လည်း ဒေသခံ ချင်းလူငယ်အမျိုးသား ၂ ဦး သေဆုံးပြီလို့ ဒေသခံတွေဆီကနေ သိရပါတယ်။ ဒေသခံတစ်ဦးက “ဒေသခံတွေက ဆေးဝါးတွေကို ပဒါန်းမြို့မှာအရင်နှစ်တွေ တုန်းကဝယ်လို့ရတယ်။ ဒီနှစ်မှာ ပဒါန်းမြို့ပေါ်မှာလည်း ဆေးဝါးတွေ တော်တော်ပြတ်လပ်တယ်။ အထူးသဖြင့်အခုလို ငှက်ဖျားနဲ့ပက်သက်ပြီး တော်တော်လေးကိုမရှိဘူး။ အရင်တုန်းက ပဒါန်းမြို့က ကြိုက်တဲ့ဆိုင်မှာ ဝယ်ယူလို့ရတယ် ဒီနှစ်မှာ ဝယ်ယူလို့မရဘူး။ ပြီးရင် စစ်ကောင်စီက ဖေဖော်ဝါရီလ၊ မတ်လ၊ တွေတုန်းကစပြီးရိက္ခာနဲ့ပက်သက်ပြီး ရံဖန်ရံခါစစ်ဆေးတယ်။ ရိက္ခာတွေ၊ ဆေးဝါးတွေသယ်ယူခွင့်မပေးဘူး အဲလိုမျိုး ရံဖန်ရံခါ စစ်ဆေးတယ်။ သယ်ယူခွင့်မပေးတာမျိုးပေါ့။…

နိုဝင်ဘာလ ၄ ရက်။ မကွေးတိုင်း၊ငဖဲမြို့နယ်က အရှိုချင်းတိုင်းရင်းသားတွေ နေထိုင်တဲ့ ချင်းရွာတွေမှာ ငှက်ဖျားရောဂါအဖြစ်များနေပြီး ဆေးဝါးတွေကိုလည်း စစ်ကောင်စီက ပိတ်ဆို့ထားတာကြောင့် ဝယ်ယူလို့ မရကြဘူးလို့ ဒေသခံတွေဆီကနေ သိရပါတယ်။ ဒေသခံတစ်ဦးပြောတာက “ဗမာတွေအသိများတာက တောင်ပေါ်ဒေသချင်းအုပ်စုလို့ အသိများတယ် ချင်းရွာတွေမှာ နှစ်တိုင်းလိုလို ငှက်ဖျားဖြစ်တယ် အရင်နှစ်တွေက အဲဒီက ဒေသခံတွေက ငှက်ဖျားစစ်ဆေးတဲ့ ဆေးဝါးကိရိယာတွေ ပဒါန်းမြို့မှာသွားဝယ်လို့ရတယ် အခုကြတော့ ပဒါန်းမြို့မှာလည်း အဲဒီဆေးဝါးတွေမရှိတော့ဘူး ငှက်ဖျားနဲ့ပက်သက်ပြီးဆေးဝါးတွေ ရောင်းချတာမရှိတော့ဘူး။ စစ်ကောင်စီကနေ အဲဒီဘက်မှာ တော်လှန်ရေးတပ်ဖွဲ့တွေရှိတယ်ဆိုပြီးမှ ဆေးရောင်းချတာတွေ ကန့်သတ်ထားတွေရှိတော့ ငှက်ဖျားနဲ့ပက်သက်ပြီး ဆေးဝါးတွေ ဝယ်လို့မရကြဘူး။ ဆေးဝါးနဲ့ပက်သက်ပြီး တော်လှန်ရေးတပ်ဖွဲ့တွေက ဆေးဝါးဝယ်တယ်သယ်တယ်ဆိုတဲ့ စွပ်စွဲချက်လည်းရှိတယ် ဆေးဆိုင်တွေကလည်း မရောင်းရဲကြတဲ့ အနေထားဖြစ်တယ် အခုတော့ဆေးနဲ့ပက်သက်တာတွေ ဘာမှဝယ်ယူလို့ မရကြဘူး။ အခုတစ်ရွာကို အနည်းဆုံး ငါးယောက်၊ ဆယ်ယောက်လောက်က…

နိုဝင်ဘာလ ၄ ရက်။ ချင်းပြည်နယ် မတူပီမြို့အနီးက ငလိုင်ကျေးရွာ ဘုရားကျောင်းတွေထဲမှာ CDF – မတူပီ တပ်မဟာ (၁)၊ ချင်းညီနောင်နဲ့ မဟာမိတ်အဖွဲ့ဘက်က တပ်ချထားတာမျိုးမရှိတဲ့အကြောင်းနဲ့ ငလိုင်ရွာနှင့်အနီးနားပတ်ဝန်းကျင်မှာသာချင်းညီနောင်အဖွဲ့အနေနဲ့ တပ်စခန်းချထားတာ ဖြစ်ကြောင်း CDF – မတူပီ တပ်မဟာ (၁) ပြောရေးဆိုခွင့်ရှိသူ ကိုဘွေအုပ်က Chin World Media ကိုပြောပါတယ်။ CDF – မတူပီ တပ်မဟာ (၁) ပြောရေးဆိုခွင့်ရှိသူ ကိုဘွေအုပ်က “လက်ရှိမှာ CB နဲ့ မဟာမိတ်က ဘုရားကျောင်းထဲ တပ်ထိုင်ထားတာမရှိဘူး။ သူတို့က ဒရုန်းဓာတ်ပုံတွေ တင်ထားတာရှိပါတယ်။ အဲဒီပုံမှာလည်း လက်နက်ကိုင်လှုပ်ရှားတာ မရှိပါဘူး။ ဘုရားကျောင်းမှာ တပ်ချထားတယ်၊ ဘုရားကျောင်းတွေကို ဖျက်ဆီးနေတယ်ဆိုတာမဟုတ်ပါဘူး။ ချင်းညီနောင်တပ်ထဲမှာ ချင်းခရစ်ယာန် ယုံကြည်သူတွေလည်းအများကြီးပါ။…

နိုဝင်ဘာလ ၂ ရက်။ အိန္ဒိယနိုင်ငံဘက်မှ ၃ လခန့်ကြာ ပိတ်ထားခဲ့သည့် အိန္ဒိယ-မြန်မာ နယ်စပ်၊ချင်းပြည်နယ်၊ ရိဒ်မြို့က နယ်စပ်ကုန်သွယ်ရေးဂိတ်ကို အောက်တိုဘာလ လယ် ကနေ ပြန်လည်ဖွင့်လှစ်လာခဲ့ပြီးနောက်ပိုင်း ရက်ပိုင်းကြာတဲ့အထိ နယ်စပ်ကုန်သွယ်ရေးဂိတ်ကို ပြန်ပိတ်တာမျိုး မရှိသေးကြောင်း ဒေသခံများထံမှ စုံစမ်း သိရှိရ ပါတယ်။ “အခုက တံတားကို တခါတလေ လာပိတ် တတ်တယ်။ ရက်ပိုင်းထိ ကြာအောင် ပိတ်တာမျိုး မရှိသေးဘူး။ နာရီ ပိုင်း လောက်ပဲ။ ကုန်တင်ကားတွေဆို ပြန်မလှည့် တော့ဘဲ ဂိတ် ပြန်ဖွင့်မယ့် အချိန်ကို တန်းစီ စောင့်ဆိုင်း ကြတာ တွေ့ရတယ်” လို့ ရိဒ်(ခ)ရိဒ်ခေါဒါရ်မြို့ဒေသခံမှ ပြောပြပါတယ်။ ရိဒ်ကုန်သွယ်ရေးဂိတ် ကို ကုန်စည်တင်ကားများ ဖြတ်သန်းခွင့် မပြုဘဲ၊ လူတစ်ဦး နှင့်အတူ…

နိုဝင်ဘာလ ၂ ရက်။ တီးတိန်မြို့နယ်၊မံဆောင်းတံတားမှာကုန်ကားကြီးများ၏ ကုန်ပစ္စည်းများ သယ်ဆောင်ခြင်း နှင့် ပတ်သက်ပြီး ယာယီတံတား ကော်မတီမှ စီမံရာမှာ စီနီယာ အလိုက်ချိတ်ဆက်မှုကို ကျော်လွန်ပြီး ကော်မတီအဖွဲ့ဝင်များ၏ ကားများကို ဦးစားပေး လုပ်ကိုင်ပေးမှုကြောင့် အငြင်းပွားဖွယ်ရာများ ရှိလာရာမှ လွန်ခဲ့တဲ့ ၂ ပတ်ကစပြီး PDF-Zoland တပ်ဖွဲ့ဝင်များ ဝင်ရောက်ထိန်းချုပ်လာကာ အစဉ်လိုက် တန်းစီမှုကို စီမံလိုက် သဖြင့် လက်ရှိတွင် ကုန်တင်ကုန်ချ ဦးစားပေးမှု ပြဿနာ ပြေလည် သွားကြောင်း မံဆောင်းတံတားတွင် ကုန်တင်ကုန်ချ အလုပ်သမား လုပ်သူတစ်ဦး ထံမှ သိရှိခဲ့ရ ပါတယ်။ “အရင်ရောက်ပြီး စီနီယာ ချိတ်တဲ့ ကားတွေကို ကျော်တက်ပြီးတော့ အသိတွေရဲ့ ကားတွေကို ဦးစားပေးပြီး ကုန်ကဲ့ယူ စေခဲ့တာ။ ပြဿနာ အကြီးကြီး…

နိုဝင်ဘာလ ၁ ရက်။ ချင်းပြည်နယ် မင်းတပ်မြို့ပေါ်က နေအိမ် အလုံး (၃၀) ကို ပြီးခဲ့တဲ့ အောက်တိုဘာတစ်လတွင်း စစ်ကောင်စီက မီးရှို့ဖျက်ဆီးခဲ့သလို လေကြောင်းတိုက်ခိုက်မှုလည်း (၇၇) ကြိမ်လုပ်ခဲ့တယ်လို့ CDF – Mindat က ဒီကနေ့နိုဝင်ဘာလ ၁ ရက်နေ့မှာ ထုတ်ပြန်ပါတယ်။ မင်းတပ်မြို့ အနောက်ရပ်ကွက်က အရပ်သားနေအိမ် ၂၈ လုံးနဲ့ အရှေ့ပြင်ရပ်ကွက်က နေအိမ် ၂ လုံး စုစုပေါင်း အိမ်အလုံးပေါင်း ၃၀ ကို စစ်ကောင်စီက မီးရှို့ဖျက်ဆီးခဲ့တယ်လို့ CDF – Mindat က ထုတ်ပြန်ပါတယ်။ အောက်တိုဘာလအတွင်း ချင်းကာကွယ်ရေးတပ်ဖွဲ့ဝင် ၄ ဦး တိုင်းပြည်နဲ့ လူမျိုးအတွက် အသက်ပေးခဲ့ရတယ်လို့လည်း CDF – Mindat ကထုတ်ပြန်ထားပါတယ်။…

နိုဝင်ဘာလ ၁ ရက်။ ချင်းပြည်နယ်၊ ဖလမ်းမြို့တွင်းမှာ နေ့စဉ်ရက်ဆက် ပစ်ခတ်မှုတွေတိုက်ပွဲတွေ ဖြစ်ပြီးတဲ့နောက်ပိုင်း ဖလမ်းမြို့တွင်းမှာ လူထိခိုက်သေဆုံးမှုတွေ ရှိလာတဲ့နောက်ပိုင်း မြို့ပေါ်နေ ဒေသခံပြည်သူအားလုံးနီးပါးဟာ ဘေးလွတ်ရာကို ထွက်ပြေးတိမ်းရှောင်နေကြရတယ်လို့ ဖလမ်းမြို့ဒေသခံတွေဆီကနေ သိရပါတယ်။ ပုံမှန်နေထိုင်သူလူဦးရေ ၁ သောင်းဝန်းကျင်ရှိတဲ့ ဖလမ်းမြို့မှာ မြို့တွင်းတိုက်ပွဲတွေပြန်ဖြစ်မယ်လို့ ချင်းအမျိုးသားကာကွယ်ရေးတပ်ဖွဲ့ (CNDF)က ထုတ်ပြန်တာမျိုး မရှိပေမယ့် တိုက်ပွဲဖြစ်တော့မယ်ဆိုတဲ့ သတင်းတွေထွက်ပေါ်နေခဲ့တာေကြာင့် မြို့ပေါ်ကဒေသခံများဟာတိုက်ပွဲမဖြစ်ခင်ကတည်းက နီးစပ်ရာ ကျေးရွာတွေနဲ့ တခြားဒေသတွေကို ကြိုတင်ထွက်ပြေးတိမ်းရှောင်ခဲ့ကြကာ မြို့ရဲ့ လူဦးရေ ၃ ပုံမှာ ၁ ပုံလောက်သာ မြို့မှာကျန်ခဲ့ရာမှ လက်ရှိအချိန်မှာ ေတာ့ ဒေသခံအားလုံးနီးပါးဟာ ဘေးလွတ်ရာတခြားနေရာဒေသတွေကို ထွက်ပြေးတိမ်းရှောင်နေရတာလည်းဖြစ်ပါတယ်။ ဖလမ်းမြို့ဒေသခံတစ်ဦးက “မြို့ပေါ် ဒေသခံအများစု ၉၅ ရာခိုနှန်းထွက်ပြေးကြတယ်။ အားလုံးနီးပါး ထွက်ပြေးတိမ်းရှောင်တယ်လို့ ပြောလို့ရတယ်။ အခုကျန်ခဲ့တဲ့ အနည်းငယ်ကလည်းနောက်အပတ်လောက်ဆိုရင်…

နိုဝင်ဘာလ ၁ ရက်။ ချင်းပြည်နယ် မတူပီမြို့နယ် အောက်ချင်းတပ်ရင်းထိန်းချုပ်နယ်မြေမှာ ချင်းလဲန်းကာကွယ်ရေးတပ် – မတူပီ(CDF-Matupi) (တပ်မဟာ၁)က နယ်မြေခံတပ်ရင်းရဲ့ ခွင့်ပြုခြင်းမရှိဘဲ တပ်ချခြင်း၊ စစ်ကြောင်းထိုးခြင်းတွေ လုပ်တာ ကန့်ကွက်တယ်လို့ ချင်းလဲန်းကာကွယ်ရေးတပ်၊မတူပီ တပ်မဟာ (၂)၊ အောက်ချင်းတပ်ရင်းက အောက်တိုဘာလ ၃၁ ရက်နေ့မှာ ထုတ်ပြန်ထားပါတယ်။ ချင်းလဲန်းကာကွယ်ရေးတပ်၊ မတူပီ ဖွဲ့စည်းချိန်မှာ နယ်မြေခံတပ်ရင်း၏ ခွင့်ပြုချက်မရှိဘဲ အခြားတပ်ရင်းနယ်မြေမှာ တပ်ချခြင်းနဲ့ စစ်ကြောင်းထိုးခြင်း မပြုလုပ်ဖို့ သဘောတူခဲ့ကြပြီး ဖြစ်တယ်လို့ ထုတ်ပြန်ထားပါတယ်။ အခုချိန်မှာ ချင်းလဲန်းကာကွယ်ရေးတပ် – မတူပီ (တပ်မဟာ၁)က ရခိုင့်တပ်တော် (AA) အင်အားကို အားကိုးပြီး အောက်ချင်းတပ်ရင်းထိန်းချုပ်နယ်မြေမှာ တပ်ချခြင်း၊ စစ်ကြောင်းထိုးခြင်း ဘာသာရေးအဆောက်အဦး၊ စာသင်ကျောင်းတွေမှာ နေရာယူခြင်း ပြည်သူတွေကို အတင်းအဓမ္မစည်းရုံးရေးပြုလုပ်ခြင်းနဲ့ ပြည်သူတွေသွားလာခြင်းကို ပိတ်ပင်တားဆီးတာမျိုး…

အောက်တိုဘာလ ၃၁ ရက်။ စစ်ကိုင်းတိုင်း ကလေးမြို့အနောက်ဘက်က ချင်းလူမျိုးတွေ အများစုနေထိုင်တဲ့ တာဟန်း၊တောင်ဖီလာ၊တောင်ဇလပ်ရပ်ကွက်တွေဘက်ကို စစ်ကောင်စီက အင်အားအများအပြားနဲ့ သန်းခေါင်စာရင်း ကောက်ယူခဲ့တဲ့ကြောင်း ကလေးမြို့ဒေသခံတွေဆီကနေ သိရပါတယ်။ ကလေးမြို့ဒေသခံတစ်ဦးက“သန်းခေါင်စာရင်းကောက်တာက မြို့ပေါ်အရှေ့ပိုင်းတွေပြီးသွားလို့ ဟိုတနေ့က တာဟန်းဘက်ကို အင်အားအများကြီးနဲ့ ရဲတွေလည်းအများကြီးနဲ့ ကောက်တာတွေ့တယ် သွားလာတာတွေ့တယ် မြို့အရှေ့ပိုင်း မင်္ဂလာဥယာဉ်တို့ ညောင်ပင်သာတို့ ပင်လုံ၊ အောင်သစ္စာတို့ အောင်ဇေယျနဲ့ မြို့သာဘက်တွေလည်း ကောာက်တယ်” လို့ပြောပါတယ်။ အောက်တိုဘာလ (၁) ရက်နေ့ကစလို့ စစ်ကောင်စီက တစ်နိုင်ငံလုံးအတိုင်းအတာနဲ့ သူတို့ထိန်းချုပ်ထားနိုင်တဲ့ နေရာတွေမှာ သန်းခေါင်စာရင်းကောက်ယူတာတွေကို အောက်တိုဘာလ ၁၅ ရက်နေ့အထိကောက်ယူခဲ့ပေမယ့် အချိန်မှီမကောက်ယူနိုင်တာတွေ ရှိတာကြောင့် အောက်တိုဘာလ ၃၁ ရက်နေ့အထိ ထပ်တိုးကောက်နေတာလည်း ဖြစ်ပါတယ်။ ကလေးမြို့ပေါ် အရှေ့ဘက်ရပ်ကွက်တွေဖြစ်တဲ့ မင်္ဂလာဥယျာဉ်ရပ်ကွက်၊ ညောင်ပင်သာရပ်ကွက်၊ အောင်သစ္စာ၊ အောင်ဇေယျ၊…